Sapta 3: Lesin 4

Muhtwacwacack Ekihn Mwet Tuhma Lutlut luhn Jisus Kraist

Luti Pweng Se Inge

Pacptais el akwuck engan se nuh ke finsrak. Ke kuht pacptaislac, kuht ahkkahlwemye kena lasr in ukwe God ac ilyak nuh ke inkacnek se kol nuh ke moul ma pahtpaht. Kuht oacyacpac ahkkahlwemye insese lasr in eklac mwet tuhma lutlut luhn Jisus Kraist.

Lesin se inge oreklac fal nuh ke wuhlweacng kuht oraclah ke pacptais. Nwacnwack ip yohk srihpac ekahsr, kais sie oasr ip srihsrihk kac:

• Wuhlweacng Lasr in Kena Eis nuh Facsr Inel Jisus Kraist

• Wuhlweacng Lasr in Ahkos Masap luhn God

• Wuhlweacng Lasr in Kuhlwacnsuhpuh God ac Mwet Sahyac

• Wuhlweacng Lasr in Kampare nuh ke Sahflah

Kahsruh mwet uh in kahlwem ke mwe luti yohk srihpac ac masap ma kom luti an elos ipin wuhlweacng ma elos oraclah ke pacptais. Ahkkahlwemye nuh selos lah kais sie ip ke lesin se inge e kahsrelos in “tuhkuh nuh yurun Kraist … ac ipeis ke molwelah lal” (Omni 1:26; liye pac 1 Nephi 15:14).

Kom e kuh in luti lesin se inge ke muhtwacta ekahsr lom. Muhtwacta se suhkwac som luti ahluhkwelah miniht 30. Wo in fototo, puhs pacl in muhtwacta ma nwacnwack kais sie ma srihsrihk yohk srihpac.

Plwacnwelah ma kom e luti, ngac kom e luti an, ac puhlan pacl se kom enenuh an. Nuhnkuh ke enenuh luhn mwet kom luti ingacn, ac suk kahsruh luhn Nguhn. Oasr sum atacn luti an in fahsr fal nuh ke ma wo emet in kahsruh ahkolah mwet uh nuh ke pacptais ac ahkkweyeyucklac.

Kuhtuh ip ke lesin se inge nwacnwack nguhsr/solsol. Suk moklweyuck in sulaclah lah pacl fuhkah ac ngac kuh in ngihsreyuck nguhsr inge. Kahlwem ke kais sie etuh luhn kais sie mwet. Kahsrel in moulkihn wosasuc step se ke pacl se.

Wuhlweacng Lasr in Kena Eis nuh Facsr Inel Jisus Kraist

Ke kuht pacptaislac, kuht olwelah in ukwe Jisus Kraist “ke inse pwacye nohfohn.” Kuht oacyacpac loh ac ahkkweye lah kuht e “eis nuh [facsr] inen Kraist” (2 Nephi 31:13; liye pac Doctrine and Covenants 20:37).

Kalmacn eis nuh facsr inen Jisus Kraist pa kuht Esamuhl ac kampare in moul ekihn mwet tuhma lutlut Lal. Kuht lwelah kahlwem Lal in tolkuhtyak nuh sin mwet sahyac. Kuht lie kuht muh ma Lal ac Fihlilyac met liki moul lasr.

Sactin kuh ip ekahsr ten inge ahkuhtweyac inkacnek luo ma kuht kuh in esam ac ukwe Jisus Kraist.

Sikalweni in Pruhe

Pruhe el sramsram na fihsrwacsr se nuh sin Pahpah Inkuhsrao ma tuhkuh ke insiac. Ke pruhe, kuht ikacslah insiacsr sramsram pwacye nuh Sel. Kuht ahkkahlwemye luhngse lasr nuh Sel ac srui kihn mwe insewowo lasr. Kuht oacyacpac siyuck ke kahsruh, karihngihnyuck, ac kolyuck. Ke kuht kaliyac pruhe lasr, kuht enenuh in monglac kihtin pacl ac tuhpan lohng.

Jisus el luti, “Kowos enenuh in pruhe pacl nuhkwewa nuh sin Pahpah ke Inek” (3 Nephi 18:19, mwe ahkuhtweyac ituckyang; liye pac Moses 5:8). Ke kuht pruhe ke inen Jisus Kraist, kuht Esamuhl ac Pahpah Inkuhsrao kwewana.

Jisus el akiyac srihkasrak se nuh sesr in ukwe ke kuht pruhe. Kuht kuh in etuh yohk ke pruhe ke kuht lutlutkihn pruhe luhn Mwet Lahngo ke ma suhmuhslah (liye Matthew 6:9–13; John 17).

Pruhe lasr uh kuh in nwacnwack ip ekahsr ten inge:

• Ikacslah ke inen Pahpah Inkuhsrao.

• Fahkwack nuhnak insiom, suc pa nuh ke kaksakihn mwe insewowo ma kuht eis.

• Siyuck kihsensiyuck, suk kahsruh, ac siyuck ke mwe insewowo.

• Kaliyac ke fahk se inge, “Ke inen Jisus Kraist, amen.”

Ma suhmuhslah luti nuh sesr in pruhe ke litutacng ac ke ekuh. Tuhsruhktuh, kuht kuh in pruhe pacl nuhkwewa ac ke acn nuhkwewa. Nuh ke pruhe lasr sifacna kuh yurun sucu, oasr kalmacyac ke kuht sikuck muhtuhnte pruhe uh. Enenuh in oasr na pruhe se insiacsr. (Liye Alma 34:27; 37:36–37; 3 Nephi 17:13; 19:16.)

Pruhe lasr uh enenuh in oasr kalmac ac ma ke insiacsr. Ke kuht pruhe uh, kuht enenuh in tiac kalweni fahk ma se na pacl nuhkwewa.

Kuht pruhe ke luhlahlfongi, finsrak, ac kuhiyacsr kwewa in fungyang nuh ke top ma kuht e eis kac uh. Ke kuht oruh ma inge, God elac kol kuht ac kahsre kuht in oraclah sulaclah wowo. Kuht e puhla fototoi nuh Sel. Elac use nuh sesr kahlwem ac pwacye. Elac ahkinsewowoyekuht in puhla wo, mihs, ac fokoko.

Stuhti ke Ma Suhmuhslah

• 2 Nephi 32:8–9

• Enos 1:1–12

• Alma 6:6; 13:28; 34:17–28; 37:36–37

• 3 Nephi 18:20

• Moroni 10:3–5

• Liye Doctrine and Covenants 6:22–23; 8:2–3; 9:7–9; 10:5; 19:28; 42:14

Luti Yohk ke Ip Yohk Se Inge

• Mwe Kol nuh ke Ma Suhmuhslah: “Pruhe”

• Bible Dictionary: “Pruhe”

• Sifac ke Wosasuc: “Pruhe”

Solsol [Nguhsr]

Kom kuh in pruhe pacl nuhkwewa nuh sin Pahpah Inkuhsrao?

Lutlutkihn ma Suhmuhslah

Nephi el luti, “Mongo ke kahs luhn Kraist. tuh [elos] e fahk nuh suwos ma nuhkwewa ma kowos enenuh in oruh” (2 Nephi 32:3; liye pac 31:20).

Lutlutkihn ma suhmuhslah el inkacnek yohk srihpac se in esam ac ukwe Jisus Kraist. Ke ma suhmuhslah kuht lutlutkihn moul, kuhlwacnsap, ac luti Lal. Kuht oacyacpac luti ke wuhlwelah Lal. Ke kuht riti ma suhmuhslah, kuht puhlakihn luhngse Lal. Nguhnasr yohkwelihk, luhlahlfongi lasr Sel yohkwelihk, ac etuh lasr kahlwemi. Luhlahlfongi lasr ke orekma muhtahl Lal uh fokokoeni.

Kuht esam ac ukwe Jisus ke kuht orekmakihn kahs Lal in moul lasr. Kuht enenuh in lutlutkihn ma suhmuhslah lwen nuhkwewa, yohk na Puk luhn Mormon.

Ma suhmuhslah ke Alu luhn Jisus Kraist luhn Mwet Luhlahlfongi ke Lwen-sahflah pa Bible muhtahl, Puk luhn Mormon, Doctrine and Covenants, ac Pearl of Great Price. Ma inge pahngpahng pac “orekma akiyucki fahlac na.”

Stuhti ke Ma Suhmuhslah

• 1 Nephi 19:22–23

• 2 Nephi 9:50–51; 25:26; 29:1–13; 31:19–20; 32:3

• Alma 32:28–30

• Liye Doctrine and Covenants 1:37–38; 18:34–36

• John 20:31

• Luo Timothy 3:14–17

• Luo Peter 1:20–21

Luti Yohk ke Ip Yohk Se Inge

• Mwe Kol nuh ke Ma Suhmuhslah “Gethsemane”

• Sifac ke Wosasuc: “Ma Suhmuhslah”

Solsol [Nguhsr]

Kom kuh in riti ma suhmuhslah ke lwen nuhkwewa? (Nuhnkuh solsol lom nuh sin mwet ingacn in riti sapta ekahsr.)

