Hau bai mi lainim tok tru long dispela wol i paul tumas tede?
Hau bai lotu i helpim mi?
Wai na i gat ol planti sios tumas?
Wai na mi gat ol planti salens tumas?
Hau na mi bai painim bel sis long ol taim bilong hevi?
Hau bai mi amamas?
Hau na profet ken helpim dispela wol tede?
Long stat bilong dispela wol, God i autim gospel long ol pikinini bilong Em thru long ol profet. Em i mekim dispela thru long Pikinini man bilong Em, Jisas Krais. Long bipo taim, Jisas i autim dispela gospel long ol profet olsem Adam, Noah, Abraham, na Moses. Tasol planti pipol i no laikim.
Tu tausen yias i go pinis, Jisas Krais Em yet i tisim dispela gospel na kirapim Sios bilong Em. O pipol tu i no laikim Jisas. Bihain long dai bilong Em, i bin gat bikpela lain i pundaun lusim toktru bilong Bikpela na Sios. Dispela olgeta fulnes bilong gospel na prishud atoriti i no moa stap long ples graun.
Planti handret yias bihain, God i singautim narapela profet, Joseph Smith. God i bringim kam bek dispela fulnes bilong gospel thru long em na givim em atoriti long oganaisim dispela Sios bilong Jisas Krais gen.
Long gat dispela fulnes bilong gospel bilong Jisas Krais long ples graun em i wanpela bikpela blesing long taim bilong yumi. Gospel i helpim yumi i gat ansa long ol planti askim biong laip. Ol profet i stap laip i gaidim yumi long dispela ol taim i gat planti traim. Dispela prishud atoriti bilong God i stap gen long ples graun long blesim ol pikinini bilong Em.
Piksa
ol misinari i tisim famili
Ol Tingting bilong Tis
Dispela seksen i givim wanpela autlain long helpim yu redi long tis. Em i gat tu ol eksampel bilong ol askim na ol invitesen yu ken yusim.
Taim yu redi long tis, pre na tingting long sindaun bilong wanwan man na ol spiritual nid bilong ol. Mekim disisen long wanem bai helpim yu moa long tis. Redi long givim mining long ol hap tok ol lain bai no klia long ol. Plenim gut long taim yu bai gat, tingting long mekim ol leson i sot.
Selektim ol skripsa long yusim taim yu tis. Dispela “Doctrinal Foundation” seksen bilong ol leson i gat planti ol skripsa bei ken helpim.
Tingting long ol askim yu bai givim taim yu tis. Plenim ol invitesen long givim bai enkarisim wanwan man o meri long mekim samting.
Tok strong long ol promis God i mekim, na serim testimoni bilong yu long wanem yu tisim.
Wanem Yu Bai Tisim ol Pipol long 15–25 Minits
Selektim wanpela o moa long ol dispela prinsipel long tisim. Dispela as bilong doktrin bilong wanwan prinsipel i stap bihain long dispela autlain.
God Em i Papa bilong yumi long Heven husat i lavim yumi
God em i Papa bilong yumi long Heven, na yumi ol pikinini bilong Em. Em i mekim yumi long piksa bilong Em.
God i save long yumi wanwan na lavim yumi.
God em i gat dispela bodi i gat mit na bun i stretpela na gutpela tumas i pulap long glori na i no nap dai.
God i laik blesim yumi wantaim bel isi na pulap bilong amamas bai stap oltaim.
Bikos God i lavim yumi, Em i salim Pikinini man bilong Em, Jisas Krais, long kisim yumi bek long sin na dai.
God i Autim dispela Gospel thru long ol Profet long Wanwan Taim bilong em yumi kolim olsem Dispensesen.
God i singautim ol profet long sanap olsem ol mausman bilong Em long ples graun.
Long taim bipo, God i singautim ol profet olsem Adam, Noah, Abraham, na Moses.
Wanpela profet i stap laip i save kisim revelesen i kam long God long tisim na lidim yumi tede.
Dispela Ministri na Atonmen bilong Jisas Krais long Ples Graun.
