Kuña o’estudiáva escritura-kuéra

Ideaita emoporãve haĝua nde Escritura-kuéra estudio personal

Ápe oĩ mba’éichapa hasy’ỹre remoporãvekuaa Tupã ñe’ẽ je’estudia escritura-kuérape.

Eñembo’e ehupyty haĝua inspiración.

Escritura-kuéra oreko ipype Tupã Ñe’ẽ. Re’estudia aja escritura-kuéra, ejerure nde Ru Yvagaguápe I-guía ha erresivi Ijespíritu nepytyvõ haĝua reikũmbývo umíva.

Eheka añetegua Jesucristo rehegua

Escritura-kuéra ñanembo’e opa mba’e otestifikaha Cristo-gui (Tojehecha 2 Nefi 11:4; Moisés 6:63), upeicharõ eheka Chupe umi escritura-gua evénto, tembiasakue ha tekombo’ekuérape. Ekonsiderami ehaívo térã emarkávo versikulokuéra ombo’éva pe Salvador-gui ha mba’éicha jasegikuaa Chupe.

Eheka umi ñe’ẽ ha ñe’ẽjoaju oporoinspiráva

Ikatu rejuhu oĩha escritura-kuérape umi ñe’ẽ ha ñe’ẽjoaju opokóva nderehe, ojehairõguáicha ndéve ĝuarãitévoi. Ikatu umíva oñeñandu imba’eguasuha ndeve ha neinspira ha nemokyre’ỹ. Ekonsiderami emarka umíva nde escritura-kuérape térã ehai chuguikuéra peteĩ diario estudio reheguápe.

Eheka Evanhélio añeteguakuéra

Sapy’ánte evanhélio añeteguakuéra (umi py’ỹi oñehenóiva doctrina térã principio) ojedeklara directoite, ha sapy’ánte katu ojehechauka peteĩ ehémplo térã tembiasakue rupive. Eporandu ndejupe, “Mba’e evanhélio añeteguápa oñembo’e hína ko’ã versíkulope?”

Ehendu Espíritu-pe

Ejapysaka ne akãngeta ha temiandukuérare, jepe ndohóirõ vaicha pe remoñe’ẽva hína rehe. Umi temiandu ikatu ha’e umi mba’e nde Ru Yvagagua oipotaitéva reikuaa ha reñandu.

Kuña o’estudiáva escritura-kuéra 2

Embojoja escritura-kuéra nde rekovére

Ekonsiderami mba’éichapa umi tembiasakue ha tekombo’e remoñe’ẽva hína ojeiporukuaa nde rekovépe. Ehemplor͂a, nde reñeporandukuaa ndejupe, “¿Mba’épepa umi ahasava’ekue ojogua upe amoñe’ẽvape hína?” térã “Mba’éichapa asegikuaa pe tapicha escriturapegua rembiecharã?”

Eporandu

Eporandúvo evanhélio rehegua nepytyvõkuaa eiporavo haĝua mba’épa re’estudiáta. Re’estudiávo escritura-kuéra oukuaa ne akãme porandueta. Ko’ã porandu ohokuaa pe remoñe’ẽva hína rehe térã nde rekove en general rehe. Ejepy’amongeta ko’ã porandúre, ha eheka mbohovái re’estudia meme aja escritura-kuéra. Re’estudia rire, eporandu mba’épepa oipota Tupã reñemoaranduve, ha ejehesareko mbohováire umi aravo ha ára oútavape.

Eiporu umi pytyvõ Escritura-kuéra estudiorã

Ehupyty haĝua información adicional umi versíkulo remoñe’ẽva hína rehegua, eiporu umi notaguypegua, Guía temática, Biblia Diccionario, Guía para el Estudio de las Escrituras (escrituras.ChurchofJesusChrist.org), ha ambue ptyvõ estudiorã.

Ekonsiderami umi escritura contexto

Ejuhukuaa ideaita imba’eguasúva peteĩ escritura rehegua rehechakuaárõ i-contexto – umi oikóva térã oĩva upe escritura jerére. Tembiecharã, peteĩ proféta oñe’ẽvo tavayguakuérape, reikuaávo upe tavayguakuéra antesedénte ha ijegueroviakuéra, neipytyvõkuaa rentende ha͂gua imensahe.

Kuimba’e o’estudiáva escritura-kuéra

Ehai ne akãngeta ha temiandukuéra

Oĩ heta rehaikuaaháicha umi temiandu oúva re’estudia aja. Tembiecharã, remarkakuaa peteĩ ñe’ẽ térã ñe’ẽjoaju imba’eguasúva ha ehai umi ne akãngeta peteĩ nótaicha nde escritura-pe. Avei reguerahakuaa peteĩ diario umi inspirasiõ, temiandu ha akãngeta oúva ndévegui. Térã rehaikuaa porandu rerekova’ekue reñepyrũ mboyve nde studio, ha upéi umi mbohovái rejegiava’ekuépe.

E’estudia umi Proféta ha Apóstol Ára Pahapegua ñe’ẽnguéra.

Emoñe’ẽ umi proféta ha Apóstol Ára Pahapegua ombo’éva’ekue upe principio rehe rejuhúva escritura-kuérape. Imensahekuéra ojejuhukuaa “ Conferencia General ,” “Revista-kuéra,” ha ambue colección Evangelio Biblioteca-pe.

Emoñe’ẽ umi tembiasakue

Emoñe’ẽ umi tembiasakue escritura-kuérape, reñeha’ãvo reikũmby haĝua i-contexto (ára, tenda, oñe’ẽva, ha ohendúva). Escritura-kuéragua tembiasakue ilustrado ha’e rekurso guasu upevarã, mitãnguéra ha umi miembro noñefamiliarisáiva umi escritura-pe ĝuarã.

Ekomparti información

Eñemongetávo umi idea nde estudio personal-peguágui ha’e tape porã rembo’e haĝua ambuekuérape ha omombarete ne ñeikũmby remoñe’ẽva’ekuégui.

Evivi upe reñemoarandúvape

Escritura-kuéra estudio ñaneinspira ha ñandegiakuaa ñamoambue haĝua ñande rekove. Emoñe’ẽ aja ehendu Espiritu he’íva ndéve rejapo haĝua, ha upéi eñekompromete ejapo haĝua upe he’iva’ekue ndéve.