Mga Ideya alang sa Pag-uswag sa Tanang Aspeto sa Kinabuhi

Adunay daghan kaayong paagi nga makauswag ka sa imong kinabuhi! Pagkuha og mga ideya gikan sa mosunod nga mga pahina, o paghunahuna og imong kaugalingon. Hangyoa ang Langitnong Amahan sa pagtabang kanimo nga masayud unsay gikinahanglan nimong trabahoon karon.

Makakita ka og dugang nga mga ideya sa ChildrenandYouth.ChurchofJesusChrist.org ug sa Gospel Living nga app.

Espiritwal

• Pag-ampo nga kinasingkasing.

• Tun-i ang mga kasulatan ug mga pulong sa buhi nga mga propeta.

• Pangita og mga oportunidad nga makapaambit sa ebanghelyo.

• Diskubreha ug palamboa ang imong espirituhanong mga gasa.

• Pangandam alang sa imong patriyarkal nga panalangin.

• Pagkuha ug paghupot og rekomend sa templo sa takus nga paagi.

• Trabahoa ang imong family history ug pagserbisyo sa templo.

• Pagpasalamat kada adlaw.

• Sunda ang usa ka sugo sa mas kompletong paagi.

• Tun-i ang kinabuhi ni Kristo.

• Ambit sa sakramento matag semana sa takus nga paagi.

• Apil sa seminary.

Sosyal

• Hatagig dugang pagtagad ang mga panginahanglan sa uban.

• Kat-uni ang pagpaminaw og maayo ug pagpahayag og mga ideya sa klarong paagi.

• Higugmaa ug serbisyuhi ang mga tawo sa imong palibut.

• Paggahin og panahon uban sa pamilya.

• Pangandam nga mahimong kapikas ug ginikanan.

• Pagpalambo og kalig-on—ang abilidad nga makapahiangay ug makalahutay kon mahimong lisud ang mga butang.

• Apil sa mga kalihokan sa eskwelahan ug komunidad.

• Pangita og mga paagi sa pag-atiman sa mga kabus.

• Pagkat-on sa pagpangayo og pasaylo. Pagkat-on sa pagpasaylo.

• Sulti ug lihok sa mabinationg paagi, ug likayi ang pagpanglibak.

Pisikal

• Palamboa ang imong pisikal nga kahimsog ug kalig-on.

• Pagkat-on o pagpalambo og pisikal nga kahanas, sama sa dula, sayaw, o mga kalihokang panggawas.

• Pagkat-on o pagpalambo og kahanas sa arte o panginabuhi.

• Dumalaa ang pisikal nga mga tinguha sa himsog nga paagi.

• Pagkat-on og mga paagi sa pagpanalipud sa imong kaugalingon gikan sa pagpang-abuso, ug pagtinguha og tabang kon gikinahanglan.

• Likayi ang pornograpiya.

• Pangita og makahimsog nga mga paagi sa pagdumala og mga emosyon ug kabudlay [stress].

• Pagkat-on sa pag-atiman og mga bata.

• Sunda ang sistema sa hinlo nga panglawas [good hygiene].

• Pagkat-on sa luwas nga paggamit sa yanong mga himan nga pangtanaman ug pangbalay.

• Pagkat-on og first-aid ug mga kahanas sa paglahutay gawas sa balay [outdoor survival skills].

• Gamit og tarung nga pinulongan, ug ayaw pamalikas.

Intelektwal

• Palamboa ang imong mga kahanas sa pagbasa ug pagsulat.

• Pagpalambo og maayong pamatasan sa pagtuon.

• Hibaloi kon unsay kinahanglan nimong buhaton aron makakuha og maayong trabaho, ug sugdi sa pagpaningkamot padulong niana nga tumong.

• Pagkat-on pa mahitungod sa usa ka butang nga interesado ka.

• Pakigsulti sa mga tawo nga imong gidayeg aron masayud kon giunsa nila pagpalambo sa mga kinaiya nga gusto nimong maangkon.

• Pagkat-on sa maalamong pagdumala sa kwarta.

• Pagtuon og maayo sa usa ka hilisgutan sa ebanghelyo.

• Pagkat-on og sukaranang mga kahanas nga pangtrabaho nga magamit nimo karon ug sa umaabut.

• Tambong og kultural nga mga kalihokan.

• Pagkat-on og laing pinulongan.

• Tinguhaa nga mas makabarug sa kaugalingong pagpaningkamot.

• Pagkat-on ug sunda ang mga baruganan sa pagdisiplina sa kaugalingon.