Puipuia Mai i le Pule i le Ola ma le Tali Atu pe a mavae le Toesea po o le Maliu [o se Tasi]

9 Aokuso, 2018

O le faatupulaia o le saoasaoa o le pule i le ola i le tele o vaega o le lalolagi o se faafitauli lea o le popolega tele. O le faamoemoega o lenei tusiga ina ia fesoasoani atu i matua, aiga, taitai o le Ekalesia, ma tagata o le Ekalesia ao latou saili e auauna atu ia i latou ua aafia i le pule i le ola.

E mafai e tagata o le ekalesia ona faaaoga lenei punaoa e aoao ai i aoaoga faavae o le Ekalesia e uiga i le pule i le ola, faailoga lapatai o le pule i le ola, auala e fesoasoani atu ai i se tasi ua mafatia, ma le auala e tali atu ai pe a mavae le toesea po o le maliu ai o se tasi i le pule i le ola. E mafai e taitai ona faaaoga lenei punaoa e taitaia ai ni talanoaga anoa ma tagata o i aufono a le siteki ma uarota ma i isi faatulagaga. O le faamoemoega o nei talanoaga o le fesoasoani atu lea i taitai ma tagata o le ekalesia ia sili atu ona mataalia le auaunaga i isi ua aafia i le pule i le ola.

Afai o le faia o se talanoaga e uiga i le pule i le ola o le a fesoasoani i le puipuia mai i le pule i le ola ma le auauna atu ia i latou o loo aafia i lenei autu, e tatau la ona taitaia lea talanoaga e ni tagata matutua se toalua. Atonu e finagalo taitai e valaaulia se tagata tomai faapitoa mai le afioaga e malamalama ma faaaloalo i aoaoga faavae o le Ekalesia e uiga i le pule i le ola e auai i le talanoaga. O talanoaga ma tamaiti e i lalo ifo o le 12 tausaga e tatau ona faia na o le taimi ua uma ai ona fefautuaai matua ma a latou fanau.

A uma ona iloiloina e aufono a le siteki ma uarota lenei tusiga, e tatau ona latou soalaupuleina ni auala talafeagai e lagolago atu ai i taumafaiga a nuu ma afioaga ma ia faailoa atu i tagata ia punaoa o loo maua.

Aoaoga Faavae ma Mataupu Faavae

Ua valaauliaina i tatou e le Alii ina ia taulimaina tagata uma ma le silafia lelei ma le alofa ina ua Ia aoao mai, “E te alofa atu i lē lua te tuaoi, ia pei o oe lava ia te oe” (Mataio 22:39). O le a sili atu ona lelei ma mataalia a tatou taumafaiga e fesoasoani atu ai ia i latou ua aafia i le pule i le ola pe a tatou malamalama atoatoa i le aoaoga faavae ma aoaoga, e pei o lenei:

• E ala i Lana Togiola, na oo ai Iesu Keriso i le atoaga o luitau o le olaga ina ia mafai ona Ia silafia “le ala e fesoasoani ai i ona tagata, e tusa ma o latou vaivaiga” (tagai Alema 7:11–13). Na aoao mai James E. Faust: “Talu ai na puapuagatia le Faaola i soo se mea ma mea uma e mafai ona tatou lagonaina pe oo i ai, e mafai ona Ia fesoasoani i e vaivai ina ia malolosi atili” (“O Le Togiola: Lo Tatou Faamoemoega Aupito Sili,” Ensign, Nov. 2001, 22).

• O le olaga faaletino o se meaalofa taua mai le Atua—o se meaalofa e ao ona faatauaina ma puipuia (tagai Mataupu Faavae ma Feagaiga 18:10; M. Russell Ballard, “O Nisi Mea Ua Tatou Iloa, A O Nisi Mea Tatou Te Le Iloa e Uiga I le Pule i le Ola,” Ensign, Mati. 1988, 6–9).

