Guruy ni 3

Fare Pinning ni ngan Tawfe nge Thapeg e Yibliy ko Thothup

Dayif ko Machib

Gadad gubin e bitir ku Chitimangiy nibay u Tharmey. Kad dared nga feylang nifan e rogon ni ngad fil’ed, ilal’, nge manged boed Ir ere gadad ra suloed u p’oewchen (muguy ko Moses 1:39). Dabiyog ni ngad manged boed Ir fa suled ngak ni dariy e ayuw nib thothup rok’. Chitimangdad nu Tharmiy nike pii’ Fak’, ni Yesus Kristus, nike bayul nag nifan ngodad nge e ra chuwegey ko yam’ (muguy ko 3 Nephi 27:13–22).

Gadad ra thapeged e gelengin ko bayul’ rok Krisus napan ni ngad daged e mich rodad ko kalngan’, tawfe, to’owath ko far Kan ni Tothup ufithik e confirmation, nge athamgil mada’ ko tomur. Me kol e micheg ko tawfe ir bin m’on e yang e gadad ra m’agdad ngak Got ere fare Kan ni Thothup ni ra be’ech nag, gel nag, nge thilyeg e rogon rodad nib mangil. Rogon ney ko be’ech nag e kanoeg e gargelen bayay ko ya’el. (Muguy ko 2 Nephi 31:7, 13–14, 20–21; Mosiah 5:1–7; 18; 27:24; 3 Nephi 27:20; John 3:5.)

Gargelen bayay ko ya’el me tabab napan ni ngad tawfe ko raen nge ko ya’el. Tawfe ir a gam’ing nib falfalaen’ nge athap. Napan gadad ma tawfe ni bay e m’ingaen’ nge kalngaen’, gadad ba tabab e yafos nib be’ech udakaen e gelngin Got. Tomur nran tawfe nagdad min yibliy dad, rayog ni ngad ul’ul’ e gelngin ngodad napan ni ngad thapeged e sacrament udakaen e rogon nib mangil. (Muguy ko 2 Nephi 31:13; Mosiah 18:7–16; Moroni 6:2; Doctrine and Covenants 20:37.)

Pii’ e Pinning

Napan ni ra thapeg e fonow rok’ Ya’el, gara pinning e gidii’ ni ngar tawfe nag nge yibliy nag. Biney rayog ni nge buch ufithik’ demtrug e machib.

Mu fil e machib ko tawfe nge ayuweg e gidii ni ngar nanged fan e machib rok’ Kristus (muguy ko lesson 3). Mu fil e pi’nen nib ga’fan nge falfalaen’ marnga’agen e micheg ko tawfe, chuw machaan e pi denen, nge thapeg e tawa’ath ko fare Kan ni Thothup udakaen e confirmation.

T’aer midlen e gidii’ nifan e pinning ko tawfe napan ni ngam pii’ a nangfan marnga’agen e pi’nen ni kam fil nge micheg yad ra fal’eged. Ba’aray e micheg ko tawfe:

• Ba’adag nima feked nga dakean daed fithingin Yesus Kristus.

• Fol ko fapi motochiyel rok’ Got.

• Pigpig ngakʼ Got nge gidii’.

• Ngan athamgil nga Mada’ ko tomur. (Muguy ko lesson 4.)

Rayog ni ngam weliy e pi’ney:

“Napan ni ngad tawfe nag, gadad ma ‘dag ngak [Got] ni [ngad] fal’eged ba m’ag u thilmed, ni [gadad] ma pigpig ngak nge fol ko pi motochiyl rok’.’ Napan ni ngad fal’eg e m’ag ney, Ir ma micheg ngodad ni ra ‘pii’ e Kan ni Thothup rok’ nga dakean[dad]’ (Mosiah 18:10).”

Pinning rom marnga’agen e tawfe thingari mang nib moem ni nge nang. Rayog ni ngam moeg:

“Rayog ni ngam fol e susun rok’ Yesus Kristus napan ni ngam tawfe nag udakaen e bee’ ni bay e matawon ni nge rrin’ e gam’ing ney? Gamow ra ayuwegem ni ngam t’aer midlen nifan e tawfe. Gamow be lemnag gara t’aer midlen ko tawfe u [rran]. Rayog ni ngam faleg rogom ni ngam tawfe ko rran ney?”

Woed ko demtrug e pinning nima pii’, gara weliy e pi tawa’ath nib ga’ ni yad ra thapeged napan nira feked e pinning ko tawfe nag nge fol ko pi micheg. Moeg e mich rom marnga’agen e tawa’ath ney.

Mu fil ni fare tawfe nge confirmation ir gathi e tomur e milekag. Machane, yow ma ta’areb e yang ulan e milekag ko mich ni ra pii’ athap, falfalaen’ nge gelngin rok’ Gok ulan e yafos rok’ e bee’ (muguy ko Mosiah 27:25–26). Tomur nran tawfe nagrad min yibliy rad, rayog ni ngar sap nga m’on ko machalbog nag udakaen e Ya’el napan yad ramon’og ulan e kanawo’ ko m’ag.

Fa’anra rayog, pinning nag e pi’in ni be fil nag ni ngar un’ed e mu’ulung ko tawfe nge e mu’ulung ko sacrament napan e bee’ ni ra thapeg e yibliy.

Fapi Ganop ko fare Pinning ni ngan Tawfe Nag

Mu lemnag ni ngam bi’eg e pi scripture marnga’agen e tawfe ko Yesus (muguy ko Matthew 3:13–17). Rayog ni ngam dag fare Kaechiidoo ko bible me dag e tawfe rok’ Tathapeg fa fare Kaechiidoo ko Babyor ku Mormon marnga’agen e pi gachelpen rok’ Tathapeg ni kar tawfe nag.

Rayog ni ngam bi’eg e cheppen rok’ Nephi marnga’agen e tawfe rok’ Yesus (muguy ko 2 Nephi 31:4–12). Bi’eg e pi cheppen marnga’agen e tawfe rok Yesus Kristus e rayog ni nge gel nag e pi’in nibe fil ngak.

Chep nib Thothup ni Ngan Fil

Fil e pi chep ney nib thothup:

• 2 Nephi 31:4–12

• Moroni 6

• Doctrine and Covenants 20:37; 22

• Matthew 3:13–17

Yoloy e pi’nen ni kam fil.

Nangfan e Tin ni yibe Michib nag

Chitamangdad nu tharmiy me tawa’ath nag e pi’in ni gabe piryeg ni bay e t’aer midlen nib mangil ko ya’el. Pi’nen ni ke buch ngorad me t’aer midlen ngorad ni ngar fal’eged e m’ag ngak Got udakaen e tawfe ulan Fare Galasia ku Yesus Kristus ni fan ko gidii’en Got rok’ ko Tin Tomur e Rran.