“Kumi ha ngaahi fakataipe ʻoku fakamoʻoni kia Sīsū Kalaisi,” Fakatupulaki Ngaahi Taukei ʻa e Faiakó: Tokanga Taha kia Sīsū Kalaisi (2023)
Akoʻi fekauʻaki mo Sīsū Kalaisi ʻo Tatau Ai Pē pe Ko e Hā ʻOkú Ke Akoʻí
Kumi ha ngaahi fakataipe ʻoku fakamoʻoni kia Sīsū Kalaisi.
Pōtoʻi Ngāué
ʻEke ha ngaahi fehuʻi ʻe tokoni ki he kau akó ke nau ako fekauʻaki mo Sīsū Kalaisi ʻo fakafou ʻi he ngaahi fakataipe ʻi he folofolá.
Fakaʻuhingaʻí
ʻOku pehē ʻi he Ko e Faiako ʻi he Founga ʻa e Fakamoʻuí: “Kuo fakatupu mo ngaohi ʻa e ngaahi meʻa kotoa pē ke fakamoʻoniʻi au” (Mōsese 6:63; vakai foki ki he 2 Nīfai 11:4). ʻI heʻetau fakakaukau ki he moʻoni ko iá, te tau lava ʻo [tokoni ki he kau akó] ke nau mamata ki ha ngaahi fakataipe lahi ʻi he folofolá ʻoku fakamoʻoni ki he Fakamoʻuí. … Te ke lava foki ʻo maʻu ha ngaahi meʻa ʻoku faitatau mo e moʻui ʻa e Fakamoʻuí ʻi he moʻui ʻa e kau palōfitá mo e kau tangata mo e kau fafine faivelenga kehe ʻi he folofolá. ʻOku fakahaaʻi ʻe he fekumi ki he ngaahi fakataipé ʻa e ngaahi moʻoni fekauʻaki mo e Fakamoʻuí ʻi he ngaahi feituʻu naʻe ʻikai ke ke mei fakatokangaʻi” (peesi 7). Te tau lava ʻo tokoni ki he kau akó ke nau ako ke mamata kia Sīsū Kalaisi ʻaki hono ʻeke ha ngaahi fehuʻi te ne tokoniʻi kinautolu ke nau fakakaukau ki he founga ʻoku akoʻi, fakamoʻoniʻi, fakafehokotaki pe fakamanatu mai ai ʻe he kakaí, ngaahi feituʻú, ngaahi meʻa ʻoku hokó, pe ngaahi meʻa ʻi he folofolá kiate kitautolu fekauʻaki mo Iá. ʻE lava ke ʻeke ʻa e ngaahi fehuʻi ko ʻení kimuʻa pe hili hoʻo fakaafeʻi ʻa e kau akó ke nau laukongá. ʻE ala kau ʻa e ngaahi meʻá ni ʻi he ngaahi sīpinga ʻo e faʻahinga fehuʻi ko ʻení.
-
Ko e hā ha ngaahi ʻulungaanga ʻo Sīsū Kalaisi ʻokú ke sio ki ai ʻi he ?
-
ʻE lava fēfē ke fekauʻaki ʻa e ngaahi meʻa ʻi he ngaahi veesi ko ʻení mo Sīsū Kalaisí?
-
ʻOku fakamoʻoni fēfē nai ʻa e talanoa ko ʻení kia Sīsū Kalaisí?
-
Ko e hā ha ngaahi fakataipe ʻo Sīsū Kalaisi ʻokú ke lava ʻo sio ki ai ʻi he talanoa ko ʻení?
Fakatātaaʻi
ʻI hono tataki ʻe he faiakó ʻa e kalasí ʻi he Sione 10, te ne ʻeke ʻa e ngaahi fehuʻi ko ʻení:
Fakaangaanga 1
-
Ko e hā ha ngaahi fehuʻi te ke lava ʻo ʻeke ʻi he Ngāue 3:1–7 ʻe tokoni ki he kau akó ke nau vakai kia Sīsū Kalaisi ʻi he fakamatala ko ʻení?
-
ʻI hoʻo vakai ki he ngaahi konga folofola hoko mai ʻi he naunau fakalēsoní ʻi he uike ʻe ua ka hokó, ko e hā ha ngaahi fehuʻi te ke lava ʻo fai ʻe tokoni ki hoʻo kau akó ke nau vakai kia Sīsū Kalaisi?
Aleaʻi pe Fakalaulauloto
-
Ko e hā ʻa e mahuʻinga ʻokú ke vakai ki ai ʻi hono fakaafeʻi ʻo e niʻihi kehé ke nau ako ke vakai kia Sīsū Kalaisi ʻi he meʻa kotoa peé?
-
Kuo tokoniʻi fēfē hoʻo moʻuí ʻe he vakai ki he Fakamoʻuí ʻi he folofolá?
Fakatahaʻi
-
ʻI he lēsoni takitaha pea mo e hokohoko atú, fakakaukau ki he ngaahi fakataipe ʻo e Fakamoʻuí ʻoku hā ʻi he folofolá pea ʻeke ha ngaahi fehuʻi ke tokoni ki he kau akó ke nau ʻiloʻi kinautolu.
Fie ako lahi ange?
-
Chad H Webb, “‘Oku Mau Fiefia ʻia Kalaisi” (Fakamafola ʻo e ako fakataʻu ʻa e Seminelí mo e ʻInisititiuti Fakalotú, 12 Sune 2018), broadcasts.ChurchofJesusChrist.org.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F3a%2Fc2%2F3ac232732217f122170113a809f1ff2fe1aa78b3%2F3ac232732217f122170113a809f1ff2fe1aa78b3.jpeg/full/!250,/0/default)