“ແນວຄິດສຳລັບການໃຊ້ແອັບຫ້ອງສະໝຸດພຣະກິດຕິຄຸນ,” ແນວຄິດການສຶກສາພຣະຄຳພີ (2021)
“ແນວຄິດສຳລັບການໃຊ້ແອັບຫ້ອງສະໝຸດພຣະກິດຕິຄຸນ,” ແນວຄິດການສຶກສາພຣະຄຳພີ
ແນວຄິດສຳລັບການໃຊ້ແອັບຫ້ອງສະໝຸດພຣະກິດຕິຄຸນ
Listen [ຟັງ]
ວິທີໜຶ່ງທີ່ດີທີ່ສຸດໃນການສຶກສາພຣະຄຳພີ ແມ່ນການຟັງສິ່ງທີ່ຖືກອັດສຽງໄວ້. ທ່ານສາມາດເຮັດສິ່ງນີ້ໄດ້ຢູ່ໃນບ້ານເຮືອນຂອງທ່ານ ຫລື ເກືອບທຸກສະຖານທີ່. ທ່ານກໍສາມາດຟັງໃນລະດັບຄວາມໄວ ແລະ ໃນພາສາທີ່ແຕກຕ່າງກັນນຳອີກ.
Study by Topic [ສຶກສາຕາມຫົວຂໍ້]
ທ່ານສາມາດຫາຂໍ້ພຣະຄຳພີກ່ຽວກັບຫົວຂໍ້ໃດໜຶ່ງ ໂດຍການໃຊ້ ຟັງເຊິ້ນຄົ້ນຫາ ແລະ ແລ້ວກວດກາເບິ່ງຜົນຂອງການຄົ້ນຫາ. ທ່ານກໍສາມາດໃຊ້ Gospel Topics ທີ່ພິມໃຫ້ນຳອີກ ຊຶ່ງບອກຂໍ້ພຣະຄຳພີສຳຄັນສຳລັບຫົວຂໍ້ໃດໜຶ່ງ.
Organize by Topic [ຈັດຕາມຫົວຂໍ້]
ທ່ານສາມາດຈັດເນື້ອຫາຕາມຫົວຂໍ້ ໂດຍການໃຊ້ “Tags [ປ້າຍ]” ຫລື “Notebooks [ປຶ້ມບັນທຶກ].” ຫົວຂໍ້ເຫລົ່ານີ້ສາມາດໃຊ້ເປັນປະໂຫຍດ ເວລາທ່ານກະກຽມບົດປາໄສ ຫລື ບົດຮຽນ.
Highlight [ໄຮໄລ້]
ທ່ານສາມາດໄຮໄລ້ ຫລື ໝາຍຂໍ້ພຣະຄຳພີ ໂດຍການເລືອກເອົາຂໍ້ໃດຂໍ້ໜຶ່ງ ແລະ ແລ້ວໃຫ້ເລືອກເອົາ style [ຮູບແບບ]. ຮູບແບບສາມາດເປັນການປະສົມປະສານສີທີ່ແຕກຕ່າງກັນ ແລະ ການຂີດກ້ອງ ຫລື ໄຮໄລ້.
Create Links [ສ້າງລິ້ງ]
ທ່ານສາມາດສ້າງລິ້ງລະຫວ່າງຂໍ້ພຣະຄຳພີ, ຂ່າວສານຂອງກອງປະຊຸມໃຫຍ່ສາມັນ, ແລະ ເນື້ອຫາອື່ນໆໄດ້ ສິ່ງນີ້ຈະຊ່ວຍທ່ານໃຫ້ຈື່ຈຳ ແລະ ເຂົ້າຫາການເຊື່ອມຕໍ່ທີ່ທ່ານໄດ້ສ້າງໄວ້ ຢ່າງວ່ອງໄວ.
Look Up Definitions [ຊອກຫາຄຳອະທິບາຍສັບ]
ທ່ານສາມາດຊອກຫາຄຳອະທິບາຍສັບໃດໜຶ່ງໃນພຣະຄຳພີໄດ້ງ່າຍໆ ໂດຍການເລືອກເອົາຄຳສັບນັ້ນ ແລະ ແຕະປຸ່ມ “Define”.
Use Bookmarks and Screens [ໃຊ້ສິ່ງໝາຍຂັ້ນ ແລະ ໜ້າຈໍ]
ທ່ານສາມາດກັບໄປເລືອກເອົາເນື້ອຫາໄດ້ຢ່າງໄວ ໂດຍການໃຊ້ສິ່ງໝາຍຂັ້ນ ເພື່ອເກັບກຳທີ່ຢູ່ເວັບໄຊ ແລະ ໜ້າຈໍສະເພາະໃດໜຶ່ງ. ການໃຊ້ສິ່ງໝາຍຂັ້ນ ຈະໃຫ້ທ່ານສາມາດເປີດບົດຕ່າງໆ ແລະ ເນື້ອຫາອື່ນໆໄດ້ພ້ອມກັນ.
Set a Schedule [ກຳນົດຕາຕະລາງເວລາ]
ທ່ານສາມາດສ້າງແຜນການສຶກສາທີ່ຊ່ວຍທ່ານໃຫ້ຕິດຕາມເບິ່ງຄວາມກ້າວໜ້າຂອງການສຶກສາພຣະຄຳພີຂອງທ່ານໄດ້. ທ່ານຍັງສາມາດຕັ້ງລະບົບການເຕືອນ ເພື່ອຊ່ວຍທ່ານບັນລຸເປົ້າໝາຍການສຶກສາຂອງທ່ານໄດ້ນຳອີກ. ຕາຕະລາງເວລາສາມາດຊ່ວຍທ່ານຕິດຕາມໄປກັບຕາຕະລາງເວລາຂອງປຶ້ມ ຈົ່ງຕາມເຮົາມາ ຫລື ການອ່ານພຣະຄຳພີມໍມອນເປັນສ່ວນຕົວ.