« ជួយសិស្សឲ្យស្វែងរក ទទួលស្គាល់ និងធ្វើសកម្មភាពតាមវិវរណៈផ្ទាល់ខ្លួន » ជំនាញអភិវឌ្ឍន៍គ្រូបង្រៀន ៖ បង្រៀនដោយព្រះវិញ្ញាណ ( ឆ្នាំ២០២៣ )

« ជួយសិស្សឲ្យស្វែងរក ទទួលស្គាល់ និងធ្វើសកម្មភាពតាមវិវរណៈផ្ទាល់ខ្លួន » ជំនាញអភិវឌ្ឍន៍គ្រូបង្រៀន ៖ បង្រៀនដោយព្រះវិញ្ញាណ

គោលការណ៍នៃការបង្រៀនដូចជាព្រះគ្រីស្ទ ៖ បង្រៀនដោយព្រះវិញ្ញាណ

ជួយសិស្សឲ្យស្វែងរក ទទួលស្គាល់ និងធ្វើសកម្មភាពតាមវិវរណៈផ្ទាល់ខ្លួន

ជំនាញ

មុនពេលឆ្លើយនឹងសំណួរ ឬមតិរបស់សិស្ស សូមផ្អាកបន្តិច ហើយគិតសិន « តើខ្ញុំអាចសួរពួកគេអ្វីខ្លះ ? » ឬ « តើខ្ញុំអាចអញ្ជើញពួកគេឲ្យធ្វើអ្វីខ្លះ ? »

កំណត់និយមន័យ

នៅពេលសិស្សបញ្ចេញមតិ ឬសួរសំណួរ អែលឌើរ ដេវីឌ អេ បែដណា ក្នុងកូរ៉ុមនៃពួកសាវកដប់ពីរនាក់បានបង្រៀន ៖ « ជំនួសឲ្យការគិតថា ‹ តើខ្ញុំនឹងប្រាប់ពួកគេអ្វីខ្លះ ? › សូមផ្ដោតលើ ‹ តើខ្ញុំនឹងសួរពួកគេអ្វីខ្លះ ? › ហើយមិនគ្រាន់តែសួរថា ‹ តើខ្ញុំនឹងសួរពួកគេអ្វីខ្លះនោះទេ ? › ប៉ុន្ដែថែមទាំងសួរថា ‹ តើខ្ញុំនឹងអញ្ជើញពួកគេឲ្យធ្វើអ្វីខ្លះ ? › ផងដែរ » ( « An Evening with Elder David A. Bednar » [ ជំនួបជាមួយនឹងអ្នកមានសិទ្ធិអំណាចទូទៅ ថ្ងៃទី៧ ខែកុម្ភៈ ឆ្នាំ២០២០ ] នៅលើគេហទំព័រ broadcasts.ChurchofJesusChrist.org ) ។ នៅពេលគ្រូបង្រៀនសួរសំណួរថា « តើខ្ញុំអាចសួរពួកគេអ្វីខ្លះ ? » នោះគ្រូបង្រៀនអាចត្រូវបានដឹកនាំដោយព្រះវិញ្ញាណ ដើម្បីទទួលព័ត៌មានច្រើន ដើម្បីស្គាល់សិស្សកាន់តែច្បាស់ ឬដឹងអំពីរបៀបដើម្បីស្វែងរក និងធ្វើតាមវិវរណៈផ្ទាល់ខ្លួន ។

នៅពេលគ្រូបង្រៀនសួរសំណួរថា « តើខ្ញុំនឹងអញ្ជើញពួកគេឲ្យធ្វើអ្វីខ្លះ ? » នោះគ្រូបង្រៀនអាចភ្ជាប់ជាមួយនឹងព្រះវិញ្ញាណបរិសុទ្ធ ដើម្បីដឹងអំពីការអញ្ជើញអ្វីខ្លះដែលត្រូវអញ្ជើញ ហើយសិស្សអាចពិចារណាកាន់តែប្រសើរឡើង អំពីរបៀបធ្វើតាមវិវរណៈផ្ទាល់ខ្លួន ។

គំរូ

សូមរកមើលរបៀបដែលគ្រូបង្រៀនគិត មុនពេលឆ្លើយតប ៖

ពេលបញ្ចប់ថ្នាក់រៀន ម៉ារៀ ចាំសួរគ្រូអំពីរបៀបដែលនាងអាចដឹងពីភាពខុសគ្នារវាងគំនិតនាងផ្ទាល់ និងការបំផុសគំនិតមកពីព្រះវិញ្ញាណ ។
មុនពេលខ្ញុំឆ្លើយតប ខ្ញុំផ្អាកបន្តិច ហើយគិតសិន « តើខ្ញុំអាចសួរអ្វីខ្លះ ដែលអញ្ជើញនាងឲ្យស្វែងរកចម្លើយដោយខ្លួនឯងតាមរយៈវិវរណៈផ្ទាល់ខ្លួន ? » និង « តើខ្ញុំអាចអញ្ជើញនាងឲ្យធ្វើអ្វីខ្លះ ដើម្បីឲ្យនាងអាចរៀនរកចម្លើយសម្រាប់ខ្លួនឯង ? »