Jisas Krais i pikinini bilong Papa God.
Long ministri bilong Em long ples graun,Jisas i tisim Gospel bilong Em na kamapim Sios bilong Em.
Jisas i singautim twelpela Aposel na givim ol atoriti long lidim Sios bilong Em.
Long pinis bilong laip bilong Em, Jisas i karim hevi long ol sin bilong yumi taim Em i karim hevi long Gaden bilong Getsameni na long Diwai Kros. Bihain long Jisas i dai, Em bin kirap bek.
Bikos long sakripais bilong Jisas, yumi ken kisim pogivnes na kamap klin long ol sin bilong yumi taim yumi tanim bel. Dispela bai bringim bel isi long yumi na mekim isi long yumi go bek long stap wantaim God na kisim bikpela amamas.
Bikos long Kirap bek bilong Jisas, yumi olgeta bai kirap bek bihain long yumi dai. Dispela i min olsem sirit na bodi bilong wanwan man o meri bai kam bek wantaim na stap oltaim oltaim.
Dispela Pundaun
Bihain long dai bilong ol Aposel, i bin gat bikpela pundaun long gospel na Sios bilong Jisas Krais.
Long dispela taim, ol pipol i senimsim planti ol gospel tising. Ol pipol i senisim tu ol prishud odinens, olsem baptisim. Prishud atoriti na dispela Sios Jisas i bin kamapim i no moa stap long ples graun.
Dispela Restoresen bilong Gospel bilong Jisas Krais i kam thru long Joseph Smith
Joseph Smith i painim wei long save wanem sios i trupela Sios bilong God bai em i ken joinim. Papa long Heven na Jisas Krais i kamap long Em long 1820. Dispela yumi kolim olsem Nambawan Visin.
God i singautim Joseph Smith long kamap profet, wankain olsem Em i singautim ol profet long pastaim.
Dispela gospel bilong Jisas Krais i kambek thru long Joseph Smith.
Ol narapela lain i karim toktok i kam long heven i bringim kam bek prishud, na Joseph i gat atoriti long oganaisim dispela Sios bilong Jisas Krais.
Jisas Krais i go het long lidim Sios bilong Em tede thru ol profet i stap laip a ol aposel.
Buk Momon: Narapela Testamen bilong Jisas Krais
Buk Momon em i holi skripsa ol profet long Amerika i raitim long bipo taim. Joseph Smith i tanim tok wantaim presen na pawa bilong God.
Wantaim Baibel, Buk bilong Momon i givim wanpela witnes bilong ministri bilong Jisas, ol tising, na misin bilong Em olsem Seivia bilong yumi.
Yumi ken kamap klostu long God taim yumi ritim Buk Momon na bihainim ol toktok bilong em.
Yumi ken save olsem Buk Momon i tok bilong God taim yumi ritim, tingting long en na prea long en. Dispela bai helpim yumi tu long kam save olsem Joseph Smith i bin wanpela profet.
Pre long Save long dispela Tok tru bilong Holi Gos
Prea em i tu-wei toktok namel long God na ol Pikinini bilong Em.
Thru long pre i kamk long bel, yumi ken save olsem dispela toktok bilong Restoresen bilong gospel bilong Jisas Krais i tru.
Taim yumi pre, Holi Gos bai tisim yu na konpemim toktru long yumi.
Piksa
ol misinari i tisim ol yangpela man
Ol Kwesten Yu Bai Askim ol Pipol
Ol dispela kwessten em ol eksampel bilong wanem yu bai askim ol pipol. Ol dispela kwesten ken helpim yu i gat ol toktok i gat mining na klia gut long ol nid na lukluk bilong ol man o meri.
Wanem samting yu bilipim long God?
Hau bai stap bilong yu klostu long God i helpim yu?
Yu save long wanem long Jisas Krais? Hau na laip na tising bilong Em i senisim yu?
Hau bai yu painim ol gutpela ansa long wol i paul tumas tede?
Hau em bai helpim yu long save i gat profet i stap laip long ples graun tede?
