Mangfan ni yibe Fil fapi Chep nib Thothup?

Napan gadad ra fil fapi chep nib thothup ni rib l’agaen’dad, rangad sul chuchugur ngak Yesus Kristus nge nangfan nib gel e gospel Rok nge bayul rok nib maligach. Profet Nephi ke pii’ e athamgil ngodad u dakean ko rogon e biney:

“Ere, thingar mu pii’ed iyaen nga m’on u fithik’ e yul’yul’ romed ngak’ Kristus, nibmachalbog laniyaen’med ko athap, nge t’ufeg rok’ Got ngak’ gubin e gidii’. Ere, fa’an gimed be duruwi’iyed gimed ko thin rok’ Kristus, mi gimed athamgil nge mada’ ko tomur, ma musap gaed, i ga’ar facha’ ni Chitamangiy: Rayog e yafos ngak ni gubinfen” (2 Nephi 31:20).

Fapi machib ulan e pi chep nib thothup ma ayuwegdad ni ngad suloed nga Chitimangdad nu Tharmiy. Pi profet nu tin tomur e rran ke fith ngodad ni ngad filed gubin e rran ni yigo gur nge, napan fa’an ni rayog, u tabinaw. Kar pinning dad ni ngad filed ko e tin ke buch ulan e pi chep nib thothup nge tay e pi chep nib thothup nge machib ulan e yafos rodad daba’, woed Nephi ke weliy ko 1 Nephi 19:23. Pi profet ni kakrom nge profet e daba’ kar pinningdad ni ngad filed fapi chep nib thothup nge “mu duruw’iyed gimed ko thin rok’ Kristus” (2 Nephi 32:3).

President Russell M. Nelson ke fil e tin riyul’ ney marunga’agen “duruw’iyed” ko pi chep nib thothup:

“thin ko duruw’iyed ba yipfan boch reb ko rii’ed lamen. thin ko duruw’iyed ba yipfan nima ba’adag. Gadad ba’adag e pi chep nib thothup napan ni ngad fil u dakean e thamey ko ba’adag nge fol nib fel’. Napan ni ngad duruw’iyed gimed ko thin rok’ Kristus, kar tay ‘ya ni yoloy nga laniyan’ e girdi’2 Korinthians 3:3]. Pi n’em be mang e bang ko yalen rodad” (“Living by Scriptural Guidance,” Ensign, Nov. 2000, 17).

Napan ni ngad yul’yul’ ko e fil rom ko pi chep nib thothup nge fil ko pi chep ni thothup u tabinaw, gadad gubin nge tabinaw rangad thapeged e powi’iy, damiiteg, nge gelnag ko bo’or e magawon ni ra yib u rran rodad.