« បង្រៀនចេញពីព្រះគម្ពីរ និងប្រសាសន៍របស់ពួកព្យាការីថ្ងៃចុងក្រោយ » ជំនាញអភិវឌ្ឍន៍គ្រូបង្រៀន ៖ បង្រៀនគោលលទ្ធិ ( ឆ្នាំ២០២៣ )

« បង្រៀនចេញពីព្រះគម្ពីរ និងប្រសាសន៍របស់ពួកព្យាការីថ្ងៃចុងក្រោយ » ជំនាញអភិវឌ្ឍន៍គ្រូបង្រៀន ៖ បង្រៀនគោលលទ្ធិ

គោលការណ៍នៃការបង្រៀនដូចជាព្រះគ្រីស្ទ ៖ បង្រៀនគោលលទ្ធិ

បង្រៀនចេញពីព្រះគម្ពីរ និងប្រសាសន៍របស់ពួកព្យាការីថ្ងៃចុងក្រោយ ។

ជំនាញ

រៀបចំការអញ្ជើញដែលជួយសិស្សឲ្យភ្ជាប់សេចក្តីពិតដែលមានក្នុងបទគម្ពីរទៅនឹងអ្វីដែលពួកព្យាការីនៅរស់កំពុងមានប្រសាសន៍ ។

កំណត់និយមន័យ

ព្យាការីដែលនៅរស់ជួយយើងឲ្យយល់ និងបញ្ជាក់គោលលទ្ធិ ដើម្បីយើងអាចធ្វើតាមព្រះយេស៊ូវគ្រីស្ទបានកាន់តែមានប្រសិទ្ធភាព ។ អ្នកអាចអញ្ជើញសិស្សឲ្យភ្ជាប់សេចក្ដីពិតដែលមាននៅក្នុងព្រះគម្ពីរទៅនឹងប្រសាសន៍របស់ពួកព្យាការីដែលនៅរស់ ដើម្បីពង្រឹងការយល់ដឹងរបស់ពួកគេឲ្យបានកាន់តែស៊ីជម្រៅអំពីអ្វីដែលបានបង្រៀន ។ ជាទូទៅ ការអញ្ជើញទាំងនេះអាចរួមមាន ៖

សេចក្តីថ្លែងការណ៍អំពីសេចក្តីពិតដែលបានបង្រៀន ។
ការអញ្ជើញឲ្យស្វែងរកការបង្រៀនរបស់ព្យាការីសម្រាប់សេចក្ដីពិតដែលពាក់ព័ន្ធ ។

គំរូ និងការអនុវត្តខាងក្រោមនេះគឺជាឧទាហរណ៍ទូទៅ ។ ការបំពាក់បំប៉ននឹងកាន់តែមានប្រសិទ្ធភាព ប្រសិនបើគំរូ និងឱកាសអនុវត្តត្រូវបានផ្សារភ្ជាប់ទៅនឹងមេរៀនបន្ទាប់ ដែលនឹងត្រូវបានបង្រៀននៅក្នុងកម្មវិធីសិក្សា ។

គំរូ

បងស្រី សូស៊ី ចង់អញ្ជើញសិស្សឲ្យភ្ជាប់ការទទួលវិវរណៈ ដូចដែលបានបង្រៀននៅក្នុង គោលលទ្ធិ និងសេចក្ដីសញ្ញា ៨:២–៣ ទៅនឹងការបង្រៀនរបស់ពួកព្យាការីដែលនៅរស់ ។ គាត់បានរៀបចំការអញ្ជើញនេះ ៖ « បន្ទាប់ពីការសិក្សា គោលលទ្ធិ និងសេចក្តីសញ្ញា ៨:២–៣ សូមស្វែងរកសេចក្តីថ្លែងការណ៍មួយមកពីសន្និសីទទូទៅពីមុន ដែលទាក់ទងនឹងការទទួលបានវិវរណៈ » ។
បងស្រី សូស៊ី ចង់អញ្ជើញសិស្សឲ្យភ្ជាប់ការទទួលវិវរណៈ ដូចដែលបានបង្រៀននៅក្នុង គោលលទ្ធិ និងសេចក្ដីសញ្ញា ៨:២–៣ ទៅនឹងប្រសាសន៍របស់ប្រធាន រ័សុល អិម ណិលសុន « វិវរណៈសម្រាប់សាសនាចក្រ វិវរណៈសម្រាប់ជីវិតរបស់យើង » ។ គាត់បានរៀបចំការអញ្ជើញនេះ ៖ « បន្ទាប់ពីការសិក្សា គោលលទ្ធិ និងសេចក្តីសញ្ញា ៨:២–៣ សូមសិក្សាប្រសាសន៍របស់ប្រធាន ណិលសុន ចេញមកពីសន្និសីទទូទៅ ខែមេសា ឆ្នាំ២០១៨ ‹ វិវរណៈសម្រាប់សាសនាចក្រ វិវរណៈសម្រាប់ជីវិតរបស់យើង › ហើយស្វែងរកអ្វីដែលលោកបង្រៀនអំពីការទទួលវិវរណៈ » ។

