Guruy Ni 3: Fil 4

Mang Gachalpen Yesus Kristus ni Gubin e Yafos Rom

Biney e Fil ni Yibe Fil

Tawfe e reb e gam’ing ko athap ni rib gel e falfalen’ riy. Napan ni yira tawfe nagdaed, ma arram ni gadaed be dag ni gadaed ba’adag ni ngad laked Got ma gadaed un ko fare pi’i kanawo’ nira fekey ko yafos ni manechubog. Ma arram ni gadaed be dag ni gadaedra mang gachalpen Yesus Kristus ni gubin e yafos rodaed.

Biney e lesson e kan yarmiy ni bay rogon ko fapi m’ag ni gadaed ma ngongliy ko tawfe. Nib mu’un e tin ba’aray e yu guruy ngay, nira reb ma kubay yu guruy nga tanggin:

• M’ag Rodaed ni Gadaed Ba’adag ni Ngad Feked nga Dakean Daed Fithingin Yesus Kristus

• M’ag Rodaed ni Ngad Fol Gaed ko Fapi Motochiyel rok’ Got

• M’ag Rodaed ni Ngad Pigpig Gaed ngak Got nge Gidii’

• M’ag Rodaed ni Ngad Athamgil Gaed nga Mada’ ko Tomur

Mu ayuweg e gidii’ ni ngar nanged fan ni fapi yalel nge fapi motochiyel ni gabe machib nag ngoraed e kabang ko fare m’ag ni yaedra ngongliy ko tawfe. Mu dag ngoraed rogon nira reb ko pi lesson ney era ayuwegraed ngar “bad ngak Kristus … ngar thapegned fare wo’en e thap” (Omni 1:26; ngkum guy ko 1 Nephi 15:14).

Ba t’uf ni gara machib nag e biney e lesson ni gathi ta’ab biyay. Ri’in yay e rayag ni nge pag 30 minut e mulwol rom ngak bee’. Mangil ni ba ngochngoch, ma bo’or yay fare milekag ni gabe machib ngak facha’ ni buchu’uw nge buchu’uw ko fapi material.

Mu fal’ag rogon e pin’en ni ngam machib nag, wi’in e gara machib nag, nge n’umngin napan ni gara machib nag. Mu tafney nag e pin’en nib t’uf ko gidii’ ni gabe machib nag, mag fith ko far Thothup ni nge powi’iyem. Rayag ni gur rom e ngam machib nag e gidii’ ko rogon nira fal’ag rogon raed nifan e tawfe nge thapeg nag fare thothup.

Boech ko pi section ney ulan e biney lesson e mu’un i pinning e gidii’ ni ngar uned ngay. Mu tafney nag mag duugliy ko rogon nge wi’in ni rayag ni ngam pinning e gidii’ ni ngar uned. Mu tay u wun’um rogon nibe nangfan facha’ e pin’ey. Mag ayuweg ni nge cha’ariy fare gospel ni buchu’uw ni buchu’uw.

M’ag Rodaed ni Gadaed Ba’adag ni Ngad Feked nga Dakean Daed Fithingin Yesus Kristus

Napan ni yira tawfe nagdaed, ma arram ni kad m’aged ni gadaedra leak wo’en Yesus Kristus “u polo’ i gum’ircha’ey.” Ma kagdaed be micheg ni gadaedra “fek nga dakean [daed] fithinga Kristus”(2 Nephi 31:13; ngkum guy ko Doctrine and Covenants 20:37).

Feked nga dakandaed fithingan Yesus Kristus e be yipfan nira par u wun’daed ma gadaed par ni gadaed e pi gachalpen ni gubin e yafos. Ma gadaedra pag e tomilang rok’ ni nge mat rama’en u fithik’ daed ngak boch e gidii’. Ma gadaed be guy ni gadaed e gidii’ rok’ ma gadaed tay ni’ir e bay ulan e yafos rodaed ni somm’on.

Bin migid e section e be weliy kanawo’en ni rayag ni nge par u wun’daed ma gadaed leak Yesus Kristus.

Meybil ni Gubin Ngiyal’

Meybil e woed ni gimew be sabathin e Chitamangiy nu Tharmiy ni gabe weliy e tin ni bay ulan gum’ircha’em. Napan ni yibe meybil, ma gadaed be non ngak u fithi’ e yul’yul’ mab tomilang rogon. Ni gadaed be og nag e magar ngak nge magar ko fapi tawa’ath ni be pii’ ngodaed. Ma krayag ni ngad fithed e ayuw ngak, me yiroriy daed, me powi’iy daed. Napan ni gadaedra mu’ nag fare meybil, ma susun ni ngan son buchu’uw min motoyil.

Yesus e machib nag, “Ere thingar um meybil gaed ni gubin e ngiyalʼ ngakʼ e en Chitamangiy u fithingag” (3 Nephi 18:19, kan uneg boch ngay; ngkum guy ko Moses 5:8). Napan ni gadaedra meybil u dakean fithingan Yesus Kristus, ma nge par u wun’daed nga fare Chitamangiy nu Tharmiy.

Yesus e ke dag ngodaed wo’en e meybil. Rayag ni ngad filed boch mornga’agen e meybil ni gadaed be fil rogon e meybil ko fare Tathapeg ni bay ulan fapi chep nib thothup (muguy ko Matthew 6:9–13; John 17).

Meybil rodaed e rayag ni nge un e tin ba’aray ngay:

• Mu tabab ni gabe yoeg fithingan e Chitamangiy nu Tharmiy.

• Mag weliy e pin’en ni bay ulan gum’ircha’em, ni wod e magar ko fapi tawa’ath nikad thapegned.

• Mag fith fapi duwer, tin ni ngan powi’yem riy, mag fith ngak fapi tawa’ath nib t’uf rom.

• Mag mu’ nag e meybnil rom ni gabe ga’ar, “U dakean fithngan Yesus Kristus, amen.

Fapi chep nib thothup e ke chiyliy ngodaed ni ngad meybil gaed ni kakadbul nge balayal’. Machane, rayag ni ngad meybil gaed ni demuturug e ngiyal’ riy nge demuturug yang. Meybil nifan ngodaed nge tabinaew rodaed, e rayag ni ngad ragbug nga but’ ngan meybil. Susun ni gubin ngiyal’ ma bay e meybil ulan gum’ircha’endaed. (Muguy ko Alma 34:27; 37:36–37; 3 Nephi 17:13; 19:16.)

Meybil rodaed e susun ni nge yib u gum’ircha’ey. Napan ni gadaed be meybil, ma susun ni dabda suled u dakean tabugithin ni bo’or yay.

Ngad meybil gaed u fithik’ e mich, nge yul’yul’, nib polo’ u gum’ircha’endaed ni gadaedra rrin’ fapi n’en ni gadaedra thapeg. Napan ni gadaedra rrin’ e biney, ma Got era powi’iy daed me ayuwegdaed ko pin’en ni gadaedra mel’eg nib mangil. Ma gadaedra thamiy ni gadaedra chuchugur ngak. Ra ayuwegdaed ngad nangfaned fapi n’en nib riyul’. Ra yibliy daed, me pii’ e gapas ngodaed, me pii’ gelngin daed.

Chep nib Thothup ni Ngan Fil

• 2 Nephi 32:8–9

• Enos 1:1–12

• Alma 6:6; 13:28; 34:17–28; 37:36–37

• 3 Nephi 18:20

• Moroni 10:3–5

• Doctrine and Covenants 6:22–23; 8:2–3; 9:7–9; 10:5; 19:28; 42:14

Fil Boech Marunga’agen ere Machib ney

• Ayuw nifan fapi Chep nib Thothup: “Meybil”

• Dictionary ko Bible: “Meybil”

• Topic ko Gospel: “Meybil”

Mulowl

Gara meybil ni gubin e rran ngak e Chitamangiy nu Tharimy?

Mu Fil Fa Pi Chep Nib Thothup

Nephi e machib nag, “Mu duruwʼiyed gimed ko thin rokʼ Kristus; ya musap [gaed] pi thin rokʼ Kristus e ra yoeg ngomed rogon gubin e pinʼen ni ngam rinʼed” (2 Nephi 32:3; ngkum guy ko 31:20).

Fil fapi chep nib thothup e reb wo’en ni nge par Yesus Kristus u wun’daed. Gadaedra fil ni fapi chep nib thothup e bay mornga’agen e yafos rok’ riy, pigpig rok’, nge fapi machib rok’. Ma kagdaedra fil mornga’agen fapi tawa’ath nike micheg. Napan ni gadaedra beʼeg fapi chep nib thothup, ma rayag ni ngad thamiyed e t’ufeg rok’. Mara ga’ gum’ircha’en daed, mara gel e mich rodaed ngak, maran tomilang nag e man’aey rodaed. Ma mich rodaed ngak ko fare muruwel rok’ nib thothup e ran gel nag.

Rayag ni ngad laked me par Yesus u wun’daed ni fa’an gadaedra fek fapi thin rok’ ngalan e yafos rodaed. Susun ni ngad filed mornga’agen fapi chep nib thothup ni gubin e rran, ni rib ga’ ni fare Babyor ku Mormon.

Fapi chep nib thothup ko Galasia rok’ Yesus Kristus nifan Gidii’en ko tin Tomur e Rran e mu’un fare Bible nib thothup ngay, fare Babyor ku Mormon, fare Doctrine and Covenants, nge fare Pearl of Great Price. Ma ki yima yoeg fithingan ni “fare muruwel.”

Chep nib Thothup ni Ngan Fil

• 1 Nephi 19:22–23

• 2 Nephi 9:50–51; 25:26; 29:1–13; 31:19–20; 32:3

• Alma 32:28–30

• Doctrine and Covenants 1:37–38; 18:34–36

• John 20:31

• 2 Timothy 3:14–17

• 2 Peter 1:20–21

Fil Boech Marunga’agen ere Machib ney

• Rogon fapi chep nib thothup, “Chep Nib Thothup”

• Topic ko Gospel: “Chep nib thothup”

Pinning

Gara bi’eg fapi chep nib thothup ni gubin e rran? (Mu tafney nag rogon ni ngam pinning e gidii’ ni nge be’eg reb fapi chapter.)

