“Ļōmņak ko n̄an Am̧ Make Ekkatak Jeje ko Rekwojarjar,” Ļōmņak ko n̄an Ekkatak Jeje ko Rekwojarjar (2021)
“Ļōmņak ko n̄an Kōkm̧anm̧anļo̧k Am̧ Make Ekkatak Jeje ko Rekwojarjar,” Ļōmņak ko n̄an Ekkatak Jeje ko Rekwojarjar
Ļōmņak ko n̄an Kōkm̧anm̧anļo̧k Am̧ Make Ekkatak Jeje Ko Rekwojarjar
Erkein rej jet iaan wāween ko reļam waan n̄an kōkm̧anm̧anļo̧k ekkatak eo am̧ make kōn naan eo an Anij ilo jeje ko rekwojarjar.
Jar kōn im̧we
Jeje ko rekwojarjar rej naan an Anij. Ilo am̧ ekkatak kaki, kajjitōk ippān Jemam Ilan̄ kōn tōl eo An im bōk jetōb eo an bwe en pād ippem n̄an an jipan̄ eok meļeļe kaki.
Pukot M̧ool ko kōn Jisōs Kraist
Jeje ko rekwojarjar rej katakin kōj aolep men ko rej kam̧ool kōn Kraist (lale 2 Nipai 11:4Moses 6:63), kōn menin pukōt E ilo iien ko, bwebwenato ko, im katakin ko ilo jeje ko rekwojarjar. Ļōmņak in je ak kakōļļeik eoon ko me rej katakin kōn Rilo̧mo̧o̧r eo im ekōjkan ad ļoor E.
Kappukot Naan ko im Eoon ko Reim̧we
Kwomaron̄ lo bwe jet naan ko im eoon ko ilo jeje ko rekwojarjar rej im̧we eok, āinwōt eļan̄n̄e raar jeje n̄an kwe eļap tata. Remaron̄ in aorōk ippam̧ make im rej im̧we im rej kōketak eok. Ļōmņak in kōkaļļeik e ilo jeje ko rekwojarjar am̧ ak jei ilo jōnōļ in ekkatak eo am̧.
Kappukot M̧ool ko an Gospel eo
Jet iien m̧ool ko an gospel eo (ekkā ad ņa etan katak ak pedped in katak ko) rej lukkuun alikkar, im jet iien rej kwaļo̧k kōn juon waanjon̄ak ak bwebwenato. Kajjitōkin eok make, “Ta m̧ool in gospel ko rej katakin ilo eoon kein?”
Ron̄jake Jetōb eo
Leļo̧k am̧ n̄an ļōmņak ko im en̄jake ko am̧, mekarta n̄e remaron̄ jab iookļo̧k ta eo kwoj riiti. Im̧we kein remaron̄ in lukkuun men ko me Jemam̧ Ilan̄ ekōņaan bwe kwon ekkatak.
Bōke im mour kake Jeje ko Rekwojarjar ilo Mour eo Am̧.
Ļōmņak kōn ekōjkan an bwebwenato ko im katak ko kwoj riiti iookwaj mour eo am̧. N̄an waanjon̄ak, kwomaron̄ kajjitōkin eok make, “Ta en̄jake ko ewōr ippa me rej āinļo̧k wōt ta eo ij riiti?” ak “Ekōjkan aō maron̄ ļoor waanjon̄ak eo an armej in ilo eoon ko?”
Kajjitōk kajjitōk ko
Kajjitōk kajjitōk ko kin gospel in emaron̄ jipan̄ eok jeļā ta n̄e kwoj aikuj katak. Ilo am̧ ekkatak eoon ko, kajjitōk ko remaron̄ itok n̄an ļōmņak eo am̧. Kajjitōk kein remaron̄ iookļo̧k ta eo kwoj riiti ak n̄an mour eo am̧ eļaptata. Kōļmenļo̧kjeņ kōn kajjitōk kein, im pukot uwaak ko ilo am̧ wōnm̧aanļo̧k im ekkatak jeje ko rekwojarjar. Ālkin am katak, kajjitōk ta eo Anij ekōnan bwe kwon bar ekatak, im kōttar uwak ko bōlen ālkin jet awa im jet raan.
Kōjerbal Jeje Ko Rekwojarjar ilo Ekkatak Ejipan̄
N̄an bōk elōn̄ļo̧k eļapļo̧k meļ ko n̄an eoon ko kwoj riiti, kōjerbal footnote ko, Topical Guide eo, Bible Dictionary eo, Unin Tōl eo n̄an Jeje ko Rekwōjarjar (scriptures.lds.org,) im ekkatak ko jet ejipan̄.
Ļōmņak kōn Meļeļe eo an Eoon Ko
Kwomaron̄ lo meļeļe ko eļap meļeļeier kōn juon eoon eļan̄n̄e kwoj ļōmņak kōn meļeļe eo an—jekjek ko ak jikin eo an eoon eo. N̄an waanjon̄ak, jeļā bwebwenato eo im tōmak ko an armej ro rikanaan eo eaar kōnono n̄an er emaron̄ jipan̄ eok meļeļe jibadbad eo an naan ko an.
Je Ļōmņak ko im En̄jake ko Am̧
Elōn̄ wāween ko n̄an je en̄jake ko me rej itok ilo am̧ ekkatak. N̄an waanjon̄ak, kwomaron̄ kōkaļļeik juon naan ak eoon eļap meļeļein im je ļōmņak ko am̧ āinwōt juon kakeememej ilo jeje ko rekwojarjar am̧. Kwomaron̄ barāinwōt kōjparok juon jōnōļ in kōļmenļo̧kjeņ, en̄jake ko, im im̧we ko kwoj būki. Ak komaron̄ je kajitok ko am m̧okta jen am̧ kar jino ekatak, kobaļo̧k ippān uwaak ko rekar tōl eok n̄ani.
Ekkatak Naan ko an Rikanaan ro im Rijilōk ro ilo Raan Ko Āliktata
Riiti ta eo rikanaan ro im rijilōk ro ilo raan ko āliktata kar katakin kōn pedped in katak ko kwoj loi ilo jeje ko rekwojarjar. Ennaan kein aer rej waļok ilo “Kweilo̧k eo Elap,” “Magazine ko,” im men ko jet rej likiti ilo Gospel Library eo.
Riiti Bwebwenato kein
Riiti bwebwenato kein ilo jeje ko rekwojarjar, pukōt meļeļein bwebwenato kein (ien, jikin, rikōnono, im ro rej pād). Pija ko ilo bwebwenato ko jān jeje ko rekwojarjar rej jet un ko renaaj lukkun jipan̄, eļaptata n̄an ajri ro im ro uwaan me rejjab lukkuun jeļā kōn jeje ko rekwojarjar.
Kwaļo̧k Ļōmņak ko
Ekkōnono kōn ļōmņak ko jān ekkatak eo am̧ make ej juōn wāween eo em̧m̧an n̄an katakin ro jet im ebarāinwōt jipan̄ kōkajoorļo̧k meļeļe eo am̧ kōn ta eo em̧ōj am̧ kar riiti.
Mour kōn Ta eo Kwoj Ekkatak
Ekkatak jeje ko rekwojarjar emaron̄ im̧we kōj im ej barāinwōt tōl kōj n̄an ukōt wāween ad mour. Ron̄jake ta eo Jetōb ej im̧we eok n̄an kōm̧m̧ane ilo am̧ riit, innām kallim̧ur n̄an mour ekkar n̄an im̧we ko.