Yu harim long Buk Momon? Inap mipela serim wai em i impoten?
Inap yu serim ol bilip bilong yu long prea? Inap mipela serim bilip bilong mipela long prea?
Ol Invitesen Yu Ken Givim
Inap yu askim God long prea long save olsem wanem samting mipela i tisim em i tru? (Lukim “Insait bilong Tising: Prea” long laspela seksen bilong dispela leson.)
Bai yu kam long sios dispela Sande long lainim moa long wanem mipela i tisim?
Bai yu ritim dispela Buk Momon na pre long save em i tok bilong God? (Yu ken givim sampela sapta o ol veses.)
Inap yumi setim taim bilong narapela bung bilong yumi?
As bilong Doktrin
Dispela seksen i givim doktrin na ol skripsa long yupela long stadi na strongim ol save na testimoni bilong gospel na helpim yupela tis.
Piksa
famili
God i Papa bilong yumi long Heven husat i lavim yumi
God em i Papa bilong yumi long Heven, na yumi ol pikinini bilong Em. Em i mekim yumi long piksa bilong Em. Em i pulap long glori, i stretpela “bodi i gat mit na bun wankain olsem bilong man (Doktrin na ol Kavanen 130:22).
God i save long yumi wanwan na Em i lavim yumi moa long yumi ken klia gut. Em i klia gut long ol traim, sore, ol wiknes, na i givim sapot bilong Em long dispela taim. Em i amamas long gutpela wok bilong yumi na bai helpim yumi mekim ol rait sois. Em i laik toktok wantaim yumi, na yumi ken toktok wantaim Em thru long prea.
God i givim yumi dispela ekspiriens long graun bai yumi ken lainim, gro, na kamap moa olsem Em. Wantaim stretpela lav, Em i laikim yumi long go bek long Em bihain long yumi dai. Tasol, yumi no inap long mekim dispela yumi yet. Bikos God i lavim yumi, Em i salim Pikinini man bilong Em, Jisas Krais, long ridimim yumi. “Long wanem God i lavim wol tumas, olsem na em givim wanpela Pikinini man bilong em tasol, olsem bai dispela wool bai seiv thru long em” (John 3:16–17).
God i laik blesim yumi wantaim bel isi na pulap bilong amamas bai stap oltaim. Em i givim wanpela plen bai givim yumi dispela opotuniti long kisim ol blesing. Dispela plen em plen bilong salvesen (lukim leson 2).
God i Autim dispela Gospel thru long ol Profet long Wanwan Taim bilong em yumi kolim olsem Dispensesen.
Ol Profets ol Mausman bilong God long Ples Graun.
Wanpela impoten wei God bai soim lav bilong Em long yumi em taim Em i singautim ol profet, givim ol prishud atoriti, na gutpela tingting long ol i toktok long Em. Ol profet ol mausman bilong God ples graun. Olpela testamen Profet Amos i rekotim olsem “Bikpela God i bai i no i nap wokim wanpela samting, tasol em bai autim tok hait bilong em i go long ol wokman bilong em, em ol profet” (Amos 3:7). Sampela ol dispela yumi kisim long ol profet i stap laip i stap daunbilo.
Ol Witnes bilong Jisas Krais Ol profet ol spesel witnes bilong Jisas Krais, testifai long Em olsem Seivia na Ridima.
Ol Tising. Ol profet i kisim daireksen long God long helpim yumi save long toktru na long giaman. Ol i tisim yumi long bihainim komanmen bilong God na long tanim bel taim yumi pundaun. Ol i daunim sin na gvim tok lukaut long hevi bilong em.
Ol tising bilong ol profet i liptim yumi i go long God na helpim yumi kisim ol blesing Em i laikim bilong yumi. Bikpela samting i seif long yumi em long bihainim tok bilong Bikpela ei kam thru long ol Profet bilong Em.
Prishud Atoriti. Profet nau i stap em i holim prishud na i prisaid long ples graun. Prishud em i atoriti na pawa bilong God. Profet i gat atoriti long toktok na mekim wok long nem bilong God long salvesen bilong ol pikinini bilong Em.