M’ag Rodaed ni Ngad Fol Gaed ko Fapi Motochiyel rok’ Got

Babyoren: Bo’or kanawo’en ni rayag ni ngan machib nag fapi motochiyel ni bay ulan e biney e section. Woed, ni ngam machib nagraed ni bo’or yay ni gara yib ngoraed. Fa rayag ni ngam machib nag yu yang ngoraed ni bang ko fare dalip ii somm’on ko fare lesson. Napan ni gabe machib nag fapi motochiyel, mu guy rogon ni nge peeth rogon ko fapi m’ag ko tawfe nge fare wo’en e thap.

Napan ni yira tawfe nagdaed, ma aram ni kad m’aged daed ngak Got ni gadaedra “ayuweg fapi motochiyel rok’,” (Mosiah 18:10; Alma 7:15).

Got e ke pii’ fapi motochiyel ngodaed ni bachan e gadaed ba t’uf rok’. Ba’adag ni ngeyag e tin ni th’abi fel’ ngodaed, ko biney e ngiyal’ nge bin migid e yafos ni manemus. Chitamangdaed nu Tharmiy, e manang ko mang e ba tu’uf rodaed nib thothup nge tin nu fayleng ban’en. Ma kamanang ko mang era pii’ e falfalaen’ ngodaed ni th’abi gel. Ra reb fapi motochiyel ma reb e tawa’ath nib thothup, nikan pii’ ni nge powi’iy e pin’en ni ngad duugliyed, me yiroriy daed, me ayuweg daed ngad mon’og gaed.

Reb fan nikad bad nga fayleng ni bachan e ngad filed rogon ni fanay fare puf mat’awoy i dugliy an’uy u fithik’ e gonap (muguy ko Abraham 3:25). Mel’eg ni ngan fol ko motochiyel rok’ Got—min kalngaen’ u napan ni kad mulgaed—era ayuweg daed ko biney e yafos ni yibe milekag riy nib momaw’.

Fapi motochiyel rok’ Got e irreram e n’en nima pii’ gelgin gelngiy nge fapi tawa’ath (muguy ko Doctrine and Covenants 82:8–9). Napan ni yira fol ko fapi motochiyel, ma gadaedra nang ni gathi bugi ban’en ni be tomal nagdaed fa be talagdaed ko tin ni gadaed ba’adag ni ngad rrin’ed. Par nib puf rogoy e ma yib ko fapi motochiyel ni yibe fol riy. Fol e kabang ko gelngin e tomilang nge llowaen’ nima yib u dakean fare Kan ni Thothup. Ma pii’ e falfalaen’ ngodaed nib gel ma kuma ayuwegdaed ngad rrin’ed e tin nrayag rodaed nib thothup ni gadaed e bitir ku Got.

Got e ke micheg nira tawa’ath nag daed ni fa’an gadaedra fol ko fapi motochiyel rok’. Boech fapi tawa’ath e bay e puluw riy ko reb fapi motochiyel. Bin th’abi ga’ e tawa’ath rok’ e fare gapas ko biney e yafos nge bin migid e yafos ni bayib. (Muguy ko Mosiah 2:41; Alma 7:16; Doctrine and Covenants 14:7; 59:23; 93:28; 130:20–21.)

Tawa’ath ku Got e bay ni tin nib thothup nge tin nu fayleng ban’en. Bay boech e ngiyal’, nib tu’uf ni ngaed gamaen’ gaed min son nag ni nge yib, min pagaen’ ngak ni’ir e bay i pii’ ko ngiyal’ nib fel’ u waen’ (muguy ko Mosiah 7:33; Doctrine and Covenants 88:68). Fa’anra ngan nang boech fapi tawa’ath, ma thingarda pired ni bay fare thothup rodaed. Biney e rib riyul’ ko fapi tawa’ath nima yib nib mom ni demuturug rogon kanawo’en.

Boech e tawa’ath e magagiyel ni ngan guy. Ma boech e bay ni dabi yib nge mada’ ko tomuren e biney e yafos. Demuturug e ngiyal’ fa rogon fapi tawa’ath ku Got, kan micheg nira yib ni fa’an gadaedra fol ko gospel ku Yesus Kristus (muguy ko Doctrine and Covenants 82:10).

Got e ba t’uf pifak ni gubin rok’ nib polo’. Mab gamaen’ ko pin’en ni gadaed be mo’war riy, mab ta n’agfan ni fa’anra gadaedra kalngan’.

Fare L’agruwi Motochiyel ni Th’abi Ga’

Napan nin fith e duwer ngak Yesus, “Bin ngan e motochiyel e ir e th’abi ga’ u fithik’ e motochiyel?” Me fulweg ni ga’ar, “Nge tu’uf Somoel ni Got rom u lan gumircha’em, nga gubin e ya’el rom, nge gubin lanin’um.”

Me ul’ul Yesus nge ga’ar ma bin migid e motochiyel ni th’abi ga’ e wod e bin somm’on: “E thangri t’uf rom e en ni buguliyoror rom ni gowe gur.”(Matthew 22:36–39). “Dakuriy reb e motochiyel ni ka ba ga’ fan ko gali motochiyel ney” (Mark 12:31).

Gadaed ni pifak Got ni bay e thothup rodaed, e bay e t’ufeg rodaed nib gel. Biney e ku bang ko fare tha’ rodaed nib thothup. Fol ko gali motochiyel ney ni’ir e th’abi ga’—ngan tu’ufeg Got nge buguliyoror rom—e ir wo’en e yalen ko fapi gachalpen Yesus Kristus.

T’uf Got Rodaed

Bo’or kanawo’en ni rayag ni ngad daged e t’ufeg rodaed ngak Got. Rayag ni ngad fol gaed ko fapi motochiyel rok’ (muguy ko John 14:15, 21). Rayag ni ngad ted ni’ir e bay u mm’on ulan e yafos rodaed, ma gadaed be pigeddaed ngak. Rayag ni ngad ted e tin ni gadaed ba’adag, tafney rodaed, nge tin ni bay ulan gum’ircha’endaed ni bay ngak (muguy ko Alma 37:36). Rayag ni nge falfalaen’ daed ko fapi tawa’ath ni be pii’ ngodaed—min tawa’ath nag e gidii’ ko boch e pi tawa’ath ney (muguy ko Mosiah 2:21–24; 4:16–21). Meybil nge pigpig rodaed ngak e gidii’, era dag me gel nag e t’ufeg rodaed ngak.

Ku woed boch e motochiyel, fare motochiyel ni nge t’uf Got rodaed e biney e fan ngodaed. N’en nib t’uf rodaed era mel’eg e n’en ni gadaed be gay. Pi n’en ni gadaed be gay era mel’eg e tin ni ngad rrin’ed nge tin ni ngad tafney niged. Nge n’en ni gadaedra tafney nag era mel’eg ko gadaed mini’—nge mini’ e gadaedra mang.

Tu’ufeg Rodaed Ngak e Gidii’

T’ufeg rodaed ngak e gidii’ e ku bang ko t’ufeg rodaed ngak Got. Fare Tathapeg e ke fil nogdaed kanawo’en ni bo’or ni ngan t’ufeg e gidii, (muguy ko ni wod, Luke 10:25–37 nge Matthew 25:31–46). Bing gum’ircha’en daed ngoraed nge yafos rodaed. Daged e t’ufeg ni gadaed be pigpig—ni gadaed be pii’ e ayuw ko rogon nrayag rodaed. Rayag ni ngad t’ufeged e gidii’ ni gadaed be fanay fapi tawa’ath nike yib ku Got ngan tawa’ath nagraed.

T’ufeg e gidii’ e mu’un e gumaen’ ngay, gol ngoraed, nge yul’yul’ ngay. Nib mu’un e man’agfan ngay ni gubin ngiyal’. Kube yipfan ni ngan tayfan gubin mit e gidii’.

Napan ni gadaedra t’ufeg bee’, ma facha’ nge gadaed e yira tawa’ath nag. Mara sug gum’ircha’en daed, yafos rodaed, me gel e falfalaen’ rodaed.

Fapi Tawa’ath

Fagli motochiyel ni rib gaa’— ni ngan t’ufeg Got nge bogoliyiror rodaed—e irreram fagli def ko fapi motochiyel ku Got (muguy ko Matthew 22:40). Napan ni gadaedra t’ufeg Got ni’ir e somm’on, min t’ufeg e gidii’, ma gubin ban’en ulan e yafos rodaed era yean nib mat’aw. Biney e t’ufeg era thilyeg rogon e sap rodaed, rogon ni gadaed be fanay e time rodaed, nge pi n’en ni gadaed be laek wo’en, nge pin’en ni gadaed be yarmiy rogon nib ga’fan ngodaed.

Chep nib Thothup ni Ngan Fil

• 2 Nephi 31:20

• Mosiah 2–5

• Moroni 7:45–48; 10:32

• Matthew 22:36–40; 25:31–46

• Mark 12:28–33

• Luke 10:25–37

• John 13:34–35; 14:15, 21

• 1 John 4:7–8, 20–21; 5:3

• Joshua 22:5

Fil Boech Marunga’agen ere Machib ney

• Ayuw nifan fapi Chep nib Thothup: “T’ufeg,” “T’ufeg”

• Topic ko Gospel: “T’ufeg,” “T’ufeg”

Lek e Profet

Got e ma mel’eg e profet ni ngar manged fapi biyuliy rok’ u fayleng. U dakaen fapi profet rok’, era dag e tin nib riyul’ me powi’iy daed me ta’armidlin ngodaed e pin’en ni bay i buch nga mm’on.

