E faapefea ona ou malamalama ma faaaoga ia le vaogagana ma upu e talafeauga ma le faalapotopotoga a le LGBTQ?

Vaogagana Faapitoa

O le faatulagaga faalefeusuaiga e mafai ona faasino i tosinaga faalelagona, alofa naunau, pe faalefeusuaiga faapea foi se lagona o le faasinomaga. Mo nisi, e fesoasoani le iloa o le eseesega i le va o le tosinaga faalefeusuaiga, tosinaga faalelagona, ma le faasinomaga nai lo le na o le tuufaatasi o i latou uma o “se faatulagaga faalefeusuaiga.”

O igoa e sili ona masani ai o le faatauafafine (o se tamaitai ua tosina atu i se tamaitai), faafafine (o se alii ua tosina atu i alii), ma itupa lualuagia (o se alii po o se tamaitai ua tosina i itupa uma e lua). Atonu foi e faaaoga e nisi tamaitai le faaupuga faafatama e faamatalaina ai i latou lava. Atonu e faaaoga e tagata isi igoa, ma o nisi o e ua oo i le tosinaga i le itupa e-tasi, e filifili e le faaaogaina se igoa e faamatalaina ai i latou lava. O le ala e filifili ai tagata e faailoa e ono suia i le aluga o taimi.

O le tosinaga e le o le faasinomaga lea. E mafai e tagata ona faia a latou lava filifiliga pe faapefea ona faailoa i latou. O loo i ai tagata malolosi o le Ekalesia o loo umia pepa faataga o le malumalu, o loo usitaia le tulafono o le legavia ma ua faailoa i latou lava o faafafine, faafatama, pe itupa lualuagia. O loo i ai tagata malolosi o le Ekalesia ua aafia i le tosinaga i le itupa e-tasi, ma e lei filifili lava e faailoa i latou lava e faaaoga ai se igoa. O lo tatou faasinomaga muamua ma le taua e le aunoa o se atalii/afafine o le Atua. Mo ni isi faamatalaga e uiga i le faasinomaga faaleitupa po o le tulaga pagatia ua alia’e mai e uiga i le itupa, tagai i le Transgender: Understanding Yourself ma le Transgender: Supporting Others, ChurchofJesusChrist.org.

Faatulagaga Faalefeusuaiga ma le Faasinomaga Faaleitupa

O le tosina atu i le itupa e tasi e faasino lea i tosinaga faalelagona, faaletino, faamama’i, pe faalefeusuaiga i se tagata o le itupa e tasi. Afai e te lagonaina le tosina atu i le itupa e tasi, e mafai pe le mafai foi ona e filifili e faaaoga se faailoga o sootaga faalefeusuaiga e faamatala ai oe lava ia. Po o le a lava le ala, o le tosina atu i le itupa e tasi o se faaupuga talafeagai e faamatala ai le aafiaga e aunoa ma le tau faailo atu o se igoa. Ua faaaoga e le uepisaite lenei faaupuga e faaaofia uma ai ma tagata o e e le toafimalie i le faaaogaina o se faailoga, e le teenaina ai le i ai o faafafine, faafatama, po o se faasinomaga o se itupa e lualuagia.

O le tosinaga i le itupa e tasi ma le tulaga pagatia ua alia’e mai e uiga i le itupa, e eseese. Mo se faataitaiga, o i latou e aafia i le tulaga pagatia ua alia’e mai e uiga i le itupa, atonu ua aafia ai pe le’i aafia ai foi i le tosinaga o le itupa e-tasi, ma o le toatele lava o i latou ua aafia i le tosinaga i le itupa e-tasi, e le mananao e suia lo latou itupa. Mai se vaaiga faalemafaufau ma faaleauaunaga, e eseese mea ia e lua.