« អញ្ជើញសិស្សឲ្យរស់នៅតាមអ្វីដែលពួកគេកំពុងរៀន » ជំនាញអភិវឌ្ឍន៍គ្រូបង្រៀន ៖ អញ្ជើញឲ្យរៀនសូត្រដោយឧស្សាហ៍ព្យាយាម ( ឆ្នាំ២០២៣ )
« អញ្ជើញសិស្សឲ្យរស់នៅតាមអ្វីដែលពួកគេកំពុងរៀន » ជំនាញអភិវឌ្ឍន៍គ្រូបង្រៀន ៖ អញ្ជើញឲ្យរៀនសូត្រដោយឧស្សាហ៍ព្យាយាម
គោលការណ៍នៃការបង្រៀនដូចជាព្រះគ្រីស្ទ ៖ អញ្ជើញឲ្យរៀនសូត្រដោយឧស្សាហ៍ព្យាយាម
អញ្ជើញសិស្សឲ្យរស់នៅតាមអ្វីដែលពួកគេកំពុងរៀន ។
ជំនាញ
រៀបចំផែនការដើម្បីតាមដានការអញ្ជើញដែលបានផ្តល់ឲ្យនៅក្នុងថ្នាក់លើកមុន ហើយអញ្ជើញសិស្សឲ្យចែកចាយបទពិសោធន៍របស់ពួកគេនៅក្នុងការរស់នៅតាមអ្វីដែលពួកគេបានរៀន ។
កំណត់និយមន័យ
ពេលអ្នករៀបចំការអញ្ជើញឲ្យសិស្សអនុវត្តនូវអ្វីដែលពួកគេកំពុងរៀន អ្នកក៏អាចរៀបផែនការដើម្បីធ្វើការតាមដានផងដែរ ។ ការតាមដានទាំងនេះអាចធ្វើឡើងនៅពេលចាប់ផ្តើមថ្នាក់លើកក្រោយៗទៀត តាមរយៈការប្រាស្រ័យទាក់ទងក្រៅថ្នាក់ អំឡុងពេលការប្រជុំធម្មនិដ្ឋាន ឬក្នុងចំណោមមិត្តភក្ដិ ។ ដើម្បីរៀបផែនការតាមដាន អ្នកអាចសួរខ្លួនឯង ៖
-
តើការអញ្ជើញអី្វដែលខ្ញុំអាចផ្តល់ឲ្យ ដែលនឹងអនុញ្ញាតឲ្យសិស្សចែកចាយនូវបទពិសោធន៍របស់ពួកគេនៅក្នុងការរស់នៅតាមសេចក្តីពិតដែលពួកគេបានរៀននៅក្នុងថ្នាក់លើកមុន ?
-
តើពេលណាគឺជាពេលល្អដើម្បីធ្វើការតាមដាន ?
ការសួរសំណួរទាំងនេះអញ្ជើញព្រះវិញ្ញាណបរិសុទ្ធឲ្យដឹកនាំអ្នក នៅពេលអ្នករៀបផែនការដើម្បីតាមដាន ។ ការរៀបផែនការដើម្បីតាមដានជាមួយសិស្ស នឹងជួយពួកគេឲ្យមានអារម្មណ៍ទទួលខុសត្រូវ ហើយចង់បំពេញតាមការបេ្តជ្ញាចិត្តរបស់ពួកគេ ដែលអាចជួយនាំទៅរកការប្រែចិត្តជឿលើព្រះយេស៊ូវគ្រីស្ទ ។
គំរូ
-
