“Asao ny mpianatra hiomana hianatra,”Fahaiza-manao ho fampivoarana ny mpampianatra: Ataovy izay hisian’ny fianarana amim-pahavitrihana (2023)

“Asao ny mpianatra hiomana hianatra,” Fahaiza-manao ho fampivoarana ny mpampianatra: Ataovy izay hisian’ny fianarana amim-pahavitrihana

Fitsipiky ny fampianarana tahaka ny an’i Kristy: ataovy izay hampisy fianarana amim-pahavitrihana

Asao ny mpianatra hiomana hianatra.

Fahaiza-manao

Mamoròna fanasana izay hanampy ireo mpianatra hiomana amin’ny traikefa amin’ny fianarana manaraka.

Mamaritra

Rehefa avy nampianatra ny mpanara-dia Azy sasany tany Amerika fahiny ny Mpamonjy dia nanasa azy ireo Izy “[hanomana ny sain’izy ireo] ho amin’ny ampitso, ary hankaty aminareo indray Aho” (3 Nefia 17:3). Ny fanasana ny mpianatra hiomana hianatra dia ampahan-javatra manan-danja amin’ny fanampiana azy ireo hahafantatra fahamarinana avy amin’ny ezaka ataony (jereo ny Joseph Smith—Tantara 1:20). Ireo fanasana ireo dia manolotra fahafahana ho an’ireo mpianatra mba hahazo traikefa amin’ny andalan-tsoratra masina na fahamarinana iray alohan’ny hahatongavany ao an-dakilasy. Miseho amin’ny endriny maro ny fanasana mba hiomana. Matetika izy ireny no fehezan-teny fohy sy tsotra izay ahitana:

Ny andalan-tsoratra masina na fahamarinana izay hifanakalozana hevitra ao amin’ny lesona manaraka.
Fomba iray ahafahan’ny mpianatra mandray anjara mavitrika amin’ny tenin’ Andriamanitra. Ohatra hoe ny mpianatra dia afaka mandalina, mampihatra, miresaka, na mametraka sy misaintsaina fanontaniana momba ny zavatra hianaran’izy ireo.

Ny Fanahy Masina dia afaka mitaona anao mandritra ny fanomanana ny lesona sy mandritra ny traikefa amin’ny fianarana izay ampiasana fanasana afaka manampy indrindra ny mpianatra ho vonona ny hianatra. Matetika ny fandaharam-pampianarana no ahitana ireo karazana fanasana ireo miaraka amin’ny votoatin-desona lesona.

Ireo lamina hakan-tahaka sy fanazaran-tena etsy ambany dia ohatra ankapobeny. Hahomby kokoa ny fanofanana raha toa ka mifandray amin’ireo lesona manaraka izay horesadresahina ao amin’ny fandaharam-pampianarana ny lamina hakan-tahaka sy ny fanazaran-tena.

Lamina hakan-tahaka

Te hanampy ny mpianany hanana fanantenana Rahavavy Mendez rehefa mandalina ny 2 Timoty izy ireo. Mamorona izao fanasana izao izy: “Rehefa mandalina ny 2 Timoty ianareo amin’ity herinandro ity, dia mitadiava andininy izay manome fanantenana anareo amin’ny alalan’i Jesoa Kristy ary mizarà zavatra nianaranareo amin’olona hafa.”
Miomana ny hampianatra momba ny asa fanompoana Rahalahy Bradshaw dia mampiasa ny toriteny nataon’i Benjamina Mpanjaka izy amin’izany. Manomana izao fanasana izao izy: “Mitadiava fomba hanompoana olona amin’ity herinandro ity dia tongava aty an-dakilasy miaraka amin’ny fahavononana hizara izany rehefa mandalina ny Môzia 2–4 isika.”

Tsindrio eto raha hijery horonan-tsary maneho io lamina hakan-tahaka io.

1:57

Manazatra tena

Hampianatra momba ny faharetana izay toetra tahaka ny an’i Kristy ianao amin’ny lesona manaraka. Mamoròna fanasana azonao omena mandritra ny fotoam-pianarana androany mba ho vonona ny mpianatra rehefa tonga amin’ny manaraka.
Misafidiana andinin-tsoratra masina na fahamarinana ao amina lesona iray manaraka ao amin’ny fandaharam-pampianarana ary mamoròna fanasana iray izay manomana ny mpianatra hianatra.

