Aduna Pa Gihapon Akoy mga Pangutana. Asa Ako Makakita og mga Tubag?

Ang Langitnong Amahan usa ka Dios sa kamatuoran, kinsa imong masaligan. Misaad Siya nga maminaw ug motubag sa imong kinasingkasing nga mga pag-ampo. Usahay magkinahanglan Siya kanimo nga mopakita og pagtuo ug “maghulat ka sa Ginoo” alang sa mga tubag: “Magmalig-on ka, ug paisugon mo ang imong kasingkasing; Oo, maghulat ka sa Ginoo” (Salmo 27:14).

Si Presidente Dieter F. Uchtdorf mitudlo: “Ang Dios nagpakabana kaninyo. Siya maminaw, ug Siya motubag sa inyong personal nga mga pangutana. Ang mga tubag sa inyong mga pag-ampo moabut sa kaugalingon Niyang paagi ug panahon, ug busa, kinahanglang makakat-on kamo sa pagpaminaw sa Iyang tingog” (“Pagdawat og usa ka Pagpamatuod sa Kahayag ug Kamatuoran,” Liahona, Nob. 2014, 21).

Ang Dios mihatag kanimo sa mga kasulatan, sa mga propeta ug mga apostoles sa modernong panahon, ug sa gasa sa Espiritu Santo aron motabang kanimo. Samtang ikaw magtuon, magtinguha sa Iyang tambag pinaagi sa pag-ampo, ug magpakita og pagtuo ug pailub, ang Iyang mga tubag moabut kanimo (tan-awa sa Doktrina ug mga Pakigsaad 9:8; 109:7).

Dugang nga mga Kapanguhaan

• “Ang Iyang Espiritu Magauban Kaninyo,” Henry B. Eyring, Liahona, Mayo 2018, 86–89.

• “Mga Awit nga Naawit ug Wala Maawit,” Jeffrey R. Holland, Liahona, Mayo 2017, 49–51.

• “Ang Maloloy-on Magadawat og Kalooy,” Dieter F. Uchtdorf, Liahona, Mayo 2012, 70–77.

• “Aron Pag-alim sa Makadaot nga mga Resulta sa Pang-abuso,” Richard G. Scott, Liahona, Mayo 2008, 40–43.

• “Dangup ngadto Kaniya ug ang mga Tubag Moabut,” James B. Martino, Liahona, Nob. 2015, 58–60.

• “Salig sa Ginoo ug Ayaw Pagsalig sa Kaugalingong Salabutan,” Bonnie H. Cordon, Liahona, Mayo 2017, 6–9.

• “Paniid Una, Dayon Serbisyo,” Linda K. Burton, Liahona, Nob. 2012, 78–80.

• “Mga Ambasador sa Paglaum: Pagtinabangay aron Mapugngan ang Paghikog,” Maryssa Dennis, Liahona, Sept. 2018, 52–55.