Got e mel’eg Joseph Smith ni nge mang e bin somm’on e profet ko tin tomur e rran (mugy ko fil 1). Pi’in nike yoen’ luwan Joseph Smith e Got e ke pinning raed ni ngar gagiyeg niged fare Galasia rok’, nib mu’un fare profet ngay nibe powi’iyey e daba’. Susun ni ngad thapaged e mich nib thothup ko profet nikan pinning ni bay e dabay nib fos min leak wo’en fapi n’en nibe machib nag.

Fapi machib ko fapi profet ni bay nib fos nge fapi apostle e be pii’ fapi yuuluy ko fapi riyul’ nib manechubog u fayleng nibe thil. Napan ni gadaedra leak kanawo’en fapi profet ku Got, ma fapi balyangaen’ nge tin nibe buch u fayleng e dabi gafgow nagdaed. Ma gadaedra pire’eg e falfalaen’ nib gel ulan e biney e yafos min thapeg fare thothup ni nge powi’iydaed ko biney e milekag rodaed u fayleng.

Chep nib Thothup ni Ngan Fil

• Mosiah 15:11–12

• 3 Nephi 12:1–2

• Doctrine and Covenants 1:4, 37–38; 21:1–7; 136:37–38

• Acts 10:34–43

• Ephesians 2:19–20; 4:11–14

• Amos 3:7

Fil Boech Marunga’agen ere Machib ney

• Ayuw nifan e Chep nib Thothup: “Profet,” “Profetess,” “Prophecy, Prophesy”

• Topic ko Gospel: “Fapi Profet,” “Prophecy Nag”

Mulwol

Gara leak wo’en fapi mulwol nibe yib ko fare profet ni bay nib fos?

Fapi Duwer ko Tawfe

Michuwun’um ngay ni [cha’en ni bay e chiney ni’ir e President ko Galasia] e ir e profet ku Got? Mang e be yipfan e biney nifan ngom?

Fok ko fapi Ragag i Motochiyel

Got e ke dag fapi Ragag i Motochiyel ngak reb fapi profet ni kakrom ni kanog i Moses ngak ni nge powi’iy e gidii’ rok’. Pi motochiyel ney e kabay nifan ngodaed e daba’. Be fil ngodaed ni ngad ted fan min liyoer ngak Got. Be fil ngodaed rogon ni ngad machib niged ma gadaed aywegdaed.

• “Dakuriy reb e Got ni ngam tay ni nge m’on rog” (Exodus 20:3). Boch ban’en ni kanog e “got” ngay, e rayag ni wod bugi ban’en nike suwoey e yafos rodaed, fa ‘uf’uf ko tin nu fayleng ban’en.

• “Dab mu ngongliy ba liyos” (Exodus 20:4).

• “Dabi un fithingan fare Somoel ni Got romed u l’ugunmed ni dariy fan” (Exodus 20:7).

• “Mu tayed u wun’med fare rran ni madnom, ni ngam tayed nib thothup” (Exodus 20:8).

• “Mu liyor ko chitamam nge chitinam” (Exodus 20:12).

• “Dab mu lii’ bee’ nge yim’” (Exodus 20:13).

• “Dab mu pirew bee’ ni gathi mabgol rom” (Exodus 20:14).

• “Dab mu moro’ro’” (Exodus 20:15).

• “Dab mu tʼaer e thin nga dakean e bugul yoror rom” (Exodus 20:16).

• “Dab mu lii’ bee’ nge yim” (Exodus 20:17).

Ayuwegney Ngan Nangfan e Tin ni Yibe Michib Nag: Gur e Dakuriy Reb e Got ni Ngam Tay ni nge Mʼon Rog

Bo’or yalen e gidii’ nib thil nima tay fan bugi ban’en ni yaed ma lemnagn i irreram i Deity fa fapi gidii’ roraed ni kakrom. Bochingiyal’ ma pin’ey, e wod bugi liyos, fa ya’an ban’en, fa bee’, ni’ir e kan tay ni yaed be liyor ngay. Mu ayuweg e pi’in ni gabe machib ngak ni ngar ted e mich nge liyor roraed ngak e Chitamangiy nu Tharmiy nge Yesus Kristus.

Chep nib Thothup ni Ngan Fil

• Mosiah 13:11–24

• Doctrine and Covenants 35:24; 59:5–6

• Exodus 20:1–17

• Deuteronomy 5:6–21

Fil Boech Marunga’agen ere Machib ney

• Kanawo’en e Chep nib thothup: “Fapi Motochiyel, fare Ragag”

• Topic ko Gospel: “Ragag i Modochiyel”

Mulwol

Gara fol ko fare Ragag i Modochiyel?

Fol ko fare Motochiyel ko Falan e Dowef

Fare motochiyel ko falan e dowef e kabang ko fare wo’en e thap rok’ Got nifan e thapeg rodaed nga falfalaen’ rodaed ni th’abi tolang. M’ay u thilin e pumo’on nge bpin nike mabgol e ke yibliy Got nifan e sunmiy e bitir nge fan e adag u thilin e mabgol. Ra tha’ ney nge fare gelngin ni ngan sunmiy reb e yafos e kan ngongliy ni ban’en nib thothup ma fel’ usun.

Motochiyel ku Got nifan e falan e dowef e dam pirew bee’ ni gathi figirngim fa lee’ngim makemus ni uthlin facha’ nikam mabgol gow nib legal mot’won. Biney e motochiyel e kube yipfan ni ngan yul’yul’ ngak facha’ u tomuren nikam mabgow gow.

Ayuweg ni ngad fol gaed ko fare falan e dowef, fapi profet e kar chiyliy niged ngodaed ni nge par e tafney nge thin rodaed nib be’ech. Dabin guy fa ni sap ko pornography ni demuturug rogon. Ul’ul’ ni yibe fol ko falan e dowef, e mu’un e ngongol ngay nge rogon e maad rodaed ni susun ni dabin ‘uf’uf ngalang.

Gidii’ ni nge tawfe e susun ni ngar fol gaed ko fare motochiyel ko falan e dowef.

Kalngan’uy nge N’agfan

U powchen Got, kireb nag fare motochiyel ko falan e dowef e rib gel e kireb riy (muguy ko Exodus 20:14; Ephesians 5:3). Ma dariy fan nag fare gelngin nib thothup ni nge sunmiy e yafos. Machane ra ul’ul’ nge t’ufeg daed ni demuturug ko kad gathayed e biney e motochiyel. Ke pinning daed ni ngad kalngan’gaed ngan be’ech nagdaed u dakean fare bayul ku Yesus Kristus. Ma fapi gafgow ni bachan e denen e rayag ni yib e gapas ku Got ko man’agfan nge yibi yon’ loen (muguy ko Doctrine and Covenants 58:42–43).

Fapi Tawa’ath

Got e ke pii’ ngodaed e motochiyel ko ayuweg falan e dowef ni nge tawa’ath nag daed nge fapi ya’el ko bitir ni bayi pii’ nga fayleng. Fol ko biney e motochiyel e rib ga’fan ko gapas rodaed nge t’ufeg, pagaen’, nge tha’ ko tabinaew rodaed u ta’abang.

Nap’an ni yibe fol ko fare motochiyel ko falan e dowef, biney era bing wo’en ni nge yib e ayuw ko fare Kan ni Thothup ngom. Ma kura palog nag daed ko amith nge gafgow nima yib ni bachan e tiney e tha’. Mara gel nag e pagaen’ rodaed ngak Got (muguy ko Doctrine and Covenants 121:45). Mara bing wo’en e ayuw ko fare Kan ni Thothup. Mara fal’ag rogon daed ko fapi m’ag nib thothup u temple nira m’ag e tabinaew rodaed nga ta’abang ni manemus.

L’agruw Nii’ ni Yow Be Par u Ta’abang

L’agruw nii’ ni yow be par u ta’abang machane dawra mabgol gow nib legal e dabiyag ni ngan tawfe nag nga mada’ ko ngiyal’ ni kar fol gow ko fare falan e dowef. Biney e be yipfan ni dab kur pirew u ta’abang—ni demuturug ko ir reb e bpin fa pumo’on fa yow l’agruw ni bpin fa l’agruw e pumo’on—fa, fa’anra yow l’agruw nii’ ni reb e pumo’on nge bpin ma rayag ni ngar mabgol gow. Ma kab mu’un e gay rogon e mich ngay ko kalngan’uy nikan weliy mornga’agen ko Doctrine and Covenants 20:37. Mabgol u thilin e pumo’on nge ppin e kabang ni rib ga’fan ko wo’en Got.

Biney ni ngan pinning e gidii’ ni nge fol ko falan e dowef e bay ni rib gel e momaw’ riy ngak boch e gidii’ ni gabe machib nag. Meybil mag tafney nag rogon e pi gidii’ ney ni gabe machib nag. Mu rrin’ e pi n’en ni bayi thogthog nag e Thothup ngom ko napan ni gabe machib. Mu gonop ma damu fithfith mornga’agen e tin ni dani t’uf ni ngan weliy. Fa’anra ba tu’uf, mu gopuruy’ ngak e mission president rom ko tin ni damur nangfan.

Chep nib Thothup ni Ngan Fil

• 3 Nephi 12:27–30

• Doctrine and Covenants 42:22; 59:6; 63:16

• Matthew 5:27–28

• Efesus 5:3–5

Fil Boech Marunga’agen ere Machib ney

• Kanawo’en fapi Chep nib thothup: “Falan e Dowef”

• Topic ko Gospel: “Falan e Dowef”

Fapi Mulwol

Gara gay rogon ni ngam par ni gab be’ech ko pi laem rom nge pi ngonglem? Gara fol ko fare falan e dowef?

Fapi Duwer ko Tawfe

• Mang e gamanang ni mornga’agen fare motochiyel ko falan e dowef, ni dab mu pirew bee’ u mm’on ko mabgol nib legal u thilin reb e pumo’on fa reb e bpin? Gara fol ko biney e motochiyel u mm’on nge tomuren nikan tawfe nigem?

