fefin me semirit ra nengeni ew tablet

Ekkoch Kokkot ren Aean ewe Gospel Library App

Rongorong

Rongorong ngeni rekot ina ew me nein ekkewe murinon aanen kaeo ekkewe pukefel. Ka tongeni fori ei non imwom ika ekis meinisin. Ka pwan tongeni rongorong ren om siwini sokopaten mwitirin me non sokopaten fosun kapas.

Kaeo ren Itenap

Ka tongeni kut uwokisin pukefel usun ewe itenap mi kawor ren om aea ewe minen kut iwe mwirin ka katon ekkewe pungun mi wewe ngeni. Ka pwan tongeni aea ewe kinikin Gospel Topics ewe a awora auchean uwokisin fan iten ew itenap mi kawor.

Atetteni ren Itenap

Ka tongeni etetteni masowan ren itenap ren om aea “Tags” me “Notebooks.” Ekkei itenap ra tongeni aninisoch nupwen ka amonnata ew afanafan ika nesen.

Enuwa

Ka tongeni enuwa ika esisina noum kewe pukefel ren om fini ew uwokisin me mwirin ka fini ew style. Ewe style mi tongeni epwe ew achufengenin sokopaten anuon me ew nain fan ika enuwa.

For Links

Ka tongeni fori links nefinen pukefel, porousen mwichenap, me pwan ekkoch mettoch. Ei a tongeni anisuk ne chechemeni me mwitir ne no ngeni ka fen forir.

Kutta Wewen Kapas

Ka tongeni mecheres ne kutta wewen ew kapas me non ekkewe pukefel ren om fini me tiki “Define.”

Aea Bookmarks me Screens

Ka tongeni mwitiri niwin sefan ne fini ew mettoch ren om aea bookmarks om kopwe apareniochu ekkoch neni me screens. Aea bookmarks a tongeni mut ngonuk om kopwe annomu ekkoch sopwun me ekkoch mettoch repwe suk non ewe chok fansoun.

Forata ew Kokkot

Ka tongeni fori ew kokkotun kaeo ewe a anisuk om kopwe apareni om fetanochun kaeo ekkewe pukefel. Ka pwan tongeni forata pekin achechem an epwe anisuk ne apwonueta om kokkoten kaeo kopwe achocho ngeni. Ew kokkot a tongeni anisuk om kopwe fitiochu ewe kokkotun Feito, Tapweto Mwiri ika pwisin anneani ewe Puken Mormon.