3 වෙනි පරිච්ඡේදය: යේසුස් ක්රිස්තුස්වහන්සේගේ ශුභාරංචිය අධ්‍යයනය කරන්න සහ උගන්වන්න,” මාගේ ශුභාරංචිය දේශනා කරන්න: යේසුස් ක්‍රිස්ගේ ශුභාරංචිය බෙදාගැනීම සඳහා මාර්ගෝපදේශයක් (2023)
යේසුස් ක්රිස්තුස්වහන්සේගේ ශුභාරංචිය අධ්‍යයනය කරන්න සහ උගන්වන්න,” මාගේ ශුභාරංචිය දේශනා කරන්න
3 වෙනි පරිච්ඡේදය
යේසුස් ක්රිස්තුස්වහන්සේගේ ශුභාරංචිය අධ්‍යයනය කරන්න සහ උගන්වන්න
මෙම පරිච්ඡේදයේ පාඩම් වල අඩංගු වන්නේ යේසුස් ක්රිස්තුස්වහන්සේගේ ශුභාරංචියේ අත්‍යවශ්‍ය දහම්, මූලධර්ම සහ ආඥාවන්ය. මෙම පාඩම් ඔබට ඉගෙන ගැනීමට හා ඉගැන්වීමට ජීවමාන අනාගතවක්තෘවරුන් සහ ප්රේරිතයන් ලබා දුන් උපදෙස් වේ. ක්‍රිස්තුස් වහන්සේගේ දහම පැහැදිලිව තේරුම් ගැනීමට අන් අයට උපකාර කළ හැකි වන පරිදි ඒවා මෙහි සපයා ඇත.
මෙම පරිච්ඡේදයේ පළමු කොටස බව්තීස්ම ආරාධනාවයි. ඉතිරි පරිච්ඡේදය පහත සඳහන් පාඩම් හතරකින් සමන්විත වේ:
-
යේසුස් ක්රිස්තුස්වහන්සේගේ ශුභාරංචිය නැවත පිහිටුවීමේ පණිවිඩය
-
ජීවිත කාලය පුරාම යේසුස් ක්රිස්තුස්වහන්සේගේ ගෝලයන් බවට පත්වීම
ශුද්ධ ලියවිලි අධ්‍යයනය කර එක් එක් පාඩමෙහි ඇති දහම සටහන් කරන්න. ඔබ කරන විට, ඔබ අධ්‍යයනය කරන සත්‍යයන් සඳහා ආත්මයාණන් වහන්සේ සාක්ෂි දරනු ඇත. සත්‍යය පිළිබඳ සාක්ෂියක් ලබා ගැනීමට අන් අයට උපකාර කිරීම සඳහා කිව යුතු සහ කළ යුතු දේ දැන ගැනීමට උන්වහන්සේ ඔබට උපකාර කරයි. (බලන්න දහම සහ ගිවිසුම් 84:85.)
ඔවුන් උන්වහන්සේ ඔවුන්ට ආරාධනා කර ඇති දේ කරන විට, මිනිසුන් ගැලවුම්කරුවාණන්ව වඩාත් හොඳින් දැන හඳුනා ගනු ඇත. එක් එක් පාඩම තුළ ආරාධනා සිදු කරන්න, සහ මිනිසුන්ට ඔවුන්ගේ කැපවීම් තබා ගැනීමට උදවු කරන්න. මිනිසුන් කැපවීම් කරන විට, ඔවුන් යේසුස් ක්‍රිස්තුස්ගේ ශුභාරංචිය තුල ජීවත් වීමට පටන් ගෙන දෙවියන් වහන්සේ සමඟ ගිවිසුම් ඇති කර ගැනීමට සූදානම් වෙති.
බව්තීස්ම වීමට පෙර සහ පසු සියලුම පාඩම් උගන්වන්න. පාඩම් ඉගැන්වීමෙදී පූර්න කාලීන ධර්මදූතයින් අවස්ථා දෙකෙදීම පෙරමුණ ගනී. කොට්ඨාශ ධර්මදූතයින් හෝ වෙනත් සාමාජිකයින් හැකි විට සහභාගී වේ. ඉගැන්වීමේ දී සාමාජිකයන් ඇතුළත් කිරීම පිළිබඳ තොරතුරු සඳහා 10 වෙනි පරිච්ඡේදය බලන්න.