Sios Daireksen. Sios bilong Jisas Krais i sanap antap long dispela faundesen bilong ol aposel na ol profet (lukim Ephesians 2:19–204:11–14
Ol Profet long Bipo Taim
Adam bin namba wan profet long dispela ples graun. God i autim dispela gospel bilong Jisas Krais i go long Adam na givim em prishud atoriti. Adam na Iv i tisim ol pikinini bilong tupela ol dispela tok tru na helpim ol long gat feit na stap insait long gospel.
I go i go na ol tumbuna bilong Adam na Iv i kros na givim baksait long gospel. Dispela i go kamap long mak bilong apostasi, o pundaun. Taim apostasi i kamap bikpela moa, God i rausim prishud atoriti, we i imas stap long tisim na administarim ol odinens bilong gospel.
Ol Olpela Testamen i rekotim ol planti taim bilong dispela apostasi. Long pinisim ol dispela taim, God i putim han i go aut long ol pikinini bilong Em taim em i singautim narapela profet. Em i autim ol toktru bilong gospel nupela long ol dispela profet na givim p; prishud atoriti. Sampela ol dispela profet em Noah, Abraham, na Moses. Sore tru, long wankain wei ol i mekim pastaim, ol pipol i no laikim ol profet na pundaun.
Ol Gospel Topik: “Ol Profet,” “Restoresen bilong Sios”
Piksa
O Papa Bilong Mi, Simon Dewey i mekim
Dispela Ministri na Atonmen bilong Jisas Krais long Ples Graun.
Jisas Krais i pikinini bilong God. Jisas Krais na Atonmen bilong Em i stap namel long plen bilong God bilong yumi. Atonmen bilong Em i kam wantaim hevi Em i karim insait long Gaden Getsemane wantaim hevi na dai bilong Em long diwai kros, na i pinis wantaim Kirap Bek bilong Em.
Stat long taim bilong Adam na Iv, pipol i luk fowod long kam bilong Jisas Krais olsem Seivia na Ridima. Papa long Heven i salim Jisas i kam long ples graun moa long 2,000 yias i go pinis.
Jisas Krais i bin stap stretpela laip, i nogat sin. Em i lainim ol long gospel bilong Em na stretim dispela Sios bilong Em. Em i singautim ol twelpela Aposel na givim ol long prishud atoriti long tisim na long mekim ol sekret odinens, olsem baptisim. Em i givim ol tu long atoriti long lidim Sios bilong Em.
Long pinis bilong laip bilong Em, Jisas i karim hevi long ol sin bilong yumi long Getsameni na long Diwai Kros. Bikos long sakripais bilong Jisas, yumi ken kisim pogivnes na kamap klin long ol sin bilong yumi taim yumi tanim bel. Dispela i mekim isi long yumi go bek long stap wantaim God na kisim bikpela amamas.
BIhain long Jisas i dai long diwai kros, Em i bin kirrap bek, i winim dai wantaim pawa bilong Papa long Heven. Bikos long Kirap bek bilong Jisas, yumi olgeta bai kirap bek bihain long yumi dai. Dispela i min olsem spirit na bodi bilong wanwan man o meri bai kam bek wantaim, na yumi wanwan bai stap oltaim oltaim long stretpela, bodi i kirap bek. (Lukim “Dispela Atonmen bilong Jisas Krais” long leson 2.)
Piksa
Profet Joseph Smith
Profet Joseph Smith i tisim yumi, “Nambawan prinsipel bilong lotu bilong yumi em testimoni bilong ol Aposel na ol Profet, i toktok long Jisas Krais, olsem Em bin dai, ol nim planim Em, na i kirap gen long namba tri de, and i go bek long heven, na olgeta narapela samting i pas long lotu em ol sta-p olsem” (Teachings of Presidents of the Church: Joseph Smith [2007], 49).
