Pagtudlo gikan sa mga kasulatan ug sa mga pulong sa mga propeta sa ulahing mga adlaw.

Kahanas

Pag-andam og mga imbitasyon nga makatabang sa mga estudyante sa pagkonektar sa mga kamatuoran nga makita diha sa mga kasulatan ngadto sa unsay gisulti sa buhi nga mga propeta.

Ipasabot

Ang buhi nga mga propeta motabang kanato sa pagpasabot ug sa paghatag og katin-awan sa doktrina aron kita mas epektibong makasunod ni Jesukristo. Mahimo nimong dapiton ang mga estudyante sa pagkonektar sa mga kamatuoran nga makit-an diha sa mga kasulatan ngadto sa mga pulong sa buhi nga mga propeta aron mapalawman ang ilang pagsabot sa unsay gitudlo. Kini nga mga imbitasyon kasagaran maglakip og:

• Usa ka pamahayag sa kamatuoran nga gitudlo.

• Usa ka imbitasyon sa pagsiksik sa mga propetikanhong pagtulon-an alang sa may kalabotan nga mga kamatuoran.

Modelo

• Si Sister Sosi gusto nga modapit sa mga estudyante nga ikonektar ang pagdawat og pagpadayag sama sa gitudlo diha sa Doktrina ug mga Pakigsaad 8:2–3 ngadto sa pagtulun-an sa buhi nga mga propeta. Siya nag-andam sa imbitasyon: “Human sa pagtuon sa Doktrina ug mga Pakigsaad 8:2–3, palihog pangitaa ang usa ka pamahayag gikan sa kataposan nga kinatibuk-ang komperensiya nga may kalabotan sa pagdawat og pagpadayag.”

• Si Sister Sosi gustong modapit sa mga estudyante sa pagkonektar sa pagdawat og pagpadayag sama sa gitudlo diha sa Doktrina ug mga Pakigsaad 8:2–3 ngadto pakigpulong ni Presidente Russell M. Nelson “Pagpadayag alang sa Simbahan, Pagpadayag alang sa Atong mga Kinabuhi.” Siya nag-andam sa imbitasyon: “Human magtuon sa Doktrina ug mga Pakigsaad 8:2–3, palihog tun-i ang Abril 2018 nga kinatibuk-ang komperensiya ‘Pagpadayag alang sa Simbahan, Pagpadayag alang sa Atong mga Kinabuhi’ ug ilha ang butang nga iyang mga gitudlo mahitungod sa pagdawat og pagpadayag.”

Pagpraktis

Ikonsiderar ang usa ka kamatuoran diha sa kurikulum nga mahimong kabahin sa usa ka klase nga umaabot.

• Andama ang usa ka imbitasyon nga makatabang sa mga estudyante nga makakonektar niana nga kamatuoran ngadto sa mga pulong sa buhi nga mga propeta nga ilang makit-an sa ilang kaugalingon.

• Andama ang usa ka imbitasyon nga makatabang sa mga estudyante nga makakonektar niana nga kamatuoran ngadto sa mga pulong sa buhi nga mga propeta nga ilang makit-an sa ilang kaugalingon.

Iapil

• Labing minos kausa sa usa ka semana, mag-andam og mga imbitasyon aron matabangan ang mga estudyante nga makakonektar sa mga kamatuoran diha sa mga kasulatan ngadto sa buhi nga mga propeta.

Hisgoti o Pamalandongi

• Unsa ang imong nakat-onan mahitungod sa gahom sa pagkonektar sa mga kamatuoran gikan sa mga kasulatan ngadto sa mga pulong sa buhi nga mga propeta?

• Sa unsang paagi ang pagbuhat niini diha sa imong pagtudlo makatabang sa imong mga estudyante nga mahimong mas makabig ngadto ni Jesukristo?

Gusto pa og Dugang?

• Clark G. Gilbert, “A Prophet in the Land: Current Prophetic Emphases to Young Adults” (tinuig nga sibya sa S&I , Ene. 27, 2023), ChurchofJesusChrist.org

• Neil L. Andersen, “Ang Propeta sa Dios,” Liahona, Mayo 2018, 24–27