Wuhlweacng Lasr in Ahkos Masap luhn God

Ma in etweyuck: Puhslac ohiyac ma kuh in luti ke masap ke sactin se inge. Sie srihkasrak an pa, kom kuh in lotwelos ke muhtwacta na ekahsr. Kuh kom kuh in luti kuhtuh selos in ipin pacna lesin tolu emet lom ah. Ke luti masap uh, esam in oracni elos in wi pacna wuhlweacng ke pacptais ac plwacn in molwelah.

Ke kuht pacptaislac uh, kuht olwelah nuh sin God lah kuht e fah “karihngihn masap Lal” (Mosiah 18:10; Alma 7:15).

God el use nuh sesr masap ke srihpen El luhngse kuht. El luhngse kuht in eis ma wo emet, kwewana ingena ac ac ne tok ma pahtpaht. Ke srihpen El Pahpah Inkuhsrao tuhmwacsr, El etuh ma nguhnasr ac ikoacsr enenuh uh. El oacyacpac etuh ma e use engan se ma engan emet ah. Kais sie masap inge mwe sang muhtahl, utuckuh in kol sulaclah lasr, karihngihn kuht, ac kahsre kuht in kapwack.

Sie srihpac ma kuht tuhkuh nuh facluh uh pa in lutlut ac kapwack ke ma kuht suhmaht in sulaclah uh (liye Abraham 3:25). Sulaclah in ahkos masap luhn God—ac in auliyak fin kuht puhtatlac—kahsre kuht in kal nuh ke fuhfahsryucsr upac ac suhkawihl se inge.

Masap luhn God elos kahsruh nuh ke kuh ac mwe insewowo (liye Doctrine and Covenants 82:8–9). Ke kuht ahkos masap uh, kuht lotwelah lah masap inge tiac ma e ahktoasrye lain sulwaclah lasr uh. Sulaclah pwacye lasr uh tuhkuh ke ahkos masap. Ahkos el ip yohk se ke kuh ma use kahlwem ac etuh yurin Nguhn Muhtahl. El oruh kuht in sesseslah ke engan ac kahsre kuht in sun finsrak sahflah lasr ekihn tuhlihk nuhtin God.

God el olwelah in ahkinsewowoyekuht ke kuht ahkos masap Lal uh. Kuhtuh mwe insewowo uh lihklihkiyucki fal nuh ke masap. Mwe insewowo sahflah Lal uh pa mihs ke moul se inge ac moul se ma e tuhkuh ke facl se fahsruh uh. (Liye Mosiah 2:41; Alma 7:16; Doctrine and Covenants 14:7; 59:23; 93:28; 130:20–21.)

Mwe insewowo luhn God uh tuhkuh kwewana ke nguhn ac ikoac. Kuhtuh pacl uh, kuht enenuh in muhtweng in sano, luhlahlfongi lah elos e tuhkuh fal nuh ke kena ac pacl fal Lal (liye Mosiah 7:33; Doctrine and Covenants 88:68). In akihlen kuhtuh mwe insewowo inge, kuht enenuh in ahkolah in nguhn tuhpan. Pwacye mwe insewowo inge tuhkuh ke inkacnek fihsrwacsr ac mihs.

Kuhtuh mwe insewowo inge kuh in kahlwem tukun sikyak uh. Kuhtuh sahp e tiac tuhkuh ne kena tari moul se inge. Tiac elyah ke pacl ac ma sikyak ke mwe insewowo luhn God uh, kuht kuh in etuh na pwacye lah elos e tuhkuh kuht fin kampare in moulkihn wosasuc luhn Jisus Kraist (liye Doctrine and Covenants 82:10).

God El luhngse tuhlihk nuh kwewa Nahtuhl. El muhtweng ke muhnahs lasr, ac El nuhnak muhnahs ke kuht auliyak uh.

Masap Wolacna Luo

Tuh siyuckyuck sel Jisus, “Piyac masap se ma yohk emet ke masap uh?” El topuk “Kom fah lungse Leum God lom ke insiom kewa, ac ke ngunum kewa, ac ke nunkom kewa.”

Na Jisus el fahk lah masap fuhlwact se ahkluo ah yohk srihpac oacna ma se met ngacn: “Kom fah lungse mwet tulan lom oana kom lungse kom sifacna” (Matthew 22:36–39). “Wangin sie pac ma sap yohk liki ma luo inge” (Mark 12:31).

In tuhlihk nguhn nuhtin God, oasr luhngse yohk in kuht. Ipin pacna usru in nguhn kuht eis. Moulkihn masap fuhlwact luo inge—in luhngse God met ac luhngse mwet tuhlan lasr—el ahkuhtweyac atacn mwet tuhma lutlut luhn Jisus Kraist.

Luhngse luhn God

Puhslac inkacnek kuht kuh in ahkkahlwemye luhngse lasr nuh sin God. Kuht kuh in karihngihn masap Lal (liye John 14:15, 21). Kuht kuh in Fihlilyac met in moul lasr, sang kena lasr uh nuh Sel. Kuht kuh in fihliyac kena, nuhnak, ac insiacsr nuh Sel (liye Alma 37:36). Kuht kuh in moulkihn kaksak ke mwe insewowo El use nuh sesr—ac in kuhlwacng in akacsruhi mwe insewowo ingacn (liye Mosiah 2:21–24; 4:16–21). Ke pruhe ac kuhlwacnsap nuh sin mwet sahyac uh, kuht ahkkahlwemye ac ahkyohkye luhngse lasr nuh Sel.

Oacna masap sahyac, masap in luhngse God ma e wo nuh sesr sifacna. Ma kuht luhngse uh tuhkuh ke ma kuht suk uh. Ma kuht suk uh tuhkuh ke ma kuht nuhnkuh ac oruh. Ac ma kuht nuhnkuh ac oruh uh tuhkuh fahkwack lah suc kuht uh—ac kuht e muh mwet fuhkah se.

Luhngse nuh sin Mwet Sahyac

Luhngse mwet sahyac Mwet Lahngo el luti kuht ke inkacnek puhkantwen in luhngse mwet sahyac (liye, pa ke, Luke 10:25–37 ac Matthew 25:31–46). Kuht kohllah pahosr ac painguhlos nuh ke moul lasr ac insiacsr. Kuht luhngse ke kuht kuhlwacnsuhpwaclos—ke kuht eiskuhtyang nuh selos fine nuh ke ohiyac srihsrihk kuht oruh. Kuht luhngse mwet sahyac ke kuht orekmakihn mwe sang ma God el use nuh sesr in ahkinsewowoyaclos.

Luhngse mwet sahyac nwacnwack mongfihsrwacsr, kuhlwacng, ac suwohs. Enenuh in oasr pac kac mwesahs in nuhnak muhnahs. Kalmac pa in oruh ma nuh sin mwet nuhkwewa ke suhnak.

Ke kuht luhngse mwet se, kuht ac mwet se ingacn kwewana ahkinsewowoyeyuck. Insiacsr kapwack, moul lasr uh oasri srihpac, ac kapwack yohkwelihk engan lasr.

Mwe insewowo

Masap fuhlwact luo emet ah—in luhngse God ac luhngse mwet tuhlan lasr—pa pwelucng ke masap nuhkwewa luhn God (liye Matthew 22:40). Ke kuht luhngse God met uh, ac oacyacpac mwet sahyac uh, ma nuhkwewa ke moul lasr uh e fahlwac wo nuh ke acn fal la uh. Luhngse inge sikyak kahlwem ke atacsr, pacl kuht orekmakihn uh, kena kuht suk uh, ac tahkiyacn enenuh lasr uh.

Stuhti ke Ma Suhmuhslah

• 2 Nephi 31:20

• Mosiah 2–5

• Moroni 7:45–48; 10:32

• Matthew 22:36–40; 25:31–46

• Mark 12:28–33

• Luke 10:25–37

• John 13:34–35; 14:15, 21

• 1 John 4:7–8, 20–21; 5:3

• Joshua 22:5

Luti Yohk ke Ip Yohk Se Inge

• Mwe Kol nuh ke Ma Suhmuhslah: “Luhngse Pwacye,” “Luhngse”

• Sifac ke Wosasuc: “Charity,” “Love”

Ukwe Mwet Pahluh

God el pahngon mwet pahluh in Aholuhl fin facluh. El ahkkahlwemye kolyuck ac mwe sensen, nuh sin mwet pahluh Lal inge.

God el pahnglol Joseph Smith in pa mwet pahluh se emet ke lwen sahflah (liye lesin 1). Mwet fahsr tohkohl Joseph Smith elos oacyacpac pahngonyuck sin God in kol Alu Lal, weacng pacna mwet pahluh se ma kol misenge uh. Kuht enenuh in eis ahkkweye ke pahng muhtahl luhn mwet pahluh inge ac ukwe mwe luti lal.

Luti luhn mwet pahluh ac mwet sap inge kahsruh kawuckihnyac ma pwacye ne tok ma pahtpaht nuh ke facl for se inge. Ke kuht ukwe mwet pahluh luhn God, fohs ac elyah luhn facluh uh tiac kuh in kuhtangkuhtlac. Kuht e sokwack engan yohk ke moul se inge ac eis kolyuck nuh ke fuhfahsryucsr ne tok se lasr inge.

