“Maysaka a Napateg nga Anak ti Dios” Bukod a Panagdur-as: Pangiwanwan a Pagbasaan dagiti Agtutubo (2019)
“Maysaka a Napateg nga Anak ti Dios” Bukod a Panagdur-as: Pangiwanwan a Pagbasaan dagiti Agtutubo
Maysaka a Napateg nga Anak ti Dios
Pinarsua ti Nailangitan nga Ama ken ni Jesucristo ti amin a banag, ammoda ti amin a banag, ken pinarmekda ti amin a banag. Ket kayatda nga agbalinka a kas Kadakuada! Bayat ti panagaramidmo kadagiti katulagan ken panangsurotmo iti plano ti Dios, mausarmo dagiti naidumduma a sagutmo tapno dumur-as ken agserbi kadagiti dadduma.
Immayka iti daga manipud iti langit. Pasetka ti maysa a pamilia.
Nakitulagka a sumurot ken ni Jesucristo no agbuniagka ken no umawatka iti sakramento.
No makumpirmaanka, umawatka iti sagut ti Espiritu Santo tapno mangtarabay kenka.
Mabalinmo ti makiraman iti aramid ti Dios ken agserbi iti Simbaan babaen ti turay dagiti tulbek ti priesthood.
Makapagsursuro ken makapagdur-aska bayat ti panagadal, panagbiag, ken panangibinglaymo iti ebanghelio.
Makasarakka iti rag-o no ayatem ken pagserbiam dagiti dadduma kas iti inaramid ni Jesus.
Imbaon ti Nailangitan nga Ama ti Anakna, ni Jesucristo, tapno agserbi kas naan-anay a pagwadan ken mangaramid a posible iti panagbabawim ken panagbalbaliwmo.
Iti templo, makapagserbi ken makaaramidka kadagiti katulagan a mangikonekta kadagiti annak ti Dios iti agnanayon.