Ol Gospel Topik: “Jisas Krais,” “Atonmen bilong Jisas Krais”
Dispela Pundaun
Bihain long dai bilong Jisas Krais, ol Aposel bilong Em i traim long kipim dispela doktrin bilong Krais piua long meinteinim oda insait long Sios. Tasol, planti Sios memba i tanim na lusim ol Aposel na long doktrin Jisas i bin tisim.
Bihain long dai bilong ol Aposel, i bin gat bikpela lain i pundaun lusim toktru bilong Bikpela na Sios. Dispela pundaun sampela taim ol kolim long Bikpela Apostasi. Bikos long em, God i rausim prishud atoriti long ples graun. Atoriti bilong gaidim Sios tu i i bin lus long dispela taim. Prishud atoriti na dispela Sios Jisas i bin kamapim i no moa stap long ples graun.
Long dispela taim, ol pipol i senimsim planti ol gospel tising. Planti ol save bilong God Papa na pasin bilong Em, Pikinini Man bilong Em Jisas Krais, na Holi Gos i lus. Ol pipol i senisim tu ol prishud odinens, olsem baptisim.
Sampela handret yias bihain, ol man na meri i painim toktru i traim long senisim ol tising na pasin we i bin senis. Ol i toktok long gat moa spirirtual lait, na planti i toktok long nid bilong gat dispela bringim kam bek bilong trupela gospel. Ol wok bilong ol i kamapim ol planti kainkain sios.
Dispela taim i kamapim planti fridom long rilijin, na i opim wei bilong laspela Restoresen.
Ol profet na ol aposel i bin tokaut bipo long dispela pundaun (lukim 2 Thessalonians 2:1–3 Ol i tokaut tu olsem gospel na Sios bilong Jisas Krais bai kam bek long ples graun (lukim Acts 3:20–21). Sapos i no bin gat dispela pundaun, kam bek o restoresen bai i nogat nid long en.
Dispela Restoresen bilong Gospel bilong Jisas Krais thru long Joseph Smith
Dispela Nambawan Visin na Singaut bilong Joseph Smith olsem wanpela Profet.
Long ol dispela taim olgeta fulnes bilong gospel bilong Jisas Krais i no stap long ples graun, Papa long Heven i go het yet long putim han i kam long ol pikinini bilong Em. Long ol taim i kam, Em i redim dispela wei bai ol i ken gat blesing bilong dispela olgeta fulnes bilong gospel. Taim ol samting i bin lukl oraitm Em i singautim Joseph Smith olsem profet na thru long em disela gospel na Sios bilong Jisas Krais bai i kam bek.
Joseph Smith i bin stap long isten hap bilong United States long taim bel bilong ol man i kirap nogut long lotu. Ol famili memba bilong em i bin ol lain bilong lotu na planti lain i save kam painim ol long toktru. Planti ol sios i tok ol i gat toktru, na Joseph i laik long save wanem dispela i bin rait wan.(lukim Joseph Smith—History 1:18). Baibel i tisim olsem i gat “wanpela Bikpela, wanpela feit, wanpela baptisim” (Ephesians 4:5 Taim Joseph i go long ol kainkain sios, em i faul yet long wanem sios tru em i mas go na joinim. Bihain em bin tok:
“I bin gat bikpela kros pait na kainkain faul tingting namel long ol narapela lotu, olsem em i hat long kain yangpela mangi olsem mi … long kam long wanpela tingting olsem husat i rait na husat i rong. …
Namel long olgeta dispela pait wantaim ol toktok na ol tingting, Mi save tok long mi yet: Wanem samting bai mas kamap? Husat long ol dispela lain i rait; o, olgeta dispela lain i rong? Sapos sampela long ol i rait, em wanem lain, na olsem wanem bai mi save?” Joseph Smith—History 1:8, 10.
Olsem planti pipol, Joseph Smith tu i bin gat ol askim long salvesen bilng sol bilong em. Em i laik bai ol sin bilong em i pogiv na em bai klin long ai bilong God. Taim em i painim toktru namel long ol narapela sios, em i ritim long baibel, “Sapos sampela bilong yupela i nogat save, larim em askim God, husat i save givim fri igo long olgeta manmeri, na ino inap bagarapim yu; na em bai givim long yu” (James 1:5).