សូមចុចនៅត្រង់នេះដើម្បីមើលវីដេអូអំពីគំរូនេះ ។

អនុវត្ត

នៅក្នុងថ្នាក់ ចាហ្វារី សួរសំណួរដូចតទៅនេះ ៖ « តើខ្ញុំអាចប្រើដង្វាយធួនរបស់ព្រះយេស៊ូវគ្រីស្ទ ដើម្បីជួយខ្ញុំជាមួយរឿងផ្សេងទៀតក្រៅពីការអភ័យទោសបានដែរឬទេ ? »

ពីមុនឆ្លើយតបចម្លើយរបស់អ្នក សូមផ្អាកបន្តិច ហើយគិតសិនថា « តើខ្ញុំអាច … »

ចំណាំ ៖ ការអនុវត្តគឺមិនមែនជាការសួរសំណួរ ឬមិនមែនជាការផ្តល់ការអញ្ជើញនោះទេ ។ វាជាការសូមឲ្យអ្នកផ្អាកបន្ដិច ហើយគិតសិន « តើខ្ញុំអាចសួរគាត់ ឬអញ្ជើញគាត់ឲ្យធ្វើអ្វីខ្លះ ដើម្បីគាត់អាចភ្ជាប់ជាមួយព្រះវិញ្ញាណបរិសុទ្ធ ហើយរៀនរកចម្លើយសម្រាប់ខ្លួនគាត់ ? »

អេននី និយាយថា « ខ្ញុំមិនធ្លាប់រៀបការទេ ។ សមាជិកក្នុងគ្រួសារខ្ញុំច្រើននាក់ហើយដែលបានលះលែងគ្នា ដូច្នេះមិនគួរនឹងរៀបការទេ ។

ពីមុនឆ្លើយតបចម្លើយរបស់អ្នក សូមផ្អាកបន្តិច ហើយគិតសិនថា « តើខ្ញុំអាច … »
នីក សួរថា « តើអ្វីជាកិច្ចការដ៏ល្អបំផុតដែលខ្ញុំអាចធ្វើបានដើម្បីរៀបចំសម្រាប់បេសកកម្ម ? »

ពីមុនឆ្លើយតបចម្លើយរបស់អ្នក សូមផ្អាកបន្តិច ហើយគិតសិនថា « តើខ្ញុំអាច … »

ពិភាក្សា ឬជញ្ជឹងគិត

ជាទូទៅ តើអ្នកឆ្លើយតបយ៉ាងដូចម្តេច បន្ទាប់ពីបុគ្គលម្នាក់សួរសំណួរអ្នក ?
តើអ្នកបានរៀនអ្វីខ្លះអំពីការណែនាំសិស្សឲ្យស្វែងរក និងធ្វើតាមវិវរណៈផ្ទាល់ខ្លួន ?

រួមបញ្ចូល

ជារៀងរាល់ថ្ងៃនាសប្តាហ៍នេះ សូមស្រមៃគិតអំពីសិស្សម្នាក់ដែលសួរសំណួរអ្នក ។ ពីមុនអ្នកឆ្លើយតប សូមនិយាយស្ងាត់ៗក្នុងចិត្តអ្នកថា « តើខ្ញុំអាចសួរ ឬអញ្ជើញពួកគេឲ្យធ្វើអ្វីខ្លះ ដែលនឹងភ្ជាប់ពួកគេជាមួយព្រះវិញ្ញាណបរិសុទ្ធ ដើម្បីរៀនរកចម្លើយសម្រាប់ខ្លួនពួកគេ ? » បន្ទាប់មក ពេញមួយសប្តាហ៍តែម្តង នៅពេលសិស្សសួរសំណួរអ្នក ឬបញ្ចេញមតិ សូមផ្អាកបន្តិច ហើយគិតសិនអំពីសំណួរ ឬការអញ្ជើញអ្វីខ្លះដែលអ្នកអាចសួរពួកគេ ជាជាងអ្វីដែលអ្នកនឹងប្រាប់ពួកគេ ។

តើចង់បានបន្ថែមទៀតទេ ?

