« ជួយសិស្សឲ្យស្វែងរក ទទួលស្គាល់ និងយល់សេចក្តីពិតនៅក្នុងព្រះគម្ពីរ » ជំនាញអភិវឌ្ឍន៍គ្រូបង្រៀន ( ឆ្នាំ២០២៣ )

« ជួយសិស្សឲ្យស្វែងរក ទទួលស្គាល់ និងយល់សេចក្តីពិតនៅក្នុងព្រះគម្ពីរ » ជំនាញអភិវឌ្ឍន៍គ្រូបង្រៀន

គោលការណ៍នៃការបង្រៀនដូចជាព្រះគ្រីស្ទ ៖ បង្រៀនគោលលទ្ធិ

ជួយសិស្សឲ្យស្វែងរក ទទួលស្គាល់ និងយល់សេចក្តីពិតនៅក្នុងព្រះគម្ពីរ ។

ជំនាញ

បង្កើតការវាយតម្លៃផ្ទាល់ខ្លួនរបស់សិស្ស ដែលជួយពួកគេឲ្យទទួលស្គាល់ការយល់ដឹង និងសមត្ថភាពបច្ចុប្បន្នរបស់ពួកគេអំពីជំនាញសិក្សាព្រះគម្ពីរ ។

កំណត់និយមន័យ

ការវាយតម្លៃខ្លួនឯងគឺជារបៀបដ៏សំខាន់មួយដែលសិស្សរៀនដើម្បីអនុវត្តសិទ្ធិជ្រើសរើស និងទទួលយកភាពជាម្ចាស់ការនៃបទពិសោធន៍រៀនសូត្ររបស់ពួកគេ ។ ជារឿយៗ ការឲ្យសិស្សវាយតម្លៃជំនាញសិក្សាព្រះគម្ពីររបស់ពួកគេ នឹងជួយគ្រូបង្រៀនឲ្យដឹងអំពីការបង្កើតប្រភេទបទពិសោធន៍នៃការរៀនសូត្រ ដើម្បីជួយសិស្សឲ្យមានភាពខ្លួនទីពឹងខ្លួននៅក្នុងការសិក្សាព្រះគម្ពីររបស់ពួកគេ ។ ការវាយតម្លៃទាំងនេះអាចធ្វើបានច្រើនទម្រង់ដូចជា ការថ្លឹងថ្លែង ឃ្លាត្រិះរិះពិចារណា ឬការដាក់ចំណាត់ថ្នាក់ខ្លួនឯង ។ ការវាយតម្លៃទាំងនេះអនុញ្ញាតឲ្យគ្រូបង្រៀនជួយសិស្ស ( ១ ) វាយតម្លៃបទពិសោធន៍ការសិក្សាព្រះគម្ពីរបច្ចុប្បន្នរបស់ពួកគេ ( ២ ) ស្វែងរកការកែលម្អអ្វីខ្លះដែលពួកគេចង់ធ្វើ និងបន្ទាប់មក ( ៣ ) ជ្រើសរើសជំនាញសិក្សាមួយដែលនឹងជួយនាំទៅរកលទ្ធផលដែលចង់បាន ។

គំរូ

ខាងក្រោមនេះគឺជាគំរូនៃការវាយតម្លៃខ្លួនឯងតាមប្រភេទផ្សេងៗដែលទាក់ទងទៅនឹងជំនាញសិក្សាព្រះគម្ពីរ ៖

នៅលើរង្វាស់ពី ១ ដល់ ១០ តើខ្ញុំមានទំនុកចិត្តប៉ុនណាអំពីការស្វែងរកព្រះគ្រីស្ទនៅគ្រប់ជំពូក ?
ខ្ញុំគិតថា ខ្ញុំអាចនឹងពូកែរកឃើញព្រះយេស៊ូវគ្រីស្ទនៅគ្រប់ជំពូក ប្រសិនបើខ្ញុំ …
ជំនាញសិក្សាមួយដែលអាចជួយខ្ញុំឲ្យរកឃើញព្រះគ្រីស្ទនៅគ្រប់ជំពូកគឺ …

សូមចុចនៅត្រង់នេះដើម្បីមើលវីដេអូអំពីគំរូនេះ ។

1:31

អនុវត្ត

សូមអភិវឌ្ឍជំនាញស្វ័យវាយតម្លៃនៃជំនាញសិក្សាព្រះគម្ពីររបស់សិស្ស រួមមានទាំងធាតុបីដែលមាននៅក្នុងផ្នែក « កំណត់និយមន័យ » ។ សូមអញ្ជើញនរណាម្នាក់ឲ្យរំឭកវា និងចែកចាយរបៀបដែលពួកគេគិតថា វាមានប្រយោជន៍ ។

ពិភាក្សា ឬជញ្ជឹងគិត

តើអ្នកកំពុងរៀនអ្វីខ្លះអំពីសារៈសំខាន់នៃការជួយសិស្សឲ្យវាយតម្លៃជំនាញសិក្សាព្រះគម្ពីរផ្ទាល់ខ្លួនរបស់ពួកគេ ?
តើការជួយសិស្សឲ្យវាយតម្លៃជំនាញសិក្សាព្រះគម្ពីររបស់ពួកគេ អាចជួយបង្កើនសមត្ថភាពរបស់ពួកគេ ដើម្បីមានបទពិសោធន៍ដ៏មានអត្ថន័យជាមួយនឹងព្រះបន្ទូលរបស់ព្រះដោយរបៀបណា ?

