“Tokoniʻi e kau akó ke nau fekumi, ʻiloʻi, mo mahino ʻa e ngaahi moʻoni ʻi he folofolá,” Fakatupulaki Ngaahi Taukei ʻa e Faiakó (2022)
“Tokoniʻi e kau akó ke nau fekumi, ʻiloʻi, mo mahino ʻa e ngaahi moʻoni ʻi he folofolá,” Fakatupulaki Ngaahi Taukei ʻa e Faiakó
Akoʻi ʻa e Tokāteliné
Tokoniʻi e kau akó ke nau fekumi, ʻiloʻi, mo mahino kiate kinautolu ʻa e ngaahi moʻoni ʻi he folofolá.
Taukeí: Faʻu ha ngaahi sivi fakafoʻituitui ʻa e tokotaha akó ʻe tokoni ke nau ʻiloʻi ai ʻenau mahinó mo e ngaahi meʻa ʻoku nau lolotonga malavá fekauʻaki mo e ngaahi taukei ako folofolá.
Fakamatalaʻi
Ko e sivi fakafoʻituituí ko ha founga mahuʻinga ia ʻoku ako ai e kau akó ke fakaʻaongaʻi ʻenau tauʻatāina ke filí pea maʻu ʻenau ngaahi aʻusia fakaakó. ʻI hono ʻai ke toutou vakaiʻi ʻe he kau akó ʻenau ngaahi taukei ako folofolá, ʻe tokoni ia ke ʻiloʻi ʻe he kau faiakó ʻa e faʻahinga aʻusia fakaako ke faʻu ke tokoni ke fakafalala pē ʻa e kau akó kiate kinautolu ʻi heʻenau ako folofolá. ʻOku sīpinga kehekehe ʻa e ngaahi sivi ko ʻení, hangē ko e fika fakafuofuá, ngaahi kupuʻi lea ʻoku ʻikai hano ngataʻangá, pe fakamaaka pē kitá. ʻOku fakaʻatā ai e kau faiakó ke tokoni ki he kau akó ke nau (1) fakafuofuaʻi ʻenau aʻusia ako folofola lolotongá, (2) ʻiloʻi ʻa e ngaahi fakalelei te nau fie fakahokó, pea (3) fili ha taukei ako ʻe tokoni ke iku ki he ola ʻoku nau fie maʻú.
Fakatātaaʻi
Ko e ngaahi sīpinga ʻeni ʻo e faʻahinga kehekehe ʻo e siviʻi fakafoʻituitui fekauʻaki mo e ngaahi taukei ako folofolá:
-
Mei he 1 ki he 10, ʻoku fēfē hoʻo falala ki hono ʻiloʻi ʻa Sīsū Kalaisi ʻi he vahe kotoa pē?
-
ʻOku ou tui te u lava ʻo toe lelei ange ʻi hono ʻiloʻi ʻa Sīsū Kalaisi ʻi he vahe kotoa pē kapau te u …
-
Ko ha taukei ako ʻe lava ʻo tokoniʻi au ke u ʻiloʻi ʻa Sīsū Kalaisi ʻi he vahe kotoa pē ko e …
Lomiʻi heni ke vakai ki ha vitiō ʻo e sīpinga ko ʻení.
Fakaangaanga
Faʻu ha sivi fakafoʻituitui ki he taukei ako folofola ʻa e tokotaha akó ʻoku fakakau ai ʻa e ngaahi meʻa ʻe tolu ʻoku lisi atu ʻi he konga “Fakamatalaʻí.” Fakaafeʻi ha taha ke ne toe vakaiʻi ia pea vahevahe pe ʻoku nau pehē ʻe tokoni fēfē.
Aleaʻí pe Fakalaulaulotó
-
Ko e hā ʻokú ke ako fekauʻaki mo e mahuʻinga ʻo hono tokoniʻi e kau akó ke vakaiʻi ʻenau taukei ako folofolá?
-
ʻE fakatupulaki fēfē e malava ʻa e kau akó ke maʻu ha aʻusia mahuʻinga ange ʻi he folofola ʻa e ʻOtuá ʻi hono tokoniʻi kinautolu ke fakafuofuaʻi ʻenau taukei ako folofolá?
Fakatahaʻi
Fakaafeʻi e kau akó ke vakaiʻi fakauike pē ʻenau taukei ako folofola fakatāutahá mei he taimí ni pea mo e fakaʻosinga ʻo e taʻu fakaakó.
Fie Ako Lahi Ange?
-
“Lesson 5: Techniques of Effective Scripture Study,” Scripture Study—The Power of the Word Teacher Manual, ChurchofJesusChrist.org
-
“Daily Scripture Study and Goals,” Inservice Leaders’ Resources