Tokanga Taha kia Sīsū Kalaisi Akoʻi fekauʻaki mo Sīsū Kalaisi ʻo tatau ai pē pe ko e hā ʻokú ke akoʻí. Fakamamafaʻi ʻa e sīpinga ʻa Sīsū Kalaisí. Tokoniʻi ʻa e kau akó ke fakafehokotaki ʻa e meʻa ʻoku nau akó mo e founga hono fakahaaʻi ʻe Kalaisi ʻa e tefitoʻi moʻoní.Fakamamafaʻi ʻa e sīpinga ʻa Sīsū Kalaisí. Fakaʻaongaʻi ha ngaahi fakatātā mo ha ngaahi vitiō ʻo Sīsū Kalaisi ke fakatātaaʻi ʻaki ha tefitoʻi moʻoni ʻo e ongoongoleleí.Fakamamafaʻi ʻa e sīpinga ʻa Sīsū Kalaisí. Akoʻi fekauʻaki mo e ngaahi huafa, fatongia, mo e ngaahi ʻulungaanga ʻo Sīsū Kalaisí. Faʻu ha ngaahi fehuʻi fekumi ke tokoni ki he kau akó ke nau ʻiloʻi ʻa e ngaahi fatongia, ngaahi huafa, ngaahi fakataipe, mo e ngaahi ʻulungaanga ʻo Sīsū Kalaisí.Akoʻi fekauʻaki mo e ngaahi huafá, fatongiá, mo e ngaahi ʻulungaanga ʻo Sīsū Kalaisí Fai ha ngaahi fehuʻi te ne fakaʻatā ʻa e kau akó ke nau ʻiloʻi ʻa e ngaahi fatongia ʻe lava ke maʻu ʻe Sīsū Kalaisi ʻi heʻenau moʻuí.Akoʻi fekauʻaki mo e ngaahi huafá, fatongiá, mo e ngaahi ʻulungaanga ʻo Sīsū Kalaisí Kumi ha ngaahi fakataipe ʻoku fakamoʻoni kia Sīsū Kalaisi. ʻEke ha ngaahi fehuʻi ʻe tokoni ki he kau akó ke nau ako fekauʻaki mo Sīsū Kalaisi ʻo fakafou ʻi he ngaahi fakataipe ʻi he folofolá. Tokoni ke maʻu ʻe he kau akó ha aʻusia fakaeongo ʻi ha ngaahi meʻa fakafolofola ʻokú ne fakataipe ʻa Sīsū Kalaisí. Tokoniʻi ʻa e kau akó ke haʻu kia Sīsū Kalaisi. Tokoniʻi ʻa e kau akó ke ʻilo ʻa e ʻofa, mālohi mo e ʻaloʻofa ʻa e ʻEikí ʻi heʻenau moʻuí. ʻEke ha ngaahi fehuʻi ʻoku nofo taha ʻi hono fakafehokotaki ʻo e mālohi, ʻaloʻofa mo e tākiekina ʻa e ʻEikí ki he moʻoni ʻoku akoʻí.Tokoniʻi ʻa e kau akó ke ʻilo ʻa e ʻofa, mālohi mo e ʻaloʻofa ʻa e ʻEikí ʻi heʻenau moʻuí. Fai ha ngaahi fakaafe ʻe tokoni ki he kau akó ke nau ʻiloʻi ʻa e ʻofa, mālohi, mo e ʻaloʻofa ʻa e ʻEikí ʻi heʻenau moʻuí.Tokoniʻi ʻa e kau akó ke ʻilo ʻa e ʻofa, mālohi mo e ʻaloʻofa ʻa e ʻEikí ʻi heʻenau moʻuí. Tokoniʻi ʻa e kau akó ke fakamālohia honau vā fetuʻutaki mo e Tamai Hēvaní mo Sīsū Kalaisí. Ngaahi fakamatala ʻe tokoni ke ʻilo mo ongoʻi ʻe he kau akó ʻa e ʻofa ʻa e Tamai Hēvaní mo Sīsū Kalaisí. Fai ha ngaahi fehuʻi ʻe tokoni ki he kau akó ke nau maʻu ha ngaahi sīpinga ʻo e ʻofa ʻa e Tamai Hēvaní ʻi he potufolofolá. Tokoniʻi ʻa e kau akó ke nau feinga ʻi he ʻiloʻilo pau ke hangē ko Sīsū Kalaisí. Vakai ki he ngaahi ʻulungaanga faka-Kalaisi ʻi he kau akó pea vahevahe ʻa e meʻa kuó ke fakatokangaʻi ʻi ha ngaahi founga ʻokú ne ueʻi kinautolu ke hokohoko atu ʻenau hoko ʻo hangē ko Iá. Fakaafeʻi ʻa e kau akó ke kumi ha ngaahi founga ke muimui ai ki he sīpinga ʻa Sīsū Kalaisí ʻi heʻenau moʻui fakatāutahá.