Pagtudlo pinaagi sa Espiritu

Pagpamatuod kanunay ug dapita ang mga tigkat-on sa pagpakigbahin sa ilang mga pagbati, mga kasinatian, ug mga pagpamatuod.

Kahanas: Paghimo og mga pag-aghat nga motabang sa mga estudyante sa pagsulti sa ilang mga pagbati, mga kasinatian, ug pagpamatuod.

Pagpasabot

Samtang ang mga estudyante mopakigbahin sa ilang mga pagbati, mga kasinatian, ug mga pagpamatuod, ang Espiritu Santo mosaksi sa kamatuoran sa unsay ilang gisulti, sa ilang kaugalingon nga mga hunahuna ug mga kasingkasing ingon man ngadto sa uban. Ang mga pag-aghat usa ka paagi sa pagtabang kanila nga mopaambit. Kini nga mga pag-aghat sa kasagaran naglakip og duha ka bahin: Ang unang bahin nagdapit sa mga estudyante sa pagpamalandong sa ilang mga pagbati, mga kasinatian, ug mga pagpamatuod ug mahimong makonektar ngadto sa ubang mga himan sa pagtudlo, sama sa mga hulagway, mga pangutana, mga sitwasyon nga pagatun-an [case studies], mga video clip, ug mga himno. Ang ikaduha nga bahin naghatag og kahigayonan sa mga estudyante nga magsugod sa pagpakigbahin. Kini mahimong mabuhat pinaagi sa pagdapit sa mga estudyante sa paghunahuna kon unsaon nila sa pagkompleto ang usa ka wala matiwas nga pulongan. Ang mahinungdanon nga bahin niini nga mga pag-aghat mao nga kini makatabang sa mga estudyante sa pagkonektar sa Espiritu Santo nga motabang kanila nga magsugod og hunahuna mahitungod sa usa ka paagi sa pagsulti sa ilang mga pagbati, mga kasinatian, ug mga pagpamatuod.

Modelo

Litrato sa Modelo

Nagtudlo ka sa Doktrina ug mga Pakigsaad 45:1–5, ug ang baroganan mao ang “Si Jesukristo mao ang atong Manlalaban ngadto sa Amahan.” Ipakita nimo sa mga estudyante kini nga hulagway ni Jesukristo ug gamiton ang pag-aghat nga “Kon ako makasulti ni Jesukristo og usa ka rason nganong gihigugma nako Siya, ako mopaambit …”

Himno nga Modelo

Magkauban kamong nanganta sa “Buhi ang Manunubos Ko, Niini Nasayod Ako” isip usa ka klase. Dapiton nimo ang mga estudyante sa pagpangita sa ilang paborito nga mga linya nga makatabang kanila sa pagkompleto niini nga pulongan: “Ako nasayod nga si Jesukristo buhi aron sa …”

Iklik dinhi aron makakita og bidyo niini nga modelo.

Pagpraktis

Gamita ang sunod nga lima ka minuto ug tinoa ang usa ka hulagway, himno, o video clip mahitungod ni Jesukristo nga mokonektar ngadto sa usa ka baroganan o doktrina diha sa usa ka umaabot nga hut-ong sa kasulatan. Paghimo og usa ka pag-aghat nga motabang sa mga estudyante nga maghunahuna ug dayon mopaambit sa ilang mga pagbati alang ni, mga kasinatian uban ni, o mga pagpamatuod bahin ni Jesukristo nga may kalabotan ngadto sa gipili nga baroganon o doktrina.

Hisgoti o Pamalandongi

• Sa unsa nga paagi ang paghatag og usa ka pag-aghat motabang sa mga tigkat-on sa pagpaambit sa ilang mga pagbati, mga kasinatian, ug mga pagpamatuod?

• Unsa ang imong nakat-onan mahitungod sa pagtabang sa mga tigkat-on nga mobati nga mas masaligon sa pagpaambit og makahuloganon nga mga pagpamatuod ug mga pagbati?

Iapil

Paghimo og usa ka pag-aghat alang sa matag leksiyon niini nga semana nga motabang sa mga estudyante sa pagpaambit sa ilang mga pagbati, mga kasinatian, ug mga pagpamatuod.

Gusto pa og Dugang?

• “Pangulohi ang Dinasig nga mga Diskusyon,” Pagtudlo sumala sa Pamaagi sa Manluluwas (2016), 33–34

• “Ideas for Virtual Learning and Teaching [Mga Ideya alang sa Birtuwal nga Pagkat-on ug Pagtudlo],” ChurchofJesusChrist.org