« មើលទៅសិស្សតាមរបៀបដែលព្រះទតឃើញពួកគេ » ជំនាញអភិវឌ្ឍន៍គ្រូបង្រៀន ៖ ស្រឡាញ់មនុស្សដែលអ្នកបង្រៀន ( ឆ្នាំ២០២៣ )

« មើលទៅសិស្សតាមរបៀបដែលព្រះទតឃើញពួកគេ » ជំនាញអភិវឌ្ឍន៍គ្រូបង្រៀន ៖ ស្រឡាញ់មនុស្សដែលអ្នកបង្រៀន

គោលការណ៍នៃការបង្រៀនដូចជាព្រះគ្រីស្ទ ៖ ស្រឡាញ់មនុស្សដែលអ្នកបង្រៀន

មើលទៅសិស្សតាមរបៀបដែលព្រះទតឃើញពួកគេ ។

ជំនាញ

សិក្សាសារលិខិតមកពីព្យាការីនាពេលថ្មីៗនេះ ដើម្បីយល់អំពីរបៀបដែលព្រះវរបិតាសួគ៌ទតឃើញយុវវ័យ ។

កំណត់និយមន័យ

អែលឌើរ ឌែល ជី រិនឡាន់ បានបង្រៀនថា « ដើម្បីបម្រើមនុស្សដទៃឲ្យមានប្រសិទ្ធភាព យើងត្រូវមើលឃើញពួកគេ … តាមរយៈព្រះនេត្ររបស់ព្រះវរបិតាសួគ៌ » ( « Through God’s Eyes » Liahona ខែវិច្ឆិកា ឆ្នាំ២០១៥ ទំព័រ ៩៤ ) ។ ពួកព្យាការីនៅរស់គឺជាបុរសដែលទទួលបានការបំផុសគំនិត ដែលត្រូវបានហៅឲ្យថ្លែងជំនួសព្រះអម្ចាស់ ។ ដោយការយល់ដឹងនូវអ្វីដែលពួកព្យាការីកំពុងបង្រៀនអំពីយុវវ័យនៅសព្វថ្ងៃនេះ អ្នកអាចមើលឃើញសិស្សរបស់អ្នកតាមរយៈព្រះនេត្ររបស់ព្រះបាន ហើយដឹងអំពីរបៀបដើម្បីជួយពួកគេគ្រប់ពេលបានកាន់តែប្រសើរ ។ របៀបមួយដើម្បីធ្វើកិច្ចការនេះ គឺត្រូវសិក្សាសារលិខិតមកពីព្យាការី ដើម្បីស្វែងរកចម្លើយចំពោះសំណួរដូចខាងក្រោម ៖

តើពួកព្យាការី និងពួកសាវកកំពុងបង្រៀនអ្វីខ្លះអំពីអត្តសញ្ញាណរបស់យុវវ័យ ?
តើថ្នាក់ដឹកនាំនៃសាសនាចក្រកំពុងសុំឲ្យយុវវ័យធ្វើអ្វីខ្លះ ?
តើពួកព្យាការី និងពួកសាវកបើកសម្ដែងអ្វីខ្លះអំពីសេចក្ដីសង្ឃឹម បំណងប្រាថ្នា អារម្មណ៍ និងការរំពឹងទុករបស់ព្រះអម្ចាស់ចំពោះយុវវ័យ ?

នៅពេលអ្នកសិក្សាពាក្យសម្ដីរបស់ពួកព្យាការីដែលនៅរស់ ដើម្បីស្វែងរកចម្លើយចំពោះសំណួរទាំងនេះ ឬសំណួរផ្ទាល់ខ្លួនមួយចំនួន នោះអ្នកនឹងរីកចម្រើននៅក្នុងការយល់ដឹងរបស់អ្នកអំពីរបៀបដែលព្រះទតទៅយុវវ័យរបស់សាសនាចក្រ ។ នៅពេលអ្នកមើលឃើញសិស្សកាន់តែច្បាស់តាមរយៈព្រះនេត្ររបស់ព្រះ នោះអ្នកនឹងត្រូវបានបំផុសគំនិតឲ្យបង្រៀន និងប្រាស្រ័យទាក់ទងជាមួយនឹងយុវវ័យតាមរបៀបដ៏ខ្ពស់ជាង និងបរិសុទ្ធជាង ។

