“Ikaw Usa ka Bililhon nga Anak sa Dios,” Personal nga Kalamboan: Giya nga Basahon sa Kabataan (2019)

“Ikaw Usa ka Bililhon nga Anak sa Dios,” Personal nga Kalamboan: Giya nga Basahon sa Kabataan

Ikaw Usa ka Bililhon nga Anak sa Dios

Ikaw sa usa ka higayon nagpuyo uban sa Langitnong Amahan, kinsa nasayud sa tanang butang ug nahigugma sa tanan. Gusto Niya nga ikaw mahisama Kaniya! Gihatagan ka niya og lawas, mga abilidad, ug espirituhanong mga gasa. Gusto Niya nga ikaw ug ang tanan Niyang mga anak makadiskubre ug makapalambo niini nga mga gasa. Gihatagan kita Niya og plano nga makatabang kanato nga magmalipayon ug makapanalangin sa uban.

langit ug mga pamilya — Mianhi ka sa yuta gikan sa langit. Kabahin ka sa usa ka pamilya.

Mipakigsaad ka nga mosunod ni Jesukristo dihang ikaw gibunyagan ug dihang miambit ka sa sakrament.

pagkumpirma — Sa dihang gikumpirmahan ka, nadawat nimo ang gasa sa Espiritu Santo nga mogiya nimo.

mga tawo nga naa sa gawas sa chapel — Makakita ka og hingpit nga kalipay ug kalinaw kon pilion nimo ang pagpuyo sama sa gibuhat ni Jesus.

mga tawo nga naghimo og mga kalihokan — Makakat-on ka ug mouswag. Makahigugma ug makaserbisyo ka sa uban sama sa gibuhat ni Jesus.

Si Jesus nga nagtudlo sa mga tawo — Ang atong Langitnong Amahan mipadala sa Iyang Anak, nga si Jesukristo, aron mahimo natong ehemplo ug mohimong posibli alang kanato nga maghinulsol ug mag-usab.

pamilya nga naa sa gawas sa templo — Puwede ka nga mohimo og mga pakigsaad sa sulod sa templo nga makatabang nimo sa pagpuyo pag-usab uban sa Langitnong Amahan.