ඉගැන්වීමට සූදානම් වන්න
ඔබ ඉගැන්වීමට සූදානම් වන විට, මාගේ ශුභාරංචිය දේශනා කරන්න යෙදුමේ එක් එක් පුද්ගලයා සඳහා තොරතුරු සමාලෝචනය කරන්න. පුද්ගලයාගේ අවශ්යතා මත පාඩම් සැලැස්මක් සාදන්න. ඔබේ ඉගැන්වීම් බැහැදැකීමකදී ඔහු හෝ ඇය දැනගත යුතු සහ දැනිය යුතු දේ සලකා බලන්න. ඔබ සූදානම් වීමට සහ සැලසුම් කිරීමට කාලය ගත කරන විට ආත්මයාණන් වහන්සේ ඔබගේ උත්සාහයන් විශාල කරනු ඇත.
ඔබ ඉගැන්වීමට සූදානම් වන විට යාච්ඤාපූර්වකව සලකා බැලීමට ඔබට සහ ඔබේ සහකරුට ප්‍රශ්න කිහිපයක් මෙන්න.
-
ක්‍රිස්තුස් වහන්සේ කෙරෙහි ඇදහිල්ල ගොඩනඟා ප්‍රගතියක් ලබා ගැනීමට මෙම පුද්ගලයාට උපකාර කිරීමට අප කරන ආරාධනය කුමක්ද? ආරාධනාවන් යනු ඔබ මිනිසුන්ට පසුතැවිලි වීමට සහ “මිදුම්කරුවාණන්ගේ බලය” අත්විඳීමට උපකාර කරන ආකාරයයි ( හිලමන් 5:11.) පුද්ගලයාගේ ප්රගතිය, තත්වය සහ අවශ්යතා සලකා බලන්න. ඉන්පසු ඔබේ පාඩම් සැලැස්මට ආරාධනා එකක් හෝ කිහිපයක් ඇතුළත් කරන්න.
-
අප ඔහුට හෝ ඇයට කිරීමට ආරාධනා කර ඇති කැපවීම තබා ගැනීමට පුද්ගලයාට උපකාර වන දහම සහ මූලධර්ම මොනවාද? ඔවුන්ගේ කැපවීම ඔවුන්ට සහ ස්වාමින් වහන්සේට වැදගත් වන්නේ මන්දැයි තේරුම් ගැනීමට මිනිසුන්ට උපකාරවත් වන දහම සහ මූලධර්ම මොනවාදැයි යාච්ඤාවෙන් තීරණය කරන්න.
-
එම පුද්ගලයාට දහම ඉගෙන ගැනීමට අප උපකාර කරන්නේ කෙසේද? ධර්මය ඉගැන්වීමට සූදානම් වීමට,පාඩම් 1-4 භාවිතා කරමින් ඔබ උගන්වන දේ සකස් කර සාරාංශ කරන්න. ඔබ උගන්වන දේ තේරුම් ගැනීමට පුද්ගලයාට උපකාර වන ප්‍රශ්න, ශුද්ධ ලියවිලි පද, උදාහරණ සහ සුදුසු සන්නිවේදනයන් හඳුනා ගන්න. ඔබේ ඉගැන්වීම වැඩිදියුණු කරන්නේ කෙසේද යන්න පිළිබඳ තොරතුරු සඳහා 10 වෙනි පරිච්ඡේදය බලන්න.
-
කැපවීම් පිළිගැනීම හා ඉටු කිරීම වෙනුවෙන් දෙවියන් වහන්සේ පොරොන්දු වී ඇති ආශීර්වාද මොනවාද? ඔබ දහම අධ්‍යයනය කරන විට, දෙවියන් වහන්සේගේ පොරොන්දු වූ ආශීර්වාද හඳුනා ගන්න. ඔබ උගන්වන විට, ආශීර්වාද පොරොන්දු වී ඒවා ගැන සාක්ෂි දරන්න.
