“Ideaita emoporãve haĝua nde Escritura-kuéra estudio familiar,” Ideaita Escritura-kuéra estudiorã (2021)
“Ideaita emoporãve haĝua nde Escritura-kuéra estudio familiar,” Ideaita Escritura-kuéra estudiorã (2021)
Ideaita emoporãve haĝua nde Escritura-kuéra estudio familiar
Escritura-kuéra estudio familiar meme oipytyvõ mbarete ne familia-pe oñemoarandu haĝua evanhéliope. Pe ñeha’ã meme pemoñe’ẽ haĝua en familia imba’eguasuve mboýguipa térã ipukúpa pemoñe’ẽ. Pejapoháicha escritura-kuéra studio peteĩ parte imba’eguasúva pene familia rekovépe, peipytyvõta pene familia-guakuérape oñemo’aĝuive haĝua Jesucristo-re ha omopu’ã haĝua itestimonio Iñe’ẽ pyenda ári.
Pejehesarekomi ko’ã porandúre:
-
¿Mba’éichapa remokyre’ỹkuaa ne familia-guakuérape o’estudia haĝua escritura-kuéra ijehegui?
-
¿Mba’épa rejapokuaa remokyre’ỹ haĝua ne familia-guakuérape okomparti haĝua oñemoarandúvape hína?
-
¿Mba’éichapa reiporu porãkuaa umi principio reñemoarandúvape escritura-kuéragui umi ñehekombo’e ára ha árape?
Nemandu’áke nde róga ha’eha pe Evangelio aprendizaje ha ñehekombo’erã renda porãveva. Nde reñemoarandu ha rembo’ekuaa pe evanhélio nde rógape ndaikatuiháicha peteĩ tupaogua clase-pe. Ndekatupyrýke rehekávo mba’éicha reipytyvõkuaa ne familia-pe oñemoaranadu haĝua escritura-kuéragui. Ejehesarekomi ko’ã ideaitáre emoporãve haĝua nde escritura-kuéra estudio familiar
Eiporu Música
Epurahéi umi purahéi omombaretéva pricipio-kuéra oñembo’éva escritura-kuérape.
Ekomparti escritura-kuéra isignifikatívova
Eme’ẽ ne familia-guakuérape tiempo okomparti haĝua umi escritura versíkulo imba’eguasuva’ekue chupekuéra ijestudio personal aja.
Eiporu ne ñe’ẽtevoi
Einvita ne familia-guakuérape omombyky haĝua iñe’ẽtépe oñemoaranduvápe escritura-kuéra pe’estudiavagui.
Eiporu escritura-kuéra nde rekovépe
Pemoñe’ẽ rire peteĩ escritura versíkulo, ejerure ne familia-guakuérape tokomparti mba’éichapa ojeiporukuaa upe versíkulo hekovekuérape.
Eporandu
Einvita familia-guakuérape toporandu evanhélio rehegua porandu, ha upéi tojeporeka versikulokuérare ikatúva ombohovái upe porandu.
Ehechauka peteĩ escritura
Eiporavo peteĩ versíkulo remomba’eguasúva, ha emoĩ familia-guakuéra py’ỹi ohechatahápe. Einvita familia-guakuérape oñoturna haĝua oiporavóvo peteĩ escritura ojehechauka haĝua.
Ejapo peteĩ escritura-kuéra lista
Familia-icha, peiporavo umi versíkulo peñemongetasévagui semana oútavape.
Ememorisa Escritura-kuéra
Eiporavo peteĩ escritura versíkulo imba’eguasúva ne familia-pe ĝuarã, ha einvita familia-guakuérape omemorisa haĝua upéva he’i jey jeývo ára ha ára térã ohugávo ñememorisa ra’ã.
Ekomparti mba’e mo’epykuéra
Eheka umi mba’e ohóva umi capítulo ha versikulokuéra rehe pemoñe’ẽva hína familia-icha. Einvita familia-guakuérape he’i haĝua mba’éichapa peteĩteĩ umi mba’e oho ojuehe escritura-kuéra ñehekombo’ekuéra rehe.
Eiporavo peteĩ téma
Eheja familia-guakuéra toñoturna oiporavóvo peteĩ téma familia o’estudiátava oñondive. Peiporu Guía temático, Biblia Diccionario, térã Escritura-kuéra guía (scriptures.ChurchofJesusChrist.org) peheka haĝua escritura versikulokuéra pe téma reheguáva.
Pejapo peteĩ ta’ãnga
Pemoñe’ẽ mbovymi versíkulo familia-icha, ha upéi peheja tiempo familia-guakuérape omoha’ãnga haĝua mba’e ohóva pemoñe’ẽva’ekuére. Pehasa tiempo peñemongetávo umi ta’ãngakuéra rehe.
Perrepresenta peteĩ historia
Pemoñe’ẽ rire peteĩ historia, peinvita familia-guakuérape orrepresenta haĝua upéva. Uperire, peñemongeta mba’éichapa upe historia oho ojuehe umi mba’e pehasávare hína individuo ha familia-icha rehe.
Elder David A. Bednar ombo’e: “Káda ñembo’e familiar, káda episodio de estudio de las escrituras ñande familia-kuéra ndive, ha káda noche de hogar ha’e peteĩ pincelada pe lienso ha’éva ñane ángape. Umi hecho ijehegui ndojoguái imba’eguasúne haĝua terã imemorable. Ha katu umi pincelada sa’yju, dorado, ha marrón oñecomplementaháicha ojupe ha oproduci peteĩ obra maestra hechapyrãva, upéicha avei ñane constancia umi acción michĩvape ikatu ñandegueraha jahupyty haĝua rresultado espiritual isignificatívova” (“Más diligentes y atentos en el hogar,” Liahona, Nov. 2009, pág. 19–20).