Bikos long dispela hap toktok,Joseph Smith i tingting na askim God wanem samting em mas mekim. Long taim bilong spring long yia 1820 em i go long wanpela liklik hap bus i gat ol diwai na nil daun long pre. I gat fopela stori long wanem samting i bin kamap, em yet i rekotim o ol lain i raitim aninit long toktok bilong em (lukim Gospel Topik Esei , “Ol Stori bilong Nambawan Visin”). Long dispela stori ol i makim opisel olsem skripsa, em i toktok long ekspiriens bilong em:
Piksa
Nambawan Visin, Linda Christensen na Michael Malm i mekim
“Mi lukim dispela lait antap long het bilong mi , em i strong moa long san i lait long santaim, em i kam daun na stap antap long mi. … Taim lait em stap antap long mi Mi lukim tupela Man,husat lait na glori bilong ol i winim olgeta samting, i sanap antap long mi long ea. Wanpela bilong ol i toktok long mi, singautim mi long nem bilong mi na point i go long narapela na tok, —Dispela em i Pikinini Man bilong Mi Mi laikim tumas. Harim Em!” (Joseph Smith— History 1:16–17).
Insait long dispela visin God Papa na Pikinini man bilong Em, Jisas Krais i kamap long Joseph Smith. Jisas tokim em long noken go long wanpela bilong ol dispela sios.
Long narapela stori bilong dispela visin, Joseph i serim olsem Seivia i tokim em olsem: “Ol sin bilong yu mi pogivim yu. … Lukim Mi em dispela Bikpela i pulap long glori. Mi bin dai long diwai kros long dispela wol bai olgeta husat i bilp long nem bilong mi bai gat laup oltaim Oltaim.”
Long dispela visin, Joseph Smith i kamap witnes bilong Jisas Krais na lainim ol impoten toktru long dispela Godhet. Olsem eksampel, em i lainim olsem Papa long Heven na Jisas Krais em tupela ol narapela narapela na i no wanpela. Taim Ol i kolim em long nem, em i lainim olsem em i save long ol wanwan. Taim Joseph i lainim olsem ol i pogivim em, em i lainim olsem God i pulap long marimari. Dispela ekspiriens i pulapim em wantaim amamas.
Olsem God i mekim wantaim ol profet bipo, E i singautim Joseph Smith long kamap profet bai em i kisim kam bek olgeta gospel long ples graun. Dispela restoresen bai helpim ol pikinini bilong God painim amamas long dispela wol na laip oltaim long wol bai kam—all thru long Jisas Krais.
Restoresen bilong dispela Prishud na ol Prishud Ki
Piksa
Antap long Yupela ol Wokman bilong Mi,Linda Curley Christensen na Michael Malm i mekim.
Bihain long kamap bilong Papa na Pikinini Man, ol narapela lain i karim tok i kam long heven, o ol i salim ol ensel i kam long Joseph Smith na Oliver Cowdery. John Baptist i kamap olsem wanpela husat i kirap bek pinis na givim Aronik Prishud na ol ki bilong em long ol. Dispela Aronik Prishud i kam wantaim dispela atoriti long baptais.
Piksa
Nek bilong Peter, James, na John, Welden C. Andersen i mekim
Sampela taim bihain, Peter, James na John—ol tripela nambawan Aposel—i kamap olsem ol lain i kirap bek na givim dispela Melkisedek Prishud na ol ki long Joseph Smith na Oliver Cowdery. Dispela prishud em i wankain atoriti olsem Krais i givim ol Aposel bilong Em bipo yet.
Piksa
Image of Moses Elias and Elijah descending into the Kirtland temple and appearing to Joseph Smith.
