Pe o I Ai Ni Tapu o Sauniga o Maliu po o le Falelauasiga o Se Tasi na Maliu i le Pule i le Ola?

Pe a maliu se tagata i le pule i le ola, e tatau ona tatou avatu i ai le faaaloalo lava e tasi i o latou tino, ma i tagata o soifua o le aiga, e faapei ona tatou faia i soo se tagata. O loo aoao mai le Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai faapea: “E tatau i taitai ona fautua atu ma faamafanafana i tagata o le aiga o se tagata e maliu i le pule i le ola. O le aiga, i le feutagai ai ma le epikopo, e fuafuaina le nofoaga ma le natura o se sauniga o le maliu mo le tagata. E mafai ona faaaogaina fale o le Ekalesia. Afai ua uma ona maua faaeega paia o le tagata, e mafai ona falelauasi pe tanu o ia i laei o le malumalu” (Tusitaulima Aoao, 38.6.18).

Sa talosagaina Peresitene M. Russell Ballard e saunoa i se sauniga o le maliu o se uo na maliu i le pule i le ola. Na saunoa o ia: “O le iloa ai o le tagata ma tulaga e pei ona sa ou iloa ai, ma o le sailiili i le aoaoga faavae e uiga i le mataupu, sa i ai ni nai o’u taimi faigata i le tapenaina o la’u lauga. … Sa oo mai le filemu ia te au i le taimi na ou faailoa ai e na o le Alii e mafai ona faafoea le faamasinoga. E na o Ia o loo i ai mea moni uma, ma e na o Ia foi o le a silafia le faamoemoe o le loto o la’u uo. Sa faamalieina au i le manatu faapea, o se olaga o mea lelei ma le auauna atu i isi e mautinoa lava e manatulia e le Alii i le faamasinoina o le ola o se tagata” (“Pule i le Ola: O Nisi Mea Ua Tatou Iloa, A O Nisi Mea Tatou Te Le Iloa e Uiga I le Pule i le Ola,” Liahona, Mati. 1988, 16).

Punaoa a le Ekalesia ma le Nuu

(O nisi o punaoa o loo lisiina atu i lalo e le i fausiaina, faatumauina, pe o faafoeina e Le Ekalesia a Iesu Keriso o le Au Paia o Aso e Gata Ai. O nei anomea ua faamoemoe e avea o ni punaoa faaopoopo e fesoasoani a o e suesueina lenei autu. E le faamaonia e le Ekalesia ni anotusi e le ogatusa ma ona aoaoga faavae ma aoaoga.)

• “Falelauasiga ma Isi Sauniga i le Taimi o se Maliu,” Tusitaulima Aoao, 29.6.

• “I le Mae’a ai o se Pule i le Ola: Fautuaga mo Sauniga Faale-lotu ma Isi Faamanatuga Faala’ua’itele,” Suicide Prevention Resource Center.

• “Lagolagoina o e na Faasaoina mai e maliliu i le Pule i le Ola: O le Taiala mo Faatonu o fale Maliu,” U.S. Department of Health and Human Services.