Stuhti ke Ma Suhmuhslah

• Mosiah 15:11–12

• 3 Nephi 2:1–2

• Liye Doctrine and Covenants 1:4, 37–38; 21:1–7; 136:37–38

• Orekma 10:34–43

• Ephesus 2:19–20; 4:11–14

• Amos 3:7

Luti Yohk ke Ip Yohk Se Inge

• Kolyuck nuh ke Ma Suhmuhslah: “Mwet Pahluh,” “Mwet Pahluh,” “Mweet Pahluh, Mwet Pahluh”

• Sifac ke Wosasuc: “Mwet Pahluh,” “Mwet Pahluh”

solsol

Kom kuh in ukwe kahs in kahsruh luhn mwet pahluh moul?

Kihsensiyuck Siyuckyuck ke Pacptais ma Orekmakihnyuck

Kuh kom luhlahlfongi lah [Prestuhn se ingena] el mwet pahluh luhn God? Meac kalmac nuh sum?

Liyacacng Masap uh

God el ahkkahlwemye Masap Singucul nuh sin mwet pahluh se met inel pa Moses in kol mwet lal uh. Masap inge orekmakihnyuck oacna ke orekmakihnyuck misenge. Elos luti kuht in ahkfuhlwact ac etuh in suhnakihn God. Elos oacyacpac luti kuht in etuh in kahsruh fuhkah kais sie.

• “Nik kom eis siena god sayuk” (Exodus 20:3). Kain in “god” som nuh ke ma puhkantwen, pa nuh ke usru, kuh, kuh wal.

• “Nik kom oru nu sum kutena ma sruloala” (Exodus 20:4).

• “Nik kom aklusrongtenye Inen LEUM GOD lom” (Exodus 20:7).

• “Esamya len Sabbath, in akmutalye” (Exodus 20:8).

• “Sunakin papa tomom ac nina kiom” (Exodus 20:12).

• “Nik kom akmas” (Exodus 20:13).

• “Nik kom kosro” (Exodus 20:14).

• “Nik kom pisrapasr” (Exodus 20:15).

• “Nik kom kaskas kikiap lain mwet tulan lom” (Exodus 20:16).

• “Nik kom rapku” (Exodus 20:17).

Luti Ma Pwacye: Wacngihnn Sie God met liki Yuc

Puhs mwet ke kain in acn alu nuh ke ma ma ahkacsmakihnyaclos ke Diety kuh mwet mahtuh lalos. Kuhtuh pacl uh kuhtuh ma ingacn, kuh in ma sruhlwaclah, sain ke alu, acn in alu srihsrihk, kuh pac in pa kuhiyacn ahkfuhlwact lalos. Kahsruh elos suc kom luti an in siyac na luhlahlfongi lalos ac alu nuh sin Pahpah Inkuhsrao ac Jisus Kraist.

Stuhti ke Ma Suhmuhslah

• Mosiah 13:11–24

• Liye Doctrine and Covenants 35:24; 59:5–6

• Exodus 20:1–17

• Deuteronomy 5:6–21

Luti Yohk ke Ip Yohk Se Inge

• Kolyuck nuh ke Ma Suhmuhslah: “Masap, Singucul”

• Sifac ke Wosasuc: “Masap Singucul”

Solsol

Kom kuh in ahkos Masap Singucul?

Moulkihn Masap luhn Tiac Kosro.

Masap ke tiac kosro el ip yohk se ke plwacn luhn God nuh ke moul in molwelah ac ma pahtpaht lasr uh. Apuhsrali inmahsrlon mukul ac muhtwacn pahyuck se akwucki sin God in orek fahko ac in ahkkahlwemye luhngse ke macruht. Apuhsrali se inge ac kuh se ma sang oraclah mwet uh enenuh in kahto ac muhtahl.

Masap luhn God ke tiac kosro pa in tiac ohsun sin mwet fin elos tiac macruht inmahsrlon mukul se ac muhtwacn se. Masap se inge kalmeyac pac pa in oasr luhlahlfongi fokoko ac suhnak nuh sin tuhma kuh kiacn mwet se tukun macruhtlac.

In kahsre kuht in karihngihn masap ke tiac kosro, mwet pahluh ahkkweyekuht in nwacsnwacs nuhnak ac kahs lasr uh. Kuht enenuh in tiac liye petsac koluk ke oacna sie kain. In karihngihn masap ke tiac kosro, kuht enenuh in nwacsnwacs ke elah ac atacsr.

Mwet ma ahkolah in pacptais uh enenuh in moulkihn masap ke tiac kosro.

Auliyak ac Eis Nuhnak Muhnahs

Ye muhtuhn God, kuhnahoslah masap ke tiac kosro el ma koluk na upac se (lliye Exodus 20:14; Ephesus 5:3). El pihlesruh kuh muhtahl se El use in sang oraclah moul uh. Tuhsruhk El sikalweni in luhngse kuht finne kuht kuhnaoslah masap se inge. El suli kuht in auliyak ac in kuh in nwacsnwacslah ke kihsaclah muhtahl luhn Jisus Kraist. Ahsor ke ma koluk uh kuh in ayaolac ke mihs na wowo se ke nuhnak muhnahs luhn God (liye Doctrine and Covenants 58:42–43).

Mwe insewowo

God El oraclah masap ke tiac kosro in ahkinsewowoye kuht ac tuhlihk nguhn ma El suhpwacma nuh fin facluh. Ahkos masap se inge yohk srihpac nuh ke mihs luhn kais sie ac in puhlakihn luhngse, luhlahlfongi, ac ma se fanna ke kuhpahsr lasr nuh sin sucu lasr.

Ke kuht moulkihn masap ke tiac kosro, kuht kuh in karihngihnyuck ke mwe sensen luhn nguhn ma e tuhkuh ke apuhsrali luhn mahno lihkihn macruht uh. Kuht e oacyacpac kuhtanglah elyah ke nuhnak ac mahno ma kwacna sikyak ke kuhpahsr inge. E kapwack nuhnak in luhlahlfongi lasr ye muhtuhn God (liye Doctrine and Covenants 121:45). Kolyuck luhn Nguhn Muhtahl e yohkwelihk ac kahlwem nuh sesr. Kuht e ahkolah in oraclah wuhlweacng muhtahl lin tempuhl ma oracni sucu lasr ne tok ma pahtpaht.

Siyacnyacn Tuhkweni Muhta

Siyacnyacn ma tuhkweni muhta lihkihn macruht inmahsrlon mukul se ac muhtwacn se tiac kuh in pacptaislac ne ke na elos moulkihn masap ke tiac kosro. Kalmac pa in tiac tuhkweni muhta—lah mukul se ac muhtwacn se kuh mukul se mukul se muhtwacn se muhtwacn se—kuh, nuh sin mukul se ac muhtwacn se, kalmac pa in macruhtlac. El oacyacpac enenuh in oasr orekmakihnyen luhlahlfongi nuh ke auliyak oacna ke ahkuhtweyucki ke Doctrine and Covenants 20:37. Macruht inmahsrlon mukul se ac muhtwacn se ip yohk srihpac se nuh ke plwacn luhn God.

Nguhsr se in moulkihn masap ke tiac kosro e arulacna upac nuh sin kuhtuh mwet ma kom luti an. Pruhe kac ac akihlen elyah luhn kais sie. Ukwe pihrihkyuck luhn Nguhn ke pacl se kom luti an. Orekmakihn kahs in sensen ac tiac elakihn sramlacp. Fin enenweyuck, suk kahsr sin misin prestuhn lom fin oasr elyah.

Stuhti ke Ma Suhmuhslah

• 3 Nephi 12:27–30

• Liye Doctrine and Covenants 42:22; 59:6; 63:16

• Matthew 5:27–28

• Ephesus 5:3–5

Luti Yohk ke Ip Yohk Se Inge

• Mwe Kol nuh ke Ma Suhmuhslah: “Masap ke Tiac Kosro”

• Sifac ke Wosasuc: “Masap ke Tiac Kosro”

Solsol

Kom kuh in kampare nuh ke ohiyac nwacsnwacs ke nuhnak ac elah lom an? Kom kuh in ahkos masap ke tiac kosro?

Kihsensiyuck Siyuckyuck ke Pacptais ma Orekmakihnyuck

• Meac kahlwem sum ke masap ke tiac kosro, ma tiac lwelah oacna sie ohsun luhn mahno lihkihn macruht akiyucki inmahsrlon mukul se ac muhtwacn se? Kom insese in ahkos masap se inge meet liki ac tukun kom pacptaislac uh?

• Oasr pacl kom wi tohllah kuh uniyac tuhlihk se? [Ma sihmlac: Mwet ma fahk ahok nuh ke kihsensiyuck se inge enenuh in sirapeiyuck yurun misin prestuhn kuh mwet in kahsruh srihsrngiyucki se met liki ahkkweyeyucklac in pacptais.]

Karihngihn Masap ke Sie Tahfuh Singucul

Sie ohiyac wo mempucr ke Alu uh eis pa moli sie tahfuh singucul. Ke kuht moli uh, kuht kahsruh in pahtok orekma luhn God ac ahkinsewowoye tuhlihk Nahtuhl.

