Kraist a forata ewe sakrament me nein ekkewe chon Nifai, seni Andrew Bosley

Pwata Kaeo ekkewe Pukefel?

Nupwen sia achocho ne kaeo ekkewe pukefel, sia arap ngeni Jises Kraist me sia weweochuti An kapas allim me asoren achasefan. Ewe soufos Nifai a pesei kich non ei napanap:

“Ina minne, oupwe nikitu fiti tipepos non Kraist, epwe wor ami unusochun saramen apinukunuk, me ew tongen Kot me aramas meinisin. Iei minne, ika oupwe feino mwemi, kametip won ewe kapasen Kraist, me nikitu tori nesoponon, nengeni, iei usun anon ewe Sam: Oupwe weri ewe manau ese much” (2 Nifai 31:20).

famini a anea kewe pukefel

Ekkewe afanafan seni ekkewe pukefel repwe anisi kich ne niwin ngeni Samach non Nang. Nouch kewe soufosun ranin soponon ra fen tingorei kich pwe sipwe kaeo ekkewe pukefel ren emon me emon me, ika epwe tufich, ren famini. Ra fen etiwa kich pwe sipwe kaeo seni met a fis ngeni ekkewe ir nom non ekkewe pukefel me aea ekkewe uruon pukefel me afanafan non manauach ikenai, usun Nifai a ourour non 1 Nifai19:23. Soufosun nom me ikenai ra fen etiwa kich pwe sipwe kaeo ekkewe pukefel me sipwe “kametip won ekkewe kapasen Kraist” (2 Nifai 32:3).

mwan a anea kewe pukefel

Preseten Russel M. Nelson a pwan aiti kich ei auchean ennet usun “kametip” won ekkewe pukefel:

“Ne kametip wewen pwe a nap seni chok neni. Ne kametip a wewen sipwe wesen efichi ne neni. Sia efichi ne neni ekkewe pukefel ren ach kaeonir non ew ngunun pwapwan kuna me nukucharen anneasochis. Nupwen sia kametip won ekkewe kapasen Kraist, ra mwoch ‘non netipen aramas’ [2 Korinth 3:3]. Ra winiti ew auchean kinikinin nonnomuch” (“Living by Scriptural Guidance,” Ensign, Nov. 2000, 17).

Nupwen sia soun chok fori ach pwisin me an ach famini kaeon pukefel, kich me ach famini sipwe emwen, tumun, me pochokununo seni chommong osukosuken ach fansoun.