Mga Ideya sa Paggamit sang Librarya sang Ebanghelyo nga App

Magpamati

Isa sang pinakamaayo nga paagi sa pagtuon sang balaan nga mga kasulatan amo ang magpamati sa mga rekording. Mahimo mo ini sa inyo balay ukon halos sa bisan diin. Makapamati ka man sa lainlain nga kadasigon kag sa lainlain nga mga lengguahe.

Magtuon suno sa Topiko

Makakita ka sang balaan nga mga kasulatan parte sa isa ka topiko paagi sa paggamit sang i-search (pangitaa) nga buton kag dayon pagrebyu sang magkaangot nga mga resulta sang pag-search. Pwede mo man gamiton ang publikasyon sang Gospel Topics nga nagahatag sang panguna nga balaan nga mga kasulatan para sa isa ka topiko.

Pasunuron suno sa Topiko

Pwede mo pasunuron ang kaundan suno sa topiko gamit ang “Mga Tag” kag “Mga Notebook.” Ining mga topiko mapuslanon kon nagapreparar ka sang pamulong-pulong ukon leksyon.

I-highlight

Pwede mo i-highlight ukon markahan ang imo balaan nga mga kasulatan paagi sa pagpili sang isa ka dinalan kag dayon magpili sang estilo. Ang estilo pwede mangin kombinasyon sang nagkalainlain nga kolor kag kurit sa idalom sang tinaga ukon highlight.

Maghimo sang mga Link

Pwede ka maghimo sang link nga nagaangot sang balaan nga mga kasulatan, mensahe sa pangkabilogan nga komperensya kag iban pa nga kaundan. Makabulig ini sa imo nga madumduman kag madasig nga mabuksan ang imo mga ginpang-angot nga mga balasahon.

Pangitaa ang mga Kahulugan

Mahapos mo nga mapangita ang kahulugan sang isa ka tinaga sa balaan nga mga kasulatan paagi sa pagpili sini kag pagtum-ok sang “Define” (Ipaathag) nga buton.

Maggamit sang mga Bookmark kag mga Screen

Madasig ka nga makabalik sa pagpili sang kaundan paagi sa paggamit sang mga bookmark agud matandaan ang pila ka mga lugar kag mga screen. Ang paggamit sang mga bookmark makatugot sa imo nga mapapabilin nga bukas ang lainlain nga mga kapitulo kag iban pa nga mga kaundan sing dululungan.

Magpahamtang sang Iskedyul

Makahimo ka sang plano sa pagtuon nga nagabulig sa imo nga mabantayan ang imo pag-uswag sa pagtuon sang balaan nga mga kasulatan. Makaplastar ka man sang mga pahanumdom agud makabulig sa imo nga matigayon ang imo mga lalab-uton sa pagtuon. Ang iskedyul makabulig sa imo nga sundon ang iskedyul sa pagtuon sang Dali, Magsunod sa Akon ukon sang imo personal nga pagbasa sang Libro ni Mormon.