Masap ke sie tahfuh singucul tuhkuh e ke pacl ke Wuhlweacng Mahtuh ah. Sie srihkasrak an pa, mwet pahluh Abraham el moli sie tahfuh singucul ke ma nuhkwewa lal (liye Alma 13:15; Genesis 14:18–20).

Kahs se inge tithe kalmac pa sie tahfuh singucul. Ke kuht sang uh, kuht kahsruh sang sie tahfuh singucul ke ma kuht kosracni nuh ke Alu (liye Doctrine and Covenants 119:3–4; kap kac uh etweyuck muh ma kuht oracni). Ma nuhkwewa ma oasr sesr uh ma yurun God. Ke kuht moli sie tahfuh singucul, kuht fahkwack tarilac lasr nuh Sel ke kuht fohlohkihn kihtinmac ma El use nuh sesr.

Moli sie tahfuh singucul in inkacnek in fahkwack luhlahlfongi lasr. El oacyacpac inkacnek se in ahkfuhlactye God. Jisus el luti lah kuht enenuh in “nunku … meet tohkohsrahi lun God” (Matthew 6:33), ac moli sie tahfuh singucul el inkacnek in oruh ohingacn.

Orekmakihnyacn Mani ke Sie Tahfuh Singucul

Sie Tahfuh Singucul el muhtahl Kuht sang sie tahfuh singucul lasr nuh sin mempucr se ke pisraprik, kuh ke acn puhs ma kuht kuh in moli online. Ke pisraprik elos eis sie tahfuh singucul inge, elos suhpwaclah nuh ke ohfuhs luhlahp luhn Alu uh.

U se suc tuhkuh ke Prestuhnsi Se Met, U luhn Mwet Sap Singucul Luo, ac Presiding Pisraprik elos sulaclah lah e orekmakihnyuck fuhkah mwe sang se inge nuh ke orekma luhn God (liye Doctrine and Covenants 120:1). Ma inge orekmakihnyuck nuh ke:

• Muhsahi ac ahkwoye tempuhl ac iwen toeni.

• Luhngaslah ac oraclah luhn ma suhmuhslah.

• Tahpuhk mukwikwi ac orekma luhn u ke Alu luhn acn sesr uh.

• Kahsruh orekma luhn misineri fin facluh nohfohn.

• Tahpuhk orekma ke sramsram mahtuh luhn sucu.

• Moli lutlut ac etwacack.

Sie tahfuh singucul tiac orekmakihnyuck in sang moli mwet kol ke Alu ke acn selos. Elos kuhlwacnsap ke luhngse lalos ac tiac moliyuck.

Mwe insewowo

Ke kuht moli sie tahfuh singucul, God el olwelah mwe insewowo ma yohklac liki na ma kuht sang uh. El ac “ikasla … winto inkusrao ac ukuiya … kain in ma wo nukewa,in arulana yolyak nu suwos” (Malachi 3:10; liye fuhs 7–12). Mwe insewowo inge kuh in tuhkuh kwewana ke nguhn ac ikoac.

Stuhti ke Ma Suhmuhslah

• Liye Doctrine and Covenants 119; 120

• Matthew 6:33

• Hebrew 7:1–2

• Genesis 14:18–20

• Leviticus 27:30–33

• Malachi 3:7–12

Luti Yohk ke Ip Yohk Se Inge

• Mwe Kol nuh ke Ma Suhmuhslah: “Sang, Sie Tahfuh Singucul”

• Sifac ke Wosasuc: “Sie Tahfuh Singucul”

Solsol

Kom kuh in karihngihn masap ke sie tahfuh singucul tukun kom pacptaislac?

Kihsensiyuck Siyuckyuck ke Pacptais ma Orekmakihnyuck

Meac kahlwem lom ke masap ke sie tahfuh singucul? Kom insese in ahkos masap se inge?

Sang kahsruh ke Sie Tahfuh Singucul ac Mwe Sang Sahyac

Ahkuhtweyac nuh sin mempucr sasuc lah e orek fuhkah sie tahfuh singucul ac mwe sang nuh sin mempucr ke pisaprik (orekmakihn pwepuh in sang ah) kuh online (liye donations.ChurchofJesusChrist.org).

Ahkuhtweyac lah pisaprik ac mwet in sihm elos sihmihs ac lie ahkwoyac mwe sang inge ac sie tahfuh singucul. Ma sihmlac ke mani inge nuhkwewa elos fihliyac in lukme.

Mempucrs elos wi pisrap in lohng luhpan ma elos sang ke sie tahfuh singucul ke apkuhran in sahflah yac sac. Ke toeni lukme se inge, elos fahkwack sie tahfuh singucul lalos ke luhlahlfongi pwacye ac kuh in eis ripohrt ke kahsruh lalos inge.

Moulkihn Kahs in Lahlmwetmwet.

Masap in Ahkkweye Mahno luhn Leum

Mahnosr elos mwe sang muhtahl sin God. Kais sie sesr enenuh mahno se in puhla ma uh ac in kuh in oacna El. Mahnosr yohk na pwacye srihpac pwacnwacng ma suhmuhslah elos kapsra nuh ke tempuhl (liye Sie Corinth 6:19–20).

Leum el luhngse kuht in karihngihn mahnosr ke suhnak. In kahsrekuht in oruh ohinge, El use masap in ahkkweye mahno pahngpahng Kahs in Lahlmwetmwet. Fwackyuck se inge luti kuht in kang mongo ma e ahkkweyekuht ac tiac orekmakihn ma e ahkmuhnahsye mahnosr—yohk na mwe nihm kuh, tobacco, ac mwe nihm sahyac ( nuh ke tea ac kohfi).

Nguhn se ke Kahs in Lahlmwetmwet inge, mwet pahluh miseenge inge sensenkackihnkuht liki ma fokoko inge ma kuhi n ahkolukyekuht, tiac wo, kuh oruh kuht in pahlah kac. Mwet pahluh elos oacyacpac sensen kackihnkuht liki drugs kuh ono kuh. (Misin prestuhn lom el ac fah topuk kihsensiyuck ma ono inge kuh in sahp tiac orekmakihnyuck ke acn lom an.)

Mwe insewowo

Leum el oraclah Kahs in Lahlmwetmwet nuh ke fokokoiyacn mahnosr ac nguhnasr. El olwelah mwe insewowo na yohk fin kuht ahkos masap se inge. Mwe insewowo inge pa fokoko luhn mahno, lahlmwetmwet, yohk etuh la, ac karihngihnyuck (liye Doctrine and Covenants 89:18–21).

Karihngihn Kahs in Lahlmwetmwet e kahsre kuht in lohng wo pihrihrkyuck luhn Nguhn Muhtahl. Finne kuht nohfohn puhlakihn mas luhn ikoac, ahkos masap se inge kuh in kahsre kuht in karihngihn mahnosr ac nguhnasr wo, fokoko.

Mwet ma ahkolah in pacptaislac enenuh in ahkos Kahs in Lahlmwetmwet.

In kol mwet ma enenuh kahsruh ma elyah ke pahlah luhn ma elos orekmakihn, liye sapta 10.

Stuhti ke Ma Suhmuhslah

• Liye Doctrine and Covenants 59:15–20; 88:124; 89

• Sie Corinth 6:19–20

Luti Yohk ke Ip Yohk Se Inge

• Mwe Kolyuck nuh ke Ma Suhmuhslah: “Kahs in Lahlmwetmwet”

• Sifac ke Wosasuc: “Health,” “Word of Wisdom”

• Kahsruh Moul uh: “Ma Orekmakihnyuck Pahlah”

Solsol

Kom kuh in karihngihn Kahs in Lahlmwetmwet?

Kihsensiyuck Siyuckyuck ke Pacptais ma Orekmakihnyuck

Meac kahlwem lom ke Kahs in Lahlmwetmwet? Kom ahkolah insese in ahkos Kahs in Lahlmwetmwet meet liki ac tukun kom pacptaislac?

Karuhnguhnwacng Ahkmuhtahlye Lwen Sahpuht

Lwen in Monglac ac Ahkfuhlwact

Sahpuht el lwen muhtahl se ma God el srwelah nuh sesr ke wik se in monglac liki orekma lasr lwen nuhkewa ac Ahkfuhlwactyacl. Sie sie Masap Singucul ma ituckyang nuh sel Moses ah pa in “esamya lwen Sabbath, in akmutalye” (Exodus 20:8; liye pac fuhs 9–11).

Ke sie fwackyuck misenge, Leum el sifwil ahkkohnye lah Sahpuht “el lwen se akmuhsralah nuh sum in monglac liki orekma, ac in fahkwack kaksak la nuh sin El suc Fuhlactlacna” (Doctrine and Covenants 59:10). El oacyacpac fahk lah Sahpuht el lwen in engan, pruhe, ac sang kuloh (liye fuhs 14–15).

