O Oe o se Atalii/Afafine Faapelepele o le Atua

Sa e nofo faatasi ma le Tama Faalelagi, o le silafia mea uma lava ma e alofa i tagata uma. E finagalo o Ia ia e pei o Ia! Na Ia tuuina mai ia te oe se tino, tomai, ma ni meaalofa faaleagaga. E finagalo o Ia mo oe ma Ana fanau uma ina ia iloa ma atiina ae nei meaalofa. Na Ia tuuina mai ia i tatou se fuafuaga e fesoasoani ia i tatou ina ia fiafia ma faamanuia atu i isi.

Na e sau i le lalolagi mai le lagi. O oe o se vaega o se aiga.

E te osifeagaiga e mulimuli ia Iesu Keriso pe a e papatiso ma pe a e ’ai ma inu i le faamanatuga.

Pe a faamauina oe, e te maua le meaalofa o le Agaga Paia e taitaia oe.

E mafai ona e maua le olioli ma le filemu pe a e filifili e ola e pei ona soifua ai Iesu.

E mafai ona e aoao ma tuputupu ae. E mafai ona e alofa ma auauna atu i isi e pei ona faia e Iesu.

Na auina mai e le Tama Faalelagi Lona Alo, o Iesu Keriso, e avea ma faataitaiga ma ia mafai ai ona e salamo ma suia.

E mafai ona e osia ni feagaiga i le malumalu lea o le a fesoasoani ia te oe ina ia toe nonofo faatasi ai ma le Tama Faalelagi.