• Kam un bi’id ko lii’ e bitir ni kabay u yol? [Mornga’agen: Facha’ ni rayog ni arrogon ko biney e duwer e thingari interview nag fare mission president fa reb fagli counselor ni bay ni duugliy u mm’on ni yira pii’ mat’won ni nge tawfe.]

Fol ko fare Motochiyel ko Tithing

Reb e tawa’ath ko membership rodaed ko Galasia e fare pii’ pilwon e tithing. Napan ni gadaedra pii’ pilwon e tithing, ma arram ni gadaed be mon’og nag e muruwel ku Got ni kube tawa’ath nag boch pifak.

Fare motochiyel ko tithing e tabab ko fare Bin Kakrom e M’ag. Woed rogon, fare profet Abraham ni pii’ pilwon e tithing ko gubin ban’en ni’i moy rok’ (muguy ko Alma 13:15; Genesis 14:18–20).

Fare bugithin ni tithe e be yip fan fare ta’ab guruy u ragag guruy ko tin bay roraed. Napan ni gadaedra pii’ pilwon e tithing, ma arram ni gadaed be ta’areb ko ragag ko salpiy nibe yib u pilwon daed ko Galasia rok’ Got (muguy ko Doctrine and Covenants 119:3–4; interest e be yipfan pilwoy). Gubin ban’en ni bay rodaed e bugi tawa’ath nibe yib ku Got. Pii’ pilwon e tithing, e be dag e magar rodaed ngak ni gadaed be fulweg bang ko pin’en nike pii’ ngodaed.

Pii’ pilwon e tithing e be dag rogon fare mich rodaed ngak. Ma ir reb kanawo’en ni gadaed be tayfan Got. Yesus e machib nagni “ngam … m’oneged u wun’med e gagiyeg rok Got” (Matthew 6:33), and tithing is a way of doing that.

Rogon ni Yima Fanay e Salpiy ko Tithing

Salpiy ko tithing e ba thothup. Gadaed ma pii’ e tithing rodaed ngak reb e member ko bishofric, fa yuyang e rayag ni ngan pii’ pilwon u online. Napan nira thapeg fare bishofric fare tithing, mi yaed pii’ nge yean ko headquarters ko Galasia.

Fare council ni bay fare bin Somm’on e Presidency riy, fare Ulung ko fare Ragag nge L’agruw e Apostles, nge fare Presiding Bishofric e bayra duugliyed rogon nib t’uf ningan fanay fare salpiy ko tithing nifan e muruwel ku Got (muguy ko Doctrine and Covenants 120: 120). Tiney ni yima fanay ngay e mu’un:

• Fapi temple ni yibe toey ma ki yibe ngongliy nge tigil’ e mo’olung ko galasia.

• Pilyeg thin nge publish nag fapi chep nib thothup.

• Ayuweg e gosgos nge pin’en u lane mo’olung ko Galasia.

• Ayuweg e muruwel ko tamachib nibe buch u dakean e fayleng.

• Ayuweg cheppen e muruwel ko tabinaew.

• Pii’ e ayuw ko pilwon e sukul.

Tithing e dayma fanay e salpiy riy ni nge pii’ pilwon e tiyugang’ ko Galasia ni ga bay riy. Yaed e yaed be pigpig ni yead roraed e yaed ba’adag ni ngar rrin’ed e biney ni dariy pilwon.

Fapi Tawa’ath

Napan ni gadaedra pii’ pilwon e tithing, ma Got e ke micheg bugi tawa’ath nib ga’ ko tiney ni gadaed be pii’. Ma ra “bing e … pi winda nu tharmiy, mug puʼoeg … e tawaʼath nga dakeanmed, ni dariy tagilʼ ni ngan tay ngay (Malachi 3:10; muguy ko verses 7–12). Tiney e tawa’ath e bay nib thothup fa tin nu fayleng ban’en.

Chep nib Thothup ni Ngan Fil

• Doctrine and Covenants 119; 120

• Matthew 6:33

• Hebrews 7:1–2

• Genesis 14:18–20

• Leviticus 27:30–33

• Malaki 3:7–12

Fil Boech Marunga’agen ere Machib ney

• Kanawo’en fapi Chep nib Thothup: “Tithes, Tithing”

• Topic ko Gospel: “Tithing”

Pinning

Gara fol ko fare motochiyel ko tithing u tomuren nikan tawfe nigem?

Fapi Duwer ko Tawfe

Mang e gabe nangfan ko mornga’agen e motochiyel ko tithing? Gara gay rogon ngam fol ko biney e motochiyel?

Pii’ Pilwon e Tithing nge Fast Offerings

Dag rogon ngak fapi members nib be’ech rogon i pii’ pilwon e tithing nge fapi offerings ngak reb e member ko bishofric (muguy ko donations.ChurchofJesusChrist.org).

Weliy ni fare bishofric nge clerk e yow ma ayuweg babyoren e tithes nge offerings. Gubin babyoren e salpiy e yima ayuweg ni dabi guy e gidii’.

Fapi members e yaed ma un ko mo’olung nifan e tithing ni yow fare bishof e yowra mada’ u tomur ko fare duw. Napan e biney e mo’olung, ma yowra weliy mornga’agen e tithing u fithik’ e yul’yul’ mi yaed thapeg e report nifan fapi salpiy nikar pii’ed.

Fare Thin ko Gonop

Fare Motochiyel ku Somoel nifan e Dogur

Dogur rodaed e ba tawaʼath nib thothup nike yib rokʼ Got. Rib t’uf ni ngad thapegned e dogur ni ngayag ni ngad boded ir. Dogur rodaed e rib ga’fan ni fapi chep nib thothup e ke ta’areb nag rogon ko fapi tempel (muguy ko 1 Corinthians 6:19–20).

Somoel e ba’dag ni ngad ayuweged ma gadaed tayfan e dogur rodaed. Ra nge ayuwegdaed ni ngan rrin’ e biney, arram fan nike pii’ fare motochiyel ni kanog e Thin ko Gonop ngay. Biney e yi’iy e kan pii’ ni nge fil ngodaed mornga’agen i kay e ggan nib mangil ma dabin fanay bugi ban’en nira kireb nag e dogur rodaed—ni wod e rom, tamagow, tea fa coffee.

Fare thothup ko Thin ko Gonop, profet e daba’ e kar chiliy ngodaed mornga’agen i fanay bugi ban’en nib kireb ngodaed, nib illegal, fa yira ‘ar’ar nag mab momaw’ i pag. Profet e ke chiyliy nag ngodaed mornga’agen i fanay e falay ni demuturug rogon. (Mission president rom e rayag ni nge fulweg taban e duwer rom ko mit i mang falay e dabiyag i fanay ko ggin ni gabay riy.)

Fapi Tawa’ath

Somoel e ke pii’ ngodaed fare Thin ko Gonop nifan e dogur nge thothup rodaed. Ke micheg nira tawa’ath nag daed ni fa’an gadaedra fol ko fapi motochiyel rok’. Pi tawa’ath ney e mu’un e dogur rodaed ngay, gonop, nge llowaen’, nge pin’en ni yira yiroriy daed riy (muguy ko Doctrine and Covenants 89:18–21).

Fol ko Thin ko Gonop era ayuwegdaed ngad rung’agned e pin’en nibe thogthog nag e Kan ni Thothup ngodaed. Rayag ni kura yib e m’ar ngodaed, machane fol ko biney e motochiyel era ayuweg e dogur rodaed nge par nib gel, nge man’aey rodaed, nga thothup rodaed.

Gidii’ ni nge tawfe e rib tu’uf ni nge fol ko fare Thin ko Gonop.

Mornga’agen rogon ni ngan ayuweg e gidii’ nibe gafgow ko ‘ar’ar ni dani fel’, muguy ko fare guruy 10.

Chep nib Thothup ni Ngan Fil

• Doctrine and Covenants 59:15–20; 88:124; 89

• 1 Corinthians 6:19–20

Fil Boech Marunga’agen ere Machib ney

• Kanawo’en fapi Chep nib Thothup: “Thin ko Gonop”

• Topic ko Gospel: “Dogur,” “Thin ko Gonop”

• Ayuw nifan e Yafos: “’Ar’ar ni Dani Fel’”

Mulwol

Gara fol ko fare Thin ko Gonop?

Fapi Duwer ko Tawfe

Mang e gabe nangfan ko mornga’agen e Thin ko Gonop? Gara gay rogon ngam fol ko fare Thin ko Gonop u mm’on nge tomuren nikan tawfe nigem?

Tay fare Rran ni Madnom nib Thothup

Fare Rran nifan e Toffan nge Liyoer

Fare rran ni Madnom e ba rran nib thothup nike tay Got nifan ngodaed ni gubin e wik ni ngaed toffan gaed riy ko fapi muruwel roraed ma gadaed liyoer ngak. Reb ko fapi Ragag i Modochiyel nin pii’ ngak Moses e ngan “tayed u wun’med fare rran ni madnom, ni ngam tayed nib thothup” (Exodus 20:8; ngkum guy verses 9–11).

Yi’iy nikan thogthog nag ko tiney e rran, e Somoel ni ku be micheg biyay ni fare rran ko Madnom e “ba rran ni ngam toffan riy ko fapi muruwel rom, mag liyoer ngak e en Tha’bi Tolang” (Doctrine and Covenants 59:10). Maki yoeg ni fare rran ni Madbom e susun niba rran nib sug ko falfalaen’, meybil, me yibe og nag e magar (muguy ko verses 14–15).