Ipin ahkfuhlwact lasr ke lwen Sahpuht, kuht wi toeni ke sacracmacn ke kais wik. Ke toeni se inge, kuht ahkfuhlwactye God ac eis sacracmacn in esamuhl Jisus Kraist ac Iwaclah Lal. Ke kuht ipeis ke sacracmacn, kuht ahksasucye olwelah lasr nuh sin God ac ahkkahlwemye lah kuht kena in auliyak ke ma koluk lasr. Akwuck ke sacracmacn pa srihpac yohk lasr ke ahkfuhlwactyeyacn lwen-Sahpuht.

Ke Alu ah kuht oacyacpac wi kuhlahs ma kuht lotwelah yohk ke wosasuc luhn Jisus Kraist. Luhlahlfongi lasr uh kapwack ke kuht tuhkweni lutlutkihn ma suhmuhslah. Luhngse lasr uh yohkwelihk ke kuht kuhlwacnsap ac ahkkweye sie sin sie.

In weacng pacna monglac lasr ke orekma ke lwen Sahpuht, kuht enenuh in tiac moul kuh oruh mukwikwi ma kuht oruh ke lwen nuhkwewa. Kuht fihliyac nuh sahyac mukwikwi luhn facluh ac siiyac na nuhnak ac ohiyacsr nuh ke ma luhn nguhn.

Lwen in Oruh Ma Wo

Oruh ma wo ke lwen Sabbath el yohk srihpac liki na kuht fihliyac oruh in muhtahl. Kuht lutlut ke wosasuc, ahkkweye luhlahlfongi, muhsahi kuhphasr, oruh kuhlwacnsap, ac wi mukwikwi wowo yurun sucu ac kawuck.

Mwe insewowo

Karihngihn lwen Sabbath in muhtahl el fahkwack kaksak se lasr nuh sin Pahpah Inkuhsrao ac Jisus Kraist. Ke kuht oruh mukwikwi lasr ke lwen Sabbath in fahsr ohi nuh ke ohiyac luhn God, kuht e puhla engan ac mihs. Kuht e kihp ke ma luhn nguhn ac puhla ahksasuc ke mahno. Kuht e oacyacpac puhla fototoeni nuh sin God ac fototoeni inmahsrlosr nuh sin Mwet Lahngo lasr. Kuht e karihngihn kuhtyang “in tiac wi ma luhn facluh” (Doctrine and Covenants 59:9). Lwen Sapuht e fah “mutal” (Isaiah 58:13; liye pac fuhs 14).

Stuhti ke Ma Suhmuhslah

• 3 Nephi 18:1–12

• Liye Doctrine and Covenants 59:9–19

• Moses 3:1–3

• Matthew 12:10–13

• Exodus 20:8–11; 31:12–13, 16–17

• Isaiah 58:13–14

Luti Yohk ke Ip Yohk Se Inge

• Sifac ke Wosasuc: “Lewn Sahpuht”

• Mwe Kol nuh ke Ma Suhmuhslah: “Lwen Sahpuht”

Solsol

• Kom kuh in ahkmuhtahlye lwen Sabbath ac wi Alu ke wik nuhkwewa?

• Kom kuh in kampare fahsr ipeis ke sacracmacn tukun kom pacptaislac?

• Kom kuh in wi kuht som ohsun sel pisap (kuh pracns prestuhn) ke alu lasr ah?

Kihsensiyuck Siyuckyuck ke Pacptais ma Orekmakihnyuck

Meac kahlwem lom ke karihngihn ahkmuhtahlye lwen Sabbath, wi pacna ipeis sacracmacn ke kais sie wik ac in kuhlwacnsuhpuh mwet sahyac? Kom ahkolah in ahkos akwuck inge met liki ac tukun kom pacptaislac?

Orekma ke lwen Sabbath

Mempucrs ke Alu uh kuhtuh pacl uh elos enenuh in orekma ke lwen Sabbath ke srihpen mwet elos wi orekma ah kuh in ahkolah enenuh lalos kuh enenuh luhn acn sac. Ke ohiyac se inge, mempucrs kampare in sruokyacna ahkmuhtahlye lwen Sabbath ke kuhiyaclos. Mempucrs kuh in eis kahsruh sin mwet kol lalos ke elyah inge.

Ahkos ac Ahkfuhlwactye Masap

Mwet Luhlahlfongi ke Lwen-sahflah luhlahlfongi in ahkos masap inge ac mwet wowo muhta in acn ingacn (liye Doctrine and Covenants 134; Ip Yohk ke Luhlahlfongi 1:12). Mempucrs ke Alu uh ahkkweyeyuck in tahfwelah kuhlwacnsap inge in ahkwoye mura ac muhtuhnfacl lalos. Elos oacyacpac ahkkweyeyuck in mwet wowo kuh in luhlahlfongiyuck ke mura ac kafucrmacn lalos.

Mempucrs ke Alu uh elos suliyuck in wi ma orek ke kafucrmacn ac acn in masap ma fahsr fal nuh ke masap lalos. Mempucrs ma sruok wal ke kafurcmacn orekma ke kunohkohn inge elos mwet etweyuck ke nuhnak, tiac mwet ahol Alu uh.

Stuhti ke Ma Suhmuhslah

• Doctrine and Covenants 58:21; 134

• Ip Yohk ke Luhlahlfongi 1:12

Luti Yohk ke Ip Yohk Se Inge

• “Mukwikwi ke Masap ac Suwohs luhn Acn” ke sactin 38.8 ke General Handbook

• Sifac ke Wosasuc: “Mwet muhta wowo”

Solsol

Kom kuh in ahkos masap ke acn ma kom muhta kac an?

Kihsensiyuck Siyuckyuck ke Pacptais ma Orekmakihnyuck

Nuh oasr ma upac se kom kuhnaoslah? Fin oasr, kom oasr in kapihr kuh puhlan pacl se sruokyucki kom? [Ma sihmlac: Mwet ma topuk ahok nuh ke kihsensiyuck soko inge enenuh in sirapeiyuck sin misin prestuhn kuh mwet in kahsruh srihsrngiyucki se met liki ahokiyucki pacptais sacn.]

Wuhlweacng Lasr in Kuhlwacnsuhpuh God ac Mwet Sahyac

Kuhlwacnsap

Ke kuht pacptaislac uh, kuht wuhlweacng in kuhlwacnsuhpuh God ac mwet sahyac. Kuhlwacnsuhpuh mwet sahyac el sie ip ke inkacnek yohk ma kuht kuhlwacnsuhpuh God (liye Mosiah 2:17). Mwet pahluh Alma el luti nuh selos suc kena pacptaislac lah enenuh elos in “kena in akacsruhi ke ma toasr luhn kais sie, … ahsor weluhlos suc ahsor … , ac ahkenganyaclos suc enenuh in ahkenganyeyuck” (Mosiah 18:8–9).

Tukun na pacptais an, mempucrs sasuc elos eis kunohkohn se in kuhlwacnsap ke Alu uh. Kunohkohn inge elos eis ke luhngse lalos ac tiac moliyuck. Ke kuht sruokyac kunohkohn inge ac fasrweacng in kuhlwacnsap, kuht kapwack ke luhlahlfongi, ahkyohkye taluhn, ac ahkinsewowoye mwet sahyac.

Sie pac ip ke kuhlwacnsap lasr ke Alu uh pa “tamuhlwel forfor luti” kuh “tahmtahel forfor luti.” Ke kunohkohn inge, kuht kuhlwacnsuhpuh kais sie ac sucu ma kunweyucki nuh sesr uh.

Ekihn mwet tuhma lutlut luhn Jisus Kraist, kuht suk ke kain in inkacnek in kuhlwacnsap ke kais sie lwen. In oacna El, kuht som “oruh ma wo” (Orekma 10:38). Kuht kuhlwacnsuhpuh mwet tuhlan lasr ac mwet sahyac ke mura lasr. Kuht kuh in wi oruh inkacnek in kuhlwacnsap ke acn se pahngpahng JustServe fin oasr yohrohsr. Kuht kuh in tahpuhk orekma in kahsruh luhn Alu uh nuh met ac wi ahkwoye acn muhsahlah.

Stuhti ke Ma Suhmuhslah

• Mosiah 2:17; 4:15–16, 26; 18:8–10; 23:18

• Liye Doctrine and Covenants 42:38

• Matthew 25:31–46

• Luke 10:25–37

• James 1:27; 2:17

Luti Yohk ke Ip Yohk Se Inge

• Mwe Kol nuh ke Ma Suhmuhslah: “Kuhlwacnsap”

• Sifac ke Wosasuc: “Kuhlwacnsap”

Solsol

Kom kuh in sruokyac kunohkohn se kuh orekma se fin utuckoht nuh sum (weacng pacna kunohkohn ekihn tamuhlwel ac tahmtahel forfor luti)?

Akacsruhi ke Wosasuc

Sie ip ke wuhlweacng lasr ke pacptais, kuht olwelah in“tu oacna mwet loh luhn God” (Mosiah 18:9). Sie inkacnek ma kuht tu oacna mwet loh pa ke kuht akacsruhi ke wosasuc luhn Jisus Kraist. Kahsruh mwet sahyac in eis ke wosasuc el sie sin kuhlwacnsap engan emet ma kuht kuht in sang uh (liye Doctrine and Covenants 18:15–16). El fahkwack fokokoiyacn luhngse lasr uh.

