Ang Akong mga Sumbanan sa Ebanghelyo

Ang mga sumbanan sa ebanghelyo motabang nimo sa paglihok sama ni Jesus. Puweding makahatag kini nimo og mga ideya alang sa bag-ong mga kalihokan nga planuhon ug buhaton.

• Sundon nako ang plano sa Langitnong Amahan alang kanako.

• Hinumduman nako ang akong pakigsaad sa bunyag ug maminaw sa Espiritu Santo.

• Pilion naku ang matarung. Nasayud ko nga makahinulsol ko kon makahimo ko og sayop.

• Magmatinud-anon ako sa Langitnong Amahan, sa uban, ug sa akong kaugalingon.

• Gamiton nako ang mga ngalan sa Langitnong Amahan ug ni Jesukristo sa matinahurong paagi.

• Dili ko mamalikas o mogamit og bastos nga mga pulong.

• Himoon ko kadtong mga butang sa Igpapahulay nga makatabang kanako nga mobati og kasuod ngadto sa Langitnong Amahan ug ni Jesukristo.

• Tahuron nako ang akong mga ginikanan ug mohimo sa akong bahin sa pagpalig-on sa akong pamilya.

• Akong himoong sagrado ug putli ang akong hunahuna ug lawas, ug dili nako gamiton ang mga butang nga makadaot kanako.

• Magsinina ako og tarung aron sa pagpakita og pagtahud sa Langitnong Amahan ug sa akong kaugalingon.

• Mobasa ko, motan-aw, ug maminaw lamang og mga butang nga makapahimuot sa Langitnong Amahan.

• Maminaw lamang ako og musika nga makapahimuot sa Langitnong Amahan.

• Mangita ko og maayong mga higala ug magbinuotan ngadto sa uban.

• Magpuyo ako karon nga mahimong takus nga moadto sa templo ug mohimo sa akong bahin aron makaangkon og mahangturong pamilya.