“Tej lub Tswv Yim Siv Qhov App Txoj Moo Zoo cov Ntawv,” Tej lub Tswv Yim Pab Kawm Vaj Lug Kub (2021)
“Tej lub Tswv Yim Siv Qhov App Txoj Moo Zoo cov Ntawv,” Tej lub Tswv Yim Pab Kawm Vaj Lug Kub
Tej lub Tswv Yim Siv Qhov App Txoj Moo Zoo cov Ntawv
Mloog
Ib txoj kev kawm vaj lug kub uas zoo tshaj yog kev mloog tej kev kaw suab. Koj ua tau li no nyob hauv tsev los sis nyob qhov twg los xij. Koj kuj mloog tau ntau yam lus thiab mloog lawv hais lus nrawm los qeeb npaum twg los tau.
Kawm Raws Ntsiab Lus
Koj nrhiav tau tej nqe vaj lug kub txog ib lub ntsiab lus thaum koj siv tus txheej txheem nrhiav ces saib tej yam uas nrhiav tau lawm. Koj kuj siv Txoj Moo Zoo cov Ntsiab Lus los tau vim qhov no qhia txog cov vaj lug kub tseem ceeb txog ib lub ntsiab lus.
Faib Raws Li Ntsiab Lus
Koj faib tau cov ntawv raws li tej ntsiab lus thaum koj siv “Tej Ntawv Cim” thiab “Phau Ntawv Cim.” Tej ntsiab lus no yuav zoo siv thaum koj npaj ib zaj lus hais los sis ib zaj lus qhia.
Kos Xim
Koj kos xim los yog sau lub cim rau koj cov vaj lug kub los tau thaum koj xaiv ib nqe lus thiab xaiv ib hom kev sau ntawv. Ib hom kev sau ntawv yog qhov uas yus siv ntau yam xim thiab sau tej kab hauv qab cov lus los sis kos xim rau cov ntawv.
Tsim tej Qhov Txuas
Koj tsim tau tej qhov txuas rau tej nqe vaj lug kub, tej zaj lus ntawm lub tuam rooj sab laj, thiab lwm yam ntawv. Qhov no yuav pab koj nco qab txog thiab siv tej qhov txuas uas koj tau tsim lawm.
Saib Kev Txhais Lus
Yuav yooj yim rau koj saib ib lo lus hauv vaj lug kub txhais li cas thaum koj xaiv thiab nias qhov “Txhais Lus.”
Siv tej Cim Ntawv thiab tej Chaw Saib
Yuav yooj yim rau koj rov qab saib cov ntawv uas koj twb xaiv lawm thaum koj siv tej cim ntawv kom cim tej qhov chaw thiab tej chaw saib. Kev siv tej cim ntawv yuav pab koj qhib tej tshooj thiab lwm cov ntawv thaum tib lub sij hawm.
Teem Sij Hawm
Koj tsim tau ib txoj kev npaj kawm uas yuav pab koj ntsuas seb koj kawm vaj lug kub zoo li cas. Koj kuj teem tej lus nco ntsoov kom pab koj nco qab ua raws li koj tej lub hom phiaj kawm vaj lug kub. Ib txoj kev teem sij hawm yuav pab koj ua raws li kev teem sij hawm kawm Los, Nrog Kuv Mus los sis nyeem Phau Ntawv Maumoos.