Insait long Kirtland Temple, Moses, Elias, na Elijah i kamap long Joseph Smith na Oliver Cowdery na komitim long ol moa yet atoriti na prishud ki i mas stap long pinisim olgeta wok bilong God long dispela ol las-de. Moses i komitim ol ki bilong bungim Israel. Elias komitim ol ki bilong dispensesen bilong gospel bilong Abraham. Elijah komitim ol ki bilong siling pawa. (Lukim Doktrin na ol Kavanen 110:11–16; lukim tu Jeneral Henbuk, 3.1.)
Oganaisesen bilong Sios
Joseph Smith i kisim daireksen long oganaisim dispela SIos bilong Jisas Krai gen long ples graun. Thru long em, Jisas Krais i singautim ol twelpea Aposel.
Ol profet long taim bilong olpela testamen i toktok long dispela taim nau yumi stap olsem ol las de o lata de. Em dispela taim pastaim long Nambatu Kam bek bilong Jisas Krais. Olsem na dispela Sios i gat nem olsem Sios bilong JIsas Krais bilong ol Seint long Las-de (Lukim Doktrin na ol Kavanen 115:3–4; lukim tu 3 Nifai 27:3–8).
Ol profet i Stap Laip na Ol Aposel Tede
Wankain olsem Jisas i singautim ol Aposel long taim em i mekim ministri bilong Em long lidim Sios bilong Em, Em i singautim ol Aposel long lidim tede. Nambawan Presidensi na Kwarom bilong ol Twelpela Aposel em ol profet, sia na reveleta.
Wanpela sinia Aposel tasol bai kamap dispela profet bikos em i stap was long olgeta Sios na i gat narakain atoriti long toktok makim Bikpela. Em i gat atoriti long kisim ples bilong Joseph Smith. Em na ol lain Aposel bilong nau i treisim atoriti bilong ol i go bek long Jisas Krais olsem wanpela sen i no bruk wantaim ol odinesen i stat taim Joseph Smith i bin odein aninit long ol han bilong ol mausman bilong heven.
Buk Momon em i holi skripsa bilong taim bipo wankain olsem Baibel. Baibel em i wanpela witnes bilong Jisas Krais, na Buk Momon em i nambatu witnes long ministri bilong Em, ol tising bilong Em, na misin bilong Em olsem Seivia bilong yumi.
Joseph Smith kisim daireksen long wanpela i karim toktok i kam long heven nem bilong em Moronai long go painim long wanpela maunten we ol dispela golden plet i bin stap hait long planti yias. Dispela rekot, ol i katim long ol gol plet (ol metol), i gat ol raiting bilong ol profet i toktok long wok God i mekim wantaim ol lain i stap bipo long Amerika. Joseph Smith i tanim tok wantaim presen na pawa bilong God.
Dispela ol profet insait long Buk Momon i save long misin bilong Seivia na lainim ol lain pipol long gospel bilong Em. Bihain long Jisas i kirap bek, Em i kamap long ol dispela lain pipol na minista long ol em yet. Em i lainim ol na kamapim dispela Sios bilong Em.
Buk Momon i helpim yumi kam klostu long God taim yumi lainim, klia gut , na mekim ol samting em i tisim. Profet Joseph Smith i tok olsem “wanpela man [o meri] bai kam klostu long God taim em i bihainim ol toktok bilong [dispela buk], moa long narapela buk” (Teachings: Joseph Smith, 64).
Piksa
man i rit
Long save olsem dispela Buk Momon em i tru, wanpela i mas ritim na tingting na prea long em. Wanpela Buk Momon profet i promis olsem God bai soim toktru bilong dispela buk long yumi taim yumi pre wantaim bel i bruk, wantaim trupela strong, na wantaim feit long Krais (lukim Moronai 10:3–5). Stadim Buk Momon em i gutpela long senis bilong yu bai go moa yet.
Taim yumi ritim Buk Momon na pre long em, yumi bai painim ol toktru long Jisas Krais bai blesim laip bilong yumi. Yumi bai kam long save olsem Joseph Smith em i profet bilong God na dispela gospel na Sios bilong Jisas Kraiss i kam bek thru long em.
