« ជួយសិស្សឲ្យទទួលខុសត្រូវលើការរៀនសូត្ររបស់ពួកគេ » ជំនាញអភិវឌ្ឍន៍គ្រូបង្រៀន ៖ អញ្ជើញឲ្យរៀនសូត្រដោយឧស្សាហ៍ព្យាយាម ( ឆ្នាំ២០២៣ )

« ជួយសិស្សឲ្យទទួលខុសត្រូវលើការរៀនសូត្ររបស់ពួកគេ » ជំនាញអភិវឌ្ឍន៍គ្រូបង្រៀន ៖ អញ្ជើញឲ្យរៀនសូត្រដោយឧស្សាហ៍ព្យាយាម

គោលការណ៍នៃការបង្រៀនដូចជាព្រះគ្រីស្ទ ៖ អញ្ជើញឲ្យរៀនសូត្រដោយឧស្សាហ៍ព្យាយាម

ជួយសិស្សឲ្យទទួលខុសត្រូវលើការរៀនសូត្ររបស់ពួកគេ ។

ជំនាញ

ព្យាយាមទប់ខ្លួនឯងកុំឲ្យឆ្លើយតបទៅនឹងរាល់មតិយោបល់ និងសំណួរ ហើយអញ្ជើញសិស្សក្នុងថ្នាក់ឲ្យឆ្លើយតបវិញ ។

រូបភាព

បុរសម្នាក់កំពុងបង្រៀនសិស្ស

កំណត់និយមន័យ

គ្រូបង្រៀនអាចអញ្ជើញឲ្យរៀនសូត្រដោយឧស្សាហ៍ព្យាយាមបាន តាមរយៈការស្ថាបនាគំរូមួយដែលសិស្សឆ្លើយទៅកាន់គ្នាទៅវិញទៅមកក្នុងថ្នាក់រៀន ជំនួសឲ្យការឆ្លើយទៅកាន់គ្រូបង្រៀន ឬចំពោះមុខគ្រូបង្រៀន ។ នៅពេលគ្រូបង្រៀនអនុញ្ញាតឲ្យសិស្សចែកចាយគំនិតរបស់ពួកគេនៅលើមតិយោបល់ និងសំណួររបស់មិត្តភក្តិ នោះការផ្តោតអារម្មណ៍នៅតែបន្ដនៅលើសិស្សដដែល ហើយការពិភាក្សានឹងកាន់តែរស់រវើក នៅពេលការចូលរួមរបស់សិស្សកើនឡើង ។ របៀបមួយក្នុងការបង្កើតគំរូនេះគឺដោយការសួរសំណួរដែលអនុញ្ញាតឲ្យសិស្សចែកចាយគំនិត និងចំណាប់អារម្មណ៍របស់ពួកគេលើអ្វីដែលអ្នកដទៃបាននិយាយ ជំនួសឲ្យការឆ្លើយទៅកាន់គ្រូបង្រៀន ឬចំពោះមុខគ្រូបង្រៀន ។

គំរូ

នេះគឺជាគំរូសំណួរពីរបីដែលអ្នកអាចសួរបាន ដើម្បីអញ្ជើញសិស្សឲ្យចែកចាយគំនិតរបស់ពួកគេអំពីមតិយោបល់ ឬសំណួររបស់សិស្សម្នាក់ ៖

តើអ្នកណាអាចចែកចាយបទពិសោធន៍មួយបាន ដែលទាក់ទងនឹងអ្វីដែល ហ្គែរី ទើបតែបាននិយាយនេះ ?
តើអ្វីដែលធ្វើឲ្យអ្នកភ្ញាក់ផ្អើល ឬចាប់អារម្មណ៍ចំពោះមតិយោបល់របស់ លូស៊ីនដា ?
តើអ្នកណាអាចថ្លែងទីបន្ទាល់អំពីអ្វីដែល ភីធើ ទើបតែបាននិយាយនេះ ?
តើអ្នកអាចចែកចាយអ្វីខ្លះអំពីអ្វីដែលអ្នកបានរៀន នៅពេលអ្នកបានជញ្ជឹងគិតអំពីសំណួរនោះ ?

សូមចុចនៅត្រង់នេះដើម្បីមើលវីដេអូអំពីគំរូនេះ ។

អនុវត្ត

សម្រាប់សាច់រឿងខាងក្រោមនីមួយៗនេះ ជំនួសឲ្យការផ្ដល់មតិយោបល់លើសំណួរ ឬមតិយោបល់របស់សិស្ស សូមជ្រើសរើសសំណួរគំរូមួយដើម្បីសួរសិស្សក្នុងថ្នាក់ ឬសំណួរមួយរបស់អ្នកផ្ទាល់ ។

អំឡុងពេលរៀន អេមី សួរសំណួរដូចតទៅនេះ ៖ « តើខ្ញុំអាចដឹងថា តើគំនិតមួយគឺជាការបំផុសគំនិត ឬជាគំនិតរបស់ខ្ញុំផ្ទាល់ដោយរបៀបណា ? »
អំឡុងពេលរៀនអំពីព្រះគម្ពីរសញ្ញាចាស់ ខែល៍ និយាយថា « ខ្ញុំគិតថា វាពិតជាអស្ចារ្យណាស់ដែលឃើញថា ព្រះអម្ចាស់អញ្ជើញសាសន៍អ៊ីស្រាអែលឲ្យប្រែចិត្ត ហើយត្រឡប់មករកទ្រង់វិញ ទោះជាពួកគេបានងាកចេញពីទ្រង់ជាច្រើនដងក៏ដោយ » ។
សូមគិតអំពីមតិយោបល់ ឬសំណួរមួយរបស់សិស្សម្នាក់នៅក្នុងថ្នាក់កាលពីពេលថ្មីៗនេះ ។ ដោយប្រើជំនាញនេះ តើអ្នកអាចឆ្លើយតបដោយរបៀបណា ?