ដេវីឌ អេ បែដណា « An Evening with Elder David A. Bednar » ( ជំនួបជាមួយនឹងអ្នកមានសិទ្ធិអំណាចទូទៅ ថ្ងៃទី៧ ខែកុម្ភៈ ឆ្នាំ២០២០ ) នៅលើគេហទំព័រ broadcasts.ChurchofJesusChrist.org

ជំនាញ

ចែកចាយសេចក្តីថ្លែងការណ៍ដែលជួយសិស្សឲ្យស្គាល់ពេលដែលព្រះវិញ្ញាណបរិសុទ្ធកំពុងបំពេញតាមតួនាទី ឬមុខងាររបស់ទ្រង់ ។

រូបភាព

សិស្សអង្គុយនៅឯតុ

កំណត់និយមន័យ

« ការរស់នៅក្នុងពិភពលោកដែលជារឿយៗមិនខ្វល់ខ្វាយនឹងរឿងខាងវិញ្ញាណ នោះយើងទាំងអស់គ្នាត្រូវការជំនួយដើម្បីស្គាល់ព្រះសូរសៀងនៃព្រះវិញ្ញាណ ។ យើងអាចទទួលអារម្មណ៍ពីព្រះវិញ្ញាណ ដោយពុំដឹងថាជាព្រះវិញ្ញាណផងក៏មាន ។… « អំណោយទានដ៏មហិមាបំផុតមួយ ដែលអ្នកអាចផ្តល់ឲ្យក្នុងនាមជាគ្រូបង្រៀន គឺជួយអស់អ្នកដែលអ្នកបង្រៀនឲ្យរីកចម្រើន នៅក្នុងការស្វែងរកវិវរណៈផ្ទាល់ខ្លួនពេញមួយជីវិត » ( ការបង្រៀនតាមរបៀបព្រះអង្គសង្រ្គោះ [ ឆ្នាំ២០២២ ] បណ្ណាល័យដំណឹងល្អ ) ។ នៅពេលព្រះវិញ្ញាណបរិសុទ្ធកំពុងអនុវត្តតួនាទី ឬមុខងារមួយរបស់ទ្រង់ នោះគ្រូបង្រៀនអាចថ្លែងពីតួនាទី ឬមុខងារនោះ ហើយថ្លែងទីបន្ទាល់អំពីរបៀបដែលព្រះអង្គកំពុងអនុវត្តវា ។ ការណ៍នេះមានប្រយោជន៍ខ្លាំងណាស់បន្ទាប់ពីសិស្សម្នាក់បានចែកចាយអ្វីមួយ ប៉ុន្តែវាក៏អាចកើតឡើងនៅគ្រប់ពេលវេលានៅក្នុងថ្នាក់ទាំងមូលផងដែរ ។ ការធ្វើបែបនេះអាចជួយសិស្សឲ្យស្គាល់ នៅពេលព្រះវិញ្ញាណបរិសុទ្ធមានវត្តមាននៅក្នុងថ្នាក់រៀន និងពេញមួយជីវិតរបស់ពួកគេ ។

តួនាទី និងមុខងារផ្សេងៗរបស់ព្រះវិញ្ញាណបរិសុទ្ធអាចរកឃើញនៅក្នុង ៖

« បង្រៀន និងរៀនសូត្រដោយព្រះវិញ្ញាណ » នៅក្នុង « ការគ្រប់គ្រងថ្នាក់រៀន » ជំនួយបន្ថែមសម្រាប់គ្រូបង្រៀន
« ស្វែងរក និងពឹងផ្អែកលើព្រះវិញ្ញាណ » ប្រកាសដំណឹងល្អរបស់យើង ( ឆ្នាំ ២០១៩ ) ទំព័រ ១០១–១១១

គំរូ

សិស្ស ៖ « បទគម្ពីរនេះរំឭកខ្ញុំអំពីសុន្ទរកថាសន្និសីទទូទៅមួយមកពីប្រធាន ណិលសុន នៅពេលដែលលោកបានអញ្ជើញយើងឲ្យទុកឲ្យព្រះឈ្នះ » ។
គ្រូបង្រៀន ៖ « រ៉ូសា អរគុណដែលបានចែកចាយថា បទគម្ពីរនេះបានរំឭកប្អូនអំពីពាក្យដកស្រង់របស់ប្រធាន ណិលសុន ។ តួនាទីរបស់ព្រះវិញ្ញាណបរិសុទ្ធគឺដើម្បីនាំយកអ្វីៗទាំងអស់មកក្នុងការចងចាំរបស់យើង ។ ព្រះវិញ្ញាណបរិសុទ្ធគឺជាផ្នែកមួយនៃដំណើរការដែលប្អូនចងចាំពាក្យដកស្រង់នោះ » ។
បន្ទាប់ពីសិស្សបានចែកចាយបទពិសោធន៍នៃសេចក្ដីពិតដែលពួកគេបានរៀននៅក្នុងថ្នាក់ហើយ បងស្រី ឡូពេស ថ្លែងថា « សិស្សទាំងអស់គ្នា ព្រះវិញ្ញាណបរិសុទ្ធគឺជាសាក្សីនៃសេចក្ដីពិត ហើយខ្ញុំសូមអរគុណចំពោះសេចក្ដីពិតដែលទ្រង់បានធ្វើទីបន្ទាល់នៅថ្ងៃនេះតាមរយៈបទពិសោធន៍របស់ប្អូន » ។