Piksa
Presiden Russell M. Nelson
“Mi promis olsem taim yu pre na stadim Buk Momon olgeta de, yu bai mekim ol gutpela disisen—olgeta de. Mi promis olsem taim yu tingting long samting yu stadim, ol windo bilong heven bai op, na yu bai kisim ol ansa long ol askim bilong yu na daireksen bilong laip bilong yu. Mi promis olsem taim yu go insait long Buk Momon, yu ken kamap strong agens long ol traim nogut bilong dispela de” (Russell M. Nelson, “The Book of Mormon: What Would Your Life Be Like without It?” Liahona, Nov. 2017, 62–63).
Pre long Save long dispela Tok tru bilong Holi Gos
Bikos God em i Papa bilong yumi, Em bai helpim yumi luksave long tok tru. Yumi ken save olsem dispela toktok bilong Restoresen bilong gospel of Jisas Krais i tru taim yumi ritim Buk Momon na pre long God. Taim yumi pre wantaim feit, trupela bel, Em bai bekim ol askim na gaidim laip bilong yumi.
God save bekim ol prea thru long Holi Gos. Taim yumi pre, Holi Gos bai tisim na konpemim toktru. Ol toktok i kam long Holi Gos i gat pawa. Ol i save kam isi olsem ol gutpela piling, tingting na ol gutpela tingting.(lukim 1 Kings 19:11–12; Hilaman 5:30; Doktrin na ol Kavanen 8:2).
Stadim gut ol skripsa (moa yet dispela Buk Momon), kam long Lotu olgeta taim na pre wantaim olgeta bel bai helpim yumi pilim pawa bilong Holi Gos na painim tok tru.
Dispela am autlain i gat sempel bilong wanem yu bai tisim wanpela sapos yu get liklik taim stret. Taim yu yusim dispela autlain, selektim wanpela o moa prinsipel long tisim. Dispela as bilong doktrin bilong wanwan prinsipel i stap bihain long dispela autlain.
Taim yu tis, askim ol kwesten na harim gut. Givim ol invitesen bai helpim ol pipol i lainim hau long gro klostu long God. Wanpela impoten invitesen em bilong dispela man o meri long bung wantaim yu gen. Longpela bilong leson bai dipen long ol askim yu askim na harim yu bai mekim.
Piksa
ol misinari i toktok long wanpela man
Wanem Yu Bai Tisim ol Pipol long 3–10 Minits
God em i Papa bilong yumi long Heven, na Em i mekim yumi long piksa bilong Em. God i save long yumi wanwan na lavim yumi. Em i laik blesim yumi wantaim bel isi na pulap bilong amamas bai stap oltaim.
Jisas Krais i pikinini bilong God. Misin bilong Em long mekim isi long yumi bai kamap klin long ol sin bilong yumi, winim dai, na kisim laip oltaim.
God i singautim ol profet long sanap olsem ol mausman bilong Em long ples graun. Long taim bipo, Em i singautim ol profet olsem m Adam, Noah, Abraham, na Moses. Wanpela profet i stap laip i save kisim revelesen i kam long God long tisim na lidim yumi tede.
Long ministri bilong Em long ples graun,Jisas i tisim Gospel bilong Em na kamapim Sios bilong Em. Bihain long ol Aposel bilong em i dai, i bin gat bikpela pundaun lusim gospel na SIos bilong Jisas Krais. Ol pipol i senisim planti ol gospel tising na ol prishud odinens, olsem baptisim.
God i singautim Joseph Smith long kamap profet, wankain olsem Em i singautim ol profet long pastaim. Papa long Heven na Jisas Krais i kamap long em. Dispela gospel bilong Jisas Krais i kambek thru long em.
Buk Momon em i gat ol holi skripsa. Olsem Baibel, em i testamen bilong Jisas Krais na i helpim yumi kam moa klostu long God taim yumi ritim na bihainim ol toktok bilong em. Jospeh Smith i tanim tok wantaim presen na pawa bilong God.
Thru long trupela prea, yumi ken toktok wantaim God. Yumi ken save olsem toktok bilong Restoresen bilong gospel bilong Jisas Krais em i tru.