រួមបញ្ចូល

សូមអញ្ជើញសិស្សឲ្យធ្វើការវាយតម្លៃខ្លួនឯង អំពីជំនាញសិក្សាព្រះគម្ពីរផ្ទាល់ខ្លួនរបស់ពួកគេប្រចាំសប្តាហ៍ នៅចន្លោះពីពេលឥឡូវនេះរហូតដល់ចប់ឆ្នាំសិក្សា ។

តើចង់បានបន្ថែមទៀតទេ ?

« Lesson 5: Techniques of Effective Scripture Study » Scripture Study—The Power of the Word Teacher Manual នៅលើគេហទំព័រ ChurchofJesusChrist.org
« Daily Scripture Study and Goalss » Inservice Leaders’ Resources

ជំនាញ

ពិចារណាសំណួរវាយតម្លៃដើម្បីជ្រើសរើសប្រព័ន្ធផ្សព្វផ្សាយ ដំណើររឿងផ្ទាល់ខ្លួន និងមេរៀនដែលប្រើវត្ថុដោយប្រុងប្រយ័ត្ន ។

កំណត់និយមន័យ

អែលឌើរ នែល អិល អាន់ឌើរសិន បានព្រមានគ្រូបង្រៀនថ្នាក់សិក្ខាសាលា និងថ្នាក់វិទ្យាស្ថានឲ្យ « ប្រុងប្រយ័ត្នចំពោះជម្រើសរបស់បងប្អូនជាមួយប្រព័ន្ធផ្សព្វផ្សាយ ដំណើររឿងផ្ទាល់ខ្លួន និងមេរៀនដែលប្រើវត្ថុ ។ បើប្រើដោយប្រសិទ្ធភាព នោះវាបន្ថែមចំណាប់អារម្មណ៍ និងភាពស៊ីជម្រៅ ។ បើសង្កត់ធ្ងន់ហួសកម្រិត នោះវាអាចបង្វែរចេញពីការបង្រៀនរបស់បងប្អូនបាន ។ វិធីសាស្រ្តនេះអាចគ្របដណ្តប់លើសារលិខិតនេះបាន » (« The Power of Jesus Christ and Pure Doctrine » [ សុន្ទរកថាទៅកាន់គ្រូបង្រៀនសាសនានៃប្រព័ន្ធអប់រំសាសនាចក្រ ថ្ងៃទី១១ ខែមិថុនា ឆ្នាំ២០២៣ ] បណ្ណាល័យដំណឹងល្អ ) ។ គ្រូបង្រៀនអាចយកចិត្តទុកដាក់ធ្វើតាមការប្រឹក្សានេះ ដោយពិចារណាពីសំណួរវាយតម្លៃដែលជួយពួកគេឲ្យកំណត់នូវជម្រើសរបស់ពួកគេដោយប្រុងប្រយ័ត្ន ។ ខាងក្រោមនេះជាឧទាហរណ៍នៃសំណួរដែលអ្នកអាចសួរខ្លួនឯងបាន ៖

តើចំណុចនេះបន្ថែមចំណាប់អារម្មណ៍ ឬភាពស៊ីជម្រៅក្នុងរបៀបមួយដែលមិនគ្របដណ្តប់នូវអ្វីដែលកំពុងបង្រៀនឬទេ ?
តើចំណុចនេះនឹងជួយសិស្សឲ្យយល់អំពីមាតិកានៃមេរៀននេះឬទេ ?
តើវានឹងចំណាយពេលច្រើនពេកឬទេ ?
តើវាភ្ជាប់សិស្សក្នុងថ្នាក់ទៅនឹងព្រះអង្គសង្គ្រោះ និងសារលិខិត ឬក៏ធ្វើឲ្យយើងឃ្លាតឆ្ងាយទៅវិញ ?