ពិភាក្សា ឬជញ្ជឹងគិត

សូមពិចារណាអំពីរបៀបដែលអ្នកឆ្លើយតបជាធម្មតា នៅពេលដែលសិស្សបញ្ចេញមតិយោបល់នៅក្នុងថ្នាក់ ។
តើមានលទ្ធផលវិជ្ជមានអ្វីខ្លះ ដែលអ្នកអាចនឹងដកពិសោធន៍ នៅពេលអ្នកជួយសិស្សឲ្យឆ្លើយតបទៅកាន់គ្នាទៅវិញទៅមកជំនួសឲ្យ ឬមុនពេលអ្នកបញ្ចេញមតិយោបល់ ?

រួមបញ្ចូល

ពេលអ្នករៀបចំមេរៀនបន្ទាប់របស់អ្នក សូមជ្រើសរើសសំណួរគំរូពីរបី ឬអ្នកអាចបង្កើតសំណួរដោយខ្លួនឯងក៏បាន ដើម្បីអនុញ្ញាតឲ្យសិស្សឆ្លើយតបទៅកាន់គ្នាទៅវិញទៅមក ។

តើចង់បានបន្ថែមទៀតទេ ?

« ព្រះអង្គសង្គ្រោះបានជួយអ្នកដទៃឲ្យទទួលខុសត្រូវលើការរៀនសូត្ររបស់ពួកគេ » នៅក្នុង « អញ្ជើញឲ្យរៀនសូត្រដោយឧស្សាហ៍ព្យាយាម » ការបង្រៀនតាមរបៀបរបស់ព្រះអង្គសង្គ្រោះ ( ឆ្នាំ២០២២ ) ទំព័រ ២៤–២៥
An Evening with a General Authority—Elder Bednar Discussion ( វីដេអូ ) នៅលើគេហទំព័រ ChurchofJesusChrist.org

ជំនាញ

ផ្តោតទៅលើអ្វីដែលសិស្សអាចធ្វើបាននៅក្នុងថ្នាក់ដែលគ្រូបង្រៀនធ្វើជាទូទៅ ។

រូបភាព

សិស្សកំពុងសរសេរនៅលើក្ដារខៀន

កំណត់និយមន័យ

សិស្សអាចទទួលខុសត្រូវចំពោះការរៀននៅក្នុងថ្នាក់របស់ពួកគេបាន ដោយធ្វើកិច្ចការដែលគ្រូបង្រៀនធ្វើជាធម្មតា ។ ក្នុងអំឡុងពេលរៀបចំមេរៀន នោះគ្រូបង្រៀនអាច ៖

សូមមើលបណ្តុំបទគម្ពីរដែលពួកគេនឹងបង្រៀននៅពេលអនាគត ។
សូមពិចារណាអំពីកម្មវិធីសិក្សា និងការណ៍មួយចំនួនដែលពួកគេអាចធ្វើជាធម្មតា ពេលដែលពួកគេបង្រៀនបណ្តុំបទគម្ពីរនេះ ( ឧទាហរណ៍ ៖ សួរសំណួរ ដឹកនាំការពិភាក្សា សរសេរនៅលើក្ដារខៀន និងចែកចាយការយល់ដឹងជាដើម ) ។
សូមសួរថា « តើជាធម្មតា ខ្ញុំអាចឲ្យសិស្សធ្វើអ្វីខ្លះនៅក្នុងថ្នាក់ ? »
សូមកត់ចំណាប់អារម្មណ៍ទាំងឡាយនៅក្នុងផែនការមេរៀន និងអនុវត្តវាក្នុងអំឡុងពេលថ្នាក់រៀន ។

ការធ្វើបែបនេះផ្តល់ឱកាសបន្ថែមទៀតឲ្យសិស្សក្លាយជាអ្នកចូលរួមយ៉ាងសកម្មក្នុងដំណើរការរៀនសូត្រ ដែលអាចជួយសម្រួលដល់ការរីកចម្រើនខាងវិញ្ញាណកាន់តែជ្រាលជ្រៅ ។

គំរូ និងការអនុវត្តខាងក្រោមនេះគឺជាឧទាហរណ៍ទូទៅ ។ ការបំពាក់បំប៉ននឹងកាន់តែមានប្រសិទ្ធភាព ប្រសិនបើគំរូ និងឱកាសអនុវត្តត្រូវបានផ្សារភ្ជាប់ទៅនឹងមេរៀនបន្ទាប់ដែលនឹងត្រូវបានបង្រៀននៅក្នុងកម្មវិធីសិក្សា ។