ពេលបងប្រុស ដាលតុន រៀបចំបទពិសោធន៍ការរៀនសូត្របន្ទាប់សម្រាប់សិស្សរបស់គាត់ប្រកបដោយការអធិស្ឋាន គាត់សួរខ្លួនឯងថា « តើការអញ្ជើញអី្វដែលខ្ញុំអាចផ្តល់ឲ្យ ដែលនឹងអនុញ្ញាតឲ្យសិស្សចែកចាយនូវបទពិសោធន៍របស់ពួកគេក្នុងការរស់នៅតាមសេចក្តីពិតដែលពួកគេបានរៀននៅក្នុងថ្នាក់លើកមុន ? តើពេលណាគឺជាពេលល្អក្នុងថ្នាក់បន្ទាប់ដើម្បីធ្វើការតាមដាន ? » គាត់ចាប់ផ្តើមមានគំនិតនេះ ដោយឲ្យសិស្សមានពេលវេលានៅដើមមេរៀនក្រោយ ដើម្បីសរសេរនៅក្នុងសៀវភៅកំណត់ហេតុរបស់ពួកគេអំពីការខិតខំប្រឹងប្រែងរបស់ពួកគេដើម្បីធ្វើសកម្មភាពតាមសេចក្តីពិតដែលពួកគេបានរៀននៅក្នុងមេរៀនចុងក្រោយនេះ ។
សូមចុចនៅត្រង់នេះដើម្បីមើលវីដេអូអំពីគំរូនេះ ។
អនុវត្ត
សូមហ្វឹកហាត់សួរសំណួរដូចខាងក្រោម នៅពេលអ្នករៀបចំមេរៀនបន្ទាប់របស់អ្នក ៖
-
តើការអញ្ជើញអី្វដែលខ្ញុំអាចផ្តល់ឲ្យ ដែលនឹងអនុញ្ញាតឲ្យសិស្សចែកចាយនូវបទពិសោធន៍របស់ពួកគេនៅក្នុងការរស់នៅតាមសេចក្តីពិតដែលពួកគេបានរៀននៅក្នុងថ្នាក់លើកមុន ?
-
តើពេលណាគឺជាពេលល្អដើម្បីធ្វើការតាមដាន ?
ពិភាក្សា ឬជញ្ជឹងគិត
-
តើការតាមដានជាប្រចាំនឹងជួយធ្វើឲ្យមនុស្សវ័យក្មេងដែលអ្នកបង្រៀនមានការប្រែចិត្តជឿកាន់តែជ្រាលជ្រៅដោយរបៀបណា ?
-
តើមានមធ្យោបាយណាខ្លះ ដែលព្រះវិញ្ញាណបរិសុទ្ធធ្លាប់បានបំផុសគំនិតអ្នក ដើម្បីជួយសិស្សឲ្យចែកចាយបទពិសោធន៍របស់ពួកគេនៅក្នុងការរស់នៅតាមអ្វីដែលពួកគេបានរៀន ?
-
តើអ្នកអាចបង្កើតវប្បធម៌មួយ ដែលសិស្សអាចចែកចាយការខិតខំរបស់ពួកគេដើម្បីរស់នៅតាមដំណឹងល្អពេញមួយវគ្គសិក្សានេះដោយរបៀបណា ?
រួមបញ្ចូល
ជាផ្នែកមួយនៃការរៀបចំមេរៀនរបស់អ្នក សូមរៀបចំពេលមួយដើម្បីសួរសំណួរទាំងនេះ ៖
-
« តើការអញ្ជើញអី្វខ្លះដែលខ្ញុំអាចផ្តល់ឲ្យ ដែលនឹងអនុញ្ញាតឲ្យសិស្សចែកចាយនូវបទពិសោធន៍របស់ពួកគេ នៅក្នុងការរស់នៅតាមសេចក្តីពិតដែលពួកគេបានរៀននៅក្នុងថ្នាក់លើកមុន ? »
-
« តើពេលណាគឺជាពេលល្អដើម្បីធ្វើការតាមដាន ? »
តើចង់បានបន្ថែមទៀតទេ ?
