Magtuon kay Jesucristo

Bigyang-diin ang halimbawa ni Jesucristo.

Kasanayan: Tulungan ang mga estudyante na maiugnay ang natututuhan nila sa kung paano ipinapakita ni Cristo ang alituntunin.

Ipaliwanag

Ang pagtulong sa mga estudyante na ilagay si Jesucristo sa sentro ng kanilang pag-aaral ay tutulong sa kanila na magkaroon ng mas personal at mabisang karanasan sa pagkatuto. Ang isang paraan na magagawa natin ito ay sa pagtulong sa mga estudyante na maiugnay ang natututuhan nila sa buhay at halimbawa ni Jesucristo. Magagawa mo ito sa pamamagitan ng paggamit ng mga tanong sa kabuuan ng lesson. Ang mga tanong na ito ay tumutulong sa mga estudyante na maiugnay ang buhay at halimbawa ni Jesucristo sa

• mga detalye ng isang kuwento sa banal na kasulatan,

• mga alituntunin sa mga banal na kasulatan, at

• mga karanasan sa sarili nilang buhay.

Ipakita

Narito ang ilang halimbawa kung paano mo matutulungan ang mga estudyante na maiugnay ang kanilang sarili sa buhay at halimbawa ni Jesucristo:

• Matapos basahin ang isang kuwento sa banal na kasulatan at talakayin ang mga detalye nito, maaari mong itanong, “Ano sa kuwentong ito ang nagpapaalala sa iyo tungkol sa buhay at halimbawa ni Jesucristo?”

• Matapos matukoy ang isang alituntunin, maaari mong itanong, “Saan ipinakita ni Jesus sa mga banal na kasulatan ang alituntuning ito?”

• Matapos suriin ang isang alituntunin, maaari mong itanong, “Kailan mo nakitang ipinakita ni Jesus ang alituntuning ito sa iyong buhay o para sa iyo?”

• Kapag tinatalakay ang pagsasabuhay ng isang alituntunin, maaari mong itanong, “Ano mula sa halimbawa ni Jesus ang nakatutulong sa iyo na ipamuhay nang mas lubusan ang alituntuning ito?”

• Maaari mo ring itanong, “Paano makatutulong sa iyo ang pamumuhay ng alituntuning ito para matularan mo ang halimbawa ni Jesucristo at maging higit na katulad Niya?”

Mag-klik dito upang mapanood ang video tungkol dito.

Magpraktis

Gamitin ang isa o mahigit pa sa mga sumusunod upang mapahusay ang kakayahan mong tulungan ang mga estudyante na umugnay sa buhay at halimbawa ni Jesucristo:

• Isipin ang alituntunin: “Kung tayo ay masunurin, sa kabila ng mga pagsubok, tutulungan tayo ng Diyos.” Sa iyong paghahanda, praktisin ang pag-uugnay ng alituntuning ito sa isa o dalawang halimbawa mula sa buhay ni Jesus sa mga banal na kasulatan.

• Tingnan ang susunod na lesson plan. Pumili ng isang alituntunin na plano mong tulungan ang mga estudyante na tukuyin. Magpraktis sa pagsulat ng dalawa o tatlong simpleng tanong para matulungan ang mga estudyante na maiugnay ang alituntuning iyon sa halimbawa ni Jesucristo.

• Humanap ng pagkakataon sa susunod na lesson plan kung kailan magtutuon ka sa pagsasabuhay ng alituntunin. Magpraktis sa pagsulat ng dalawa o tatlong paanyaya na tutulong sa mga estudyante na pag-isipan kung paano makatutulong sa kanila ang halimbawa ni Jesucristo upang maipamuhay nila ang isang alituntunin.

Talakayin o Pagnilayan

Pag-isipan ang natutuhan mo mula sa karanasang ito. Marahil ay maaari mong isulat ang ilan sa mga ideyang ito sa isang study journal. Pag-isipan ang mga sumusunod na tanong:

• Ano ang nagawa ko na noon para maiugnay ang natututuhan ng mga estudyante sa mga banal na kasulatan sa buhay at halimbawa ni Jesucristo?

• Ano ang natutuhan ko mula sa karanasang ito na maaaring magpabuti sa kakayahan kong tulungan ang mga estudyante na gawin ang mga koneksyon na ito kay Jesucristo?

• Ano ang gagawin ko para patuloy na humusay?

Isama

Gawin ang nagawa mo na dati upang matulungan ang mga estudyante na maiugnay ang natututuhan nila kay Jesucristo at mabigyang-diin ang Kanyang halimbawa. Sa susunod na linggo, pumili ng isang alituntunin sa bawat lesson na gagamitin mo para matulungan ang mga estudyante na maiugnay ang natututuhan nila kay Jesucristo at sa Kanyang halimbawa.

Gusto Mo Bang May Matutuhan Pa?

• Neil L. Andersen, “Nangungusap Tayo tungkol kay Cristo,” pangkalahatang kumperensya, Okt. 2020

• Section 3.1, “Unit 3: Teach the One,” Inservice Leaders’ Resources