• Afai e pule se tagata i lo latou lava ola, e na o le Atua e mafai ona faamasinoina o latou manatu, gaoioiga, ma lo latou tulaga o le tali atu. O le pule i le ola e le tatau ona avea ma uiga faamatala o le ola e faavavau o se tagata (tagai 1 Samuelu 16:7; Mataupu Faavae ma Feagaiga 137:9; Dale G. Renlund, “Grieving after a Suicide Loss,” [video, suicide.ChurchofJesusChrist.org]).

Punaoa Faaopoopo

• Autu o le Talalelei, ChurchofJesusChrist.org

Faailoga Lapatai o le Pule i le Ola

O le toatele o tagata e taumafai e pule i le ola e le fia oti; latou te mananao i se mapusaga mai tiga faaletino, faalemafaufau, faalelagona, po o le faaleagaga o feagai ma i latou. O le toatele o tagata i tulaga mafatia o loo faaalia mai ni faailoga lapatai ae latou te lei taumafai e pule i le ola. Afai e te aoao ia iloa faailoga lapatai, o le a e lava tapena e auauna atu ia i latou o loo manaomia le fesoasoani. Faalogo mo ni faamatalaga e pei o le “ou te le popole pe ou te oti” po o le “O le a sili atu ona fiafia tagata pe a ou leai.” O faailoga lapatai e aofia ai uiga nei:

• Saili mo se auala e fasioti ai i latou lava

• Talanoa e uiga i lagona o le leai o se faamoemoe po o le leai o se mafuaaga e ola ai

• Talanoa e uiga i lagona saisaitia po o le le gafatia o le tiga

• Talanoa e uiga i le avea ma se avega i isi

• Faateleina le latou tagofia o meainu malolosi po o fualaau faasaina

• Foai atu o ana mea totino e aunoa ma se mafuaaga

• Faaalia o le popole po o le gaulemalie po o le amio le taupulea

• Aveeseina po o le faaesea o i latou

• Faaalia le ita po o le talanoa e uiga i le saili e taui ma sui

• Faaalia o le fesuisuiai o ni lagona matautia (tagai National Suicide Prevention Lifeline)

O se faailoga lapatai e tasi lava ia atonu e le o se faalavelave. Ae pe a fai ua i ai se talaaga o taumafaiga a le tagata e pule i le ola po o le amata vaaia o ni faailoga se tele, ia gaioi loa. O loo maua laina fesoasoani e leai se totogi mo faalavelave ma nisi faamatalaga i le suicide.ChurchofJesusChrist.org. (Tagai “Auala e Fesoasoani ai i se Tagata o i ai se Faafitauli” i lenei taiala mo nisi faamatalaga.)

E ui ia tatou taumafaiga sili, e le mafai ai lava ona puipuia pe taofia mai ai tagata mai le pule i le ola. O nisi o pule i le ola e tupu e aunoa ma le iloaina o ni faailoga. E le o sau matafaioi le filifiliga a se isi tagata e faamuta lo latou soifua.

Punaoa Faaopoopo

• “Ua Ou Popole e uiga i Se Tasi,” suicide.ChurchofJesusChrist.org.

• Faataoto 17:17.

• “Puipuia Mai le Pule i le Ola,” Carol F. McConkie (vitio i le suicide.ChurchofJesusChrist.org).

• “Malamalama i le Pule i le Ola: Faailoga o Lapataiga ma le Puipuiga,” Kenichi Shimokawa, Ensign, Oke. 2016, 35–39

• “E faapefea ona ou iloa le taimi e taulima ai ma le lotoatoa se faamata’u o le pule i le ola?” suicide.ChurchofJesusChrist.org.

Auala e Fesoasoani ai i se Tagata o i ai se Faafitauli

Ia manatu mamafa i faailoga lapatai o le pule i le ola ma soo se tulaga taufaamatau o le taumafai e pule i le ola, e tusa lava pe e te manatu e le o manatu mamafa i ai le tagata e uiga i le pule i le ola pe na o le taumafai e saili lou gauai atu [ia te ia]. Mulimuli i laasaga nei e tolu e tuuina atu ai le lagolago—Fesili, Gauai Atu, Ta’u.