Kabang ko liyoer rodaed ko fare rran ni Madnom, e ngad uned ko fare mo’olung ko sakrament ni gubin e wik. Napan e biney e moʼolung, ma gadaed be liyoer ngak Got ma gadaed fek fare sakrament ni nge yib ngaen’ daed Yesus Kristus nge fare Bayul rokʼ. Napan ni gadadra fek fare sakrament, ma arram ni kad be’ech niged biyay fapi m’ag rodaed ngak Got ma gadaed be dag ni ngaed kalngaen’ gaed ko fapi denen rodaed. Fare gam’ing ko ngiyal’ ne sakrament e irreram e bin th’abi ga’fan ko fare rran ni Madnom.

U galasia ma kagdaed ma un ko fapi klass ni rayag ni ngaed filed boch mornga’agen fare gospel ku Yesus Kristus riy. Ma fapi mich rodaed era gel ni gadaed be fil mornga’agen fapi chep nib thothup u ta’abang. Ma t’ufeg rodaed era gel ko napan ni gadaed be pigpig ma gadaed be ayuwegdaed.

Ul’ul’ ngay ni yibe toffan ko re rran ney ni Madnom, susun ni dabin yean nga kanttin fa ni rrin’ bugi ban’en ni gowa wod ni reb fapi rran ni yima murwel riy. Talagned e tin nu fayleng ban’en ma gadaed sapeg ngonglen daed nge pi tafney rodaed ko tin nib thothup ban’en.

Ba Rran ni Ngan Rrin’ Ban’en nib Mangil

Rrin’ ban’en nib mangil ko fare rran ni Madnom e rib ga’fan ni ku woed ni dabin rrin’ bugi ban’en ni bachan e ngan tay nge par nib thothup. Filed mornga’agen fare gospel, gel nag e mich, gel nag e tha’, pii’ e pigpig, fa ni un ko boech ban’en nifan e tabinaew fa tafagar ni rayag ni nge ayuwegdaed.

Fapi Tawa’ath

Tay fare rran ko Madnom nib thothup e arram rogon ni gadaed be dag e liyoer rodaed ngak e Chitamangiy nu Tharmiy nge Yesus Kristus. Fa’an gadaedra tay e pin’en ni ngad rrin’ed ko Madnom ni ta’ab rogon ko tirok’ Got nifan fare rran, ma gadaedra thamiy e falfalaen’ nge gapas. Ma yira gel nag daed ko thothup mara toffan fithik’ i dow daed. Ma kagdaedra chuchugur gaed ngak Got mara gel e tha’ rodaed ngak fare Tathapeg. Ma gadaedra ayuwegdaed “ko pin’en nu fayleng” (Doctrine and Covenants 59:9). Mara par fare rran ko Madnom ni “gimed ra pir’eg e felfelan’” riy (Isaiah 58:13; ngkum guy ko verse 14).

Chep nib Thothup ni Ngan Fil

• 3 Nephi 18:1–12

• Doctrine and Covenants 59:9–19

• Moses 3:1–3

• Matthew 12:10–13

• Exodus 20:8–11; 31:12–13, 16–17

• Isaiah 58:13–14

Fil Boech Marunga’agen ere Machib ney

• Topic ko Gospel: “Rran rok’ Got, Madnom”

• Ayuw nifan fapi Chep nib Thothup: “rran rok’ Got, Madnom”

Fapi Mulwol

• Gara tay fare rran ko Madnom nib Thothup maga un ko Misa ni gubin e wik?

• Gara gay rogon ni ngam par ni gab yul’yul’ mag fek fare sakrament u tomuren nikan tawfe nigem?

• Gara un ngomow ngam mada’ nag e bishof (fa branch president) ko branch romaed?

Fapi Duwer ko Tawfe

Mang e gabe nangfan ko mornga’agen i ayuweg fare rran nib thothup ko Madnom, nib mu’un fare sakrament ni gubin e wik ngay nge pigpig ngak boch e gidii’? Gara gay rogon ngam fol ko pi motochiyel ney u mm’on nge tomuren nikan tawfe nigem?

Muruwel ulan fare Rran ko Madnom

Bochingiyal’ ma members ko Galasia e ba t’uf ni ngar muruwel gaed ko fare rran ko Madnom ni ngeyag ni ngar m’ugliyed e tin nib tu’uf roraed fa tin nib t’uf ko nam roraed. Fa’anra buch e tiney, fapi members e thingar gayed rogon ni ngar ted fare rran ko Madnom nib thothup ko rogon nrayag roraed. Members e rayag ni nge non ngak e tiyugang’ roraed ko mornga’agen e biney.

Fol nge Tayfan fare Motochiyel

Gidii’en Got ko Tin Tomur e Rran e michuwun’raed ni ngan fol ko motochiyel min mang e gdii’ ko fare naam nib fel’ (muguy ko Doctrine and Covenants 134; Articles of Faith 1:12). Members ko Galasia e yibe pii’ e athamgil ngoraed ni ngar pigpig gaed ngar mon’og niged e binaew nge naam roraed. Ma ki yibe pii’ e athamgil ngoraed ni ngar uned ko tin nib mat’aw ban’en nifan e gidii’ nge amm.

Members ko Galasia e ki yibe pinning raed ni ngar uned ko pin’en nifan e aam nge tin ni yibe rrin’ nifan ni bay rogon ko motochiyel riy. Members ni bay e muruwel rok’ ko reb e liw ko aam e nge rrin’ e biney ni’ir bee’ ko fare naam ma gathi be rrin’ ni bachan e ir be’ nibe non nifan e Galasia.

Chep nib Thothup ni Ngan Fil

• Doctrine and Covenants 58:21; 134

• Articles of Faith 1:12

Fil Boech Marunga’agen ere Machib ney

• “Political nge Activity nib Civil” ni bay ulan fare section 38.8 ko fare General Handbook

• Topic ko Gospel: “Citizenship”

Mulwol

Gara fol ko fapi motochiyel ko fare naam ni gabe par riy?

Fapi Duwer ko Tawfe

Bay bi’id nikam rrin’ reb e kireb nib gel? Fa’anra ke buch e biney, gabay ko probation fa parole e chiney? [Mornga’agen: Facha’ ni rayog ni arrogon ko biney e duwer e thingari interview nag fare mission president fa reb fagli counselor ni bay ni duugliy u mm’on ni yira pii’ mat’won fare tawfe.]

M’ag Rodaed ni Ngad Pigpig Gaed ngak Got nge Gidii’

Pigpig

Napan ni yira tawfe nagdaed, ma arram ni kad m’aged ni gadaedra pigpig ngak Got nge pigpig ngak e gidii’. Pigpig ngak e gidii’ e reb kanawo’en ni gadaed be pigipig ngak Got (muguy ko Mosiah 2:17). Profet Alma e machib ngak e pi’in ni ba’adag ni nge tawfe ni susun ni ngar “m’agaen’med ngay ni ngam ayuweged gimed, … kirbaen’med ngak’ e pi’in nibe kirbaen’; … mi gimed [fal’eg] laniyaen’ e pi’in nib t’uf rok’ ni ngan fal’eg laniyean’” (Mosiah 18:8–9).

Tomuren e tawfe, ma fapi members nib be’ech e bay ni yaedra thapeg reb e muruwel ni ngar pigpig gaed ulan e Galasia. Tiney e muruwel e bugi pigpig ni dayma pii’ pilwon. Fa’an gadaedra rrin’ e biney ma gadaed be pigpig u fithik’ e yul’yul’, mara ga’ e mich rodaed, nge tin ni gadaed ba salap riy, ni rayag ni nge tawa’ath nag boch e gidii’.

Bang ko pigpig rodaed ulan e Galasia e mu’un fare pigpig ngay ko “ministering brother” fa “ministering sister.” Ko biney e muruwel, gadaed ma pigpig ngak facha’ fa fare tabinaew nikan duugliy ngodaed.

Gadad ni pigachalpen Yesus Kristus, e gadaed ma gay kanawo’en ni ngaed pigpig gaed ni gubin e rran. Woed ir, gadaed ma “yan nga gubin yang ni be rin’ e tin ni bfel” (Acts 10:38). Ngad pigpig gaed ngak e buguliyoror rodaed nge gidii’ ko ggin ni gadaed be par riy. Krayag ni ngad uned ko fapi pigpig ni bay ko JustServe. Krayag ni ngad uned ko Galasia ngan pii’ e ayuw ko gidii’ nike gafgow ko yikoq fa duruq.

Chep nib Thothup ni Ngan Fil

• Mosiah 2:17; 4:15–16, 26; 18:8–10; 23:18

• Doctrine and Covenants 42:38

• Matthew 25:31–46

• Luke 10:25–37

• James 1:27; 2:17

Fil Boech Marunga’agen ere Machib ney

• Kanawo’en fapi Chep nib Thothup: “Pigpig”

• Topic ko Gospel: “Pigpig”

Mulwol

Gara rrin’ fare muruwel ni yira pii’ ngom (nib mu’un fare muruwel ngay ko ministering nifan e brother nge sisters?

Weliy mornga’agen fare Gospel

Kabang ko m’ag rodaed ko tawfe, e kad micheged ni “gadaed e pi mich rokʼ Got” (Mosiah 18:9). Reb kanawo’en ni ngad manged reb e ta micheg e ngan weliy ngak e gidii mornga’agen fare gospel ku Yesus Kristus. Ayuweg e gidii’ ni ngar thapegned e gospel e reb kanawo’en e pigpig ni rib gel e falfalaen’ riy ni rayag ni ngad rrin’ed (muguy ko Doctrine and Covenants 18:15–16). Biney e be dag gelngin e t’ufeg rodaed nib gel.

Napan ni gadaedra thamiy fapi tawa’ath ni bachan e yibe fol ko fare gospel, ma gadaedra adag ni ngad pii’ed boch e pi tawa’ath ney ngak e gidii’. Gidii’en e tabinaew, tafagar, nge gidii’ ni gadaed manang e bay ni yaedra adag e biney ni bachan rogon e mich rom nge rogon nibe tawa’ath nigem fare gospel ulan e yafos rom. Rayag ni ngad weliyed mornga’agen fare gospel nib mom rogon (muguy ko General Handbook, guruy 23).

