Zaj Lus Los ntawm Thawj Pawg Thawj Tswj Hwm

Cov kwv tij thiab cov muam,

Qhov uas nej yuav qhia txog Yexus Khetos txoj moo zoo yog ib lub cib fim zoo kawg nkaus! Txawm yog tau hu nej los qhia los sis tsis tau, nej yeej yog cov xib hwb. Vim nej yog ib tug thwj tim ntawm tus Xib Hwb Zoo Tshaj Plaws, Yexus Khetos, nej muaj cib fim muab Nws txoj kev kaj ci rau lwm tus pom txawm nej mus qhov twg los xij—nyob hauv tsev, hauv lub tsev koom txoos, thaum koj txhawb pab lwm tus, thiab nrog koj cov phooj ywg. Kev qhia txoj moo zoo yeej yog ib txoj kev lav ris dawb ceev. Yeej yog ib qho tseem ceeb ntawm tus Tswv txoj hauj lwm, thiab yeej yuav zoo tshaj plaws thaum peb ua raws li Nws txoj kev.

Peb caw nej los kawm ntxiv txog Yexus Khetos thiab Nws txoj kev qhia txog txoj moo zoo. Thov Vajtswv kawm txog Nws tej lus, tej yam Nws tau ua, thiab Nws tej cwj pwm, thiab siv zog coj raws nraim li Nws ntxiv. Kev Qhia Raws Li tus Cawm Seej txoj Kev yuav coj nej txoj kev.

Thawj Pawg Thawj Tswj Hwm