Hikog
Mahibalik Pa Kaha Ako sa Normal human Mosulay sa Paghikog?

“Mahibalik Pa Kaha Ako sa Normal human Mosulay sa Paghikog?” Mga Tawo nga Naluwas gikan sa Paghikog (2018).

“Mahibalik Pa Kaha Ako sa Normal?” Mga Tawo nga Naluwas gikan sa Paghikog.

Mahibalik Pa Kaha Ako sa Normal human Mosulay sa Paghikog?

Ang mga tawo nga nagpakabana kanimo magkinahanglan og panahon sa pagproseso sa ilang kaugalingon nga mga hunahuna ug mga pagbati mahitungod sa imong pagsulay nga maghikog. Mahimong mibati sila og kahasol sa tanlag, naghunahuna nga aduna pa unta silay nabuhat sa pagtabang kanimo. Sa ilang mga paningkamot sa paghatag og tabang karon, tingali makasulti sila og sakit nga mga butang nganha kanimo, maningkamot nga makapaambit ka og dugang impormasyon kay sa komportable ka nga mopaambit, o hingpit nga molikay kanimo. Mahimong makahatag kini kanimo og dugang nga emosyonal nga kasakit. Paningkamuti nga makita ang maayong intensyon luyo sa ilang gisulti o gibuhat. Ang pipila sa imong mga relasyon tingali mahimong lahi na kay sa kaniadto—ug okey ra kana. Lahi na usab ikaw karon kay sa kaniadto. Wala kini mousab sa kamatuoran nga gipangga, gimahal, ug gikinahanglan pa gihapon ka (tan-awa sa “Wala Kita Mag-inusara,” Thomas S. Monson, Liahona, Nob. 2013, 121–24).

Hatagi ang imong kaugalingon, ug ang uban, og panahon nga maulian ug mamaayo. Hinumdumi ang gisulti ni Elder Kent F. Richards sa Seventy: “Ang Manluluwas dili usa ka nagpakahilum nga tig-obserbar. Siya Mismo nasayud sa personal ug sa walay kinutuban nga paagi mahitungod sa kasakit nga atong giatubang” (“Ang Pag-ula Moayo sa Tanang Kasakit,” Liahona, Mayo 2011, 15). Wala kamo mag-inusara.

Mga Kapanguhaan sa Simbahan ug sa Komunidad

(Ang ubang mga kapanguhaan nga gilista sa ubos wala gihimo, wala gimintenar, o wala gikontrolar sa Ang Simbahan ni Jesukristo sa mga Santos sa Ulahing mga Adlaw. Kini nga mga materyal gituyo aron magsilbing dugang nga makatabang nga mga kapanguhaan samtang magtuon ka niini nga hilisgutan. Ang Simbahan wala moendorso og bisan unsang sulod [content] nga wala mahisubay sa mga doktrina ug mga pagtulun-an niini.)