Rayag ni ngad pinninged e gidii’ nge un ngodaed ko pigpig, ulan e binaew rodaed, tigil’ e gosgos, fa un ko fapi activities ko Galasia. Rayag ni ngad pininged raed ni ngar uned ko mo’olung ko Galasia fa uned ko tawfe ku bee’. Rayag ni ngad pininged raed gar guyed ya’an e video nibe weliy mornga’agen fare gospel ku Yesus Kristus, be’eg fare Babyor ku Mormon, fa un ko reb e temple ni kan bing. Bo’or kanawo’en nrayag ni ngad pininged e gidii’ ni nge un. Oran ni ngiyal’, pinning e gidii’ e woed ni tabinaew rodaed, fa tafagar, fa buguliyoror rodaed ngar uned ko pin’en ni gadaed be rrin’ boch.

Fa’an gadaedra fith, ma Got era ayuwegdaed ngad weliyed mornga’agen fare Gospel ngak e gidii’ nge rogon nike tawa’ath nag e yafos rodaed.

Ko boch mornga’agen rogon ni fek fapi yalen e t’ufeg, gol, nge pinning, muguy ko “Ta’areb Nag fapi Memners” ulan e guruy 9.

Chep nib Thothup ni Ngan Fil

• Doctrine and Covenants 88:81

• Matthew 28:19–20

Fil Boech Marunga’agen ere Machib ney

• Ayuw nifan e Chep nib Thothup: “Muruwel ko Tamachib”

• Topic ko Gospel: “Muruwel ko Tamachib”

Fapi Mulwol

• Gara meybil nifan fapi tamachib nge wo’en ni ngeyag ni ngan weliy mornga’agen fare Gospel?

• Gara gay rogon fapi yalen e t’ufeg, gol, nge piining e pi tafagar rom, gidii’ rom, nge ku boch e gidii’?

Balaynag e Abich nge Fast Offering

Got e ke duugliy fare motochiyel ko balaynag e abich nifan ngodaed ni ngeyag ni gel gelngin daed nib thothup ni ngan awuweg e pi’in nibe gafgow.

Balaynag e abich e be yipfan ni dabin abich fa ni garbath ni bay n’umgnin napan. Galasia e baga’ nima tay ni fare bin somm’on ko Madnom ulan fare puul e fan fare balaynag e abich. Rran nifan e balaynag e abich e woed ni dabin abich fa ni garbath ulan 24 e awa ni fa’an nrayag ko dogur rodaed. Bang ni kab ga’fan ko fare Madnom ni yima balaynag e abich riy e mu’un fare meybil ngay nge fare mich. Ma ki yibe pii’ e athamgil ngodaed ni rayag ni ngad balayniged e abich rodaed ko demuturug e ngiyal’ nib t’uf rodaed.

Gel Nag Gelngin e Thothup

Balaynag e abich e rayag ni nge ayuwegdaed nge gumaen’ nagdaed, me chuchugur nagdaed ngak Got, min be’ech nagdaed nib thothup. U mm’on ni tabab nag fare machib rok, Yesus Kristus e balaynag e abich rok’ Matthew 4:1–2). Fapi chep nib thothup e bo’or babyoren e profet riy ni balaynag e abich roraed ni ngeyag ni nge gel gelngin raed nib thothup min tawa’ath nagraed ko tin tawa’ath ni yaed be athapeg nifan raed fa boch e gidii’.

Balaynag e abich nge meybil e l’agruw nima yean u ta’abang. Napan ni gadaedra balaynag e abich min meybil ni bay e mich, mara mom ni ngad thapegned e tin ni yira thogthog nagdaed nifan ngodaed. Mara mom ni ngad nangfaned ma gadaed guy e tin nib riyul’ min nangfan fapi gagiyeg rok’ Got.

Ayuweg e Gidii’ nibe Gafgow

Napan ni gadaedra balaynag e abich, ma kagdaed ma pii’ e salpiy ko Galasia ni nge ayuweg e gidii’ nib tu’uf e ayuw roraed. Biney e kanog fare fast offering ngay. Kan pinning daed ni ngad pii’ed ni wod ni ta’ab rogon urngin ko ggan ni dawrin kay. Ma ki yibe pii’ e athamgil ngodaed ni ngad pii’ed ni bo’or ni fa’an nrayag rodaed. Pii’ e fast offering e reb kanawo’en ni gadaed be pigpig ngak e gidii’.

Fapi fast offerings e yima fanay ni ngan pi’ e gaan nge tin nib tu’uf ngak e gidii’ nibe gafgow, nib mu’un e gidii’ ngay nibay rodaed fa u dakean e fayleng. Ko boch mornga’agen rogon ni rayag ni ngan fanay e fast offering, muguy ko “Donating Tithes and Other Offerings” ulan e biney e lesson.

Chep nib Thothup ni Ngan Fil

Balaynag e Abich

• Alma 5:45–46; 6:6; 17:2–3

• Moroni 6:5

• Doctrine and Covenants 59:12–16; 88:76

• Isaiah 58:6–11

Ayuweg e Gidii’ nibe Gafgow

• Mosiah 4:16–27

• Alma 4:12–13

• Matthew 25:31–46

Fil Boech Marunga’agen ere Machib ney

• Ayuw nifan fapi Chep nib Thothup: “Balaynag e Abich, Balaynag e Abich”

• General Handbook: 22.2.2

• Topic ko Gospel: “Balaynag e Abich nge Fast Offerings”

Fapi Mulwol

• Gara balaynag e abich rom mag meybil ko bin migid e Madnom ngay nifan e balaynag e abich nifan ban’en nib tu’uf ngom?

• Gara pii’ e salpiy nifan e fast offerings (u tomuren nikan tawfe nigem)?

M’ag Rodaed ni Ngad Athamgil Gaed nga Mada’ ko Tomur

Napan ni gadaedra tawfe, ma arram ni kad ngongliyed e m’ag u thilindaed nge Got ni “gadaedra athamgil nga mada’ ko tomur” ni gadaed be fol ko fare gospel ku Yesus Kristus (2 Nephi 31:20; ngkum guy ko Mosiah 18:13). Ma gadaed be gay rogon ni ngad manged e pi gachalpen Yesus Kristus.

Profet Nephi ulan fare Babyor ku Mormon e weliy mornga’agen e tawfe ni wod ba garog ko fare kanawo’en e gospel (muguy ko 2 Nephi 31:8). Tomuren e tawfe, ma gadaedra ul’ul’ “thingar mu piiʼed iyaen nga mʼon u fithikʼ e yulʼyulʼ romed ngakʼ Kristus” (2 Nephi 31:20).

Napan ni gadaedra “yaen nga mʼon” ulan fare kanwo’en e machib, ma arram ni gadaed be fal’ag rogon daed ni ngad darod ngalan e temple. Urom e ggin ni gadaedra ngongliy fapi m’ag u thiliy nge Got ko napan ni gadaed be thapeg fapi gam’ing ko temple. Ulan e temple, ma yira endow nagdaed ni bay gelngin ma rayag ni ngan seal nag daed ngak e tabinaew rodaed ni manemus. Ayuweg fapi m’ag rodaed ni kad ngongliyed ulan e temple era bing wo’en fapi tawa’ath nib thothup nike tay Got nifan ngodaed.

Fa’anra gadaedra ul’ul’ u dakean fare kanwo’en e gospel, ma rayag ni gadaedra thapeg fare bin th’abi ga’ e tawa’ath ku Got—fare tawa’ath ko yafos ni manechubog (muguy ko 2 Nephi 31:20; Doctrine and Covenants 14:7).

Tin ba’aray e section e be weliy mornga’agen kanawo’en nike pii’ Got ni rayag ni nge ayuweg daed ngan athamgil nga mada’ ko tomur ko milekag rodaed u fayleng—min pire’eg e falfalaen’ u fithik’ e pin’ey.

Priesthood nge fapi Ulung ko Galasia

Fare priesthood e ir gelngin nge matawon Got. U dakean fare priesthood, Chitamangiy nu Tharmiy e keyag ni rrin’ fare muruwel rok’ “ninge mugu’uliy e fas ko yam’ nge yafas nib manemus ni fa’an e gidii’” (Moses 1:39). Got e ke pii’ mat’won nge gelngin pifak u fayleng ni ngar rrin’ed e muruwel rok’.

Fare priesthood e ma yibliy daed ni gubin. Fapi gam’ing ni wod e tawfe nge sakrament e yima thapeg ko pi’in ni bay fare ofiice rok’ ko priesthood. Ma krayog ningad thapeged fapi tawa’ath ko gol, ayuw, nge powi’iy.

Fare Priesthood nge Tiyugang’ ko Galasia nge fapi Muruwel ko Pigpig

Yesus Kristus e be powi’iy fare Galasia nibe rrin’ e tiney u dakean fapi profet nge apostle. Pi tiyugang’ ney e Got e ke mel’eg raed, ke yibliy raed, make pii’ fare gelngin e priesthood ngoraed ni ngar muruwel gaed u dakean fithingan fare Tathapeg.

Napan e kakrom, Kristus e pii’ mat’won ere priesthood ney ngak fapi Apostles rok’, ni’ir e gelngin niyag nira powi’iyed fare Galasia rok’ u tomuren ni thap nga tharmiy. Yibi buch ni biney e mat’woy e chuw ko napan ni fekyath e gidii’ ko fare gospel nge napan ni yim’ fapi Apostle.

Reb e angel nu tharmiy e yibe fulweg fare priesthood ko napan e 1829 u dakean fare profet Joseph Smith, maki ayliy biyay Somoel fare Galasia rok’ ni bay fapi apostle nge profet riy. (Muguy ko lesson 1.)

Fapi bishof nge stake president, e bay mat’won fare priesthood roraed ni ngar gagiyeg niged fapi Galasia.

