Li na’leb’ re chaab’ilo’k sa’ jalan jalanq xcha’alil li yu’am

K’iila pay chan ru naru nakatchaab’ilo’ sa’ laa yu’am! Taweb’ aana’leb’ sa’eb’ li perel a’in malaj tikib’eb’ laa na’leb’ laa’at. Patz’ re li qaChoxahil Yuwa’ naq tatxtenq’a chixnawb’al k’a’ru tatk’anjelaq wi’ anajwan.

Naru nakataweb’ xkomon aana’leb’ sa’ ChildrenandYouth.ChurchofJesusChrist.org ut sa’ li aplicación Vivir el Evangelio.

Sa’ musiq’ej

• Tijon chi maak’a’ aab’alaq’.

• Tzoleb’ li loq’laj hu ut li raatineb’ li yo’yookil profeet.

• Sik’ aahoonal re xwotzb’al li evangelio.

• Taweb’ ut chaab’ilob’resiheb’ laa musiq’ejil maatan.

• Kawresi aawib’ choq’ re li rosob’tesihom li yuwa’b’ejil aj k’anjel.

• K’ulub’ejaqat re xk’ulb’al xhuhil li ok sa’ li santil ochoch.

• K’anjelan sa’ resilal laa junkab’al ut k’anjelan sa’ li santil ochoch.

• B’antioxin rajlal kutan.

• Ab’in chiru junaq taqlahom chi tz’aqal re ru.

• Tzolon chirix lix yu’am li Kristo.

• K’ulub’ejaqat re tz’aqonk sa’ li loq’laj wa’ak rajlal xamaan.

• Tz’aqon sa’ seminario.

Sa’ komonil wank

• K’e aach’ol chixk’eeb’al reetal li rajomeb’ ru laa was aawiitz’in.

• Tzol ab’ink chi us ut chixyeeb’al laa na’leb’ chi saqen ru.

• Raheb’ ut k’anjelan chiruheb’ li kristiaan wankeb’ sa’ laa sutam.

• Numsi hoonal rik’in laa junkab’al.

• Kawresi aawib’ re wulak jo’ b’eelomej malaj ixaqilb’ej, ut na’b’ej malaj yuwa’b’ej.

• Chaab’ilob’resi laa kuyum—laa seeb’al re xk’ulub’ankil ut xkuyb’al li k’a’ru ch’a’aj.

• Okan sa’eb’ li kok’ k’anjel re li eskweel malaj li k’aleb’aal.

• Sik’ chan ru taatenq’aheb’ li neb’a’.

• Tzol xpatz’b’al xkuyb’al aamaak. Tzol kuyuk maak.

• Aatinan ut wanqat rik’in rahok, ut mattz’aqon sa’ li puktesink aatin.

Sa’ tib’elej

• Chaab’ilob’resi laa kawilal sa’ tib’elej ut laa metz’ew.

• Tzol malaj chaab’ilob’resi junaq aaseeb’al sa’ tib’elej, jo’ li b’atz’unk, li xajok, malaj eb’ li kok’ k’anjel chiru kutankil.

• Tzol malaj chaab’ilob’resi junaq aaseeb’al re yiib’ank.

• Tzol xramb’al li ratawom laa tib’el chi chaab’il.

• Tzol chan ru xkolb’al aawib’ chiru li muxe’k, ut sik’ aatenq’ankil wi na’ajman ru.

• Maawil li pornografia.

• Sik’ chan ru taanumsi chi chaab’il li k’a’ru nakaweek’a ut laa lub’ik.

• Tzol rilb’aleb’ li kok’al.

• Sab’eesi aawib’ chi chaab’il.

• Tzol roksinkileb’ chi us li k’anjeleb’aal re li awimq ut li k’a’ru aajel ru sa’ ochoch.

• Tzol b’ayaq aanawom chirix b’anok ut chan ru xkolb’al aawix naq wankat aajunes.

• Oksiheb’ ka’ajwi’ li chaab’il aatin, ut matxaqab’ank aatin.

Sa’ k’a’uxleb’aal

• Chaab’ilob’resi li ilok ru hu ut li tz’iib’ak.

• K’aytesi aawib’ chi tzolok.

• Sik’ chan ru naru taataw junaq aachaab’il trab’aaj, ut tikib’ xkawresinkil aawib’ choq’ re a’an.

• Tzolon chirix k’a’ruhaq nawulak chawu.

• Aatinan rik’ineb’ kristiaan nakawoxloq’iheb’ re taanaw chan ru naq ke’xchaab’ilob’resi li chaab’ilal nakawaj xtawb’al.

• Tzol roksinkil li tumin chi chaab’il.

• Tzol chi tz’aqal junaq na’leb’ re li evangelio.

• Tzol xb’aanunkileb’ li kok’ k’anjel li naru nakawoksi anajwan malaj moqon.

• Ayu sa’ junjunqaq chaab’il k’anjel.

• Tzol junaq aatinob’aal jalan.

• Kawresi aawib’ re taawil aawib’ aajunes.

• Tzol ut oksi li naleb’ re xramb’al rib’.