គំរូ

បងស្រី អានថែល ហៀបនឹងចាប់ផ្តើមបង្រៀនថ្នាក់វិទ្យាស្ថានឆ្នាំទីមួយរបស់គាត់ ។ មុនពេលជួបសិស្សរបស់គាត់ គាត់បានសិក្សាសុន្ទរកថារបស់ប្រធាន ណិលសុន « ការជ្រើសរើសដែលជះឥទ្ធិពលលើភាពអស់កល្បជានិច្ច » ខណៈកំពុងពិចារណាអំពីសំណួរ « តើព្យាការីរបស់ព្រះអម្ចាស់ចង់ឲ្យខ្ញុំយល់ដឹងអ្វីខ្លះ អំពីយុវវ័យដែលខ្ញុំនឹងបង្រៀន ? » គាត់មើលឃើញកាន់តែច្បាស់តាមរបៀបដែលព្រះវរបិតាសួគ៌ទតទៅសិស្សរបស់គាត់ នៅពេលគាត់អានអត្ថបទដូចតទៅនេះ ៖ « ទីមួយ និងសំខាន់បំផុត ក្មួយៗគឺជាបុត្ររបស់ព្រះ ។ ទីពីរ ក្នុងនាមជាសមាជិកនៃសាសនាចក្រ ក្មួយៗគឺជាបុត្រនៃសេចក្ដីសញ្ញា ។ និងទីបី ក្មួយៗគឺជាសិស្សរបស់ព្រះយេស៊ូវគ្រីស្ទ » ។
បងប្រុស មូលល័រ មានការខកចិត្តដោយសារសិស្សក្នុងថ្នាក់សិក្ខាសាលារបស់គាត់ហាក់ដូចជាមិនសូវចូលរួមសោះ ។ គាត់ស្វែងរកជំនួយដោយការសិក្សាសុន្ទរកថាសន្និសីទទូទៅថ្មីៗបំផុត ដើម្បីស្វែងរកចម្លើយចំពោះសំណួរ « តើថ្នាក់ដឹកនាំសាសនាចក្របានចែកចាយអ្វីខ្លះអំពីសេចក្ដីសង្ឃឹម បំណងប្រាថ្នា អារម្មណ៍ និងការរំពឹងទុករបស់ព្រះវរបិតាសួគ៌ចំពោះយុវវ័យ ? » ទស្សនៈរបស់គាត់ចំពោះសិស្សរបស់គាត់ត្រូវបានពង្រឹង ពេលគាត់អានពាក្យពេចន៍របស់អែលឌើរ ឌៀថើរ អេហ្វ អុជដូហ្វ ៖ « មិត្តសម្លាញ់របស់ខ្ញុំអើយ ខ្ញុំសូមនិយាយឡើងវិញ ប្រសិនបើព្រះអង្គសង្គ្រោះគង់នៅទីនេះនៅថ្ងៃនេះ នោះទ្រង់នឹងសម្តែងសេចក្តីស្រឡាញ់ដ៏គ្មានទីបញ្ចប់របស់ទ្រង់ចំពោះអ្នក ទ្រង់ទុកព្រះទ័យទាំងស្រុងលើអ្នក » ( « ព្រះយេស៊ូវគ្រីស្ទគឺជាកម្លាំងនៃយុវជន » លីអាហូណា ខែវិច្ឆិកា ឆ្នាំ២០២២ ទំព័រ ១២ ) ។

សូមចុចនៅត្រង់នេះដើម្បីមើលវីដេអូអំពីគំរូនេះ ។

1:36

អនុវត្ត

សូមសិក្សាសារលិខិតមកពីព្យាការីនាពេលថ្មីៗនេះ ហើយស្វែងរកគំនិតទាំងឡាយដែលជួយអ្នកឲ្យដឹងអំពីរបៀបដែលព្រះវរបិតាសួគ៌ទតមកសិស្សរបស់អ្នក ។

