Dapita ang mga tigkat-on sa pagsunod sa unsay ilang nakat-onan.

Kahanas

Planoha ang pag-follow up sa mga imbitasyon nga gihatag sa miagi nga klase ug dapita ang mga tigkat-on sa pagpakigbahin sa ilang mga kasinatian sa pagsunod sa unsay ilang nakat-onan.

Ipasabot

Samtang mag-andam ka og mga imbitasyon aron magamit sa mga estudyante ang unsay ilang nakat-onan, makaplano usab ka sa pag-follow up. Kini nga mga higayon sa pag-follow up mahimong moabot sa sinugdanan sa mosunod nga mga klase, pinaagi sa mga komunikasyon nga gawas sa klase, atol sa mga debosyonal, o tali sa mga kaedad. Aron sa pagplano og mga higayon sa pag-follow up, mahimo nimong pangutan-on ang imong kaugalingon:

1. Unsa nga imbitasyon ang akong mahatag nga motugot sa mga estudyante sa pagpakigbahin sa ilang mga kasinatian sa pagsunod sa usa ka kamatuoran nga ilang nakat-onan sa miagi nga klase?

2. Kanus-a ang maayo nga panahon sa pag-follow up?

Ang pagpangutana niini modapit sa Espiritu Santo sa paggiya kanimo samtang magplano ka sa pag-follow up. Ang pagplano sa pag-follow up sa mga estudyante motabang kanila nga mobati nga may tulubagon ug gusto nga motuman sa ilang mga pasalig, nga makatabang nga mosangpot sa pagkakabig ngadto kang Jesukristo.

Modelo

• Samtang si Brother Dalton mainampoon nga nag-andam sa sunod nga kasinatian sa pagkat-on alang sa iyang mga estudyante, nangutana siya sa iyang kaugalingon, “Unsa nga imbitasyon ang akong mahatag nga motugot sa mga estudyante sa pagpakigbahin sa ilang kasinatian sa pagsunod sa usa ka kamatuoran nga ilang nakat-onan diha sa usa ka miagi nga klase? Kanus-a ang maayo nga panahon sa sunod nga klase aron sa pag-follow up?” Misantop sa iyang hunahuna nga hatagan ang mga estudyante og panahon sa sinugdanan sa sunod nga klase sa pagsulat diha sa ilang mga journal mahitungod sa ilang mga paningkamot sa paglihok sa usa ka kamatuoran nga ilang nakat-onan sa miagi nga leksiyon.

Pagpraktis

Pagpraktis sa pagpangutana sa mosunod samtang mag-andam ka sa imong umaabot nga mga leksiyon:

1. Unsa nga imbitasyon ang akong mahatag nga motugot sa mga estudyante sa pagpakigbahin sa ilang mga kasinatian sa pagsunod sa mga kamatuoran nga ilang nakat-onan sa miagi nga klase?

2. Kanus-a ang maayo nga panahon sa pag-follow up?

Hisgoti o Pamalandongi

• Sa unsang paagi ang makanunayon nga pag-follow up makapalawom sa pagkakabig sa mga batan-on nga imong gitudloan?

• Unsa ang pipila sa mga paagi ang Espiritu Santo midasig na kanimo sa pagtabang sa mga tigkat-on sa pagpakigbahin sa ilang mga kasinatian sa pagsunod sa unsay ilang nakat-onan?

• Unsaon nimo sa pagmugna og kinaiya sa mga estudyante sa pagpakigbahin sa ilang mga paningkamot sa pagsunod sa ebanghelyo sa tibuok nga panahon sa kurso?

Iapil

Isip kabahin sa imong pag-andam sa leksiyon, pag-eskedyul og panahon sa pagpangutana niini:

• “Unsa nga imbitasyon ang akong mahatag nga motugot sa mga estudyante sa pagpakigbahin sa ilang mga kasinatian sa pagsunod sa mga kamatuoran nga ilang nakat-onan sa usa ka miagi nga klase?”

• “Kanus-a ang maayo nga panahon sa pag-follow up?”

Gusto pa og Dugang?

• M. Russell Ballard, “Pag-Follow Up,” Liahona, Mayo 2014, 78–81.