សូមចុចនៅត្រង់នេះដើម្បីមើលវីដេអូអំពីគំរូនេះ ។

អនុវត្ត

សូមពិចារណាអំពីសេចក្តីពិតនៅក្នុងកម្មវិធីសិក្សាដែលនឹងជាផ្នែកមួយនៃមេរៀនក្រោយ ។

សូមរៀបចំការអញ្ជើញមួយដែលជួយសិស្សឲ្យភ្ជាប់សេចក្តីពិតទៅនឹងប្រសាសន៍របស់ព្យាការីដែលនៅរស់ ដែលពួកគេស្វែងរកឃើញដោយខ្លួនឯង ។
សូមរៀបចំការអញ្ជើញមួយដែលជួយសិស្សឲ្យភ្ជាប់សេចក្តីពិតទៅនឹងប្រសាសន៍របស់ព្យាការីដែលនៅរស់ នៅក្នុងសុន្ទរកថាមួយដែលអ្នកបានជ្រើសរើស ។

រួមបញ្ចូល

យ៉ាងហោចណាស់មួយសប្តាហ៍ម្តង សូមរៀបចំការអញ្ជើញដែលជួយសិស្សឲ្យភ្ជាប់សេចក្តីពិតដែលមានក្នុងបទគម្ពីរទៅនឹងប្រសាសន៍របស់ព្យាការីដែលនៅរស់ ។

1:16

ពិភាក្សា ឬជញ្ជឹងគិត

តើអ្នកកំពុងរៀនអ្វីខ្លះអំពីអំណាចនៃការភ្ជាប់សេចក្តីពិតមកពីព្រះគម្ពីរទៅនឹងប្រសាសន៍របស់ព្យាការីដែលនៅរស់ ?
តើការធ្វើបែបនេះនៅក្នុងការបង្រៀនរបស់អ្នក អាចជួយសិស្សឲ្យកាន់តែប្រែចិត្តជឿទៅលើព្រះយេស៊ូវគ្រីស្ទបានយ៉ាងដូចម្ដេច ?

តើចង់បានបន្ថែមទៀតទេ ?

ក្លាក ជី ហ្គីលប៊ឺត « A Prophet in the Land: Current Prophetic Emphases to Young Adults » ( ការចាក់ផ្សាយ ស.&វ. ប្រចាំឆ្នាំ នៅថ្ងៃទី២៧ ខែមករា ឆ្នាំ២០២៣ ) នៅលើគេហទំព័រ ChurchofJesusChrist.org
នែល អិល អាន់ឌើរសិន « The Prophet of God » Liahona ខែឧសភា ឆ្នាំ២០១៨ ទំព័រ ២៤–២៧

ជំនាញ

បង្ហាញសេចក្ដីស្រឡាញ់ និងទីបន្ទាល់របស់អ្នកចំពោះព្យាការី នៅពេលចែកចាយប្រសាសន៍របស់ពួកលោកនៅក្នុងថ្នាក់រៀន ។

កំណត់និយមន័យ

បំណងប្រាថ្នារបស់សិស្សក្នុងការធ្វើតាមព្យាការីរបស់ព្រះ អាចធ្វើឲ្យកាន់តែស៊ីជម្រៅបាន នៅពេលពួកគេឃើញ ស្តាប់ឮ ហើយទទួលអារម្មណ៍នៃសេចក្តីស្រឡាញ់របស់គ្រូបង្រៀន និងទីបន្ទាល់អំពីព្យាការី ។ មុន ឬក្រោយពេលចែកចាយប្រសាសន៍របស់ព្យាការីនៅក្នុងថ្នាក់ គ្រូបង្រៀនអាចបង្ហាញសេចក្ដីស្រឡាញ់របស់ពួកគេ ឬទីបន្ទាល់ចំពោះព្យាការីរូបនោះបាន ។ ការណ៍នេះផ្តល់ឱកាសឲ្យព្រះវិញ្ញាណបរិសុទ្ធបញ្ជាក់អំពីប្រសាសន៍ និងអារម្មណ៍របស់គ្រូបង្រៀនទៅកាន់ដួងចិត្ត និងគំនិតរបស់សិស្ស ហើយអនុញ្ញាតឲ្យសិស្សពិចារណាអំពីទីបន្ទាល់ និងអារម្មណ៍របស់ពួកគេផ្ទាល់អំពីព្យាការី ។