រួមបញ្ចូល

សូមធ្វើបញ្ជីមួយអំពីសេចក្តីថ្លែងការណ៍មកពីព្យាការីកាលពីឆ្នាំមុន ដែលជួយអ្នកឲ្យមើលទៅយុវវ័យតាមរយៈព្រះនេត្ររបស់ព្រះវរបិតាសួគ៌ ។

ពិភាក្សា ឬជញ្ជឹងគិត

តើការមើលឃើញយុវវ័យតាមរយៈព្រះនេត្ររបស់ព្រះអាចមានឥទ្ធិពលយ៉ាងណា ទៅលើរបៀបដែលអ្នកប្រព្រឹត្តចំពោះពួកគេ ?

តើសេចក្តីថ្លែងការណ៍អ្វីខ្លះមកពីព្យាការី ដែលបានជួយអ្នកឲ្យមើលឃើញយុវវ័យតាមរបៀបដែលព្រះវរបិតាសួគ៌ទតទៅពួកគេ ហើយតើវាមានភាពខុសគ្នាអ្វីខ្លះសម្រាប់អ្នក ?
តើមានសំណួរអ្វីផ្សេងទៀតដែលអ្នកអាចជញ្ជឹងគិតបាន ពេលកំពុងសិក្សាសារលិខិតមកពីព្យាការី ដើម្បីជួយអ្នកឲ្យយល់កាន់តែច្បាស់អំពីយុវវ័យនៃសាសនាចក្រ ?

តើចង់បានបន្ថែមទៀតទេ ?

រ័សុល អិម ណិលសុន « ការជ្រើសរើសដែលជះឥទ្ធិពលលើភាពអស់កល្បជានិច្ច » ( ការប្រជុំធម្មនិដ្ឋានទូទាំងពិភពលោកសម្រាប់យុវមជ្ឈិមវ័យ ថ្ងៃទី១៥ ខែឧសភា ឆ្នាំ២០២២ ) នៅលើគេហទំព័រ ChurchofJesusChrist.org
ឌែល ជី រិនឡាន់ « Through God’s Eyes » Liahona ខែវិច្ឆិកា ឆ្នាំ២០១៥ ទំព័រ ៩៣–៩៤
ឆាដ អេច វិប « His Representatives » ( ការចាក់ផ្សាយអំពីការបំពាក់បំប៉នរបស់ថ្នាក់សិក្ខាសាលា និងថ្នាក់វិទ្យាស្ថានសាសនាប្រចាំឆ្នាំ នៅថ្ងៃទី២១ ខែមករា ឆ្នាំ២០២២ ) នៅលើគេហទំព័រ broadcasts.ChurchofJesusChrist.org

ជំនាញ

« គិតដល់សេឡេស្ទាល » អំពីសិស្សរបស់អ្នកដើម្បីជួយអ្នកឲ្យមើលឃើញពួកគេដូចជាព្រះទតឃើញពួកគេដែរ ។

កំណត់និយមន័យ

ប្រធាន រ័សុល អិម ណិលសុន បានអញ្ជើញយើងឲ្យ « គិតដល់សេឡេស្ទាល » ដោយ « មានគំនិតខាងវិញ្ញាណ » ( « គិតដល់សេឡេស្ទាល ! » លីអាហូណា ខែវិច្ឆិកា ឆ្នាំ២០២៣ ទំព័រ ១១៧ ) ។ អ្នកអាចអនុវត្តរឿងនេះជាមួយសិស្សរបស់អ្នក ហើយវាអាចជួយអ្នកឲ្យមើលឃើញពួកគេដូចព្រះទតមើលឃើញពួកគេដែរ ។ វិធីមួយដែលអាចធ្វើការណ៍នេះបានគឺ ត្រូវពិចារណាពីសិស្សម្នាក់ដែលអ្នកស្គាល់ ហើយ « គិតដល់សេឡេស្ទាល » ដោយសួរខ្លួនឯងថា «តើព្រះទ្រង់ជ្រាប និងយល់យ៉ាងណាអំពីសិស្សម្នាក់នេះ ? » ជំនាញនេះអាចអនុវត្តបាន នៅពេលណាដែលអ្នកកំពុងធ្វើការប្រាស្រ័យទាក់ទងជាមួយសិស្ស ឬគិតអំពីសិស្ស ។

