“Sapta 3: Stadim na Tisim Gospel bilong Jisas Krais,” Tokaut long Gospel bilong Mi: Wanpela Gaid long Serim Gospel bilong Jisas Krais (2023)
“Stadim na Tisim Gospel bilong Jisas Krais,” Tokaut long Gospel bilong Mi
Sapta 3
Stadim na Tisim Gospel bilong Jisas Krais
Ol leson long dispela sapta i gat nambawan doktrin, prinsipel, na ol komanmen bilong gospel bilong Jisas Krais. Em ol leson ol profet i stap laip na ol aposel i skulim yu long lainim na tisim. Ol i stap long hia bai yu ken helpim ol narapela klia gut long ol doktrin bilong Krais.
Nambawan seksen long dispela sapta em baptismol invitesen. Olgeta hap bilong sapta i gat ol dispela fopela leson:
Stadim ol skripsa na holim pas ol doktrin long wanwan leson. Taim yu mekim olsem, Spirit bai berim witnes long ol toktru yu bai stadim. Em bai helpim yu save wanem long tok na mekim long helpim ol kisim witnes bilong toktru. (Lukim Doktrin na ol Kavanen 84:85.)
Ol pipol bai save moa long Seivia taim ol i mekim wanem EM i invaitim ol long mekim. Givim ol invitesen long wanwan leson, na helpim ol pipol kipim ol komitmen bilong ol. Taim ol pipol i kipim ol komitmen, ol bai stat long stap insait long gospel bilong Jisas Krais na redi long mekim kavanen wantaim God.
Tisim olgeta leson bilong pastaim na bihain long baptisim. Ol Pul-taim misinari bai tek pat long lidim ol leson long tupela taim wantaim. Ol Wod misionari o ol narapela memba bai tek pat sapos i gat taim. Lukim sapta 10 na 13 long inpomesen bilong bungim ol memba long tis.
Redi long Tis
Taim yu redi long tis, lukluk go bek long inpomesen long wanwan man long Tokaut long Gospel bilong mi ep. Mekim leson plen on nid bilong dispela man o meri. Tingting long wanem em bai mas save long en na pilim long taim yu raun na tis. Spirit bai mekim bikpela ol wok bilong yupela taim yupela i tekim taim long plen na redi.
Hia em ol sampela askim bilong yu na kompenion bilong yu long pre na tingting taim yupela i redi long tis.
-
Wanem invitesen bai yumi ken givim long helpim dispela man o meri bildim feit long Krais na mekim gutpela wokabaut? Ol invitesen em hau yu bai helpim ol pipol i tanim bel na ekspiriensim “pawa bilong Ridima” (Helaman 5:11). Tingting gut long wokabaut, sindaun na ol nids bilong em. Bihain bungim wanpela o moa invitesen long leson plen bilong yu.
-
Wanem ol doktrin na ol prinsipel bai helpim ol man o meri kipim ol komitmen yumi invaitim em long mekim? Prea na tingting gut long wanem ol doktrin na prinsipel bei helpim ol pipol klia gut long wai kipim ol komitmen bilong ol i impoten long ol na long Bikpela.
-
Hau bai yumi helpim man o meri lainim doktrin? Long redi long tisim dispela doktrin, stretim gut na samaraisim wanem yu bai tisim wantaim ol dispela lesons 1–4. Luksave long ol askim, skripsa, eksampel, na ol gutpela midia we bai helpim man o meri yu tisim long klia gut. Lukim Sapta 10 long moa inpomesen long helpim tu mekim gut ol tising bilong yu.
-
Wanem ol blesing God i promisim taim yu akseptim na kipim ol komitmen? Taim yu stadim doktrin, luksave long blesing God i promisim. Taim yu tis, promisim ol blesing na berim testimoni long ol.
-
Wanem ol memba bai tek pat? Insait long kodinesen miting long wanwan wik, lukluk long wanem memba i ken helpim yu tis na sapotim dispela man o meri. Pastaim long leson, toktok long ol bai sindaun na tek pat. Lukim sapta 10.
-
Wanem samting yumi ken mekim long helpim ol famili kipim ol komitmen bihain long yumi lusim ol? Go bek na lukim ol long helpim ol kipim ol koimmen bilong ol. Painim ol wei long bungim ol memba long helpim ol lain yu tisim long kipim komitmen bilong ol. Dispela kontek bai wantaim ridim wanpela sapta long Buk Momon o narapela skripsa. Sapos wanpela i no kipim komitmen, em bai moa beta long helpim wantaim dispela pastaim long yu givim narapela. Lukim sapta 11.
-
Hau bai yumi inap long helpim ol moa beta neks taim? Bihain long wanwan tising, skelim dispela ekspiriens bilong ol lain pipol yu tisim? Feit bilong ol long Krais i gro? Ol i pilim Spirit? Ol i tanim bel na mekim na kipim ol komitmen? Ol i pre, stadim Buk Momon, na kam long sios? Mekim ol plen long helpim ol.
Tis wantaim Gaidens i kam long SPirit taim em i sutim bel bilong yu.
Taim em i toktok long olgeta elda na sista, Nambawan Presidensi na Kwarum bilong ol Twelpela Aposel i tok:
“Wok bilong mipela em bilong tisim tok bilong dispela gospel i kam bek long larim Spirit i dairektim ol misinari na ol lain husat ol i tisim ol. Em i nambawan samting long lainim na kisim wanem samting stap long dispela [lesens], na noken tisim natingnating. Misinari i mas pil fri long yusim ol toktok bilong em yet olsem Spirit i tokim em. Em ino sapos long autim wankain samting stret em lukim tasol em ken autim long tingting na toktok bilong em yet. Em i ken go long narapela wei na ino bihainim oda bilong lesens, em i pilim orait long tisim, na em tisim bihainim tingting na lewa bilong dispela [man]. Toktok long strongpela bilip bilong em yet na long toktok bilong em yet, em i mas berim testimoni long toktru bilong ol tising bilong em.
Tisim na Invaitim long skel bilong Wanwan Nid
Em i laik bilong yu hau long tisim ol leson long wanem kain wei em i isi long yu long helpim o pipol redi gut long baptisim na konpemesen. Wanem leson yu tisim, taim yu tisim, na hamas taim yu givim bai kam long nid bilong an yu tisim na gaidens bilong Spirit. Long eksampel, taim yu tisim ol manmeri i nogat Kristen bekgraun, yu bai stat long helpim ol kamapim gutpela koneksen wantaim Papa long Heven na klia gut long plen bilong Em (lukim “Tisim ol Pipol I Nogat Kristen Bekgraun” long sapta 10).
Larim Spirit gaidim yu long wanem ol invitesen yu givim na taim yu givim ol. Invitesen i kam long rait taim ken mekim ol manmeri mekim ol samting bai bildim feit bilong ol. Ol dispela samting ken lid i go long bikpela senis long bel (lukim Mosaia 5:2; Alma 5:12–14).
Tisim ol leson i isi, klia na sotpela. Planti taim, taim yu visit long tis bai i nap olsem tasol 30 minits, na yu ken tisim dispela man o meri long 5 minits.
Yu bai nidim sampela moa miting long tisim ol prinsipel long wanpela leson. Ol manmeri bai klia gut sapos yu tisim ol sotpela leson, tisim olgeta taim, na tisim ol liklik hap.
Skripsa Stadi
Wanem samting ol i tokim yu long tisim?
Bilong wanem yu mas stadim ol doktrin long ol lesen?