Mifanakalo hevitra na misaintsaina

Inona no ianaranao mikasika ny famoronana fanasana mba hanampiana ny mpianatra hianatra?
Inona no anjara biriky hitanao fa nentin’ny fiomanan’ny mpianatra tamin’ny traikefa iray ho an’ny fianarana?

Mampiditra fahalalana

Manomeza fanasana iray mandritra ny lesona iray manaraka mba hanaovan’ny mpianatra zavatra ivelan’ny fotoam-pianarana hiomanana amin’ny traikefa amin’ny fianarana manaraka. Tombano ny zavatra nianaranao aorian’izay. Mangataha fanamarihana avy amin’ny mpianatrao mba hanohizana ny fanatsarana ny fanasana omenao.

Te hianatra misimisy kokoa ve ianao?

“Ahoana no anampiako ny olona hanao sy hanaja ireo fanoloran-tena?,” Torio ny filazantsarako: Torolalana ho an’ny asa fanompoan’ny misiônera (2018), 197–204
“Ny Mpamonjy dia nanasa ny hafa hiomana hianatra,” Mampianatra araka ny fomban’ny Mpamonjy (2022), 25
Jan E. Newman, “Mampianatra araka ny fomban’ny Mpamonjy,” Liahona, Mey 2021, 16–19

Fahaiza-manao

Mamoròna fanasana manan-danja mifandray amin’ny vokatra azo avy amin’ny lesona mba hampiasaina any am-piandohan’ny lesona tsirairay.

Mamaritra

Tena manan-danja amin’ny fianarana ny filazantsara ny fiomanana hianatra. Fomba iray mahomby ahafahan’ireo mpampianatra manampy amin’ny fanomanana ny mpianany ny famoronana fanasana manan-danja mba hampiasaina any am-piandohan’ny lesona. Mandritra ny fiomananao, dia eritrereto ireo mpianatrao sy ny zavatra antenainao fa ho vokatra ho azo avy amin’ny lesona. Saintsaino hoe inona no fanasana tsara indrindra hanomana azy ireo hanao asa sy hianatra mandritra ny lesona mba hahatratrarana ny vokatra azo avy amin’izany dia soraty ao amin’ny drafitry ny lesonao izany. Ny famoronana ireo fanasana ireo dia afaka mampitombo ny fahafahan’ny mpianatra mahazo ny vokatra tadiavina ary afaka mamporisika ny fizarana hevitra voasaina tsara.

Lamina hakan-tahaka

Hampianatra momba ny fitsipiky ny fankatoavana Rahalahy Fernandez. Te hanampy ireo mpianany hahafantatra izy fa noho ny fankatoavana no hahatongavan’ireo fitahiana. Nandritra ny fiomanany dia nanoratra izao fanasana manaraka izao izy: “Rehefa mandalina ny lesona isika dia tadiavo ireo fitsipiky ny fankatoavana sy ireo fitahiana mifandray amin’izany ary raketo ao anatin’ny diarinareo izany.”

Tsindrio eto raha hijery horonan-tsary maneho io lamina hakan-tahaka io.

Manazatra tena

Mamoròna fanasana manan-danja mifandray amin’ny vokatra azo avy amin’ny lesona mba hampiasaina any am-piandohan’ireto lesona manaraka ireto:

Mampianatra 3 Nefia 28 ianao, ary ny vokatra antenainao dia ny hahatsapan’ireo mpianatra faniriana misimisy kokoa hitondra ny hafa hanatona an’i Jesoa Kristy.
Ny lesona manaraka hataonao

Mifanakalo hevitra na misaintsaina

Raha miainga avy amin’ny zavatra ianaranao rehefa manao fanazaran-tena ianao dia inona avy ireo toetoetra sasantsasany ananan’ny fanasana manan-danja iray?
Inona avy ireo vokatra tsara mety ho azon’ny mpianatrao rehefa manampy azy ireo hanao asa araka ireo fanasana manan-danja any am-piandohan’ny lesona tsirairay ianao?

Mampiditra fahalalana

Ampiasao ao an-dakilasy ny fanasana nomaninao tamin’ilay fampiharana.
Rehefa manomana lesona fanampiny ianao dia ahoana no ahafahanao manohy mampiasa io lamina io?

Te hianatra misimisy kokoa ve ianao?

“Ny Mpamonjy dia nanasa ny hafa hiomana hianatra,” ao amin’ny “Ataovy izay hampisy fianarana amim-pahavitrihana,”,Mampianatra araka ny fomban’ny Mpamonjy (2022), Bibliothèque de l’évangile