-
කුමන සාමාජිකයින්ට සහභාගී විය හැකිද? සතිපතා සම්බන්ධීකරණ රැස්වීමේදී, පුද්ගලයාට ඉගැන්වීමට සහ සහාය දීමට ඔබට උපකාර කළ හැකි සාමාජිකයින් තීරණය කරන්න. පාඩමට පෙර, ඔවුන්ගේ සහභාගීත්වය සාකච්ඡා කරන්න. බලන්න 10 වෙනි පරිච්ඡේදය.
-
අප ඉවත්ව ගිය පසු මිනිසුන්ට ඔවුන්ගේ කැපවීම් පවත්වා ගැනීමට උපකාර කිරීමට අපට කුමක් කළ හැකිද? මිනිසුන්ට ඔවුන්ගේ කැපවීම් පවත්වා ගැනීමට උපකාර කිරීම සඳහා කෙටි දෛනික සම්බන්ධතාවක් ඇති කර ගැනීමෙන් පසු විපරම් කරන්න. ඔබ උගන්වන අයට ඔවුන්ගේ කැපවීම් තබා ගැනීමට උපකාර කිරීම සඳහා සාමාජිකයින් එක් කර ගැනීමට මාර්ග සොයන්න. මෙම සම්බන්ධතාවයට මොර්මොන්ගේ පොතෙන් හෝ වෙනත් ශුද්ධ ලියවිලි පද වලින් පරිච්ඡේදයක් කියවීම ඇතුළත් විය හැක. යමෙක් පෙර කැපවීමක් ඉටු නොකරන්නේ නම්, තවත් එකක් ඉදිරිපත් කිරීමට පෙර ඒ සඳහා උපකාර කිරීම වඩා හොඳය. බලන්න 11 වෙනි පරිච්ඡේදය.
-
ඊළඟ වතාවේ අපි ඔවුන්ට වඩා හොඳින් උදව් කරන්නේ කෙසේද? සෑම ඉගැන්වීම් අවස්ථාවකටම පසුව, ඔබ උගන්වන පුද්ගලයින්ගේ අත්දැකීම් ඇගයීමට ලක් කරන්න. ක්‍රිස්තුස්වහන්සේ තුළ ඔවුන්ගේ ඇදහිල්ල වර්ධනය වෙනවාද? ඔවුන්ට ආත්මයාණන් වන්හන්සේ හැඟෙනවාද? ඔවුන් පසුතැවිලි වී සහ කැපවීම් ඇති කර පවත්වා ගන්නවාද? ඔවුන් යාච්ඤා කරනවාද, මොර්මොන්ගේ පොත අධ්‍යයනය කරනවාද, සභාවට සහභාගි වෙනවාද? ඔවුන්ට උපකාර කිරීමට සැලසුම් කරන්න.
ආත්මයාණන් වහන්සේ මඟ පෙන්වන පරිදි ඔබේ හදවතින් උගන්වන්න
සියලු වැඩිහිටියන් හා සහෝදරියන් අමතමින්, පළමු සභාපතීත්වය සහ අපොස්තුළුවරුන් දොළොස් දෙනාගේ ගණපූණය මෙසේ සඳහන් කළේය:
“අපගේ අරමුණ වන්නේ නැවත පිහිටවනු ලද ශුභාරංචියේ පණිවිඩය ධර්මදූතයින් සහ උගන්වන අය යන දෙපිරිසම මෙහෙයවීමට ආත්මයාණන්වහන්සේට ඉඩ සැලසෙන ආකාරයට ඉගැන්වීමයි. [පාඩම්] වල සංකල්ප ඉගෙන ගැනීම අත්‍යවශ්‍ය වේ, නමුත් මේවා කට පාඩම් කිරීමෙන් ඉගැන්විය යුතු නොවේ. ධර්මදූතයා ආත්මයාණන්වහන්සේ අනුබල දෙන පරිදි ඔහුගේම වචන භාවිතා කිරීමට නිදහස් විය යුතුය. ඔහු කටපාඩමින් ඉදිරිපත් නොකළ යුතුය, නමුත් ඔහුගේම වචන වලින් හදවතින්ම කතා කළ යුතුය. ඔහු [පුද්ගලයාගේ] උනන්දුව සහ අවශ්යතා අනුව, ඔහු කිරීමට ආනුභාව ලත් දේ ලබා දෙමින්, පාඩම් පිළිවෙලින් ඉවත් විය හැක. තමාගේම විශ්වාසයෙන් සහ ඔහුගේම වචනවලින් කථා කරන විට, ඔහු තම ඉගැන්වීම්වල සත්‍යතාව පිළිබඳ සාක්ෂි දැරිය යුතුය.