Laasaga 1: Fesili. Fesili sao lava i le tagata pe o mafaufau e pule i le ola. E mafai ona e fesili atu, “O e mafaufau e uiga i le faamutaina o lou ola?” Afai latou te fai mai o loo latou mafaufau e uiga i le pule i le ola, fesili i ai pe ua i ai se latou fuafuaga. E mafai ona e fesili atu, “Ua i ai sau fuafuaga e faatiga ia te oe lava?” Afai ua i ai sa latou fuafuaga, fesoasoani vave loa e ave i le falemai po o se fale tausi soifua, pe valaau i se tagata e tuuina mai se auaunaga mo faalavelave faafuasei po o se laina fesoasoani mo faalavelave i la outou eria. (Tagai suicide.ChurchofJesusChrist.org/crisis mo sootaga i laina fesoasoani i le salafa o le lalolagi.) Afai e leai sa latou fuafuaga, agai atu i le laasaga 2.

Laasaga 2: Gauai Atu. Faaalia lou gauai atu e ala i le faalogologo i mea o latou fai mai ai. Tuu atu se taimi ia i latou e faamatala mai ai o latou lagona. Ia faaaloalo i o latou lagona i le fai atu o se tala e pei o le, “Faamalie atu ua e matua tiga tele” po o le “Ou te le i iloa le faigata o feagai ma oe.” Atonu e te ofo atu e fesoasoani ia i latou e fatu se fuafuaga saogalemu o le puipuia mai le pule i le ola (tagai “O Le Ala e Fatu ai se Fuafuaga Saogalemu Mai le Pule i le Ola,” Doug Thomas, Liahona, Sete. 2016, 63). O le fuafuaga o le saogalemu e mafai ona fesoasoani i tagata ia iloa o latou lava malosiaga, fegalegaleaiga lelei, ma tomai gafatia faalesoifua maloloina. E mafai foi ona faaitiitia ai lo latou faaaogaina o vaega o le faatamaia o ia lava, e pei o auupega po o fuaalau faafomai. Afai latou te fai atu ia te oe e aua nei tauina i se tasi o latou lagona, faamalamalama atu i ai o le a e faaaloalo i lo latou tulaga o le le faalauaiteleina i le tulaga e mafai ai peitai latou te manaomia se fesoasoani e sili atu nai lo le mea e mafai ona e tuuina atu. Aua lava nei folafola atu o le a tausia faalilolilo ni o latou manatu o le pule i le ola.

Laasaga 3: Ta’u. Uunaia le tagata e ta’u atu i se tasi o le e mafai ona tuuina atu le lagolago sili atu. Faasoa atu se faamatalaga o se tagata e faafesootai mo punaoa fesoasoani i la outou eria. O punaoa e ono aofia ai ni falema’i o le itumalo, fale tausimai mo faalavelave faafuasei, po o laina fesoasoani e leai se totogi mo faalavelave.. Afai latou te le sailia se fesoasoani, e tatau ona e ta’uina atu i se tasi mo i latou. Atonu e te manao e fai atu se tala faapea, “Ou te popole mo oe ma ou te manao ia e saogalemu. O le a ou tauina i se tasi e mafai ona ofoina atu ia te oe le fesoasoani e te manaomia.” Ia faaaloalo i lo latou tulaga o le le faalauaiteleina e ala i le tauina atu i na o le tagata lava e te manatu e mafai ona fesoasoani i ai, e pei o se tagata o le aiga e vavalalata ma ia, epikopo a le tagata, faufautua a le aoga, se foma’i, po o se isi tagata tomai faapitoa i le tausiga faalesoifua maloloina. Afai e te le o mautinoa po o ai e ta’u i ai, talanoa i lau epikopo pe valaau i se laina fesoasoani e leai se totogi mo faalavelave i la outou eria. Manatua, e le o faamoemoe e te lagolagoina pe fesoasoani atu i le tagata na o oe.

