E Faapefea Ona Ou Ta’u Atu i Isi Le Mea Na Tupu?

O se tasi o faaiuga faigata i le mavae ai o se pule i le ola o le mea e ta’u atu i isi, e aofia ai ma le fanau. E toatele tagata e taumafai e puipuia i latou lava po o isi mai le tiga po o le faalumaina e ala i le nanaina o se pule i le ola. Peitai, o le faasoa atu o le mea moni e uiga i se ua pele ua pule i le ola, i se tagata e te talitonuina e mafai ona faamaloloina ai. Mafaufau ma le loto tatalo pe o le a le tele o faamatalaga o le a e faasoa atu i isi ma pe o afea foi. Ia nofouta e i ai ni tagata o le a faalogologo ma lelei atu le fesootaiga nai lo isi. E i ai tagata e lelei e ono faia ni faamatalaga e le āūga pe faamasinosino i se taumafaiga e avatu le lagolago. Taumafai ia iloa le alofa ma le mafanafana o latou faamoemoeina nai lo le lototiga.

E taua mo matua le talanoa i le la tama pe a maliu se tasi e iloa e le tamaitiiti i le pule i le ola. E ao i matua ona mafaufau ma le loto tatalo i le matua o le la tama ma le tulaga o le matua pe a filifili po o a mea e ta’u atu ia i latou. Ia faamautinoa i le tamaitiiti e faapea, o le pule i le ola e le o so latou sese. Faasoa atu lau molimau e uiga i le Togiola a Iesu Keriso. Fautuaina le tamaitiiti e faasoa mai manatuaga lelei o le tagata ua maliu, ma tuu atu i le tamaitiiti se taimi e fai mai ai ni ana fesili. Mafaufau e tatalo faatasi pe ofo atu i le tamaitiiti se faamanuiaga faaleperisitua. Atonu foi e te manao e feutagai ma se tausi soifua faapolofesa o le tamaitiiti e fesoasoani i lea faiga.

Punaoa a le Ekalesia ma le Nuu

(O nisi o punaoa o loo lisiina atu i lalo e le i fausiaina, faatumauina, pe o faafoeina e Le Ekalesia a Iesu Keriso o le Au Paia o Aso e Gata Ai. O nei anomea ua faamoemoe e avea o ni punaoa faaopoopo e fesoasoani a o e suesueina lenei autu. E le faamaonia e le Ekalesia ni anotusi e le ogatusa ma ona aoaoga faavae ma aoaoga.)

• “O a Taeao e Faia ai e le Alii o Vavega i o Outou Luma,” Jeffrey R. Holland, Liahona, Me 2016, 124–27.

• “Faaavanoaina o le Taimi e Talanoa ma Faalogo Ai,” Rosemary M. Wixom, Liahona, Ape. 2012, 10–13

• “Talanoa e uiga i Autu Faigata,” Sheree Lyn Clarke, Liahona, Mat. 2015, 10–12.

• “E faapefea ona ou talanoa i lo’u aiga e uiga i le Pule i le Ola,” inspiration.ChurchofJesusChrist.org.

• “Faanoanoa ona o le Pule i le Ola,” Befrienders Worldwide.

• “Tamaiti, Talavou ma le Pule i le Ola,” American Foundation for Suicide Prevention.