គំរូ

ក្រោយពីបង្រៀនមួយថ្ងៃពេញ បងប្រុស ស្ម៊ីធ ត្រឡប់ទៅផ្ទះវិញ ។ ភរិយារបស់គាត់សួរគាត់អំពីការបង្រៀនរបស់គាត់ថ្ងៃនេះ ហើយគាត់គិតពីការចែកចាយស្ថានភាពមួយដែលគាត់មានជាមួយសិស្សម្នាក់ដែលធ្វើមិនបានល្អ ។ បន្ទាប់មក គាត់គិតអំពីការអញ្ជើញរបស់ប្រធាន ណិលសុន ឲ្យ « គិតដល់សេឡេស្ទាល » ហើយសួរខ្លួនឯងថា « តើព្រះទ្រង់ជ្រាប និងយល់យ៉ាងណាអំពីសិស្សម្នាក់នេះ ? » គាត់ចែកចាយជាមួយភរិយារបស់គាត់ថា « បងមានពេលដ៏លំបាកជាមួយសិស្សម្នាក់នៅព្រឹកនេះ ប៉ុន្តែបងមានអំណរគុណដែលបងដឹងថា ព្រះវរបិតាសួគ៌បានបញ្ជូនយុវជននេះទៅថ្នាក់របស់យើងដើម្បីទទួលបានជោគជ័យ » ។

សូមចុចនៅត្រង់នេះដើម្បីមើលវីដេអូអំពីគំរូនេះ ។

1:2

អនុវត្ត

សូមពិចារណាពីសិស្សម្នាក់ដែលអ្នកស្គាល់ ហើយ « គិតដល់សេឡេស្ទាល » អំពីនាង ឬគាត់ ។ តើព្រះទ្រង់ជ្រាប និងយល់យ៉ាងណាអំពីសិស្សម្នាក់នេះ ?
សូមពិចារណាពីសិស្សម្នាក់ទៀតដែលអ្នកស្គាល់ ហើយ « គិតដល់សេឡេស្ទាល » អំពីនាង ឬគាត់ ។ តើព្រះទ្រង់ជ្រាប និងយល់យ៉ាងណាអំពីសិស្សម្នាក់នេះ ?

ពិភាក្សា ឬជញ្ជឹងគិត

តើអ្នកបានរៀនអ្វីខ្លះតាមរយៈការអនុវត្តជំនាញនេះ ? ហេតុអ្វីបានជាវាសំខាន់ក្នុងការមើលឃើញសិស្សរបស់យើងដូចជាព្រះទតមើលឃើញពួកគេ ?
តើបទពិសោធន៍នៃការរៀនសូត្រនេះអាចមានឥទ្ធិពលយ៉ាងដូចម្ដេច នៅពេលអ្នក « គិតដល់សេឡេស្ទាល » អំពីសិស្សរបស់អ្នកយ៉ាងខ្ជាប់ខ្ជួន ?

រួមបញ្ចូល

តើអ្នកអាចធ្វើអ្វីខ្លះ ដើម្បីធ្វើឲ្យ « ការគិតដល់សេឡេស្ទាល » អំពីសិស្សរបស់អ្នកក្លាយជាទម្លាប់មួយ ?

តើចង់បានបន្ថែមទៀតទេ ?

រ័សុល អិម ណិលសុន « គិតដល់សេឡេស្ទាល ! » លីអាហូណា ខែវិច្ឆិកា ឆ្នាំ២០២៣ ទំព័រ ១១៧–១២០