Manatua: Afai o e taitaia se talanoaga, mafaufau e talosaga atu i tagata auai e faataitai laasaga nei. Tuu atu ia i latou se tulaga lea e sau ai se tasi ia i latou ma faailoa mai ni mafaufauga ua leai se faamoemoe, ma fai atu ia i latou e faataitai mai le auala o le a latou tali atu ai.

Punaoa Faaopoopo

• Mosaea 4:27; Moronae 7:45–47; Mataupu Faavae ma Feagaiga 81:5

• Laina Fesoasoani mo le Uelefea [Welfare Helpline] (mo peresitene o siteki, epikopo, ma peresitene o paranesi)

• “Faaavanoaina o le Taimi e Talanoa ma Faalogo Ai,,” Rosemary M. Wixom, Ensign, Ape. 2012, 10–13.

• “Puipuia Mai le Pule i le Ola,” Carol F. McConkie, vitio i le suicide.ChurchofJesusChrist.org).

• “Ua Ou Popole e uiga i Se Tasi,” suicide.ChurchofJesusChrist.org.

• “Pule i le Ola,” Punaoa mo Fautuaga, ChurchofJesusChrist.org (mo tagata o aufono a le siteki ma le uarota)

Auala e Tali Atu ai pe a mavae le Pule i le Ola

E ui i a tatou taumafaiga sili, e le mafai lava ona puipuia pe taofia mai ai tagata uma mai le pule i le ola. O se mea masani ai mo i latou ua tuua pe a mavae se pule i le ola o le mauaina o ni lagona o le faafitia, faateia, tausalaina, ita, ma le le mautonu. Na saunoa Peresitene M. Russell Ballard, “O le pule o se tasi i lona ola, e moni lava o se mala lea mea aua ua mafatia ai loto o le tele o tagata i lea amioga: muamua ua mafatia ai le tagata ua oti, faapea ma le tele o isi—o tagata o le aiga ma uo—o e ua tuua, o nisi ua tuua e feagai ma tiga loloto ma le fenumiai i tausaga e tele” (“Pule i le Ola: O Nisi Mea Ua Tatou Iloa, A O Nisi Mea Tatou Te Le Iloa E Uiga i le Pule i le Ola,” Liahona, Mati. 1988, 16). Mo nei tagata taitoatasi, o le faamalologa e sau mai le Faaola, o lē na “afio ifo … i lalo o mea uma” ina ia mafai ona Ia silafia “e tusa ai ma la le tino, le ala e fesoasoani ai i ona tagata, e tusa ma o latou vaivaiga” (Mataupu Faavae ma Feagaiga 88:6; Alema 7:12). E mafai foi ona aoga punaoa faapolofesa ma fautuaga.

Atonu e mananao aufono a le siteki ma uarota e talanoa i se auala e mafai ai ona latou lagolagoina se tagata po o le aiga pe a mavae se pule i le ola. O fesili e talanoaina e ono aofia ai fesili nei:

• E mafai faapefea e aoaoga ma le Togiola a Iesu Keriso ona aumaia le faamalologa i le tagata po o le aiga?

• O a ni manaoga na matauina e uso ma tuafafine o le auaunaga i le tagata po o le aiga? O le a se auaunaga sa latou tuuina atu?

• O le a se lagolago faifaipea faalelagona pe faaleagaga o le a manaomia e le tagata po o le aiga? O ai e mafai ona tuuina atu lenei lagolagosua?

• O i ai ni manaoga faaletino o le tagata po o le aiga, e pei o femalagaaiga i taavale po o meaai.?