សូមចុចនៅត្រង់នេះដើម្បីមើលវីដេអូអំពីគំរូនេះ ។

អនុវត្ត

សូមប្រើតួនាទី ឬមុខងារនៃព្រះវិញ្ញាណបរិសុទ្ធ និងមតិរបស់សិស្សនៅក្នុងតារាងខាងក្រោមនេះដើម្បីអនុវត្តនូវអ្វីដែលអ្នកអាចនិយាយដើម្បីស្គាល់តួនាទី ឬមុខងារ ។

តួនាទី ឬមុខងាររបស់ព្រះវិញ្ញាណបរិសុទ្ធ	មតិរបស់សិស្ស	សេចក្តីថ្លែងការណ៍របស់គ្រូបង្រៀន
តួនាទី ឬមុខងាររបស់ព្រះវិញ្ញាណបរិសុទ្ធ ទ្រង់ធ្វើទីបន្ទាល់ចំពោះព្រះវរបិតា និងព្រះរាជបុត្រារបស់ទ្រង់គឺព្រះយេស៊ូវគ្រីស្ទ ( សូមមើល កូរិនថូស ទី១ ១២:៣; អេធើរ ១២:៤១ ) ។	មតិរបស់សិស្ស « នៅក្នុងខគម្ពីរទាំងនេះ ខ្ញុំបានរៀនថា ព្រះយេស៊ូវគ្រីស្ទបានប្រោសអស់អ្នកដែលឈោងទៅរកទ្រង់ » ។	សេចក្តីថ្លែងការណ៍របស់គ្រូបង្រៀន
តួនាទី ឬមុខងាររបស់ព្រះវិញ្ញាណបរិសុទ្ធ ទ្រង់លើកស្ទួយ ( លើកតម្កើង ឬស្អាងខាងវិញ្ញាណ ) ទាំងគ្រូបង្រៀន និងសិស្ស ( សូមមើល កូរិនថូស ទី១ ១៤:១២; គោលលទ្ធិ និងសេចក្តីសញ្ញា ៥០:២២–២៣ ) ។	មតិរបស់សិស្ស « ខ្ញុំពិតជាចូលចិត្តអ្វីដែល ចច បាននិយាយអំពីព្រះវិហារបរិសុទ្ធ ហើយចង់បន្ថែមថា … »	សេចក្តីថ្លែងការណ៍របស់គ្រូបង្រៀន
តួនាទី ឬមុខងាររបស់ព្រះវិញ្ញាណបរិសុទ្ធ ទ្រង់ប្រទាននូវ « ផលនៃព្រះវិញ្ញាណ » ដែលរួមបញ្ចូលទាំងរឿងដូចជា សេចក្តីអំណរ សេចក្ដីស្រឡាញ់ សេចក្ដីសុខសាន្ត ការអត់ធ្មត់ និងភាពទន់ភ្លន់ ( កាឡាទី ៥:២២–២៣ ) ។	មតិរបស់សិស្ស « ខ្ញុំបានព្យាយាមធ្វើជាមនុស្សល្អជាងមុនទៅកាន់បងស្រីរបស់ខ្ញុំ » ។	សេចក្តីថ្លែងការណ៍របស់គ្រូបង្រៀន

ពិភាក្សា ឬជញ្ជឹងគិត

តើអ្នកកំពុងរៀនអ្វីខ្លះពេលអ្នកអនុវត្តសេចក្ដីថ្លែងការណ៍នីមួយៗ ?
តើសេចក្តីថ្លែងការណ៍សាមញ្ញទាំងនេះអាចជួយសិស្សរបស់យើងឲ្យយល់ និងស្គាល់អំពីរបៀបដែលព្រះវិញ្ញាណបរិសុទ្ធមានបន្ទូលជាមួយពួកគេដោយរបៀបណា ?

រួមបញ្ចូល

តើអ្នកនឹងបន្តរៀន និងថ្លែងអំពីតួនាទី និងមុខងាររបស់ព្រះវិញ្ញាណបរិសុទ្ធ កាលដែលតួនាទី និងមុខងារទាំងនោះមានវត្តមាននៅក្នុងថ្នាក់រៀនដោយរបៀបណា ?

តើចង់បានបន្ថែមទៀតទេ ?

ហ្គែរី អ៊ី ស្ទីវ៉ែនសុន « How does the Holy Ghost Help You? » Liahona ខែឧសភា ឆ្នាំ២០១៧ ទំព័រ ១១៧–១២០