Ke kuht puhlakihn mwe insewowo ke moulkihn wosasuc, fihsrwacsr kuht in akacsruhi mwe insewowo ingacn. Mwet in sucu, kawuck, ac mwet kom fototo nuh se elos kwacna luhngse ohiyac inge ke kuht akiyac srihkasrak wowo ac ke elos liye lah wosasuc ahkinsewowoye moul lasr. Kuht kuh in akacsruhi wosasuc ke inkacnek na fihsrwacsr ac natural (liye General Handbook, sapta 23).

Kuht suli mwet sahyac wi kuht ke toeni, mura, sritacl, ac mukwikwi ke Alu uh. Kuht kuh in solwaclos nuh ke toeni ke Alu kuh alu ke pacptais se. Kuht kuh in solwaclos in liye video online se ma ahkuhtweyac wosasuc luhn Jisus Kraist, in riti Puk luhn Mormon, kuh in muhtwacta ke pacl se ikacklah tempuhl uh. Oasr ke foko solsol kuht kuh in oruh pac nuh sin mwet sahyac. Solsol muhlahlah inge kwacna som nuh sin sucu, kawuck, ac mwet tuhlan ma etuh tari ma kuht oruh uh.

Fin kuht siyuck, God elac kahsre kuht in akihlen inkacnek in akacsruhi ke wosasuc ac sruhmuhn nuh sin mwet sahyac lah ma inge ahkinsewowoye fuhkah moul lasr.

In etuh yohk in orekmakihn mwe luti ke luhngse, akacsruhi, ac suli, liye “Tuhkweni/Sie sin sie nuh sin Mempucrs” in sapta 9.

Stuhti ke Ma Suhmuhslah

• Liye Doctrine and Covenants 88:81

• Matthew 28:19–20

Luti Yohk ke Ip Yohk Se Inge

• Mwe Kol nuh ke Ma Suhmuhslah: “Orekma luhn Misineri”

• Sifac ke Wosasuc: “Orekma luhn Misineri”

Solsol

• Kom kuh in pruhe kacn misinacri ac ke inkacnek ma kom kuh in akacsruhi ke wosasuc?

• Kom kuh in suk in moulkihn mwe luti ke luhngse, akacsruhi, ac suli kawuck, sucu, ac mwet sahyac?

Lalo ac Mwe Sang ke Lalo

God El oraclah masap ke lalo inkacnek se lasr in ahkkweye nguhnasr in kahsruh elos suc enenuh.

Kalmacn lalo pa in tiac eis mongo ac mwe nihm ke puhlan pacl se. Alu uh kwacna srwelah Sacnri se emet ke mahlwem nuhkwewa in lwen in lalo se. Lwen in lalo se el lwen se ma tiac eis mongo ac nihm ke lusen ao 24 fin kuht kuh uh. Kuhtuh ma yohk srihpac sahyac ke Sacnri in lalo pa pruhe ac fahkwack luhlahlfongi pwacye la. Kuht oacyacpac ahkkweyeyuck in lalo ke pacl sahyac ma kuht puhla oasr enenuh.

Muhsahi Nguhn in Fokoko

Lalo kuh in kahsre kuht in puhsisacl, fototoeni nuh sin God, ac puhla sasuci luhn nguhn. Met liki muhtwacwacack orekma Lal facluh, Jisus Kraist el lalo (liye Matthew 4:1–2). Ma suhmuhslah sruhmuhn ma sihmlac puhs kacn mwet pahluh ac mwet sahyac ma lalo tuh nguhn lalos in kuh in fokokoi ac elos suk mwe insewowo nuh selos sifacna ac mwet sahyac.

Lalo ac pruhe tuhkweni na fahsr Ke kuht sang luhlahlfongi lasr in lalo ac pruhe uh, kuht lohacng wo in eis fwackyuck nuh sesr sifacna. Oacyacpac fihsrwacsr nuh sesr in akihlen ma pwacye ac kahlwem ke kena luhn God.

Kahsruh Elos suc Enenuh

Ke kuht lalo uh, kuht sang mani nuh ke Alu uh in kahsruh mwet suc enenuh. Ma se inge pahngpahng Mwe Sang ke Lalo. Suliyuck kuht in sang mwe sang luhn lalo ma e oacna molin mongo ma kuht kanglah ke lwen sacn. Mempucr an ac ahkkweyeyuck in puhsisacl ac sang yohk likina molin mongo luo fin elos kuh. Sang mwe sang luhn lalo el sie inkacnek in kuhlwacnsuhpuh mwet sahyac.

Mani inge orekmakihnyuck in sang moli mongo, iwen muhta, ac ma enenweyuck sahyac nuh sin mwet suc enenuh, kwewana fin acn suwos sifacna ac facluh nohfohn. Nuh ke kahlwem yohk nuh ke kahsruh luhn mwe sang ke lalo, liye “Kahsruh Sang Sie Tahfuh Singucul ac Mwe Sang luhn Lalo” ke lesin se inge.

Stuhti ke Ma Suhmuhslah

Lalo

• Alma 5:45–46; 6:6; 17:2–3

• Moroni 6:5

• Liye Doctrine and Covenants 59:12–16; 88:76

• Isaiah 53:3–5

Karihngihn Elos suc Enenuh

• Mosiah 4:16–27

• Alma 4:12–13

• Matthew 25:31–46

Luti Yohk ke Ip Yohk Se Inge

• Mwe kol nuh ke Ma Suhmuhslah: “Lalo, Lalo”

• General Handbook: 22.2.2

• Sifac ke Wosasuc: “Lalo ac Mwe Sang ke Lalo”

Solsol

• Kom kuh in lalo ac pruhe ke Sacnri lalo se fahsruh uh ke sie mwe enenuh ah?

• Kom kuh in kahsruh sang mwe sang ke lalo (tukun kom pacptaislac)?

Wuhlweacng Lasr in Kuhtanglah nuh ke Sahflah

Ke kuht pacptaislac, kuht wuhlweacng nuh sin God “muhtweng ne ke sahflah” in moulkihn wosasuc luhn Jisus Kraist (2 Nephi 31:20; liye pac Mosiah 18:13). Kuht kampare in ekihn mwet tuhma lutlut wowo luhn Jisus Kraist.

Mwet pahluh se ke Puk luhn Mormon el ahkuhtweyac pacptais muh el muhtuhnpot se ma kuht ilyak nuh ke inkacnek in wosasuc (liye 2 Nephi 31:17). Tukun pacptais, kuht tahfwelah na in “ahkwot nuh met ke luhlahlfongi kuh in Kraist” (2 Nephi 31:20).

Ke kuht “ahkwot nuh met” fasr ke inkacnek luhn mwet tuhma lutlut, kuht ahkolah in som nuh tempuhl. Ingoh kuht kuh in oruh wuhlweacng lasr nuh sin God ke kuht eis akwuck ke tempuhl. Lin tempuhl, kuht e fah akmuhsralah ke kuh ac kuh in sil ekihn sucu ne tok ma pahtpaht. Karihngihn wuhlweacng kuht oraclah in tempuhl kuh in ikacslah sruhnguhl nuh ke ma luhn nguhn nuhkwewa ac mwe insewowo ma God El ahkolah nuh sesr.

Ke kuht insacnweacng in fahsr suwohs ke inkacnek luhn wosasuc, pwacye kuht e eis mwe insewowo yohk sin God—mwe sang ke moul ma pahtpaht (liye 2 Nephi 31:20; Doctrine and Covenants 14:7).

Sactin ekahsr tok inge e ahkuhtweyac kuhtuh ma ma God el ahkolah in kahsre kuht in kuhtanglah fuhfahsryucsr lasr ke moul suhkawihl se inge nuh ke sahflah—ac in sokwack engan kac.

Pristut ac U ke Alu uh

Pristut uh pa kuh ac wal luhn God. Yurun pristut, Pahpah Inkuhsrao el ahksahfyelah orekma Lal “in use moul wacngihn misac ac moul ma pahtpaht” luhn tuhlihk Nahtuhl (Moses 1:39). God El sang wal ac kuh nuh sin wen ac acn Nahtuhl fin facluh in kahsruh ahkfahsrye orekma se inge.

Kuh luhn pristut ahkinsewowoye kuht nuh kwewa. Akwuck suc pa nuh ke pacptais ac sacracmacn ituck selos suc sruok ohfuhs ke pristut inge. Kuht oacyacpac kuh in eis mwe insewowo luhn pristut ke onwelah, ahkwoye, ac kolyuck.

Pristut ac Mwet Kol ke Alu ac Kunohkohn

Alu uh kolyuck sel Jisus Kraist yurun mwet pahluh ac mwet sap. Mwet kol inge elos pahngonyuck sin God, akmuhsralah, ac ituckyang kuh luhn prisut in orekma ke inen Mwet Lahngo.

Pacl met ah, Kraist El sang nuh sin Mwet Sap kuh in pristut se pacna inge, suc lwelah nuh selos in kol Alu Lal tukun El sowack nuh inkuhsrao. Kuh se ingacn tuhlac ke pal se mwet ah tiac insese nuh ke wosasuc ac Mwet Sap inge misac.