• E mafai faapefea ona lagolagoina e taitai o ausilali a le uarota tamaiti ma le autalavou o e na toesea pe ua maliu se tasi e pele ia i latou?

O le faagasologa o le faavauvau pe a mavae se pule i le ola e mafai ona alu ai se taimi umi. Afai e faaauau pea ona lagona e se tasi le tiga po o le faanoanoa, fefautuaai ma isi o e alolofa i le tagata. Mafaufau ma le agaga tatalo po o le a se auala sili ona lelei e ofo atu ai le lagolagosua. Atonu e te manao e fesoasoani i le tagata ia maua se faamanuiaga faaleperisitua po o le fesootai ma punaoa i la outou eria. Atonu e mafai ona fesoasoani vaega lagolago o le faavauvau, foma’i, po o isi tagata tomai faapitoa o le tausiga o le soifua maloloina.

Manatua: Afai o e taitaia se talanoaga, aua e te talanoa e uiga i le auala na pule ai se tagata i lo latou ola. Atonu e ono uunaia faafuasei ai se tasi i le vaega e faataitai le amio o loo famatalaina. Afai e amata ona faasoa atu e se tasi nei faamatalaga i se nofoaga faalevaega, toe seu ese le talanoaga i se auala agalelei.

Punaoa Faaopoopo

• Grieving after a Suicide, Dale G. Renlund, vitio i le suicide.lds.org

• “To Parents Who Have Lost a Child by Suicide,” Dale G. Renlund, vitio i le suicide.ChurchofJesusChrist.org).

• “Comfort after a Suicide,” Carol F. McConkie, vitio i le suicide.ChurchofJesusChrist.org).

• “I Have Lost Someone by Suicide,” suicide.ChurchofJesusChrist.org.

• “O Le Ala e Malolo ai Tagata e Faasaoina Mai [le Pule i le Ola],” Tautua a le AAG mo Aiga, Liahona, Sete. 2017, 69

Isi Punaoa

Fautuaga mai Taitai o le Ekalesia

• “Malamalama i le Pule i le Ola,” Dale G. Renlund, (vitio i le suicide.ChurchofJesusChrist.org).

• “O Le e Alofa Atu e Alofaina Mai,” Dieter F. Uchtdorf, Liahona, Me 2012, 70–76.

• “O Pese e Usuina ma Lē Usuina,” Jeffrey R. Holland, Liahona, Me 2017, 49–51.

• “O le Faamaloloina o Taunuuga Faataumaoi o le Sauaina po o le Faatautala,” Richard G. Scott, Liahona, Me 2008, 40–43.

• “Muamua Matau, Ona Auauna Atu ai Lea,” Linda K. Burton, Liahona, Nov. 2012, 78–80.

Aafiaga Faaletagata Lava Ia mai Tagata o le Ekalesia

• “Rodolfo’s Story: Father, Leader, and Suicide Loss Survivor” (vitio i le suicide.ChurchofJesusChrist.org).

• “Princess’s Story: After a Suicide Attempt” (vitio i le suicide.ChurchofJesusChrist.org)

• “Melinda’s Story: Finding Joy after My Husband’s Suicide” (video, ChurchofJesusChrist.org).

• “Nofo i luga o le Fata: Mafaufauga i le Puipuia mai le Pule i le Ola” (vitio, ChurchofJesusChrist.org

Isi Punaoa a le Ekalesia

• “Amepasa o le Faamoemoe: Galulue Faatasi e Puipui le Pule i le Ola,” Maryssa Dennis, New Era, Sete. 2018, 10–13.

• MentalHealth.ChurchofJesusChrist.org.

• “Ofisa o le Tautua a le AAG mo Aiga,” ChurchofJesusChrist.org (mo fautuaga po o fesoasoaniga faatalanoaga)

• “Taitaia ni Talanoaga Musuia,” Aoao Atu i le Ala a le Faaola (2015), 33–34

Tagai suicide.ChurchofJesusChrist.org mo nisi punaoa.