គំរូ

នៅពេលដែលបងស្រី អាគេរ៉ូ ត្រៀមចែកចាយពាក្យដកស្រង់មួយនៅក្នុងថ្នាក់ដែលមកពីប្រធាន រ័សុល អិម ណិលសុន គាត់ប្រាប់សិស្សរបស់គាត់ថា « ខ្ញុំគ្រាន់តែចង់ប្រាប់ប្អូនៗថា ខ្ញុំស្រឡាញ់ប្រធាន ណិលសុន ខ្លាំងណាស់ ហើយខ្ញុំគាំទ្រលោកជាព្យាការីរបស់ព្រះអម្ចាស់នៅសព្វថ្ងៃនេះ » ។ បន្ទាប់មក គាត់សុំឲ្យសិស្សអានពាក្យដកស្រង់នោះឲ្យឮៗ ។
សិស្សក្នុងថ្នាក់ទើបតែអាន នីហ្វៃទី១ ៣:៧ ហើយគ្រូបង្រៀនមានប្រសាសន៍ថា « នីហ្វៃបំផុសគំនិតខ្ញុំឲ្យ ‹ ទៅ ហើយធ្វើ › នូវអ្វីៗដែលព្រះអម្ចាស់ទ្រង់បានបញ្ជា ហើយខ្ញុំស្រឡាញ់គំរូដ៏មានឥទ្ធិពលនៃការគោរពប្រតិបត្តិរបស់លោក » ។

សូមចុចនៅត្រង់នេះដើម្បីមើលវីដេអូអំពីគំរូនេះ ។

1:9

អនុវត្ត

សូមសរសេរ ឬចែកចាយជាមួយនរណាម្នាក់អំពីរបៀបដែលអ្នកនឹងបង្ហាញសេចក្ដីស្រឡាញ់របស់អ្នកចំពោះពួកព្យាការី ឬទីបន្ទាល់របស់អ្នកអំពីពួកលោកដូចខាងក្រោមនេះ ៖

អ្នកកំពុងពិភាក្សាអំពី ម៉ូសាយ ៣:១៧ ហើយអ្នកហៀបនឹងចែកចាយសេចក្ដីថ្លែងការណ៍នេះមកពីអែលឌើរ នែល អិល អាន់ឌើរសិន ៖ « តាមរយៈអំណោយទានមិនអាចគណនាបាននៃដង្វាយធួនទ្រង់ នោះព្រះអម្ចាស់ និងព្រះអង្គសង្គ្រោះយេស៊ូវគ្រីស្ទនៃយើង ពុំគ្រាន់តែសង្គ្រោះយើងពីសេចក្ដីស្លាប់ និងប្រទានការអភ័យទោសដល់អំពើបាបយើងតាមរយៈការប្រែចិត្តប៉ុណ្ណោះទេ ទ្រង់ថែមទាំងត្រៀមព្រះកាយដើម្បីសង្គ្រោះយើងពីទុក្ខព្រួយ និងការឈឺចាប់នៃព្រលឹងរងរបួសផងដែរ » ( « Wounded » Liahona ខែវិច្ឆិកា ឆ្នាំ២០១៨ ទំព័រ ៨៥ ) ។
សិស្សម្នាក់ចែកចាយថា បទគម្ពីរមួយដែលនាងចូលចិត្ត គឺនៅពេលដែលមរមននិយាយថា « មើលចុះ ខ្ញុំជាសិស្សម្នាក់នៃព្រះយេស៊ូវគ្រីស្ទ … » ( នីហ្វៃទី៣ ៥:១៣ ) ។
អំឡុងពេលមេរៀនបន្ទាប់ អ្នកនឹងបង្រៀន ។

ពិភាក្សា ឬជញ្ជឹងគិត

តើអ្នកកំពុងរៀនអ្វីខ្លះ នៅពេលអ្នកអនុវត្តជំនាញនេះ ?
តើអ្នកបានទទួលឥទ្ធិពលយ៉ាងណាដោយសារសេចក្ដីស្រឡាញ់របស់នរណាម្នាក់ចំពោះព្យាការី ឬទីបន្ទាល់អំពីពួកព្យាការីរបស់ព្រះ ?

រួមបញ្ចូល

សូមរៀបគម្រោងចែកចាយសេចក្តីស្រឡាញ់របស់អ្នកចំពោះពួកព្យាការី ទីបន្ទាល់របស់អ្នកអំពីពួកលោក ឬទាំងពីររាល់ពេលដែលចែកចាយប្រសាសន៍របស់ពួកលោកនៅក្នុងមេរៀននាពេលខាងមុខ ។ ចូរប្រៀបធៀបបទពិសោធន៍នេះទៅនឹងគ្រាផ្សេងទៀត នៅពេលដែលសេចក្ដីថ្លែងការណ៍របស់ព្យាការីត្រូវបានចែកចាយដោយមិនបង្ហាញពីសេចក្ដីស្រឡាញ់ ឬទីបន្ទាល់ ។

តើចង់បានបន្ថែមទៀតទេ ?

Topics and Questions « Testimony » បណ្ណាល័យដំណឹងល្អ
អូលីសេស សូរ៉េស « Prophets Speak by the Power of the Holy Spirit » Liahona ខែឧសភា ឆ្នាំ២០១៨ ទំព័រ ៩៨–៩៩