-
អិម រ័សុល បាឡឺដ « Following Up » Liahona ខែឧសភា ឆ្នាំ២០២៤ ទំព័រ ៧៨–៨១ ។
ជំនាញ
សួរសំណួរស្រាវជ្រាវដែលជួយសិស្សឲ្យពិចារណាថា តើព្រះជានរណា និងពរជ័យដែលទ្រង់ប្រទានដល់ពួកគេ ។
កំណត់និយមន័យ
គ្រូបង្រៀនអាចជួយសិស្សក្នុងបំណងប្រាថ្នារបស់ពួកគេដើម្បីរស់នៅតាមអ្វីដែលពួកគេកំពុងរៀន ដោយសួរសំណួរដែលជួយសិស្សឲ្យពិចារណាថា តើព្រះជានរណា និងពរជ័យដែលទ្រង់ប្រទានដល់ពួកគេ ។ សំណួរស្រាវជ្រាវទាំងនេះគួរតែរួមបញ្ចូលវគ្គបទគម្ពីរ និងការអញ្ជើញសិស្សឲ្យស្វែងរកគុណលក្ខណៈ ឬពរជ័យដែលបានសន្យារបស់ព្រះ ។ សំណួរទាំងនោះគួរតែសួរមុនពេលពួកគេអានវគ្គបទគម្ពីរ ។ កាលសិស្សកាន់តែស្គាល់ព្រះ និងអ្វីដែលទ្រង់អាចផ្ដល់ឲ្យកាន់តែច្រើន នោះពួកគេនឹងមានឆន្ទៈធ្វើសកម្មភាពកាន់តែច្រើន ។
គំរូ និងការអនុវត្តខាងក្រោមនេះគឺជាឧទាហរណ៍ទូទៅ ។ ការបំពាក់បំប៉ននឹងកាន់តែមានប្រសិទ្ធភាព ប្រសិនបើគំរូ និងឱកាសអនុវត្តត្រូវបានផ្សារភ្ជាប់ទៅនឹងមេរៀនបន្ទាប់ ដែលនឹងត្រូវបានបង្រៀននៅក្នុងកម្មវិធីសិក្សា ។
គំរូ
-
តើអ្នកបានឃើញអ្វីខ្លះនៅក្នុង គោលលទ្ធិ និងសេចក្ដីសញ្ញា ១៩:១៦–១៩ ដែលបំផុសគំនិតអ្នកឲ្យធ្វើតាមព្រះយេស៊ូវគ្រីស្ទ ?
-
ពេលអ្នកសិក្សា យ៉ូហាន ១៤:៦ តើអ្នករៀនអ្វីខ្លះអំពីព្រះយេស៊ូវគ្រីស្ទដែលជួយអ្នកឲ្យមានទំនុកចិត្តលើអ្វីដែលទ្រង់សន្យា ?
សូមចុចនៅត្រង់នេះដើម្បីមើលវីដេអូអំពីគំរូនេះ ។
អនុវត្ត
សម្រាប់វគ្គបទគម្ពីរខាងក្រោមនេះ សូមសរសេរសំណួរស្រាវជ្រាវមួយដែលនឹងជួយសិស្សឲ្យពិចារណាថា តើព្រះជានរណា ហើយពរជ័យអ្វីដែលទ្រង់ប្រទានដល់ពួកគេ ៖
-
វគ្គបទគម្ពីរមួយចេញមកពីមេរៀនបន្ទាប់របស់អ្នក
ពិភាក្សា ឬជញ្ជឹងគិត
-
តើអ្នកបានរៀនអ្វីខ្លះ ពេលអ្នកអនុវត្តសំណួរស្រាវជ្រាវទាំងនេះ ?
-
តើអ្នកឃើញមនុស្សធ្វើសកម្មភាពដោយសេចក្ដីជំនឿដោយសារអ្វីដែលពួកគេដឹងអំពីព្រះ និងសេចក្ដីសន្យារបស់ទ្រង់នៅឯណា ?
រួមបញ្ចូល
-
សម្រាប់ពីរបីសប្តាហ៍ខាងមុខនេះ សូមស្វែងរកឱកាសមួយដើម្បីប្រើសំណួរស្រាវជ្រាវប្រភេទនេះយ៉ាងហោចណាស់ម្តងនៅក្នុងមេរៀននីមួយៗដែលអ្នកបង្រៀន ។
តើចង់បានបន្ថែមទៀតទេ ?
-
នីហ្វៃទី១ ៣:៧ ( ដោយសារអ្វីដែលលោកបានដឹងអំពីព្រះយេស៊ូវគ្រីស្ទ នោះនីហ្វៃមានទំនុកចិត្តក្នុងការទៅ ហើយធ្វើ )
-
យ៉ូសែប ស៊្មីធ—ប្រវត្តិ ១:១៣ ( យ៉ូសែប ស្ម៊ីធ បានដឹងថា លោកអាចប្រថុយដើម្បីទូលសួរព្រះ នៅពេលលោកពិចារណាអំពីអ្វីដែលព្រះអាចធ្វើបានសម្រាប់លោក ) ។