Napan ni yira pinning e pumo’on nge bpin ni ngan yibliy raed ni ngar pigpig gaed ulan e Galasia, ma arram ni yibe pii’ mat’won raed nibe yib ku Got ni ngar rrin’ed e biney e muruwel. Biney e mat’won e yima pii’ ngak fapi missionarires, fapi tiyugang’, nge fapi sensey, nge ku boch e gidii’ nge mada’ ko ngiyal’ nikan pag raed ko fare pigpig. Yima rrin’ e tiney u tan pa’ fapi gidii’ ni bay fapi kiy ko priesthood roraed.

Mat’won e priesthood e karimus ni rayag ni ngan fanay ko tin nib mat’aw ban’en (muguy ko Doctrine and Covenants 121:34–46). Biney e mat’won e ba thothup ko yul’yul’ ni ngan muruwel u dakean fithingan fare Tathapeg. Fa e biney e bachan e nge yibliy me ayuyweg e gidii’.

Fare Aaronic Priesthood nge fare Melchizedek Priesthood

Ulan e Galasia, fare priesthood e mu’un fare Aaronic Priesthood ngay nge fare Melchizedek Priesthood. U tan paa’ e pi’in ni bay fapi kiy ko priesthood rok’, e rayag ni ngar pii’ed fare Arononic nge Melchizedek Priesthood ngak fapi pumo’on ko Galasia nib fel’ thawingraed. Tomuren nikan pii’ e bin nib puluw e priesthood, ma facha’ e yira yibliy ni nge mang reb e office nibay ko fare priesthood, ni wod ni’ir reb e deacon fa elder. Thingarni yibliy ni cha’en nira yibliy e bay mat’won ni rayag ni nge rrin’ e biney.

Napan nira thapeg fare pagal ni fel’yangren fa reb e mo’on nira thapeg fare priesthood, ma arram ni nge ngongliy reb e m’ag ngak Got nira rrin’ fapi muruwel rok’, ni nge pigpig ngak e gidii’, me pii’ e ayuw ko Galasia.

Pagal ni fel’yangren e rayag ni nge thapeg fare Aaronic Priesthood min yibliy ni nge mang reb e deacon ko fare puul ko Januray ulan fare duw nira gaman 12 e duw rok’. Ma rayag ni ngan yibliy raed ni ngar manged fapi teachers ulan fare duw nira gaman 14 e duw roraed nge priest ulan fare duwn nira gaman e 16 e duw roraed. Pumo’on nike un ko Galasia nike gaman ko duw roraed e rayag ni nge thapeg fare Aaronic Priesthood u tomuren nikan tawfe nag make thpaeg fare thothup. Pi’in ni bay e Aaronic Priesthood roraed e rayag ni ngar rrin’ed fapi gam’ing ni wod e sakrmanet nge tawfe.

Tomuren nikan pigpig boch ni gur reb e priest ulan fare Aaronic Priesthood, reb e mo’on nib fel’ thawingraed nike gaman e 18 e duw rok’ e rayag ni nge thapeg fare Melchizedek Priesthood min ordain nag ni’ir reb e elder. Pumo’on nike thapeg fare Melchizedek Priesthood e rayag ni nge rrin’ fapi gam’ing ko priesthood ni wod e yibliy ko fosag nge gapas nifan be’ u tabinaew fa fan ngak boch e gidii’.

Muguy ko General Handbook, 38.2.9.1, ko boch mornga’agen e members nib be’ech ni nge thapeg fare priesthood.

Fapi Quorums nge fapi Ulung ko Galasia

Quorum ko Priesthood. Quorum e ba ulung ni bay fapi mo’on riy nibay e priesthood roraed. Ra reb e ward ma bay reb fapi elders quorum riy nifan e pumo’on. Deacons, fapi sensey, nge fapi quorums ko pirest e fan e pagal ni fel’yangren.

Relief Society. Fare Relief Society e mu’un e bpin ngay ni 18 e duw roraed ngalang. Members ko fare Relief Society e yaed ma pii’ gelngin e tabinaew, gidii’, nge fare binaew.

Bpin ni fel’yangren. Bpin ni fel’yangren e yaed ma un ko fare ulung ko Young Women u mm’on ko fare puul ko Januray ulan fare duw nira gaman 12 e duw roraed.

Primary. Bitir ni dalip nge mada’ ko ragag nge ta’areb e duw rok’ e kabang ko fare ulung ko Primary.

Sunday School. Gubin e pil’aal nge fal’yangren ni ngar uned ko fare Sunday School, ni ngar mada’ gaed ni ngar filed fapi chep nib thothup u ta’abang.

Ko boch mornga’agen fare priesthood, muguy ko General Handbook, guruy 3.

Ko boch mornga’agen fapi quorum ko priesthood nge fapi ulung ko Galasia, muguy ko General Handbook, fapi guruy ko 8–13.

Chep nib Thothup ni Ngan Fil

• Mosiah 18:17

• Alma 13:1–19

• Doctrine and Covenants 20:38–65; 84:19–20; 107; 121:34–46

• Articles of Faith 1:5

• Luke 9:1–6

• John 15:16

• James 5:14–15

Fil Boech Marunga’agen ere Machib ney

• General Handbook, guruy 3: “Fapi Yalen e Priesthood”

• Topic ko Gospel: “Aaronic Priesthood,” “Melchizedek Priesthood,” “Priesthood”

Fapi Mulwol

• Gara fal’ag rogom ngam thapeg fare Aaronic Priesthood? (Fan ngak e pagal ni 11 e duw roraed ngalang)

• Gara fal’ag rogom ngam thapeg fare Melchizedek Priesthood? (Fan ngak e pumo’on)

• Gara un ko bin nib m’ag ngom ko fapi ulung ko Galasia?

Mabgol nge Tabinaew

Mabgol

Mabgol u thilin e pumo’on nge bpin e ke yibliy Got. Biney e bay ni’ir e lukungun fare wo’en e mon’og nib manechubog nifan pifak.

Fare tha’ u thilin reb e mabgol e susun ni’ir fare tha’ ni ngar cha’ariyew ni th’abi fel’ ni bay u fayleng. Bay e muruwel rorow nib thothup ni ngar yul’yul’ gow ngorow mi yow yul’yul’ gow ko fare m’ag ko mabgol rorow.

Figirngiy nge le’engiy e yow l’agruw ni ta’ab rogon row u mit Got. Susun ni dariy bagyow nib ga’ lungun ngak’ bagyow. Tin ni yowra duugliy e susun ni ngar rrin’ew u ta’abang nge fithik’ e t’ufeg, yow l’agrow ngay.

Fa’an ni yowra t’ufeg row mi yow muruwel u ta’abang, ma fare mabgol rorow e rayag ni nge mang fare falfalaen’ rorow nib gel. Ma rayag ni ngar ayuwegew row nge pifak row ni ngar mon’og gaed i yean ko fare yafos ni manechubog.

Tabinaew

Wod e mabgol, Got e ke yibliy e tabinaew ma bay ni’ir e lukungun wo’en e falfalaen’ ni manemus. Tabinaew rodaed e rayag nira falflalaen’ ni fa’an gadaedra fol ko fapi machib ku Yesus Kristus. Galibithir e nge machib ngak pifak raed fare gospel ku Yesus Kristus mi yaed dag wo’en ni ngar fol gaed riy. Tabinaew e ma pii’ wo’en ngodaed ni ngad daged e t’ufeg nge pigpig nifan ngodaed.

Galibithir e susun ni ngar ted ni tabinaew roraed e irerram e bin th’abi tolang e muruwel ni ngar tiyan’raed ngay. Biney e ba tawa’ath nib thothup nge ba muruwel nifan e galibithir ni ngar chodowaliyed fapi bitir nikar fakiyed fa kar pofed.

Gubin e tabinaew ma bay e tin ni yaed be mo’owar riy. Napan ni gadaedra sap ku Got ni nge ayuweg daed ma yibe ayuweg fapi motochiyel rok’, ma fapi mo’owar ko tabinaew rodaed era ayuwegdaed ngad mon’og gaed. Bochingiyal’ ma pin’ey nib mo’omow’ e rayag ni nge ayuwegdaed ko kalngan’ nge n’agfan.

Tiyugang’ ko Galasia e kar pii’ed e athamgil ngak e members ni ngan tay e mo’olung nifan e tabinaew ko gubin e wik. Galibithir e ngar fanayed e ngiyal’ ney ni ngar machib niged fare gospel ngak pifak raed, mi yaed gel nag e tha’ ko tabinaew roraed. Tiyugang’ ko Galasia e kar pii’ed reb e proclamation nibe machiib nag fapi n’en nib riyul’ ni mornga’agen e tabinaew (muguy ko “Fare Tabinaew: Bugithin ngak e Fayleng,” ChurchofJesusChrist.org).

Boch kanawo’en ni rayag ni ngan gel nag e tabinaew e wod e meybil nifan e tabinaew, fil fapi chep nib thothup, min yean nga Galasia u ta’abang. Krayag ni ngad sap niged mornga’agen cheppin e tabinaew, kunuy nga ta’abang mornaga’agen e tabinaew, nge ku boch e gidii’.

Boch e gidii’ e momaw’ ni nge mabgol fa yag reb e tabinaew ngak. Boch e gidii’ e ke dar e mabgol rok’ fa bay boch ban’en nibe gafgow e tabinaew roraed riy. Machane, fare gospel e ma tawa’ath nagdaed ni demuturug rogon e pin’en nibe buch ko tabinaew rodaed. Ma fa’an gadaedra yul’yul’, ma Got era pii’ kanawo’en ngodaed fapi tawa’ath ko tabinaew, ni bay nira yib ko biney e yafos fa bin migid e yafos.

