Pagtudlo pinaagi sa Espiritu

Tabangi ang mga tigkat-on sa pagpangita, pag-ila, ug paglihok sa personal nga pagpadayag.

Kahanas: Sa dili pa tubagon ang pangutana o komentaryo sa estudyante, hunong ug paghunahuna, “Unsay akong ipangutana nila?” o “Unsay akong idapit kanila nga buhaton?”

Pagpasabot

Kon ang usa ka estudyante mohimo og komentaryo o mangutana, si Elder David A. Bednar sa Korum sa Napulog Duha ka Apostoles nagtudlo: “Imbis maghunahuna, ‘Unsay akong isulti kanila?’ ang kinahanglan nga hatagan og pagtagad mao nga ‘Unsa ang akong ipangutana nila?’ Ug dili lang, ‘Unsay akong ipangutana nila?’, apan usab ‘Unsay akong idapit nila nga ilang buhaton?’” (“An Evening with Elder David A. Bednar” [gabii uban sa usa ka General Authority, Peb. 7, 2020], broadcasts.ChurchofJesusChrist.org). Kon ang usa ka magtutudlo mangutana, “Unsa ang akong ipangutana nila?” ang magtutudlo mahimong magiyahan sa Espiritu Santo aron makabaton og dugang nga impormasyon aron masiguro nga ang tigkat-on mas makaklaro o makahibalo kon unsaon sa pagtabang kaniya nga mangita ug mobuhat sa personal nga pagpadayag.

Kon ang magtutudlo mangutana “Unsa ang akong idapit nila nga ilang buhaton?” ang magtutudlo makakonektar sa Espiritu Santo nga masayod kon unsa ang imbitasyon nga ihatag, ug ang estudyante mas makakonsiderar kon unsaon sa paglihok sa personal nga pagpadayag.

Modelo

Pangitaa kon sa unsang paagi ang magtutudlo maghunahuna sa dili pa motubag:

• Human sa klase, si Maria mihulat aron mangutana kon unsaon niya sa pagkahibalo sa kalainan tali sa iyang kaugalingong hunahuna ug sa mga pag-aghat sa Espiritu.

• Sa dili pa ko motubag, mohunong ko ug maghunahuna, “Unsa ang akong ipangutana nga makadapit kaniya nga makapangita sa iyang kaugalingong tubag pinaagi sa personal nga pagpadayag?” ug “Unsa ang akong ikadapit niya nga iyang buhaton aron siya mismo makakat-on sa tubag?”

Iklik dinhi aron makakita og bidyo niini nga modelo.

Pagpraktis

Sa klase, si Jafari nangutana sa mosunod: “Unsaon nako paggamit ang Pag-ula ni Jesukristo sa pagtabang kanako sa mga butang gawas sa pagpasaylo?”

Sa dili pa maghimo sa imong tubag, hunong ug paghunahuna, “Unsay akong …”

Pahinumdom: Ang pagpraktis dili ang pagpangutana o pagdapit. Kini mao ang paghangyo kanimo sa paghunong ug paghunahuna, “Unsa ang akong ipangutana kaniya o dapiton nga iyang buhaton aron siya makakonektar sa Espiritu Santo ug makat-on siya mismo sa tubag?”

Si Annie miingon, “Dili gayod ko magminyo. Daghan kaayo nga mga sakop sa akong pamilya ang nagdiborsyo na, mao nga dili na kini angay.”

Sa dili pa maghimo sa imong tubag, hunong ug paghunahuna, “Unsay akong …”

Nangutana si Nick, “Unsa ang labing maayo nga butang nga akong mahimo sa pagpangandam alang sa usa ka misyon?”

Sa dili pa maghimo sa imong tubag, hunong ug paghunahuna, “Unsay akong …”

Hisgoti o Pamalandongi

• Unsa ang imong kasagarang tubag human adunay mangutana kanimo?

• Unsa ang imong nakat-onan mahitungod sa paggiya sa mga tigkat-on sa pagpangita ug pagbuhat sa personal nga pagpadayag?

Iapil

Kada adlaw niining semanaha, hunahunaa ang usa ka estudyante nga mangutana nimo. Sa dili ka pa motubag, mosulti sa imong kaugalingon sa hilom, “Unsay akong ihangyo o idapit nila nga buhaton nga makakonektar sila sa Espiritu Santo aron makat-on sila mismo sa tubag?” Dayon, sa tibuok semana, kon ang usa ka estudyante mangutana nimo o mokomentaryo, hunong ug paghunahuna kon unsa nga pangutana o imbitasyon ang mahimo nimong ipangutana kanila kaysa unsay imong isulti kanila.

Gusto pa og Dugang?

• David A. Bednar,“An Evening with Elder David A. Bednar”(gabii uban sa General Authority, Peb. 7, 2020), broadcasts.ChurchofJesusChrist.org