Mwet tuhtahf inkuhsrao fohlohkohnwack pristut ke 1829 tuhkuh yohrohl Mwet Pahluh Joseph Smith, ac Leum El sifilpwac akiyac Alu Lal ke mwet sap ac mwet pahluh. (Liye lesin 1.)

Ke acn fal ma asr kac an, oasr kuh luhn pristut sel pisap ac stek prestuhn in kol mwet ke Alu uh.

Ke mukul ac muhtwacn uh pahng ac akmuhsralah nuh ke Alu uh, ituckyang nuh selos kuh sin god in orekma ke kunohkohn se ingacn. Kuh se inge ituckyang nuh sin misineri, mwet kol, mwet luti, ac mwet sahyac ne kena pacl se pahng itucklac luhkwelos. Kuneyucki ye kolyuck lalos suc ma sruok ki luhn pristut.

Kuh luhn pristut kuh in orekmakihnyuck muhkwena ke suwohs (liye Doctrine and Covenants 121:34–46). Kuh se inge luhlahlfongi muhtahl se in ahol Mwet Lahngo ac orekma ke Inel. Fihliyucki in ahkinsewowoye ac kuhlwacnsuhpuh mwet sahyac.

Aaronic Pristut and Melchizedek Pristut

Ke Alu uh, pristut uh nwacnwack Aaronic Pristut ac Melchizedek Pristut. Ye kohkoh lalos suc sruok ki luhn pristut, Aaronic ac Melchizedek Pristut ituckyang nuh sin mukul suwohs ma mempucr ke Alu uh. Tukun ituckyang pristut pwacye sac, mwet se ingacn suleyucklac nuh ke ohfuhs luhn pristut sacn, pa nuh ke deacon ac elder. El enenuh in akmuhsralah sin mwet se ma sruok kuh se ingacn.

Ke mukul se kuh mukul fuhsr se eis pristut, el oraclah wuhlweacng nuh sin God in ahkfalyelah kunohkohn muhtahl, kuhlwacnsuhpuh mwet sahyac, ac kahsruh muhsahi Alu uh.

Mukul fuhsr kuh in eis Aaronic Pristut ac kuh in srihsrngiyucki nuh ke deacon muhtwacwacack ke Jacnacri ke yac se el eklac yac 12. Elos kuh in akmuhsralah nuh ke teacher ke elos yac 14 ac priest ke el yac 16. Mukul mahtuh ma tuhfahna in pacptaislac kuh in eis Aaronic Pristut tukun na elos pacptaislac ac ahkkweyeyucklac. Mwet ma sruok Aaronic Pristut ahkfahsrye akwuck suc pa nuh ke sacracmacn ac pacptais.

Tukun kuhlwacnsap ke puhlan pacl se ekihn prist ke Aaronic Pristut, mukul suwohs ma matwac oasr ke yac 18 kuh in eis Melchizedek Pristut ac akmuhsralah nuh ke elder. Mukul ma eis Melchizedek Pristut kuh in ahkfahsrye akwuck ke pristut pa nuh ke sang mwe insewowo in onwelah ac ahkwoye nuh sin mempucr ke sucu ac mwet sahyac.

Liye General Handbook, 38.2.9.1, nuh ke mwe etuh sahyac kacn mempucrs sasuc ma eis pristut.

U ac U Srihhsrihk ke Alu uh

U luhn Pristut Quorum el u se oreklac kacn mukul sruok pristut. Kais sie ward oasr u luhn elders ma nuh sin mukul mahtuh. Deacon, teacher, ac u ke prist ma nuh sin mukul fuhsr.

Rilif Sosaiti. Rilif Sosaiti ma nuh sin muhtwacn matwac yac 18 ac mahtuh liki. Mempucrs ke Rilif Sosaiti elos ahkkweye sucu, kais sie, ac acn selos.

Muhtwacn Fuhsr. Muhtwacn fuhsr elos wi u luhn Muhtwacn Fuhsr muhtwacwacack ke Jacnuacri ke yac se elos eklac yac 12.

U luhn Tuhlihk Srihsrihk. Tuhlihk matwac yac 3 nuh ke 11 elos ma ke u luhn Tuhlihk Srihsrihk.

Sacnri Skul Mwet mahtuh ac fuhsr nuhkwewa wi Sacnri Skul, elos ohsun in tuhkweni lutlut ke ma suhmuhslah.

In etuh yohk ke mwe ahkkahlwemye ke pristut, liye General Handbook, sapta 3.

In etuh yohk ke mwe ahkkahlwemye ke u luhn pristut ac u ke Alu uh, liye General Handbook, sapta 8–13.

Stuhti ke Ma Suhmuhslah

• Mosiah 18:17

• Alma 13:1–19

• Liye Doctrine and Covenants 20:38–65; 84:19–20; 107; 121:34–46

• Ip Yohk ke Luhlahlfongi 1:5.

• Luke 9:1–6

• John 15:16

• James 5:14–15

Luti Yohk ke Ip Yohk Se Inge

• General Handbook, sapta 3: “Mwe Luti ke Pristut”

• Sifac ke Wosasuc: “Aaronic Pristut,” “Melchizedek Pristut,” “Pristut”

Solsol

• Kom kuh in ahkolah in eis Aaronic Pristut? (Nuh sin mukul matwac yac 11 ac mahtuh liki)

• Kom kuh in ahkoekomlac in eis Melchizedek Pristut? (Nuh sin mukul mahtuh)

• Kom kuh in wi ma orek ke u ke Alu uh?

Pahyuck[Macruht] ac Sucu

Pahyuck

Pahyuck inmahsrlon mukul ac muhtwacn akmuhsraiyucklac sin God. Yohk srihpac nuh ke plwacn Lal tuhlihk Nahtuhl in muh kapwack ne tok.

Insese inmahsrlon mukul ac muhtwacn se ke pahyuck uh enenuh in kuhpahsr engan se emet lalos fin facluh. Oasr kunohkohn muhtahl se lalos in etuh suhnak nuh sin sie sie ac in pwacye nuh ke olwelah lalos ke macruht.

Mukul tuhma ac muhtwacn kiyac elos ma se fanna ke muhtuhn God. Sie tiac enenuh in lucng facn sie. Sulaclah lalos uh enenuh in orekma in ma se fanna ac ke luhngse, kwewana in insese kac.

Ke mukul ac muhtwacn pahyuck se luhngse sie sin sie ac tuhkweni orekma, pahyuck lalos kuh in kuhfa na wowo se nuh ke engan lalos. Elos kuh in kahsruh sie sin sie ac tuhlihk nahtuhlos in sun moul ma pahtpaht.

Sucu

In oacna macruht kuh pahyuck, sucu uh akiyucki sin God ac yohk srihpac nuh ke placn Lal nuh ke engan lasr ne tok ma pahtpaht. Sucu lasr uh enenuh na in engan ke kuht moulkihn mwe luti lal Jisus Kraist. Pahpah ninac luti tuhlihk nahtuhlos ke wosasuc luhn Jisus Kraist ac oraclah srihkasrak in moulkihn. Sucu oraclah inkacnek nuh sesr in luhngse ac kuhlwacnsuhpuh mwet sahyac.

Pahpah ninac enenuh in oraclah sucu lalos uh in pa ma se ma yohk srihpac emet. Kunohkohn na muhtahl ac wowo se nuh sin pahpah ninac in karihngihn tuhlihk ma elos oswelah kuh nuhtwelah uh.

Sucu nuhkwewa oasr elyah la. Ke kuht suk kahsruh luhn God ac karihngihn masap Lal, elyah luhn sucu uh kuh in kahsre kuht in etwaclah ac kapwack. Kuhtuh pacl uh elyah inge kahsre kuht in etwaclah in auliyak ac suk nuhnak muhnahs.

Mwet kol ke Alu uh ahkkweye mempucrs in toeni ke sie ekuh ah ke wik nuhkwewa. Pahpah ninac orekmakihn pacl se inge in luti tuhlihk nahtuhlos ke wosasuc, ahkkweye kuhpahsr luhn sucu, ac in tuhkweni pwacr. Mwet kol ke Alu uh oacyacpac oraclah mwe fahkwack se ma luti ma pwacye yohk srihpac ke sucu (liye “Sucu: Sie Mwe Fahkwack nuh fin Facluh,” ChurchofJesusChrist.org).

Ohiyac sahyac in ahkkweye sucu pa sucu lac pruhe, lutlutkihn ma suhmuhslah, ac tuhkweni alu lohm alu ah. Kuht kuh in suk sramsram mahtuh ke sucu, oracni sramsram ke sucu, ac kuhlwacnsuhpuh mwet sahyac.

Puhs mwet wacngihn pacl la nuh ke macruht kuh luhngse kuhpahsr ke sucu. Puhs mwet pahyuck ne fahsrwelihk ac ma upac sahyac elos puhla ke macruht. Tuhsruhktuh, wosasuc ahkinsewowoye kais sie tiac elyah lah ke ma sikyak elyah ke sucu lalos. Ac ke kuht kampare in tu na kuh, God Elac ahkolah inkacnek nuh sesr mwe insewowo in luhngse sucu, sahp ke moul se inge kuh ke moul se tok uh.

