Dagiti Kapanunotan para iti Panagdur-as iti Amin a Tay-ak ti Biag

Nakaad-adu dagiti wagas a mabalin a pakapagdur-asam iti biagmo! Mangalaka kadagiti kapanunotan manipud kadagiti sumaganad a panid, wenno agaramidka iti bukodmo. Dawatem iti Nailangitan nga Ama a tulongannaka a mangammo no ania ti kasapulam nga itrabaho ita met laeng.

Masarakam dagiti mainayon a kapanunotan iti ChildrenandYouth.ChurchofJesusChrist.org ken iti Gospel Living app.

Espiritual

• Agkararagka a sipupudno.

• Adalem dagiti nasantuan a kasuratan ken balikas dagiti propeta.

• Agsapulka kadagiti gundaway a mangibinglay iti ebanghelio.

• Takuaten ken padur-asem dagiti naespirituan a sagutmo.

• Agsaganaka para iti patriarchal blessingmo.

• Maikarika nga umawat ken agiggem iti maysa a temple recommend.

• Itrabahom ti pakasaritaan ti pamiliam ket agserbika iti templo.

• Yebkasmo ti panagyaman iti inaldaw.

• Naan-anay a tungpalem ti maysa a bilin.

• Adalem ti biag ni Cristo.

• Maikarika a makiranud iti sakramento iti tunggal lawas.

• Makiramanka iti seminary.

Sosial

• Ad-adda nga ikasom dagiti kasapulan dagiti dadduma.

• Sursuruem ti dumngeg a nasayaat ken mangyebkas kadagiti kapanunotan a silalawag.

• Ayatem ken pagserbiam dagiti tao iti aglawlawmo.

• Mangbuboska iti panawen a kaduam ti pamiliam.

• Agsaganaka nga agbalin a maysa nga asawa ken nagannak.

• Padur-asem ti kinatibker—ti kabaelan nga agibagay ken agibtur no agbalin a narigat dagiti banag.

• Makiramanka kadagiti aktibidad iti pagadalan wenno komunidad.

• Mangsapulka kadagiti wagas tapno maaywanan dagiti napanglaw.

• Sursuruem ti dumawat iti pammakawan. Sursuruem ti mamakawan.

• Agsao ken agtignayka a nasayaat, ket liklikam ti makitsismis.

Pisikal

• Pasayaatem ti salun-at ken pigsa ti bagim.

• Mangsursuro wenno mangpasayaatka iti maysa a paglaingan iti bagi, kas iti isports, panagsala, wenno dagiti aktibidad iti ruar.

• Mangsursuro wenno mangpadur-aska iti paglaingan iti arte wenno partuat ti ima.

• Mangimaton kadagiti pisikal a tarigagay iti nasalun-at a wagas.

• Sursuruem dagiti wagas a pakasaluadan ti bagim manipud iti panagabuso, ket agpatulongka no kasapulan.

• Liklikam ti pornograpia.

• Mangsapulka kadagiti nasalun-at a wagas a pakapengdan dagiti emosion ken stress.

• Sursuruem ti agaywan kadagiti ubbing.

• Ugaliem ti nasayaat a panangaywan iti salun-at.

• Sursuruem ti natalged a panangusar kadagiti kangrunaan a ramit iti minuyongan ken pagtaengan.

• Sursuruem dagiti paglaingan iti umuna a tulong [first aid] ken panangispal iti biag iti ruar.

• Agusarka iti maitutop a pagsasao, ken saanka nga agsapata.

Intelektual

• Pasayaatem dagiti paglaingam iti panagbasa ken panagsurat.

• Pasayaatem dagiti nasayaat nga ugalim iti panagadal.

• Ammuem no ania ti kasapulam nga aramiden tapno makaala iti nasayaat a trabaho, ket rugiam nga itrabaho dayta a panggep a tun-oyen.

• Sursuruem ti ad-adu pay maipapan iti maysa a banag a kaay-ayom.

• Kasaom dagiti tao a daydayawem tapno ammuem no kasano a pinadur-asda dagiti kababalin a kayatmo a gun-oden.

• Sursuruem no kasano ti nainsiriban a panangtengngel iti kuarta.

• Adalem ti maysa a topiko ti ebanghelio iti nauneg.

• Sursuruem dagiti pangrugian a paglaingan iti trabaho a mabalinmo nga usaren itan ken iti agangay.

• Dumar-ayka kadagiti pasken a mainaig iti kultura.

• Sursuruem ti sabali pay a pagsasao.

• Agbalinka nga ad-adda pay a mapagpannuray iti bagi.

• Sursuruen ken sanayem dagiti pagbatayan ti panagdisiplina iti bagi.