Cristo omoĩ Santa Cena Nefita-kuéra apytépe, Andrew Bosley rupive

¿Mba’ére a’estudiava’erã Escritura-kuéra?

Ja’estudiávo jesarekópe umi escritura, ñañemo’aĝuive Jesucristo-re ha ñantende porãve Iñevanhélio ha I-sacrificio expiatorio. Proféta Nefi ñanemokyre’ỹ kóicha:

“Upévare, pehova’erã tenonde gotyo ñemova’ỹme Cristo-pe, peguerekóvo peteĩ ñeha’arõporã mimbi, ha mborayhu Tupãre ha mayma yvypórare. Upéicharô, peho ramo tenonde gotyo, pende rorývo Crísto ñe´ême ha peñeha´âmbaitérô ipahaite peve, peina ápe Túva he´i : pehupytýta tekove opave´ўva” (2 Nefi 31:20).

Familia omoñe´êvo Escritura-kuéra

Umi tekombo’e Escritura-kuérape ñanepytyvõta jaha jey haĝua ñande Ru Yvagaguápe. Ñande profetakuéra ára pahapegua ojerure ñandéve ja’estudia meme haĝua umi escritura individuo-icha, ha ija vove, familia-icha. Ha’ekuéra ñaneinvita ñañemoarandu haĝua umi escritura-kuéragua rembiasakuégui ha tajaiporu umi escrituragua ñemombe’u ha tekombo’e ñande rekovépe ko árape, Nefi omomaranduhaguéicha 1 Nefi 19:23-pe. Mokõivéva, ymaguare ha ko’áĝagua profetakuéra ñaneinvita ja’estudia haĝua escritura-kuéra ha “[taña]nderory Cristo ñeʼẽme” (2 Nefi 32:3).

kuimba´e omoñe´êva escritura-kuéra

Presidente Russell M. Nelson ombo’e avei ko añetegua imba’eguasúva “jerohory” escritura-kuérape rehegua:

“Jerohory he’iseve pe ñetanteáguinte. Jerohory he’ise ñembohe. Escritura-kuéra oñembohe ñandéve ja’estudiávo peteĩ espíritu orekóva descubrimiento hetereíva ha ñe’ẽrendu ijojáva reheve. Ñanderorýramo umi Cristo ñe’ẽme, umíva opyta ojehaívo ‘umi korasõ ro’o tabla-pe’ [2 Corintios 3:3]. Oiko chuguikuéra peteĩ parte integral ñane naturaleza-gui” (“El vivir mediante la guía de las Escrituras,” Liahona, enero 2001, 21).

Ñamba’apo manterõ escritura estudio personal ha familiar-pe, ñande ha ñane familia-kuéra oñeisãmbyhy, oñemo’ã ha oñemombaretekuaa umi heta ñande aragua desafio kóntrape.