Stuhti ke Ma Suhmuhslah

Pahyuck

• Liye Doctrine and Covenants 42:22; 49:15

• Ephesus 5:25

• Genesis 2:18, 24

Sucu

• Mosiah 4:14–15

• Alma 56:47; 57:21

• 3 Nephi 18:21

• Liye Doctrine and Covenants 68:25–28

• Ephesus 6:4

• Soakas 22:6

• “Sucu: Sie Mwe Fahkwack nuh fin Facluh”

Luti Yohk ke Ip Yohk Se Inge

• Mwe kol nuh ke Ma Suhmuhslah: “Sucu,” “Pahyuck, Macruht”

• General Handbook, sapta 2: “Tahpuhk Kais Sie ac Sucu ke Orekma in Molwelah ac Moul ma Pahtpaht”

• Sifac ke Wosasuc: “Pahyuck,” “Sucu,” “Pahpah/Ninac Kol”

Solsol

Orekmakihn solsol inge fal nuh ke elyah luhn mwet sacn.

• Kom kuh in oruh toeni in ekuh lohm sum, suculac pruhe lwen nuhkwewa, ac sucu lac lutlutkihn ma suhmuhslah?

• Kom kuh in suculac wi alu ke lwen Sahpuht?

Tempuhl ac Orekma ke Sramsram Mahtuh ke Sucu nuh sin Mwet Misac

Pahpah Inkuhsrao el luhngse tuhlihk Nahtuhl nuhkwewa ac kena elos in moullac ac eis moul ma pahtpaht. Tuhsruhk billion mwet misac tiac lohng ke wosasuc luhn Jisus Kraist kuh eis akwuck muhtahl ke wosasuc. Mwe luti inge pa pacptais, ahkkweyeyucklac, akmuhsralah luhn pristut nuh sin mukul, mwe sang muhtahl tempuhl, ac macruht ne tok ma pahtpaht.

Ke luhng kuhlwacng ac pahkotwen Lal, Leum El ahkolah inkacnek se pac nuh sin mwet inge in eis wosasuc ac mwe luti inge. Ke facl luhn nguhn, wosasuc lutiyuck nuh selos suc ma misac ac tiac na eis ah (liye Doctrine and Covenants 138). Lin tempuhl, kuht kuh in oruh akwuck inge ahol mwet misac lasr ac mwet sahyac. Mwet misac ke facl luhn nguhn inge kuh in eis kuh tiac eis wosasuc ac akwuck ma ahkfahsryeyuck kacltahl inge.

Met liki kuht kuh in oruh akwuck inge, kuht enenuh in ahkkahlwemye lah suc sucu lasr ma sonna eis uh. Akihlen sucu lasr inge elos in muh kuh in eis akwuck el sie srihpac yohk ke orekma ke sramsram mahtuh luhn sucu. Ke kuht sokwack ma kaclos, kuht sang ma ingacn nuh ke database luhn Alu uh oasr ke FamilySearch.org. Na kuht (kuh mwet sahyac) kuh in pacptais i mwet misac inge aholuhlos lin tempuhl.

Ke kuht ahkkahlwemye mwet lasr met ac oruh akwuck kaclos, sucu lasr kuh in ma se fanna ne tok ma pahtpaht.

Orekma ke Sramsram Mahtuh ke Sucu ac Fahsr nuh Tempuhl

Ahkuhtweyac mempucr sasuc ac mwet kom luti an nuh sin an nuh sin mwet kol ke ward tempuhl ac mwet in orekma ke acn in sramsram mahtuh ke sucu (kuh nuh sin sie pacna mempucr ma etuh ke tempuhl kuh orekma ke sramsram mahtuh tempuhl). Mwet kol inge kuh in kahsruh mwet in sokwack sucu lalos ma misac ma enenuh akwuck tempuhl. Orekmakihn toeni in aetuhilac ke wik nuhkwewa in plwacnelah lah e kahsreyuck fuhkah mempucr sasuc inge in muhtwacwacack oruh sramsram mahtuh lalos ke sucu lalos ac orekma ke tempuhl.

Mempucr sasuc ac mempucrs sahyac kuh in eis yurun pisap pwepuh in lwelah nuh tempuhl se in ahkfahsrye orekma ahol mwet misac ac mwet sahyac in pacptais ac ahkkweyeyucklac. Mempucr se kuh in eis pwepuh in lwelah inge muhtwacwacack ke Jacnuacri se ke yac ma elos eklac matwac yac 12. Mukul ma sruok Aaronic Pristut uh elos kuh pac in wi. Ahkkweye mempucr sasuc in silahklahk eis sie pwepuh in lwelah ah.

Fin tempuhl se an fototo, som nuh we wi mempucr sasuc fin kuh. Weluhlos oruh akwuck tempuhl.

Stuhti ke Ma Suhmuhslah

• Liye Doctrine and Covenants 128; 138

• Sie Corinth 15:29

• Sie Peter 3:18–21; 4:6

Luti Yohk ke Ip Yohk Se Inge

• General Handbook, sapta 28: “Akwuck Tempuhl nuh sin Mwet Misac”

• Sifac ke Wosasuc: “Pacptais ke Mwet Misac,” “Sramsram Mahtuh ke Sucu”

Solsol

• Kom kuh in ahkolah in eis akwuck tempuhl nuh sin mwet lom ma misac?

• Kom kuh in wi oruh orekma ke sramsram mahtuh ke sucu ac suhpwaclah ine luhn sucu misac lom ingacn in eis akwuck muhtahl tempuhl?

Tempuhl, Akwuck Muhtahl, Macruht ne tok ma Pahtpaht, ac Sucu ne tok ma Pahtpaht

Tempuhl

Tempuhl pa lohm sin Leum. El acn muhtahl se ma kuht kuh in oruh wuhlweacng nuh sin God ac eis akwuck muhtahl Lal. Ke kuht karihngihn wuhlweacng, kuh luhn god e oasr ke moul lasr (liye Doctrine and Covenants 84:19–22; 109:22–23).

Mwe Sang Muhtahl

Sie akwuck kuht eis lun tempuhl pa mwe sang muhtahl. Kahs se inge endowment pa “mwe sang.” Mwe sang ke etwacack ac kuh tuhkuh sin God. Ke pacl se ma ituck mwe sang muhtahl inge, kuht oraclah wuhlweacng nuh sin God ma kaprikuhti nuh Sel ac nuh sin Wen Nahtuhl, Jisus Kraist (liye sapta 1).

Mwet mahtuh elos kuh in eis mwe sang muhtahl lalos sifacna tukun yac se elos welah Alu uh. In etuh yohk ke mwe ahkkahlwemye se ke mwe sang muhtahl, liye General Handbook, 27.2.

Macruht ma Pahtpaht ac Sucu ma Pahtpaht

Plwacn in engan luhn God oruh kuhpahsr luhn sucu in som ahluhkwelah kuclyuck uh. Lin tempuhl kuht kuh in macruht nuh ke pacl ac nuh tok ma pahtpaht. Ma se inge oruh fihsrwacsr nuh sin sucu in tuhkweni ine tok ma pahtpaht.

Tukun siyacnyacn pahyuck elos eis mwe sang muhtahl lalos tempuhl, elos kuh in sil kuh macruht ne tok ma pahtpaht. Tuhlihk nahtuhlos kuh in sil nuh selos.

Mukul ac muhtwacn pahyuck ma sil tempuhl uh enenuh in karihngihn olwelah elos oraclah in eis mwe insewowo ke moul ma pahtpaht.

Acsmak Pacl se Luti ke Sucu ne tok ma Pahtpaht

Oasr elyah luhn kuhtuh mwet uh in oruh elos in tiac kuh in toeni ne tok ma pahtpaht. Kuhtuh sahp wacngihn tuhma kuh kiyac kuh tuhlihk nahtuh ke moul se inge.

Ahkacsmakihnyaclos suc kom luti lah plwacn luhn God el plwacn in engan se. Kahsrelos in liye lah moulkihn wosasuc ingena kuh in kahsrelos nuh ke sie sucu ma pahtpaht, finne ma ingacn tuhkuh tukun moul se inge.

Tiac elyah lah mac elyah luhn mwet se ke sucu se kuh ke pahyuck an, mwet mahtuh enenuh in ahkolah in eis mwe sang muhtahl lalos sifacna ke tempuhl. Eis mwe sang muhtahl lalos tempuhl e kahsruh na fokoko se nuh selos. Kahsrelos pac in liye lah oasr inkacnek lalos in oracni nuh sie mwet lalos ma misac ah ke kom oruh orekma tempuhl.

Stuhti ke Ma Suhmuhslah

• Liye Doctrine and Covenants 43:16; 95:8–9; 97:10–16; 109; 131:1–4

Luti Yohk ke Ip Yohk Se Inge

• General Handbook, sapta 27: “Akwuck Tempuhl nuh sin Mwet Moul”

• Sifac ke Wosasuc: “Templuhl,” “Mwe Sang,” “Pahyuck/Macruht”

• temples.ChurchofJesusChrist.org

Solsol

Kom kuh in ahkolah in som nuh tempuhl ac eis akwuck ke tempuhl?