Te u Toe Lava Nai ‘o Foki ki he Meʻa Angamahení hili ha‘aku Feinga Taonakita?

‘E fie maʻu ‘e he kakai ʻoku nau tokanga atu kiate koé ha taimi ke fakahoko ai ‘enau ngaahi fakakaukaú mo e ongo fekauʻaki mo hoʻo feinga taonakitá. Mahalo te nau ongo‘i halaia, heʻenau fakakaukau naʻe totonu ke nau fai ha meʻa lahi ange ke tokoniʻi koe. ʻI heʻenau feinga ke fai ha tokoni he taimi ní, mahalo te nau lea ʻaki ha ngaahi meʻa ʻe fakamamahi kiate koe, te nau feinga ke ke vahevahe ha ngaahi fakamatala lahi ange ʻi he meʻa te ke ongoʻi fiemālie ke vahevahé, pe ko e fakamamaʻo fakaʻaufuli meiate koe. ʻE ala fakatupu heni haʻo loto mamahi lahi ange. Feinga ke ke ʻiloʻi ʻa e ngaahi ʻuhinga lelei ʻo e meʻa ʻoku nau lea ʻaki pe fakahokó. ʻE ala kehekehe maʻu pē ho ngaahi vā fetuʻutaki ʻe niʻihi ʻi he meʻa angamahení—pea ʻoku sai pē ia. ʻOkú ke kehe koe he taimí ni mo e taimi kimuʻá, foki. ʻOku ʻikai liliu ʻe he meʻá ni ʻa e foʻi moʻoni ko ia ʻokú ke kei mahuʻinga, ʻofaʻi, mo kei fie maʻu pē koe (vakai, “ʻOku ʻIkai ʻAupito ke Tau Tuenoa,” Thomas S. Monson, Liahona, Nōvema. 2013, 121–24).

Tuku ha taimi maʻau, mo e niʻihi kehé, ke mou fakaakeake ai mo fakamoʻui kimoutolu. Manatuʻi ʻa e meʻa naʻe lea ʻaki ʻe ʻEletā Kent F. Richards ʻo e Kau Fitungotulú ʻo pehē: “ʻOku ʻikai mamata fakalongolongo pē e Fakamoʻuí. ʻOkú Ne ʻafioʻi tonu mo taʻefakangatangata ʻa e mamahi ʻoku tau fekuki mo iá” (“ʻOku Faitoʻo ʻe he Fakaleleí ʻa e Mamahi Kotoa Pē, ” Liahona, Mē 2011, 15). ʻOku ʻikai ke ke tuenoa.

Ngaahi Maʻuʻanga Tokoni ʻa e Siasí mo e Koló

(Ko e niʻihi ʻo e ngaahi maʻuʻanga tokoni ʻoku hiki atu ʻi laló ʻoku ʻikai ke faʻu, tauhi, pe puleʻi ʻe he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. ‘Oku fakataumuʻa ‘a e ngaahi naunau ko ʻení ke hoko ko ha toe ngaahi maʻuʻanga tokoni ʻaonga ʻi hoʻo ako ʻa e tefito ko ʻení. ‘Oku ‘ikai ke poupouʻi ‘e he Siasí ha faʻahinga me‘a ʻoku ‘ikai fenāpasi mo hono ngaahi tokāteliné pea mo e ngaahi akonakí.)

• “Belonging Is Our Sacred Birthright,” Bonnie D. Parkin, Liahona, Nov. 2004.

•  : D. Todd Christofferson (vitiō, suicide.ChurchofJesusChrist.org).

• “The Savior Understands Me,” Jeffrey R. Holland (vitiō, suicide.ChurchofJesusChrist.org).

• “After an Attempt,” American Foundation for Suicide Prevention.

• “For Suicide Attempt Survivors,” Suicide Awareness Voices of Education.

• “Real advice for those who’ve attempted suicide, and want to step back into life,” JD Schramm, TEDBlog, Jan. 14, 2014.