Boech Wo’en i Mon’og nag Rogon e Tabinaw Rom nibe Fil e Chep nib Thothup

Ba’aray boech rogon i mon’og nag i fil fapi thin rok Got ulan e pi chep nib thothup.

Meybil ni fan e Yi’iy

Fapi chep nib thothup e bay fapi thin rok Got riy. Napan ni ngam fil, fith ngak e Chitimangim nu Tharmiy nifan ko kanawo’ Rok nge thapeg e Ya’el Rok nira ayuweg ni ngam nangfan.

Sap ko Tin nib Riyul’ ni Marunga’agen Yesus Kristus

Pi chep nib thothup e ma fil ngodad gubin e pi n’en ma pii’ m’ag ko Kristus (muguy ko 2 Nephi 11:4; Moses 6:63), ere sap Ngak ulan pi n’en ke buch, yat, nge machib ulan fapi chep nib thothup. Mu lemnag ni ngam yol fa teeng nag fapi guruy ni ra fil marunga’agen fare Tathapeg nge urogon nima lek.

Sap Ko e Thin ni ba Pii’ Athamgil

Sana rangam piryeg boch e thin ulan e pi chep nib thothup ni ra ba’adag, woed ke yol e thin ney ni fan ngom. Rangam thamey tiney ir ni fan ngom nge pii’ athamgil nge ayuwegem. Mu lemnag ni ngam teeng pi n’en ulan e chep nib thothup rom fa yol marunga’agen ulan e chep ko fil.

Sap Ko Tin Riyul’ ko Gospel

Bochingyal’ e tin nib riyul’ ko gospel (bo’or yay ni kanoeg ko doctrine fa pi principle) ni bay nib moem, nge bochingyal’ rangam fil tiney u fithik e susun fa yat. Fith ngom, “Mang e pi n’en nib riyul’ ko fare gospel ni be fil ulan e pi guruy ney?”

Motoyil ko fare Thothup

Ngam sap ko e tafney nge thamey rom, dariy fan de un ko a ban’an ni ngam bi’eg. Thamey ney ir e pi’nen e Chitimangim nu Tharmey ba’adag ni ngam fil nge thamey.

Mu Tay Fan e Chep nib Thothup ngalan e Yafos Rom

Lemnag urogon e pi yat nge machib ni ngam bi’eg nima ayuweg e yafos rom. Susun ney, rangam fith ngom, “Mang boch e banen ni ke buch ngog e be ta’ab rogon ko e tin kug bi’eg?” fa “Urogon ni ngu fol e susun ko e bee’ ney ulan e chep nib thothup?”

Fith e Duwer

Fith e duwer ni marunga’agen e gospel ra ayuwegem ni ngam nang e pi n’en thingari fil. Napan ni ngam fil e pi chep nib thothup, boch e duwer era yib ko tafney. Sana e duwer ney ir boed rogon ko pi n’en ni ngam bi’eg fa yafos rom. Lemnag marunga’agen e duwer ney, nge sap ko pi fulweg napan ni ngam yul’yul’ e fil ko pi chep nib thothup. Tomuren e fil rom, fith fa’an bay reb e ban’an ni Got e ba’adag ni ngam fil, nge sap ko pi fulweg ulan reb e awa nge rran.

Fanay e Chep nib Thothup ni yibe Fil ninge pii’ e Ayuw

Ra ngam thapeg reb e fil marunga’agen fapi guruy ni ngam bi’eg, mu fanay fapi footnote, fare Topical Guide, fare Bible Dictionary, fare Guide to the Scriptures (scriptures.ChurchofJesusChrist.org), nge reb e awyu nifan e fil

Lemnag Marunga’agen e Pi n’en ke Buch ulan e Fapi Chep nib Thothup.

Rangam piryeg e fan nib ga’ marunga’agen e chep nib thothup fa’an ni ngam lemnag e pi n’en—pi n’en nike buch ulan e chep nib thothup. Woed e, fa’an ni ngam nang e tin ke buch nge mich rorad e gidii’ e profet ke non ngak ma ayuwegem ni ngam nang e fan ko milwol rok.

Yoloey e Tafney nge Thamtham Rom

Bay bo’or e rogon ningad yoloey e thamey rom nira yib ngom napan ni ngam fil. Susun ney, rangam teeng e thin fa pi thin nge yoloey e lemnag ulan e chip nib thothup rom. Rangam thap e babyor nifan e fil, thamey, nge yi’iy ni ngam thap. Fa rangam yoloey fare duwer ni kam fith u mon e tabab ko fil rom, me tomur mu yol e fulweg ni kam thapeg.

Fil fare Thin Rok fapi Profet nge Apostle ku Tin Tomur e Rran.

Bi’eg e pi’nen fapi profet nge apostle nu tin tomur e rran ni kefil marunga’agen fapi yalen ni ngam piryeg ulan e chep nib thothup. Pi milwol rorad ba pared u fare “General Conference,” “Magazines,” reb e tafen ulan fare Gospel Library.

Bi’eg fare Pi Yat

Bi’eg fare pi yat ulan e pi chep nib thothup, ma guy rogon ni ngam nangfan e pi n’en (ningyal’, nam, tanon, nge gidii’). Pi yat ni bay e sasing e rib mangil e talin ayuw ko biney, ni rib fel’ nifan ko e bitir nge pi chongin dar nanged e pi chep nib thothup rib mangil.

Dag e Yi’iy

Non marunga’agen e pi yi’iy ulan e babyor rom ir be fel’ rogon ni ngam fil ngak reb e bee’ nge gelnag e nangfan rom ko a pi’nen ni kam bi’eg.

Mu Rrin’ e pi N’en ni Kam Fil

Pi chep nib thothup ra pi athamgil ngodad nge powi’iydad ni ngad thilyeg e rogon ni ngad fosgad. Motoyil ngak e yi’iy ku Thothup napan ni ngam bi’eg, nge ba’adag ni ngam rrin’ e yi’iy ney.