នៅពេលគ្រូបង្រៀនផ្អាកបន្តិចអំឡុងពេលរៀបចំមេរៀន ដើម្បីពិចារណាអំពីអ្វីដែលពួកគេមានបំណងចង់ប្រើ តាមរយៈប្រព័ន្ធផ្សព្វផ្សាយ ដំណើររឿង ឬមេរៀនដែលប្រើវត្ថុ នោះព្រះវិញ្ញាណបរិសុទ្ធនឹងជួយពួកគេឲ្យប្រុងប្រយ័ត្ន និងមិនបែកចេញពីគោលបំណងនៃសារលិខិតទេ ។

គំរូ និងការអនុវត្តខាងក្រោមនេះគឺជាឧទាហរណ៍ទូទៅ ។ ការបំពាក់បំប៉ននឹងកាន់តែមានប្រសិទ្ធភាព ប្រសិនបើគំរូ និងឱកាសអនុវត្តត្រូវបានផ្សារភ្ជាប់ទៅនឹងមេរៀនបន្ទាប់ ដែលនឹងត្រូវបានបង្រៀននៅក្នុងកម្មវិធីសិក្សា ។

គំរូ

បងស្រី ត្រយ កំពុងរៀបចំមេរៀនមួយអំពី អាលម៉ា ៥ ។ គាត់ចង់ចែកចាយមេរៀនដែលប្រើវត្ថុមួយ ។ ពេលដែលគាត់រៀបគម្រោងសកម្មភាព និងប្រមូលសម្ភារទាំងនោះ គាត់សួរខ្លួនឯងនូវសំណួរដូចតទៅនេះ ៖ « តើមេរៀនដែលប្រើវត្ថុនេះនឹងភ្ជាប់សិស្សក្នុងថ្នាក់ ទៅនឹងព្រះអង្គសង្រ្គោះ និងសារលិខិតរបស់ទ្រង់ ឬក៏ធ្វើឲ្យយើងឃ្លាតឆ្ងាយទៅវិញ ? » គាត់សម្រេចចិត្តថា វានឹងភ្ជាប់សិស្សទៅនឹងព្រះយេស៊ូវគ្រីស្ទ ហើយដាក់វានៅក្នុងផែនការមេរៀនរបស់គាត់ ។

សូមចុចនៅត្រង់នេះដើម្បីមើលវីដេអូអំពីគំរូនេះ ។

1:3

អនុវត្ត

អ្នកកំពុងរៀបចំបង្រៀនគោលការណ៍នៃការអធិស្ឋាន ។ អ្នកមានវីដេអូមួយដែលផលិតដោយសាសនាចក្រអំពីការអធិស្ឋានដែលអ្នកចង់ចែកចាយ ។ តើអ្នកអាចពិចារណាអំពីសំណួរអ្វីខ្លះ ដើម្បីសម្រេចចិត្តថា តើអ្នកនឹងប្រើវីដេអូនេះឬអត់ ? សូមប្រើសំណួរមួយ ឬច្រើនខាងលើ ឬសំណួរមួយដែលជាការសម្រេចចិត្តរបស់អ្នកផ្ទាល់ថា អ្នកចង់ប្រើវីដេអូនេះឬអត់ ។
សម្រាប់មេរៀនក្រោយ សូមស្វែងរកកន្លែងដែលអ្នកអាចប្រើប្រព័ន្ធផ្សព្វផ្សាយ ដំណើររឿងផ្ទាល់ខ្លួន និងមេរៀនដែលប្រើវត្ថុ ។ តើអ្នកអាចពិចារណាអំពីសំណួរអ្វីខ្លះ ដើម្បីសម្រេចអំពីអ្វីដែលត្រូវប្រើ ?

ពិភាក្សា ឬជញ្ជឹងគិត

តើអ្នកបានរៀនអ្វីខ្លះ ឬមានអារម្មណ៍ដូចម្តេច នៅពេលអ្នកពិចារណាអំពីជំនាញនេះ ?
តើវានឹងធ្វើឲ្យមានភាពខុសគ្នាយ៉ាងណានៅក្នុងបទពិសោធន៍នៃការរៀនសូត្រ ដើម្បីចំណាយពេលវាយតម្លៃការប្រើប្រាស់របស់អ្នកលើប្រព័ន្ធផ្សព្វផ្សាយ ដំណើររឿង និងមេរៀនដែលប្រើវត្ថុ ?

រួមបញ្ចូល

រាល់ពេលដែលអ្នករៀបចំមេរៀន សូមចំណាយពេលដើម្បីផ្អាកបន្តិច និងពិចារណាអំពីគោលបំណងរបស់អ្នកសម្រាប់ការប្រើប្រាស់ប្រព័ន្ធផ្សព្វផ្សាយ ដំណើររឿងផ្ទាល់ខ្លួន និងមេរៀនដែលប្រើវត្ថុ ។ សូមមានឆន្ទៈក្នុងការផ្លាស់ប្ដូរ និងសម្របខ្លួន នៅពេលព្រះវិញ្ញាណដឹកនាំ ។

តើចង់បានបន្ថែមទៀតទេ ?

នែល អិល អាន់ឌើរសិន « The Power of Jesus Christ and Pure Doctrine » [ សុន្ទរកថាទៅកាន់គ្រូបង្រៀនសាសនានៃប្រព័ន្ធអប់រំសាសនាចក្រ ថ្ងៃទី១១ ខែមិថុនា ឆ្នាំ២០២៣ ] បណ្ណាល័យដំណឹងល្អ