Laa’at jun ralal li Dios

Li qaChoxahil Yuwa’ ut li Jesukristo ke’xyo’ob’tesi chixjunil li k’a’aq re ru, neke’xnaw ru chixjunil, ut ak xq’axomeb’ ru chixjunil. Ut neke’raj naq tatwulaq jo’eb’ a’an! Naq nakat-ok sa’ sumwank ut nakataaqe lix k’uub’anb’il na’leb’ li Dios, naru nakawoksiheb’ laa maatan re chaab’ilo’k ut re k’anjelak chiruheb’ laa was aawiitz’in.

eb’ li musiq’ej sa’ choxa

Xat-el chaq sa’ choxa re chalk sa’ ruchich’och’. Laa’at jun komon sa’ jun junkab’al.

nakub’e xha’ jun li kristiaan

Nakateneb’ sa’ aab’een xtaaqenkil li Jesukristo naq nakub’e aaha’ ut naq nakattz’aqon sa’ li loq’laj wa’ak.

nak’ojob’aak jun li kristiaan

Naq nakatk’ojob’aak, nakak’ul li maatan re li Santil Musiq’ej re naq tatxb’eresi.

li k’ojob’aak sa’ li tijonelil

Naru nakattz’aqon sa’ lix k’anjel li Dios ut k’anjelak sa’ li Iglees rub’el xwankil li laaw re li tijonelil.

kristiaaneb’ chirix li iglees

Naru nakattzolok ut nakatchaab’ilo’ naq yooqat chixtzolb’al, chixyu’aminkil, ut chixwotzb’al li evangelio.

kristiaan neke’xb’aanu kok’ k’anjel

Naru nakataw li sahil ch’oolejil naq nakatk’anjelak chiruheb’ laa was aawiitz’in jo’ tixb’aanu raj li Jesus.

li Jesus nak’utuk chiruheb’ li tenamit

Li qaChoxahil Yuwa’ kixtaqla chaq li Jesukristo, li Ralal, re naq taawanq jo’ tz’aqal eetalil choq’ qe ut re naq taaruuq taajal aak’a’uxl ut tatjalaaq.

kristiaan chirix li santil ochoch

Sa’ li santil ochoch, naru nakatk’anjelak ut naru nakat-ok sa’ sumwank li naxjunajiheb’ li ralal xk’ajol li Dios chi junelik.