Hikog
Nagpasidaan nga mga Timailhan sa Paghikog

“Nagpasidaan nga mga Timailhan sa Paghikog,” Unsaon Pagtabang (2018).

“Nagpasidaan nga mga Timailhan sa Paghikog,” Unsaon Pagtabang.

Nagpasidaan nga mga Timailhan sa Paghikog

Kadaghanan sa mga tawo kinsa misulay sa paghikog dili gusto nga mamatay; gusto lang nila og kahupayan gikan sa pisikal, mental, emosyonal, o espiritwal nga kasakit nga ilang nasinati. Daghang mga tawo nga anaa sa krisis mopakita og nagpasidaan nga mga timailhan sa dili pa sila mosulay sa paghikog. Kon makakat-on ka sa pag-ila sa nagpasidaan nga mga timailhan, mas andam ka nga mangalagad niadtong nagkinahanglan og tabang. Paminaw og mga pamahayag nga sama sa “Baliwala nako kon mamatay ko” o “Mas maayo sa tanan kon wala ko.” Ang nagpasidaan nga mga timailhan naglakip sa mosunod nga mga kinaiya:

  • Magpangita og paagi sa pagpatay sa ilang kaugalingon

  • Maghisgot nga mibati og kawalay paglaum o nga wala nay rason aron mabuhi

  • Maghisgot nga mibati nga nalit-ag o anaa sa dili maagwanta nga kasakit

  • Maghisgot nga nagpabug-at lang sa uban

  • Magpasamot sa ilang paggamit og alkohol o mga druga

  • Manghatag sa personal nga mga butang nga walay rason

  • Maglihok nga mabalak-on o wala mahimutang o walay pag-amping nga linihokan

  • Mag-inusara o mopalayo sa ilang kaugalingon

  • Mopakita og kalagut o mosulti nga magtinguha og pagpanimalos

  • Mopakita og grabe nga pag-usab-usab sa kahimtang sa panghunahuna [mood]

Ang usa ka nagpasidaan nga timailhan kon mao lang tingali wala magpasabut nga adunay krisis. Apan kon ang indibidwal nakahimo na og mga pagsulay o kon nakabantay ka og kalit nga kausaban diha sa indibidwal o nagsugod sa pagkakita og daghang mga timailhan, lihok dayon. Ang libre nga mga helpline [teleponong tawagon alang sa tabang] panahon sa krisis ug dugang nga impormasyon anaa sa suicide.ChurchofJesusChrist.org. (Tan-awa sa “Unsaon Pagtabang og Tawo nga anaa sa Krisis” niini nga giya alang sa dugang nga mga detalye.)

Bisan pa sa atong labing maayo nga mga paningkamot, dili mapugngan ang tanang paghikog. Ang ubang paghikog mahitabo nga walay klaro nga pasidaan. Dili ka responsable sa desisyon sa laing tawo nga tapuson ang ilang kinabuhi.

Dugang nga mga Kapanguhaan

Iprinta