පුද්ගල අවශ්යතා අනුව උගන්වන්න සහ ආරාධනා කරන්න
බව්තීස්මය සහ ස්ථිර කිරීම සඳහා සම්පූර්ණයෙන්ම සූදානම් වීමට මිනිසුන්ට උපකාර වන ඕනෑම ආකාරයකින් පාඩම් ඉගැන්වීමට ඔබට නම්‍යශීලී බවක් ඇත. ඔබ උගන්වන පාඩම කුමක්ද, ඔබ එය උගන්වන විට සහ ඔබ එයට කොපමණ කාලයක් ලබා දෙනවාද යන්න තීරණය වන්නේ ඔබ උගන්වන පුද්ගලයාගේ අවශ්යතා සහ ආත්මයාණන්වහන්සේගේ මඟ පෙන්වීම මතය. නිදසුනක් වශයෙන්, ක්‍රිස්තියානි පසුබිමක් නොමැති පුද්ගලයින්ට උගන්වන විට, ස්වර්ගීය පියාණන්වහන්සේ සමඟ සම්බන්ධයක් සහ උන්වහන්සේගේ සැලැස්ම පිළිබඳ අවබෝධයක් වර්ධනය කර ගැනීමට ඔවුන්ට උපකාර කිරීමෙන් ඔබට ආරම්භ කළ හැක (බලන්න 10 වෙනි පරිච්ඡේදයේ”ක්‍රිස්තියානි පසුබිමක් නොමැති අයට ඉගැන්වීම”)
කුමන ආරාධනා කළ යුතුද සහ ඒවා ඉදිරිපත් කළ යුත්තේ කවදාද යන්න පිළිබඳව ආත්මයයාණන්වහන්සේ ඔබට මඟ පෙන්වනු ඇත. නියම වේලාවට හරි ආරාධනය මිනිසුන්ට ඔවුන්ගේ ඇදහිල්ල ගොඩනඟන දේවල් කිරීමට පෙලඹිය හැක. මෙම ක්‍රියාවන් හදවතේ ප්‍රබල වෙනසක් ඇති කළ හැකිය (බලන්නමොසායා 5:2;ඇල්මා 5:12-14).
සරල, පැහැදිලි සහ කෙටි පාඩම් උගන්වන්න. සාමාන්‍යයෙන්, ඉගැන්වීමේ බැහැ දැකිමක් විනාඩි 30කට වඩා දිගු නොවිය යුතු අතර, ඔබට විනාඩි 5ක් වැනි කෙටි කාලයකින් පුද්ගලයෙකුට ඉගැන්විය හැක.
එක් පාඩමක මූලධර්ම ඉගැන්වීමට ඔබට සාමාන්‍යයෙන් හමුවීම් කිහිපයක් අවශ්‍ය වේ. ඔබ කෙටි පාඩම් උගන්වන්නේ නම්, නිතර උගන්වන්නේ නම්, සහ කුඩා කොටස් වශයෙන් ඉගැන්වුවහොත් මිනිසුන් බොහෝ විට ඔබේ පණිවිඩය වඩාත් හොඳින් තේරුම් ගනීවි.
ශුද්ධ ලියවිලි අධ්‍යයනය
ඔබ ඉගැන්වීමට යොමු කර ඇත්තේ කුමක්ද?
පාඩම් වල ඇති දහම අධ්‍යයනය කිරීම වැදගත් වන්නේ ඇයි?