« បង្រៀនចេញពីព្រះគម្ពីរ និងប្រសាសន៍របស់ពួកព្យាការីថ្ងៃចុងក្រោយ » ជំនាញអភិវឌ្ឍន៍គ្រូបង្រៀន ៖ បង្រៀនគោលលទ្ធិ ( ឆ្នាំ ២០២៣ )
« បង្រៀនចេញពីព្រះគម្ពីរ និងប្រសាសន៍របស់ពួកព្យាការីថ្ងៃចុងក្រោយ » ជំនាញអភិវឌ្ឍន៍គ្រូបង្រៀន ៖ បង្រៀនគោលលទ្ធិ
បង្រៀនចេញពីព្រះគម្ពីរ និងប្រសាសន៍របស់ពួកព្យាការីថ្ងៃចុងក្រោយ ។
ជំនាញ
រៀបចំការអញ្ជើញដែលជួយសិស្សឲ្យភ្ជាប់សេចក្តីពិតដែលមានក្នុងបទគម្ពីរទៅនឹងអ្វីដែលពួកព្យាការីនៅរស់កំពុងមានប្រសាសន៍ ។
កំណត់និយមន័យ
ព្យាការីដែលនៅរស់ជួយយើងឲ្យយល់ និងបញ្ជាក់គោលលទ្ធិ ដើម្បីយើងអាចធ្វើតាមព្រះយេស៊ូវគ្រីស្ទបានកាន់តែមានប្រសិទ្ធភាព ។ អ្នកអាចអញ្ជើញសិស្សឲ្យភ្ជាប់សេចក្ដីពិតដែលមាននៅក្នុងព្រះគម្ពីរទៅនឹងប្រសាសន៍របស់ពួកព្យាការីដែលនៅរស់ ដើម្បីពង្រឹងការយល់ដឹងរបស់ពួកគេឲ្យបានកាន់តែស៊ីជម្រៅអំពីអ្វីដែលបានបង្រៀន ។ ជាទូទៅ ការអញ្ជើញទាំងនេះអាចរួមមាន ៖
-
សេចក្តីថ្លែងការណ៍អំពីសេចក្តីពិតដែលបានបង្រៀន ។
-
ការអញ្ជើញឲ្យស្វែងរកការបង្រៀនរបស់ព្យាការីសម្រាប់សេចក្ដីពិតដែលពាក់ព័ន្ធ ។
គំរូ
-
បងស្រី សូស៊ី ចង់អញ្ជើញសិស្សឲ្យភ្ជាប់ការទទួលវិវរណៈ ដូចដែលបានបង្រៀននៅក្នុង គោលលទ្ធិ និងសេចក្ដីសញ្ញា ៨:២–៣ ទៅនឹងការបង្រៀនរបស់ពួកព្យាការីដែលនៅរស់ ។ គាត់បានរៀបចំការអញ្ជើញនេះ ៖ « បន្ទាប់ពីការសិក្សា គោលលទ្ធិ និងសេចក្តីសញ្ញា ៨:២–៣សូមស្វែងរកសេចក្តីថ្លែងការណ៍មួយមកពីសន្និសីទទូទៅពីមុន ដែលទាក់ទងនឹងការទទួលបានវិវរណៈ » ។
-
បងស្រី សូស៊ី ចង់អញ្ជើញសិស្សឲ្យភ្ជាប់ការទទួលវិវរណៈ ដូចដែលបានបង្រៀននៅក្នុង គោលលទ្ធិ និងសេចក្ដីសញ្ញា ៨:២–៣ ទៅនឹងប្រសាសន៍របស់ប្រធាន រ័សុល អិម ណិលសុន « វិវរណៈសម្រាប់សាសនាចក្រ វិវរណៈសម្រាប់ជីវិតរបស់យើង » ។ គាត់បានរៀបចំការអញ្ជើញនេះ ៖ « បន្ទាប់ពីការសិក្សា គោលលទ្ធិ និងសេចក្តីសញ្ញា ៨:២–៣ សូមសិក្សាប្រសាសន៍របស់ប្រធាន រ័សុល អិម ណិលសុន មកពីសន្និសីទទូទៅ ខែ មេសា ឆ្នាំ ២០១៨ ‹ វិវរណៈសម្រាប់សាសនាចក្រ វិវរណៈសម្រាប់ជីវិតរបស់យើង › ហើយស្វែងរកអ្វីដែលលោកបង្រៀនអំពីការទទួលវិវរណៈ » ។
អនុវត្ត
សូមពិចារណាអំពីសេចក្តីពិតនៅក្នុងកម្មវិធីសិក្សាដែលនឹងជាផ្នែកមួយនៃមេរៀនក្រោយ ។
-
សូមរៀបចំការអញ្ជើញមួយដែលជួយសិស្សឲ្យភ្ជាប់សេចក្តីពិតទៅនឹងប្រសាសន៍របស់ពួកព្យាការីនៅរស់ ដែលពួកគេស្វែងរកឃើញដោយខ្លួនឯង ។
-
សូមរៀបចំការអញ្ជើញមួយដែលជួយសិស្សឲ្យភ្ជាប់សេចក្តីពិតទៅនឹងប្រសាសន៍របស់ពួកព្យាការីនៅរស់ នៅក្នុងសុន្ទរកថាមួយដែលអ្នកបានជ្រើសរើស ។
រួមបញ្ចូល
-
យ៉ាងហោចណាស់មួយសប្តាហ៍ម្តង សូមរៀបចំការអញ្ជើញដែលជួយសិស្សឲ្យភ្ជាប់សេចក្តីពិតដែលមានក្នុងបទគម្ពីរទៅនឹងប្រសាសន៍របស់ពួកព្យាការីដែលនៅរស់ ។
ពិភាក្សា ឬសញ្ជឹងគិត
-
តើអ្នកកំពុងរៀនអ្វីខ្លះអំពីអំណាចនៃការភ្ជាប់សេចក្តីពិតមកពីព្រះគម្ពីរទៅនឹងប្រសាសន៍របស់ពួកព្យាការីដែលនៅរស់ ?
-
តើការធ្វើបែបនេះនៅក្នុងការបង្រៀនរបស់អ្នក អាចជួយសិស្សឲ្យកាន់តែប្រែចិត្តជឿទៅលើព្រះយេស៊ូវគ្រីស្ទបានយ៉ាងដូចម្ដេច ?
តើចង់បានបន្ថែមទៀតទេ ?
-
ក្លាក ជី ហ្គីលប៊ឺត « A Prophet in the Land: Current Prophetic Emphases to Young Adults » ( ការចាក់ផ្សាយ ស.&វ. ប្រចាំឆ្នាំ នៅថ្ងៃទី ២៧ ខែ មករា ឆ្នាំ ២០២៣ ) នៅលើគេហទំព័រ ChurchofJesusChrist.org
-
នែល អិល អាន់ឌើរសិន « The Prophet of God » Ensign ឬ Liahonaខែ ឧសភា ឆ្នាំ ២០១៨ ទំព័រ ២៤–២៧