Chep nib Thothup ni Ngan Fil

Mabgol

• Doctrine and Covenants 42:22; 49:15

• Efesus 5:25

• Genesis 2:18, 24

Tabinaew

• Mosiah 4:14–15

• Alma 56:47; 57:21

• 3 Nephi 18:21

• Doctrine and Covenants 68:25–28

• Efesus 6:4

• Proverbs 22:6

• “Tabinaew: Bugethin nifan ngak e Fayleng”

Fil Boech Marunga’agen ere Machib ney

• Ayuw nifan fapi Chep nib Thothup: “Tabinaew,” “Mabgol, M’ag Pa’”

• General Handbook, guruy 2: “Ayuweg e Gidii’ nge Tabinaew nifan fare Muruwel ko Thapeg nag nge N’uf Ngalang ko bin Th’abi Tolang e Falfalaen’”

• Topic ko Gospel: “Mabgol,” “Tabinaew,” “Fanow”

Fapi Mulwol

Ngongliy rogon e pi mulwol ney ni ngeyag me mom rok’ facha’.

• Gara gay rogon e mu’ulung nifan e tabinaew rom ni gubin e wik, meybil gaed e tabinaew rom ni gubin e rran, ma gamid fil mornga’agen fapi chep nib thothup ni gubin e rran?

• Gara liyor nifan fare rran ko Madnom ni ngam liyor gaed e tabinaew rom u ta’abang?

Tempe nge Muruwel nifan e Chep ko Tabinaew nifan e Gidii’ rodaed ni Kakrom nike Yim’

Chitamangdaed nu Tharmiy e ba t’uf pifak rok ni gubin ma ba’adag ni ngar thapagned fare wo’en e thap nge fare bin th’abi n’uf ngalang e falfalaen’. Dariy fan e biney ya ku bo’or e gidii’ nike yim’ ni dawri rung’ag mornga’agen fare gospel ku Yesus Kristus fa thapeg fapi gam’ing ko gospel. Pi gam’ing ney e mu’un e tawfe ngay, fare thapeg e thothup, priesthood ordination nifan e pumo’on, temple endowment, nge mabgol ni manechubog.

U dakean fare garathia nge murnguy rok’, Somoel e ke pii’ reb kanawo’en nifan e tiney e gidii’ ni ngar thapagned fare gospel nge fapi gam’ing riy. U tofen e ya’el, fare gospel e yima machib nag ngak e pi’in nikar m’ad ma dawriyag ni ngar thapagned (muguy ko Doctrine and Covenants 138). Ulan e temple, e ggin nrayag ni ngad rrin’ed e pi gam’ing ney nifan ngak e pi gidii’ rodaed ni kakrom nike yim’ nge ku boch e gidii’. Ma pi gidii’ ney ni bay u toffen e ya’el e rayag ni ngar fanayed fa ra siyegned fare gospel nge fapi gam’ing riy nikan rrin’ nifan ngoraed.

U mm’on ni rayag ni ngad rrin’ed e pi gam’ing ney, ngad gayed e gidii’ rodaed ni kakrom ni dawri thapeg e pin’ey. Gayed mornga’agen e gidii’en e tabinaew rodaed ni ngeyag ni ngar thapagned fapi gam’ing e rib ga’fan ko fare muruwel rodaed nifan e chep ko tabinaew. Napan ni gadaedra pire’eg mornga’agen raed, ma aram ni gadaedra tay ngalan fare database ko Galasia ko FamilySearch.org. Ma arram ni rayag ni ngaed (fa boch e gidii’) rrin’ed fapi gam’ing nifan raed ulan e temple.

Napan ni gadaedra pire’eg mornga’agen e gidii’ rodaed ni kakrom min rrin’ fapi gam’ing nifan ngoraed, ma tabinaew rodaed e ran m’ag nga ta’abang ni manemus.

Muruwel nifan e Cheppen e Tabinaew nge Yean nga Temple

Dag ngak fapi members nib be’ech nge fapi gidii’ ni gabe machib nag facha’ nib ga’ ko ward temple nge cha’en nib ga’ ko cheppen e tabinaew (fa reb e member ni manang mornga’agen e temple fa muruwel ko temple nifan e cheppen e tabinaew). Biney e tiyugang’ e rayag ni nge ayuweg e pi gidii’ ney ni ngar gayed fapi gidii’ roraed ni kakrom nike yim nib tu’uf fapi gam’ing to temple roraed. Mu fanay fare wik ni yima mu’ulung riy ngan fal’ag wo’en rogon ni ngan ayuweg fapi members nib be’ech ni ngar tabab niged fapi muruwel ko chappen e tabinaew roraed.

Members nib be’ech nge boch e members e rayag ni ngar thapegned e temple recommend nike yib ko bishof roraed ni ngar tawfe gaed nifan e gidii’ nike yim’ mar thapagned e thothup nifan ngak fapi gidii’ roraed ni kakrom. Reb e member e rayag ni ngar thapagned e temple recommend ko fare puul ko Januray ulan fare duw nira gaman 12 e duw roraed. Pumo’on e rib tu’uf ni bay fare Aaronic Priesthood roraed u mm’on nrayag e biney ngoraed. Pii’ e athamgil ngak e members ni ngar thapagned e recommend ko ngiyal’ nrayag roraed.

Fa’anra bay reb e temple nib chuchugur, mu’un ngak fapi members nib be’ech. Mu’un ngoraed ko fapi gam’ing ko temple.

Chep nib Thothup ni Ngan Fil

• Doctrine and Covenants 128; 138

• 1 Corinthians 15:29

• 1 Peter 3:18–21; 4:6

Fil Boech Marunga’agen ere Machib ney

• General Handbook, chapter 28: “Fapi Gam’ing nifan e Gidii’ nike Yim’”

• Topic ko Gospel: “Tawfe nifan e Yam’,” “Cheppin e tabinaew”

Fapi Mulwol

• Gara fal’ag rogom ngam thapeg fapi gam’ing ko temple nifan fapi gidii’ rom ni kakrom nike yim’?

• Gara un ko muruwel nifan e chappen e tabinaew rom mag pii’ fithingan fapi gidii’ rom nike yim’ ni ngar thapagned fapi gam’ing ko temple?

Fapi Temple, fare Endowment, Mabgol ni Manechubog, nge Tabianew ni Manechubog.

Pi Temple

Fare temple e ir fare na’un rok fare Somoel. Urom e ggin ni gadaedra ngongliy fapi m’ag u thiliy nge Got ko napan ni gadaed be thapeg fapi gam’ing rok’ nib thothup. Fa’an gadaedra ayuweg e pi m’ag ney, ma gadaedra thapeg gelngin nira yib i m’ug ulan e yafos rodaed (muguy ko Doctrine and Covenants 84:19–22; 109:22–23).

Fare Endowment

Reb e gam’ing ni rayag ni ngaed thapegned ulan e temple e fare endowment. Fare bugithin ni endowment e be yip fan “ba tawa’ath.” Fare tawa’ath ko gelngiy nge llowaen’ e ma yib rok’ Got. Napan e ngiyal’ ko endowment, ma arram nikad m’aged daed ngak Got nge fare Fak, ni Yesus Kristus (muguy ko guruy 1).

Gidii’ nib ilaal e bay ni rayag ni ngar thapagned e biroraed e endowment ko temple u tomuren nikar manged e member ko Galasia. Ko boch mornga’agen fare endowment, muguy ko General Handbook, 27.2.

Fapi Mabgol ni Manechubog nge Tabinaew ni Manechubog.

Fare wo’en e falfalaen’ e ke fal’ag rogon e tha’ ko tabinaew ni nge ul’ul’ u tomuren e yam’. Ulan e temple e gin ni rayag ni ngad mabgol gaed riy nifan e ngiyal’ ney nge manechubog. Biney e ke bing wo’en ko tabinaew ni rayag ni ngar pired u ta’abang ni manemus.

Tomuren nike thapeg fagli mabgol e birorow e endowment ko temple, ma arram nikan seal nagrow fa kar mabgol ni manechubog. Ma pifak row e rayag ni ngan seal nagraed ngorow.

Figirngiy nge le’engiy nike seal ulan e temple e thingar ayuwegnew fapi m’ag nikar fal’agnew ni ngeyag ni ngar thapagnew fapi tawa’ath nifan e mabgol ni manechubog.

Tafney Nag Rogon nib Fel’ ko Napan ni Gabe Machib Nag Mornga’agen e Tabinaew ni Manechubog.

Boch e gidii’ bay boch ban’en ko tabinaew roraed nibe m’ug ngoraed nib momaw’ ni ngan m’ag raed nga ta’abang ni manemus. Ma boech e bay ni dabi fel’ wa’athan ko mabgol fa fakay e bitir ko biney e yafos.

Pugorran ngak e pi’in ni gabe machib nag ni fare wo’en Got e ba wo’en nifan e falfalaen’. Mu ayuweg raed ngar guyed ni fol ko fare gospel e chiney era fal’ag rogon raed nifan e tabinaew nga mm’on ni manechubog, ni demuturug ni fa’anra yib ko tomuren e biney e yafos.

Demuturug rogon e tabinaew rok’ facha’ fa rogon e mabgol rok’, gidii’ nib ilaal e susun ni ngar fal’aged rogon raed ngar thapagned e biroraed e temple endowment. Thapeg e biroraed e endowment ko temple era mang bang ko gelngin raed. Makum ayuweg raed ni ngar guyed ni rayag ni ngar ta’areb niged fapi gidii’ roraed ni kakrom u dakean e muruwel ko temple.

Chep nib Thothup ni Ngan Fil

• Doctrine and Covenants 43:16; 95:8–9; 97:10–16; 109; 131:1–4

Fil Boech Marunga’agen ere Machib ney

• General Handbook, guruy 27: “Temple Ordinances for the Living”

• Topic ko Gospel: “Fapi Temple,” “Endowment,” “Mabgol”

• temples.ChurchofJesusChrist.org

Mulwol

Gara fal’ag rogom ngam un nga temple ngam thapeg fapi gam’ing ni bay riy?