Kraist eo ar jinoe kwojkwoj eo ibben riNipai ro, jān Andrew Bosley

Etke Jej Ekkatak Kōn Jeje ko Rekwojarjar?

N̄e jej lukkuun ekkatak kōn jeje ko rekwojarjar, ekōm̧m̧an menin ar epaakeļo̧k Jisōs Kraist im kōm̧m̧an menin ad jeļāļo̧k kōn gospel im katok in pinmuur eo An. Rikanaan Nipai ar kōkpilōklōke kōj kōn jōkjōk in:

“Kōn menin, kom̧ aikuj bun̄ m̧aanļo̧k kōn dim ilo Kraist, kōn juon kōjatdikdik em̧m̧an im emeram, im kin iakwe n̄an Anij im armej otemjeļo̧k. Kōn menin, n̄e kom̧ naj bun̄ m̧aanļo̧k, kwojkwoj ioon naan an Kraist, im niknik n̄an jem̧ļo̧kin, lo, āindein Jemān ej ba: Kom̧ naaj bōk mour indeeo” (2 Nipai 31:20)

jeje ko rekwojarjar n̄an an baam̧le eo riit

Katak ko ilo jeje ko rekwojarjar renaaj jipan̄ kōj bwe jen maron̄ jepļaakļok n̄an ippān Jemedwōj Ilan̄. Rikanaan ro ad rainin emōj aer kar jiron̄ kōj bwe en emakijkij ad riiti ippād make im, n̄e jemaron̄, bar ippān doon āinwōt juon baam̧le. Rar kajjitōk ippād bwe jen ekkatak jān ta ko raar waļo̧k n̄an ro ilo jeje ko rekwojarjar im n̄an kōm̧m̧an ekkar n̄an ta ko ilo jeje ko rekwojarjar im katak ko ie ilo mour kein ad, āinwōt an Nipai katakin ilo 1 Nipai 19:23. Rikanaan ro jen etto im raan kein rej kūr kōj n̄an katak jen jeje ko rekwojarjar im n̄an “kwojkwoj ioon naan an Kraist” (2 Nipai 32:3).

juon em̧m̧aan ej riiti jeje ko rekwojarjar

Būreejtōn Russell M. Nelson ear barāinwōt katakin kōj kin aorōkin ad “kwojkwoj” ioon jeje ko rekwojarjar:

“Ilo ad kwojkwoj ej meļeļein eļapļo̧k jān edjon̄. N̄an kwojkwoj ej meļeļe in bwe jen bōke bwe en mweied. Jej bōk jeje ko rekwojarjar bwe en mweied n̄an ad ekkatak kaki ilo juon m̧wil in laudin̄din̄ ilo loi im tiljek ilo pokake. N̄e jej kwojkwoj ioon naan ko an Kraist, rej jeje ‘ilo būruemi tebōļ kanniōk ko’ [2 Korint 3:3]. Rej erom juon m̧ōttan eaorōk an lukkuun piktokid” (“Living by Scriptural Guidance,” Ensign, Nob. 2000, 17).

N̄e jej wōnm̧aanļo̧k wōt im bōk koņaad ilo ad make kobaļo̧k ippān baam̧le ko ad ekkatak, remaron̄ tōl kōj im baam̧le ko ad, kōjparok kōj, im bōbrae kōj jān men ko reppen ilo raan ko ad.